-

والراحة في عز التعب
تخلق يقينا من حمد
تنسيك عز الجوطة تب

#كاتاليا

في وصف المجتمع السوداني :🇸🇩
" نحن كما ترى نعيش تحت ستر المهيمن الدّيان. حياتنا كد وشظف لكن قلوبنا عامرة بالرضى قبلانين بي قسمتنا القسمها الله لينا. نصلي فروضنا ونحفظ عروضنا متحزمين ومتلزمين على نوايب الزمان وصورف القدر. الكثير لا يبطرنا والقليل لا يقلقنا، حياتنا طريقها مرسوم ومعلوم من المهد الى اللحد. والقليل العندنا عملنا بي سواعدنا ما تعدينا على حقوق انسان ولا أكلنا ربا ولا سخُت. ناس السلام وقت السلام وناس الغضب وقت الغضب. الما يعرفنا يظن اننا ضعاف اذا نفخنا الهواء يرمينا، لكننا في الحقيقة مثل شجر الحراز النابت في الحقول. "

- ضو البيت | الطيب صالح ..

حليوة يا بسامة💙..

-

شايل هم المعيشة
عشان بالحلال
ياكلو عيشة

#كاتاليا

يا البنية الحلوة زعلانة مالكي
انشاء الله تكبري ويبقى السمح حالكي
تكبري تعيشي سعيدة بين اهلك وعمك وخالكي 💛💛💛✨

حقو نجوطا ..

https://soundcloud.com/mgdaldin/at-sudan-4

طال الليل علي يا عابرة .. وين يا نجمة الفجاج.. 💙

ما بتغرينا قصور من نور
ولا بسحرنا حرير مضفور 💛💛
نحنا ناس بنريدا البَساطة

الرحمة و الخلود للشهداء 🇸🇩

-

وأنا جوفي بصبح فرح
لما تدخلو حباية بلح

#كاتاليا

يا جامع يا رقيب يا جامع يا رقيب😭😭😭😭😭💔 ناس القنوات عليكم الله اعملو إعادة توجيه انشروها و ادعو انو يتلقي بصحه و عافيه 😭😭😭

والشووق شرب..
حُزن المواوييل وانجرح..
خااطر النّهار..

يا إنـتي يا أخر قِلاع الدهشة
وكتين تنتصِب قدام مسارب الروح حياة
توقِــد فوانيس العُــمر تحمل
مشاعِل الذات رجاء
تبحر علي سُــفُــن العشــم
ياهِن عويناتـــك نجاة

#سمريه

عما قريب الهمبريب يفتح شبابيك الحبيب و الحال يطيب 💙..

-

سأتقن عندما أكبر
أمر بشاطئ الإتقان في همس
وأجني الحرفة من شمس

#كاتاليا

علمي عيوني السفر..ما البسافر في عيونك سكتو تبقى سلامة ...
ينسى احزانو و يعرف الدنيا جنبك ابتسامة 💕🌸

بس قولو لي من وين أجيب للشوق حبر شان اكتبو ؟💙

يوميات #علوب ..الحب ( نعمة )

عندنا حبوبتنا كده هي عمة أبوي (الله يرحمو) جاتنا من بلدم
نزلت عندنا ...!!! وناس البيت فرحانين بيها شديد خاصة وإنها من ريحة الوالد الذي نفتقده ...ونعلم تضحياتها من أجله وأخوانه فقد توفي جدي وتركهم صغار ...!!
اسمها ( النعمة ) وهي مره لذيذه كده ..وشخصية ...!!كانو ملقبنها بالحكومة ..!! (رغم انها الصغرى )
قالو كانت بتاجر وبتركب في ( اللوري ) وبتفاصل في المحاصيل ...اجتهدت في هذه الحياة ...وخبرت دروبها ..!! ربت اولاد اخوها ديل ومن ضمنهم والدي ... !!

( النعمة ) كانت متزوجة من ( سعدوك ) ...!! الذي رحل ولم تنجب منه ...!! وهي زوله وناااااسه كده وتحسا بيها عميييقه شديد
قلتا ليها انتي ياحبوبتي قالو راجلك ده مات وانت كنت صغيره ...!! ماعرستي مالك ...!!!؟؟
قالت لي كنتا بريدو ...!!
(فاجأتني الإجابة) ....!! 😳😂
داير (اتفنقل) من الضحك ) .....!!
قلتا ليها حب عديييل كده ...!!
قالت ياهو ( الحب ) الواحد ده ....!!! قلنا ليها ياخ هو في زمنكم دا كان في حب ..!! قالو المرا بتشوف راجلا يوم (العقد ) اول مرة في حياتا ...!!
عملتيها لي علاقة كمان ...!!!
بس قالت كده اتصلحت في (العنقريب ) كانت ( منتكيه) ......!!
قالت لي إلا ( سعدوك ) ...!!!
أخدت ليها سرحه وتنهيده طوييييلة ....!!!
وقالت الله يرحمك يا السعدوك ......!!

بتصدق ياعلوب (سعدوك ) ده كان هو الماسك البياره بتاعة المويه الزمن داك ....اها نحن بنات الحله
الحته الوحيده الممكن ( نمشيلا ) ياها المحل ده ...!!! وانا ماتشوف (كرمشتي )دي قسم المولي قاسي كنت موقفه الحله دي (قرون قرون ) 🔥💔
أها أول ما أجي اشيل المويه (سعدوك ) ده الرجفه البتدخلو تحلف تقول ميرود....!!!

( يعني ( محموم ) ...!!! (لقراء اللغات الأجنبية ) ...!!!
يعني ( حرارته مرتفعة ) لحملة النسخة الأخيرة من الايفون

والله ياعلوب الماسورة دي الايحركا الواحد فوق تحت حتي تكب المويه .....!!! أها ( سعدوك ) ده وكت يجي دوري .....!! يلاوي فيها ذي (الأسد ) النتر يكب لي المويه .....!!📭 وانا اتابع بمتعة ) 😇
أها و إنتي حاسا بالكلام ده ....!!!؟؟ باغتها بالسؤال ..!!

أجي ...كيفن ماحاسا ...!!!
إلا ماني قادرة أقول حاجه.... !!! عيب ...!!! 🙈
قلتا ليها ولا نظرة كده ...!! 😅
قالت لي
نظرة شنو يالممسوخ نحنا كنا (مبلمات ) ماشايفين قدامنا ...!!!
قلتا ليها أها وفي إحساس ...!!! 💔
قالت لي والله ياعلوب أنا وكتين كان يجي وكت المويه دي كأني ماشه الجنة ...!! وكان لي مراد ماينتهي....!!
قلتا ليها وسعدوك ...!!
قالت النسوان شكنو لي شيخ الحلة ( المحجوب ) وهو في الحسبة خالي قالنلو (سعدوك ) بكب الموية كلها للنعمة ...!!
اها والقصة دي استمرت لي متين ..!!؟؟ سألتها ....!!؟؟؟ قالت لي ...عندي ود عما لي قال دايرني ..!!
بتصدق سعدوك مرض ..!!!!😳 (مرضان باكي فاقد ) ....!! قلتا ليها اها والحصل شنو ..!!؟؟
قالت ....اهااااا ..مرض رقد (سليته ) ماعرفولو علاج ...!! وانا حسّيت سعدوك ده مرض في شاني بعد سمع الخبر الشين ده ....!! ونحن ياعلوب الزمن داك يعني مانقدر نقول حاجه ...!!! إلا أنا ياعلوب سويتلي شيتن ماسبقني عليهو زول ...!!
وانا اتابع هذا المسلسل بلهفة) ...!!
( تقولي العشق الممنوع ....!!! العشق الممنوع هنا ياخ)

أها عملتي شنو ...!!!؟
قالت لي خالي (المحجوب ) ده كان بريدني شديد دونن عن الناس ...( عجبتني دونن دي عجب )
وهو ذاتو يعني كان راجلا صعب بالحيل ..!!!
مشيتلو قلتلو ود عمي قال دايرني ...!! علا انا مابدورو ...!!!
قال لي ده كلام شنو الأعوج ده ...!!! قلتلو والله أياهو دا كلامي .... مابدورو ....!!!!
قالي في شان شنو...!! مالو ..!!؟
قلتلو قالو ( بشرب ) ...!!!!
وانا ياخالي مابدور لي زولا( بشرب ) ...!!
و إت كان بدورو لي ...!! تراني موافقة ...!!!
قسمتا ياعلوبة حبيب قساي ...!!! خليتلك خالي ده اتنفض التقول الحمى ..!!!
قال لي ...الله يلعنو الملعون ...!! والله كان قلتي دايراهو ...!!!مادام بشرب ماياخدك ...!!! لعنة الله عليه ...
اها ياعلوب (سعدوك ) سمع الخبر قام ذي العجب ...!!!
وجا لي خالي المحجوب قالو أنا بدور (النعمة ) .....!!!وكت خالي سألني ..!! قتلو البتشوفو ...!!! ضحك زييين وعاين لي ...قالي ده ذاتو بشرب ...!!!
( علا من البيارة ) ..مبروك يالنعمة ...😍😂
وعرستا (سعدوك ) ياعلوب...!! أكرمني وعزاني...!!! والله يوم واحد ماغلت علي ...!!
سعدوك ياعلوب بصلي بعد الفرض ركعتين شكر إنو الله قسمني لي ...!!
مافي زولا كان بضحكني غير سعدوك ...!! 😂 ومافي زولا سهر علي ذي سعدوك..!!! 😍
سعدوك كريم ...وراجلا حنين .... والله أراد ماقسم لي منو الجنا ...!!
بس اخدت ليها سرحة كده وبراها قعدت تدندن ....!!!
وكنتا بدور اشوفو جناك ...ياسعدوك ...!!! وكنت بدور هواك ... أنت السعدوك ....!!!

وان شاءالله فيها هناك ...ياسعدوك ...!!! جنات عدن ولقاك يالسعدوك ...!! اتهنا فيها معاك ..ياسعدوك ...!!! وأتمو ليك مناك ... أنا السعدووك ...!!! وتشيل وتقشقش في دميعاتا وتستغفر ..😰😭😭
( استغفر الله ..استغفر الله ....الله يرحمك يالسعدوك ...!!! 💔💔

اها ياعلوب ده راجلا بعرسو بعدو ...!!!!

( والرجال عندها كلهم سعدوك) ......!!!!! )

...!! أي حب هذا ووفاء ....!!! أي سحر هنا وبهاء ....(خجلتني علي سؤالي ) .....!! ( عندما كان الحب كماء البيارة ...واضحي اليوم صورة وعبارة )
قلتا ليها أها ياحبوبه ماتمشي معانا الليله....!!! قالت لي وين ...!!!؟
قلتا ليها ...!!! البياره ....!! 😂😂
تضحك سااااي ...
الله يديك العافيه أيتها الكبيرة ......!!!! كم أنت عظيمة ...!!! ( سعدوك ) الواحة ..!! والحب (نعمة )

ومافي حتي رسالة واحدة بيها نصبر شوية.... 🌹🌹😍 ..

#اشياءبسيطة ..