الشارع السوداني ✨

ﻛﻞ ﻳﻮﻡ ﻣﻦ ﺑﺎﺭﺣﻮ ﺍﺳﻮﺃ..

 
و انا و انت يلاك البحر
كل الوصايا العندي ليك 
تلقاها في خيط الشروق
المن رحيلك ما ظهر 💛💛✨

يوميات #علوب ....181 ...صينية ( القندول )

لقيت ليك ( تهاني ) بت جيرانا دي ترقص ساااي في تطبيق جديد كدا شكلو ...!! ( كل يوم يوم تطبيق )
غايتو أي نظرية طبقوها فينا ....!!

تهاني البعرفا دي هااادية كدا وما بتتكلم كتير
بس أفتح ليك صفحتا ألقى ليك اليدين ديل فوووووق ومغمتين العيون و تكورك ....!!
( عزاز علينا وشالو نوم عينينا 🎼

( ديل منو الشالو نوم عينيك ديل يا( تهاني ) ماعافي ليهم)

المهم يازول مندمجة ومندغمة شديد داخلة في الشخصية ......!!
دخلتا ليك علي صفحتا يازووول لقيتا ليك مره داخلة في دور ممثلة كدا ...!! ومره فنانة أمريكية مشهورة ماعرفتا اسما منو ...!!ومره فيديو كليب وهي سارحة
أتاري تهاني دي كانت كاتمة بس جواها وطرشقت ..💥

قلتا كدي النتأكد ...!!
سألت ( مشاعر ) قلتا ليها ...!!
إنتي دي ( تهاني ) ولا أنا غلطان ....!!
قالت لي ياها ذااااتا ...!! متابعنها وصلو سبعة ألف ...بقت ما بتتكلم معانا ...!! 😳

قالت لي إتصلتا عليها أمبارح .....!! قالت لي
( هيدا هو الحكي عن جد ...لك إشتقتلك ..) ....!!
اليومين ديل المزاج لبناني ...!!

أها والقصة دي لي متين يعني حتستمر !!؟
قالت لي سألتها قلتا ليها وييين مسجلة غياب اليومين ديل .....!! ماشايفنك ...!!؟
قالت لي مشغوله شوية مع جمهوري ...!!

( جمهورك ياتو يا ماجدة الرومي ) ......!!!!!!!😳

أها بالصدفة لاقيتا ليك العصرية تتدبا جنب الدكان... مبلمة بالتوب ...!! 👀
سلمت عليها ....!!
ردت علي بمساخة كدا ....!!
( بتكون داخلة في الشخصية ) ...!!
قلتا لبها كيفك .... !!!
قالت لي أهو مع ( السخانة ) والزهج ...!! 😏
( وشايلين الجردل الأحمر ) ...!😂
( تسمع السخانة تقول مولوده في ( ستوكهولم )
وفجأة أديتا ليك .....!
قلتا ليها... وسمنتي كدا مالك ...!!؟؟
( السؤال البكتل ....!!)
( لقد إجبرتني الشفيفة علي استخدام النووي )
وشها دا لما اتغير...!! 🙄
( عشان تاني تسلمي كويس ....)
ردت والمغسة شاقاها النص ....!! 🤨
قالت لي إمكن عشان لابسة التوب ....!!
( في محاولة لتغيير أقوالي ....!!)
( وانا زول مباديء .....) ...!!
قلنا ليها أبعدي بس من السكر والعيش ....!!!
ماتت .....🤪...........
( النووي تاني ) ...!!

لما لقيتا عايزة تقع من طولا حنيت عليها شوية قلتا أديها حبة معنويات ...!!
قلتا ليها وييين ما شايفنك قالو متألقة في ( المواقع ) ...!!!
أخدت ليها إبتسامة كدا بتاعة ( سليبرتي ...!! )
قالت لي إنتا عامل لي ( فولو ) ....!!!؟؟ 😇
قلنا ليها بي قلبي أنا عامل ليك ( بلوك ) 😎

خافت أرجما تاني ....!! غيرت الموضوع ...!
قالت لي ( مشاعر ) قاعدة في البيت ...!!؟؟
قلتا ليها موجووودة حتمشي وين .....!!

أها ( مشاعر ) حالتا أخفا شوية ....!!
بتغني مع ( المرايات ...) ...😳😳

كل ( مراية ) في البيت عندها أغنيه براها ....!!! 😳
ياربي تكون قايلاها فضائيات .....!!
( اللهم نسألك الثبات ...!! )

فعلا مشيت الدكان وجيت لقيتا في بيتنا .......!!
( مشاعر ) في المطبخ ....!! وهي ماسكا التلفون بي عصايه طويلة كدا ولافة في الحوش طالعة لايف مع الجماهير ....!!
قالت حبايبي طبعا الليلة جيت هنا لي صاحبتي حبيبتي
( شوشو ) ...!! لقيتا عامله لي مفاجأة....( باربكيو )🔥( شكلو بجنن ....!!! 😳😳
( فعلا بجنن )
( والصوت أصلو ما اللاقوني بيهو قبل شوية دا ...!!! ( مركبة صوت الغزال )
أنا داير أقع من الضحك ...!! قربت أمحطا سوط
هو نحنا اللحمة دي آخر مره كانت عيد الضحية الفات...!! تقولي لي ( باربكيو ) ....!! 😳😳
( بقينا نجيبا عينات بس ) ...!! 🥓

( عبير ) و ( فطوم ) خاتين ليهم قندولين عيش ريف 🌽🌽 في الكانون ...!!
دا ( الباربكيو ) الوحيد الشايفو لافي في البيت هسا

و(شوشو ) العاملة المفاجآة دي ...! ياها ديك تغسل في العده 🥣🥣🥄 وشاحداني مية جنية الصباح ....!!

وزولتك مواصلة التحليق في اللقاء الجماهيري دا وعلي ما يبدو إنها خرجت من نطاق الجاذبية

قالت بكره ( الويك اند ) مقيلين عند ناس جدو ( هاشم ) ...!!
طبعا جدوا هاشم دا إسمو ( معيتيق ) ..😳😳
ماعرفتا ( هاشم ) دي شنو ....!!؟
( يكون دا إسمو لمن كان صغير ياربي ...!!؟؟ )

الحاجه التانية ( معيتيق ) دا مجنن الحلة دي جن ...!! شارط ( الكفر ) بتاع الدافوري دا زي تلاته مرات كدا بالسكين ....!!
الكورة تقع عندهم في البيت شديييدة ( تنطط ) ⚽️ يرجعا ليهم جثة ....!!!
ومافي ( بت ) مالابسه طرحة بتجي لآفة بي شارع بيتم ......!!! بسكهن بالسوط ... 🏃‍♀️🏃‍♀️
وهو زول لذيذ برضو ...رقص في عرس ناس ( بكري ) جيرانا ديل ...!! حتا حت ....!!
ناس الكجم إدردقو من بالضحك ...!! 😂😂
مافي زول قادر يحدد إنو ( خرف ) ولا لسا .....!!!

غايتو ما يحمد له ....إنو أيام المظاهرات

ديك الأولاد دخلو بيتو حماهم من التاتشرات ....!!!
أها لما الأمور هدأت دايرين يطلعو وقع ليك فيهم محيط بالسوط .....!!
يضحكوا ساكت الشباب قالو معيتيق ( مندس ) ...!! 😂😂😂😂
أها دا ياهو جدو ( معيتيق ) الماشين يقيلو عندو
....!!!
بي دا كلو الناس بتحبو شديد ...قالو ( بركة ) الحلة
ولى هسا زول عارف ( معيتيق ) دي يعني شنو ...!!؟ قالو لما كان صغير مرض شديد وقالو خلاص مات ...!! 😭 ...!!فجأة بقى كويس وانعتق ...!! 😋
فسموهو ( معيتيق ) ....!!
( دي الرواية شبه الرسمية ....)
غايتو لو سمع بالخبر دا و إنو منقول علي الهوا هسا كان ضبحا البت دي ...!!
( تهاني ) دي جنت والله ....

قالت حيكون عندنا أحلى لمة في البيت الكبير ....!! 😳😳
طبعا أهل تهاني ديل متشاكلين في ورثة
البيت دا ليهم سنتين ...!! هم سبعة أسر ....!!
وهو البيت الكبير فضلن فيهو أوضة ونص ...!!
المطبخ رمتو المطرة الأخيرة دي 🌧....!!
و آخر مرة إتلاقو كأسرة ممتدة ....!! كانت في محكمة أم درمان الجزئية ....!!!⚖️

وواصلت السعيدة التغريد ...!!

قالت ليهم إنها الليلة عايزة تطير من الفرحة لأنو صاحبتا ( الأنتيم ) حتجي يوم الخميس من السفر
( دون توضيح جهة القدوم ) ...!!
لكن أوحت للجماعة إنها جاية من باريس ...!! ✈️
لأنها قالت بكل ثقة .....!!
( معناها عطري المفضل وصل ....!! 🎁📯خاصة إنو ( الإستوك ) بتاعي قرب يكمل ...) ....🤩🤩
حصولنا يا اخوانا ( إستوك) ( تهاني ) من العطر المفضل حيخلص ....!!🔮
لقيتا قبل أسبوع واقفة في كشك تركيب عطور جنبنا كدا إسمو ( أماسينا ) يخلطوا ليها في الخلطات ذكرتني حصة الكيميا ....!!😂😂😂

( مشاعر ) قالت لي صاحبتا القاصداها دي ( إخلاص بدوي )
ساكنين جنب ناس فوزية وجاية عادي كان عندهم عرس بت خالتا في ( الحصاحيصا ) ....!!😳

غايتو بس الكويسة إنو في اللقطة الأخيرة وهي رافعه عصايتا وتصور في البث المباشر دا ( كلب ) ناس صفا بت جيرانا نايم في الحيطة ظهر في الصورة ....!!

اليدين ديل جادعنهن قدااام وتآكل راسو فيهن ومستكين الكلب ....!! مفتح عين واحده .... وراخي التانية و( مدمع ) شكلو متابع اللايف دا وميت من الضحك ....!!
وكت حست إنو ظهر في الصورة وبوظ البرستيج
قالت دا ( بوبي ) حرااام عيان الليلة مودينو العيادة البيطرية ...
بس التقول بوبي سمعا قام ليك علي حيلو واتنفض ليهو نفضة التقول ضربتو كهربا ....🐕
وجا متلب من الحيطة زي الحرامي فضحا فضيحة ابن الكلب ...!! 🙈
قال مودنو العياده ...!! 😳
هو أبو صفاء ذاتو خلي الكلب ...راقد ليهو يومين في البيت يقحقح ما ودوهو العيادة ...!! شغالين فيهو قرض وكركدي وزيت سمسم دبغو دبغ ...!!
يودو ( بوبي ) ....😳😳
و ( بوبي ) دي قلعتنا من راسا الكبير دا ....الكلب دا اسم ذاتو ماعندو .....!!!
عفيت منك النباح ....!!!
ود الحاجه قال ( الكلب ) دا فنان الكلاب لما يهوهو الكلاب دي كلها بتسكت .....!! 😳
ياربي بكون بغني ليهم في شنو دا ؟؟
هوهوا حلات ( كليبة ) الطول والعوا ...هوهوا 🎼
قال سمعو مره قال ( مدنيااااو ) كان صحي كان كضب

المهم الكونتيسة ودعت جمهورا الحبيب قالت ليهم ماقادرة أصبر ...!! ريحة ( الباربكيو ) بدت تطلع ....!! ياريت لو كلكم معاي تو ( إنجووي ) .....
قالت ( إنجوي ) بتصدقو ....!! 😳😳

غايتو في دي صدقتي يالحنينة ...!!
لأنو فعلا ريحة ( القندول ) ملت البيت ...🌽يطقطق ذي الألعاب النارية ...!!! ✨💥
و( فطوم ) مفرجخة ليهو في نص الواطا منتظراهو بي لهفة ..متيييين يطلع ....!! و ( عبير ) تشيل وتهبب ....!! وكل طقة معاها ضحكة .....!!

ستأكلينه ياصغيرتي ( عيش الريف ) ....!!
وكم أرى السعادة علي مقلتيك و أنت تنتظرين الحقيقة وتستمتعين بالواقع ...!!
خلي ( تهاني ) دي تاكل ( الزيف ) وتقلب المواجع ....!!

وماراجع أنا لي مطالب

عزاز علينا شالو نوم عينينا
.....فراقم جبري ولا لا ما بي إيدينا 🎼

والله صحي ما بي إيدينا ......!!!
الله غالب بس ...!!
صحي يا توتا ......!!!!!🌽🌹

انتهى ..
#اشياءبسيطة ..

ولأن القراءة تضيف عقولاً إلى عقلك وتجارب كبيرة إلى عمرك القصير المحدود..

ولأهمية الوصول الثقافي لشباب وبنات المرحلة الثانوية، وذلك باعتبارهم جيلنا القادم؛ فسعياً منا في إثراء أفكارهم وتكوين مهارة القراءة النافعة لهم، مع تقديم ما يعينهم على فهم طبيعة تحدياتهم العمرية وحلولها.
لأجل ذلك كله
جاءت منصة قُرّاء بالتعاون مع مركز نور الثقافِي في مسابقةٍ قِرائيةٍ كُبرى
لشبابِ المرحلة الثانوية

واخترنا لكُم كتاب (هي هكذا، كيف نفهم الأشياء من حولنا)
للدكتور عبدالكريم بكّار

رابِط التسجيل للمسابقة :
https://docs.google.com/forms/d/1xq0GNWn22zMjreX3oRTrocJIOYxSdJzlaSunPAH6VDU/edit

رابط تحميل الكتاب
https://drive.google.com/file/d/18ceABQgi-CzoxPmFFn-w3ejZcIJwSdGd/view?usp=drivesdk

ورصدنا لكم 3000 ألف لكل فائز من الفائزين بالمراكز العشرة الأولى

~المسابقة للطلاب في المستويين الأول والثاني فقط ، و لم نُشرِك الطلاب في المستوى الثالت لإنشغالهم وتركيزهم على امتحانات الشهادة الثانوية نسأل الله أن يوفقهم ويسدد خطاهم ويسرّنا أن يشاركونا في المسابقات القادمة بإذن الله

مُشاركةً طيّبة... وحَظًا أوفر للجميع

#مِنصّة_قُرّاء

‏﷽

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ
يَا أَيُّهَا الَّذِينَ آمَنُوا صَلُّوا عَلَيْهِ
وَسَلِّمُوا تَسْلِيمًا ۝
ﷺ

شوارع الحلة والدكان ولون الشارع حاجه بتبهج كل ناظر ...💙🌸

تكبري انتي تشيلي حملنا
و تزيدينا ترانا كملنا 💛💛💛✨

ﺃﻛﺜﺮ ﻣﺎ ﻳﺠﻌﻞ ﺍﻹﻧﺴﺎﻥ ﻳﻌﻤﻞ ﻭﻳﺤﻠﻢ ﻭﻳﺴﻌﻰ، ﻭﻳﻄﻤﻊ ﻭﻳﻈﻠﻢ ﻭﻳﻄﻐﻰ ﻫﻮ ﻃﻮﻝ ﺍﻷﻣﻞ، ﺍﻟﺸﻌﻮﺭ ﺑﺄﻧﻪ ﻣﺎﺯﺍﻝ ﺃﻣﺎﻣﻪ ﻋﻤﺮٌ ﻣﺪﻳﺪ، ﻭﻣﻦ ﺍﻟﻤﺒﻜﺮ ﺍﻟﻘﻴﺎﻡ ﺑﻤﺎ ﻳﻔﻌﻠﻪ ﻣﻦ ﻳﺸﻌﺮ ﺑﻘﺮﺏ ﺍﻧﺘﻬﺎﺀ ﺍﻷﺟﻞ ..
ﻟﻠﺸﺎﻋﺮ ﺍﻟﻤﻐﺮﺑﻲ ﻣﺤﻤﺪ ﺑﻨﻤﻴﻠﻮﺩ ﻧﺺ ﻛﺜﻴﻒ ﻳﻠﺨﺺ ﻓﻴﻪ ﻟﺤﻈﺔ ﺍﻟﺤﻘﻴﻘﺔ ﺍﻟﺠﺎﺛﻤﺔ ﺃﻣﺎﻡ ﻃﻮﻝ ﺍﻷﻣﻞ :
ﻋﻠﻴﻨﺎ ﺃﻥ ﻧﻮﺩﻉ ﺑﻌﻀﻨﺎ ﺑﺎﺳﺘﻤﺮﺍﺭ، ﺃﻥ ﻧﺘﺒﺎﺩﻝ ﺍﻟﻮﺩﺍﻉ ﻛﻞ ﺣﻴﻦ، ﺑﻜﺜﻴﺮ ﻣﻦ ﺍﻟﺼﻤﺖ، ﻭﺍﻟﺤﻨﻮ، ﻭﺍﻟﻨﻈﺮﺍﺕ ﺍﻟﻄﻮﻳﻠﺔ ﺇﻟﻰ ﺍﻷﺑﻮﺍﺏ، ﺃﻥ ﻧﺄﻟﻒ ﺍﻟﻮﺩﺍﻋﺎﺕ، ﻛﻤﺎ ﻧﺄﻟﻒ ﺃﺳﺮّﺓ ﻧﻮﻣﻨﺎ
ﻛﻞ ﻣﻦ ﻳﺨﺮﺝ ﻭﻳﻐﻠﻖ ﺍﻟﺒﺎﺏ، ﻗﺪ ﻻ ﻳﻌﻮﺩ
ﻛﻞ ﻣﻦ ﻳﺬﻫﺐ ﺇﻟﻰ ﻣﺨﺒﺰﺓ ﻓﻲ ﺍﻟﺼﺒﺎﺡ ﺍﻟﺒﺎﻛﺮ، ﻣﺒﺘﻬﺠﺎً ﺑﻴﻮﻡٍ ﺟﺪﻳﺪ، ﻗﺪ ﻻ ﻳﻌﻮﺩ ﺇﻟﻰ ﻗﻬﻮﺗﻪ ﺍﻟﺘﻲ ﺳﺘﻔﻴﺾ ﻋﻠﻰ ﺍﻟﻨﺎﺭ
ﻛﻞ ﻣﻦ ﻳﺬﻫﺐ ﺇﻟﻰ ﺍﻟﻤﻄﺒﺦ، ﻓﻲ ﻋﻤﻖ ﺍﻟﻠﻴﻞ، ﻓﻘﻂ ﻟﻴﺸﺮﺏ، ﻗﺪ ﻻ ﻳﻌﻮﺩ ﺃﺑﺪﺍً ﺇﻟﻰ ﺃﺣﻼﻣﻪ
ﻛﻞ ﻣﻦ ﻳﻨﺎﻡ ﺑﻌﺪ ﺃﻥ ﻳﻘﻮﻝ ﻟﻨﺎ : ﺗﺼﺒﺤﻮﻥ ﻋﻠﻰ ﺧﻴﺮ، ﻗﺪ ﻻ ﻳﺴﺘﻴﻘﻆ ﺃﺑﺪﺍً
ﻛﺜﻴﺮﻭﻥ ﺧﺮﺟﻮﺍ ﻣﺒﺘﺴﻤﻴﻦ، ﻭﻟﻢ ﻳﻌﻮﺩﻭﺍ ﻓﻲ ﺍﻟﻤﺴﺎﺀ، ﻭﻻ ﻓﻲ ﺃﻱ ﻣﺴﺎﺀ
ﻛﺜﻴﺮﻭﻥ ﺍﻧﻌﻜﺴﻮﺍ ﻓﻲ ﺻﻔﺎﺀ ﺩﻣﻮﻋﻨﺎ ﻭﻫﻢ ﻳﺒﺘﻌﺪﻭﻥ ﺩﻭﻥ ﺍﻟﺘﻔﺎﺕ
ﻋﺎﺩﺕ ﺍﻟﻔﺼﻮﻝ ﻓﻲ ﺃﻭﺍﻧﻬﺎ، ﻋﺎﺩﺕ ﺍﻟﻄﻴﻮﺭ ﻣﻦ ﺍﻟﻬﺠﺮﺍﺕ، ﺃﺯﻫﺮ ﺍﻷﺻﻴﺺ ﻋﻨﺪ ﺍﻟﻨﺎﻓﺬﺓ، ﻭﻟﻢ ﻳﻌﻮﺩﻭﺍ.
#نواف_القديمي

https://youtu.be/D6RAuv_tIUQ



عشة الفلاتية✨💚

من طقوس يوم الجمعة المحببة الى قلبي ❤ ..
ريحة البخور البتصحيني من الصباح بمزاج راايق .. النقطة دي براها كفيلة بانها تزبط المزاج لحد نهاية اليوم ..
تتلوها ريحة الكسرة فوق الصاج وريحة الملاح "غالبا مفروك" .. دي كمان لحد م الصينية تتخت قدامك ريقك بكون جاري ❤🤤
وختاما ريحة قلية البن مع لمة الأحباب ف البيت الكبير وكمان معاهو بخور "لبان" ❤❤
دي حاجات بتخليني انتظر يوم الجمعة بفارغ الصبر .♡
#أريج

-

هَجَرُوا الكَلامَ إلى الدُّمُوعِ لِأنَّهُمْ

وَجَدُوا البَلاغَـــةَ كُلَّهَـا فِي الأَدْمُعِ

💔

لما كان قال ليها : " شوفي كيف يوم بكرة عامر .. "
كأنو اتوقع منها إجابة : " لا والله ما بشوف براي .. "
فإستدرك بسرعة " هاتي إيدك شان ( نشوفو ).. "💙

#الاء✍🏻

وياجمال كرفيس وشيك يبقى كيف لو تبسمي!❤

قالوا رزق الحلال طاعم..
خلي عندك أمل في الرازق..
اوع تزعل لو رزقك نقص..
باكر تنعدل عليك الارزاق💙..

يا بتاع النعناع يا منعنع 💚✨

نحنا ناس بنعيش حياتنا صافية بالنيّة السليمة💙..

يا قمر دورين أنا شفتك وين...

طبعا في الليل.. في ضفاير النيل

في رمال سهرانه و راجياك تسيل

في دموع الساقيه يرنو ليها نخيل

في وجوه فرحانه عامره بالتهليل

في عيون نعسانه غارقه في التكحيل

قالت ليهو بي لهفة حبيب قسَّاي كيف حال مُناي أصبح ؟! 😍
ما رد ليها ولا أداها جواب وبين رد وسماع ...
قال ليها: بعد صوتك نسيت الدنيا ومُحال غير همسك أتذكر ...💙💙💙