.!!؟؟ ازت افاير ...!!؟؟ واتز هابند
قايلاها حريقه الحنينة .....!!!

لكن هم ذاتم بالغو ...(.الخبيت ) ده شنو كمان ....!!!😳

غايتو اتحرجو شوية كدا ...!! قالو ليها لا مافي عوجه بس الفطور ...!!!!!

قالت ليهم whaaaaat ..!!!!! 😡😡😡

عندهم ولدم ألفي النص ده مسلط كدا اسمو (مصطفي ) عرفا مافاهمة حاجه .... أشر ليها علي خشمو ..قال ليها أكل ... أكل .....!!!

( طلع ده الوحيد البعرف لغات في البيت ده ....)

قالت ليهو بي دهشة كدا ... ( يو مين بريك فاست ....!!؟ ) ...
هو بالإحساس كدا قال ليها أيوا ..أيوا .. يس ..يس
بس قالت كدا اتلفتت ليك عليهم ...!!! وانفصمت ليك فيهم....!!
المرة دي بالانجليزي الصحي صحي ... الأصلي داك بتاع الأفلام ....!!! رصتو رص ....
ودورت ليك فيهم ....!! 😈👿
ياعديمين الذوق والإنسانية ... !! ياما مهذبين ...!!! انتو مش ناس غريبين ...!!؟؟
ده شنو العملتو ده ...!! ؟؟ معقولة بس في شخص طبيعي ممكن يعمل كده... !!!
وشبكتكم ليك ...ياظلما يامجرمين ....!! ماخلت ليهم صفحة ...في محاضرة مكتملة الأركان عن الذوق والاتيكيت ...!!! ) ...!!
غايتو الكويسة زووول فاهم حاجه مافي ....!!
كان طردوها...
( دي كان صحوها بي ( رصعة ) مخدة كان ماتت )
قالت ليهم
( اني وي ...ثانكيو ...اَي برنغ ماي فودز
دونت نيد ...!!! ) ...!!
الجماعة يتلفتو ماعرفوها قاصدة شنو.... اضطرت تستعمل سلاح ( الإشارة ) المرة دي ...!! اشرت ليهم علي شنطتا وخشما ...ودخلت كوووووو رزعت الباب وراها .....!!

( ولكن هل سيكفي هذا المخزون الاستراتيجي لبقية العام ياصغيرتي) ...!!!

المهم غايتو ( سماهر ) بس تشيل وتعاين ليك في الناس كل مايجو ضيوف يطلعوها ذي ( العروس ) يشوفوها ويرجعوها تاني .....!! قسوم مبسوط بسطة قال والله البت دي جات بي خيرا ...!!!

(التقول أبوها ...!! ) ....!!!

اها ناس ( قسوم ) ديل عندهم بيت ( جداد ) جوه البيت ....!!
ده بقي المكان المفضل لي ( سماهر ) متابعة ليك الجداد ده بالحته زي ( ناشونال جيوغرافيك ) تحلف تقول ولدتو من بطنا ....!!! ومستغربا كيف (حايم ) كدا بين الناس ....🐓 🐓🐓
لقت ليك حبوبتا ( حاجه الروضة ) دي متوهطا في نص العنقريب بتورق ليها في خدره ....!!!
وتحت الصينية لافات جدادتين🐓🐓 ذي ( الأتوس ) ....
قالت ليها بالإنجليزي فيما معناه ....

( إنّو إنتي مرا عظيمة البتجهزي الأكل للجداد بكل هذا التفاني و الإخلاص ...!! ) ...😳😳😳

غايتو الكويسة أنو الحاجه ماعارفاها بتقول في شنو ...!!! كان كفت ليها الصينية دي في نص راسا .....!!!

بس الجداد باللفليف والحوامة الكتيرة دي زهج ليك حاجة ( الروضة ) دي ....وفقدت التركيز في عملية (التوريق ) ....!! شالت ليك ( السفنجة ) دي ورزعتو ليك ...قولة فننننننن السفنحه دي لما جابت هوا ....!! وبي أعلي صوتا ... خاطبته منددة ..

( كرررر....!!! يكرك المرض ...!!!)

الجدادة دي طارت فوووق 🕊 وهي في الجو أخدت يمين ...!! جلت السفنجة بي تلاتة سنتمترات ..!! وقامت جارية ..🕊
والله اللقطة دي ده لو عادوها بالبطيء الأمريكان ذاتو كان فهمو حاجه ....) ...!!! يمين سلاح الجو الأمريكي مايعمل التفاف ذي ده ...!!✈️

أها (سماهر ) قايلا حبوبتا دي بتلاطف في الجداد بالحركة دي ....!!! ( تشيل وتتبسم ...!! )....!! 😊
لأنو ببساطة الجدادة تاني جات راجعة بعد القصف ده كلو ....!! وفي اقل من دقيقة
غايتو ( الجدادة ) ذاتا بالغت ...!!
يمين ( إدلب ) ماقصفوها بالطريقة دي ...!! 🔥

حلات ( سماهر ) قالت كيف يضربو ليها الشباك ...!!
اها شوفي الجدادة دي هسا ضربوها (نووي ) قدامك ..!! ياها دي ماخدا الموضوع عااادي والحالة واحده ...!! وتحس بيها ذاتا مبتسمة ومتماسكه كدا ... وجات تاااني تهابش ...!! وبكره برضو حتجي ....!!! وتتحاوم في نفس المكان ....!!!

جدادنا ذاتو (حنين ) ياخ ...!!!

أها ( عكرمة ) ود قسوم جري مشي كلم الكجم ...!!
قال ليهو ألحق جابو لينا بت من أمريكا عندها حاجات أكتر من الدكان ورب الكعبة ...!! 😳
الكجم اصلو ماكضب ولا أتلفت طوالي جا ليك طاير يتلفت ذي الحرامي ....سلم عليها...!!! وتكل جنبها....!!! كاتل ضلو وعامل حميل ....( المجرم ) ....!! والبنطلون مشروط ...!!! لما حننا....!!

( فربتت ( سماهر ) علي شعره بلطف وحنان ...) ...!!!

والله (الكجم ) أمو الولدتو من بطنا اخر كره هبشت شعرو العيد الفات ...!!! زولك قرب ينوم .....!!!
اها وكت القعده طالت وزهج ...طوالي خشي في المحشي...!!! قال ليها قالو عندكم حاجات ...!!؟؟ مافهمت كلامو .....!!! ؟؟
اها ناس (كجمنتو ) ديل ما بتعطلو كتير...!!! طوالي أشر ليها علي الشنط .....!!

( هي كمان مستقبلاهو جوه الأوضة التقول السفير الفرنسي ......!! ) ...

غايتو الكويسة انها فهمت طوالي ...!!! طلعت ليك البس

كويت والشوكولاتة ...!!! 🍪🍪🍩
والكجم اتشلهت ...!!! وقعد يمطق ...!!! داير يغمر ....🤢

( الشوكولاتة ادوها الجداد يايابا لمن إنتا ) ....!!!

( قالو يوم أدت الجداده (شوكلاتة ) البيت ده كلو بضحك ....!! بما فيهم( الجدادة ) ذاتا ....!!🐓

المهم الكجم لفح ليك الحاجات في الجو زي الحاوي ...وختا ليك رجلينو ديل في نص ضهرو وانطلق يعدو ....جري ( العدو )....!!! شكرًا ماقالا للبت ....(الملعون ) ...!!! تشيل وتمسح فيهو ...
ووراهو طوالي ( الوسيط الامريكي ) ( عكرمة ) ماهو ده الجابو وداير حقو ناشف ...!! والكجم غنج وزاغ ....!!! وعكرمة في خطراتو ...!!! 🏃🏿‍♂️🏃🏿‍♂️
بالله دي ولادة دي ....!!!
الله يديهم العافية بس ...!!

اها ( سماهر ) مرقت سألتم قالت ليهم انتو ( الواي فاي) حقكم ( الباسوورد ) بتاعو كم ...!!؟؟
قسوم قال بِسْم الله.....!!!! 😳😳
قايلو ( شيطان ) ....!!
أولادو عرفوهو ...!! يعاينو لي بعض ويضاحكو ....!!
واحد فيهم قال ليها هو ذاتو وينو عشان يفتحو....!!!

( انها الأمنيات عندما تلامس السقف ).😇

مره سالت عكرمة قالت ليهو إنتو عندكم ( ماكدونالدز ) هنا ..!!؟؟
مشي جاب ليها ( المعجون ) 😂😂😂😂

( ولسان حالهم يقول من أين أتت هذه الشقية ...) ....!!!

أها. دي كمان تمت ليها الناقصة ...!!! الصدمة الأولي كانت لماعرفت إنّو الكهربا بتقطع ...!!!
أها أول يوم تحضر الكهربا قطعت ....كاااااك صرخت ...قالت ....!!!

(What happened..?? I felt that I had become blind)

ترجمو للروضة حبوبتا كلاما ده قالو ليها لما الكهربا قطعت ( سماهر ) خافت قالت إنها بقت عميانه ...!!
الروضة ضحكت لما اخدت يمين ...!! 😂😂
قالت غايتو ( إنصاف ) بتي دي ماعندها ( ولادة ...!! ) ..!! عمي كباسا يا يما ....!! عليك الله شوفو جنس المغسة دي ....!!

( سماهر ) يبدو أنها اقتنعت أنها لن تستطيع الصمود طويلا في السودان الرحيب ...!!! كمان مابنفع تقول لي أهله إنو أهلكم ديل مانفعو معاي....و إنو أنا دايرة...!! ( نت ) ..( وكهربا ) ...وكلام ذي ده ....!!
لكن ( سماهر ) تعلمت من الأمريكان كيفية الوصول الي الهدف ...!!! وتحقيق المطالب .....!!!
طوالي لمت ليك في ود قسوم الوسطاني دا إسمو ( مصطفي ) اخدت معاهو ذي عشرة دقايق كدا ...!! ورتو بالظبط دورو شنو في معركتا الجاية دي ....!!

( معركة العودة الي أحضان العم سام .....!! )

جهزت كل شي واتصلت بي أمها علي ( سكايب ) وقَعَدت تحكي معاها...!!!
أول حاجه ورتا الأوضة والحاجات ...!!!
وأمها بتوصي فيها إنّو أيوا خليك بت جدعة وقدر المسؤولية و إنو هي مقدرة حجم النقلة الحاصلة ....لكن قالت ليها لازم تتأقلمي ..! وإنو ثقتي فيك كبيرة ...!!! والحياة أصلا تجارب وخبرات ...!!
ولازم تصمدي ...!! وأنها مابتشك لحظة في عزيمتا و إصرارا ....!!!

(هياااا اخوانا البت دي ماشه ( الفلوجه ) ولا شنو ...!!!؟؟ 😳😳

اها بي هنا ( سماهر ) مشتا لي أمها ذي ماهي دايرا وزادتا ليك كم ( كوز ) من عندها...!!! قالت ليها أنا مبسوطة شديد هنا ياماما ...!!! حتي الإنترنت الكنت مدمناهو خففتا منو كتير ...!! وأمها تشيل وتتبسم ....!! 😊😊واحست بتحقيق جزء من أهداف العودة الي السودان...!! قالت ليها ايوه كدا ياسمسمة عجبتيني ...!! ركزي في قرايتك ...!!!
وسماهر مواصلة ... ....!! قالت ليها وناس حبوبة ذاتم طلعو ظريفين شديد واولادم
‏... (They are so cute ) ..!! ( الكيوت ديل ناس عكرمة ) ...!! 😉

وحكت ليها عن (قسوم) و إنو هو راجل لطيف وجدع وكلو ذوق ....!!!
( أصلو ماجابت ليها سيرة إنّو لقتو مره نايم في أوضتا قال أبرد من الجامع ....!!! )

المهم قالت لي أمها اطمئني ان شاء الله أنا علي العهد ...!!
(علي العهد) دي قالتا بالعربي الفصيح وقوية كدا...!!! أمها دايرا تزغرد (جابت ليها لغة عربية فصحي كمان ....!! )

اها أمها دايرا تودعا كدا قالت ليها... ماما.. !! ماما... !! دقيقة ماتقفلي ده (مصطفي ) وَد قسوم داير يسلم عليك ....نادتو قالت ليهو ايوا تعال يابيبي...( طبعا دي أول في حياتو زول يقولو ليهو يابيبي ....!!!
وآخر مره ) ....!!

قالت ليهو اها عاين هنا في الكاميرا وسلم علي خالتو ...!!!
مصطفي يضاحك بدون سبب مستغرب في البث المباشر ده .....!!! قال ليها نحن في التلفزيون ....!!؟
أدتو ليك قرصة قالت ليهو سلم ...سلم
Say HIiii
قال ليها ازيك ياخالتو ( إنصاف ) (ده اسم أم سماهر ) ....!! ( أسامي كلها شركة ...!! ) .....
قالت ليهو اهلًا اهلًا يامصطفي ...إنت كويس ...!!
تاني ضحك مستغرب في القصة دي ...!!
قال ليها كويس ....!!
قالت لي هو أها ...!!! سماهر حلوة ومبسوطة معاكم ..!!؟
بس قال ليها كلام كدا ...طوالي الخط قطع وصوت كركبة كدا.... !!!؟؟؟
بعدها بي اقل من أسبوع سماهر كانت في أمريكا وفِي نص (تكساس ...) ✈️

طبعا نفسكم تعرفو (سماهر ) دي رجعت كيف ....!! ومصطفي كان دورو شنو .....!!؟ وقال شنو

اها مستعدين للقنبلة ...!!!

النوريكم إذن ...ونحدثكم ....
مصطفي قال لي أمها أربعة كلمات مازادم ...!!
(حفظتم ليهو البت دي ....)
مصطفي قال لي أمها ....
(سماهر كويسة بتدرسني كتب ( الجهاد ...) ...!! 😳😳😳
بس كدا أصلو مازادا ....!!! طوالي الخط قطع ....!!! ( وقطعو ) معاهو تذاكر العودة ل ( سماهر ) في ذات التوقيت ...
شفتو البت دي طلعت ( معلمة ) كيف .....!!!
حتي جملة ( وانشاءالله علي العهد ) القالتا دي برضو كانت قاصداها .....!!!
أمها ذاتا قلبا أكلا من اللغة العربية دي .....!!! أي حاجة كانت محسوبة....
كمان (المجرمة ) بعد ماوصلت هناك بكل براءة قالت لي اَهلها لييي رجعتوني ياخ ...!!!! السودان (حلوة ) شديد ....!!!
( السودان طلع مؤنث ....!!!
( زغردي يالروضة .....!!

قالو ليها مافي كلام ذي ده تاني رجلنا علي رجلك ....!!
قالت لهم وقد اطرقت رأسها الي الارض في أسي وحزن

طبعا البتشوفوهو ....!! واكيد إنتو أدرى بمصلحتي حتي اكتر مني أنا ذاتي ....!! وفِي محياها ابتسامة رضا ...!!

(وإبليس ) يتابع باهتمام ) ...!!! 👿

غادرت سماهر الي ( تكساس ) وتركت غرفتها ( لأحلى ناس ...!!!)
رمضان كلو متجدعين نايمين فيها ...وقد وسعتهم وتبقيى منها الكثير ....انها النفوس عندما تطيب ...!!
وفِي الْيَوْمَ الأخير باعو ال LG خوفا من رمي (الجمرات ) ....!! وتقاسمو ثمنة (الفرح ) ...بعد أن تبرعت به أسرة سماهر ...!! والبيت كلو ( عيد ) كما لما يعيد من قبل ...!!! والضحكات تملأ المكان ..!! وتلون الجدران .....!!
إنه الرضا والقناعة والتصالح مع الذات ....!!
( اها دي صعبة شوية عندكم ياسوسو ...) ... !!
ده ياهو كود ( الواي فاي ) بتاع ناس ( قسوم ) السألتي منو يا سماهر ....!!! بدون فاتورة وشاراته لاتنقطع .....!!!
فقط يوصل الطيبة والبساطة وصوت الضحكات .....
عرفتيهو ...!!؟؟

بس لوسمحت ممكن سؤال ياست البنات....!!!؟؟؟
أو زي ما إنتي بتحبي
Is it possible to ask you question..!??

(واي فايكم ) كم أرقامو بسراع قوليهم ليا !!؟؟
رقم الباسوورد ( ياسمهر ) قوليهم لي يابنيه
لو درتي رقم ( واي فاينا ) ..!! أرقامو بسيطة هدية
(واي فاينا ) بدون (باسوورد ) بفتح كدا بس بالنية

فاتح علي شارع النيل ...في كل ركن وزقاق
شاراتو قوية بتدخل.... بين الضل والرقراق
شايل جواهو محنة.......ريده... وحبة أشواق

( واي فايكم ) كم مفتاحو قوليهو سريع يابنيه

( واي فاينا ) بدون مفتاح فاتح علي ضَل نفاج
بفتح للكل أبوابو ..... وبمسح عرق المحتاج
وأي فاينا لقيمه هنية (والروضة ) تعوس في الصاج

بن قهوة .....وشاي المغرب ....واللمة هناك عصرية
( واي فاينا) بدون (باسوورد ) فاتح للكل حنفية
بتنقط موية المطرة.... !!
بتكب فرحة وحنيّة

هاك ( الباسوورد) يالغالية .....!!!
بتجينا متين يابنية ...!!؟؟

ملحوظة

سماهر تابعت الثورة وتفاصيلها من ( تكساس ) مع أهلها وحضرت كل الوقفات الاحتجاجية والتظاهرات والمواكب العظيمة الطلعت هناك وطلعوا فيها كل السودانيين في خروج مهيب ...وتحولت كل ونستها مع صاحباتا هناك سودانيات وأمريكيات عن الثورة و ( الصبه ) و الإعتصام وكانت دايما فخورة انها مشت السودان وهاهي الان تستعد بلهفة لقضاء الإجازة وربما الدراسة في ربوع الوطن العزيز
جايين هي وكل ناس البيت شهر ( حداشر ) ....وكلها أشواق ...وفخر ...
ثورة جابت ( سماهر ) تاني دي فعلا ( ثورة ) ماساهلة عشرات حبابك سلامات 🌹

نورتينا يا سماهر
إنتهى
- [ ]
#اشياءبسيطة ..

كيف العشم وكتين يموت
والغصة تطعن في الحلق
كيف الحنين وكتين يهز
لي زول بعيد ما بتلحق

أقاسي الغربة وأتوجع
وفِي الساحات بشد حيلي
أطوف كل المدن وأرجع
شقياً بي جرح ليلي🕊✨.

ونطلق همبريب الحن على لفح النوى الحراق..💙

نمشي باكر في الشوارع امسك ايدك واحتويها💙..

#نبأ

والرواكيب الصغيرة تبقى أكبر من مدن..❤️

5:12 AM
شاحدااك يا كريم لا تحصل خراب ..لا ارجى يوم وديرا 💙😭

يا ضل مفروش جوات الحوش
مقشوش ونضيف من قول الزيف
مرشوش بي مويه ريد وحنان💜🎶

وقد يُكثر عليك الشدائد لكي يرى فيك حسن الظن به .. فيكرمك .. 💜

سلميلنا على ضفايرك موجة موجة وكلّميها..
قولي ليها حرام تتوه فيها المواسم ونحنا بالجد نشتهيها..
سلميلنا على عيونك يوم تسهي تغروِديها
ويبقو تُفاحتين خدودك بس خدودك وين شبيها..
سلميلنا علي يدينك وشملة الريد أنسجيها..
سلميلنا علي خُطاكي عزة العاملة ومشيها..❤️✨

...

ﻓﻲ ﻛﻞ ﺻﺒﺎﺡ ﺍﻟﺤﺎﻝ ﻳﻀﻴﻖ ..
ﺷﻤﺲ ﺍﻟﻔﺮﺡ ﻻﺑﺪ ﺗﻌُﻮﺩ ..
ﺍﺭﻭﺍﺣﻜﻢ ﺍﻟﻨﻮﺭ ﻓﻲ ﺍﻟﻄﺮﻳﻖ ♡..
ﻭﺑﻜﻴﺖ ﻋﻠﻴﻚ ﻻﺑﻴﻨﻲ ﺑﻴﻨﻚ ﺫﻛﺮﻳﺎﺕ ..
ﻻ ﻛﻨﺖ ﺑﻌﺮﻑ ﻟﻴﻚ إﺳﻢ ..
ﺑﺲ ﺷﻔﺖ ﺛﻐﺮﻙ ﻣﺒﺘﺴﻢ ..
ﺑﺲ ﺑﻌﺪ ﺍيه ..
ﻭبكيت ﻋﻠﻴﻚ ﻻ ﺑﻴﻨﻲ ﺑﻴﻨﻚ ﻣﻌﺮﻓﺔ ..
ﺑﺲ ﺍﻟﺼﻔﺔ ..
ﺍﻧﻚ ﺷﻬﻴﺪ

#المجد_والخلود_لشهداء_ثورة_ديسمبر_المجيدة ❤🇸🇩

#أريج

لما يغشاك الفرح اضحك قدر ما الله ختا القدره فيك
ﺍﻧﺴﻰ ﺍﻟﻤﻮﺍﺟِﻊ ﻭﺍﻃﻤﺌِﻦ ..
ﻳﻘّﻦ ﻗﻠﻴﺒﻚ ﺑﺎﻷﻣﺎﻧﻲ ﺍﻟﻄﺎﻟﺔ ﻓﻲ ﻋﺸﻢ ﺍﻟﺰﻣﻦ💙✨

-
الحصة الحصة ..
أستاذ بيدرس وتحتو منصة ..
طلاب جاين ويسمعو قصة ..
قصة حلم مشوارو بيبدأ ..
بي سبورة و قلم ودفتر ..

#كاتاليا

يا معاين من الشباك يا احلي زول شفناك ♥️✨

ﺍﺣﻤﺮ ﺯﺍﻫﻲ ﺑﺎﻫﻲ ﻳﻠﻔﺖ ﺍﻧﺘﺒﺎﻫﻲ..

والريد من قبلك م كان ريد ♡..
ولا بعدك شفت الحنية ..

ﺍﻟﺮﻭﺍﻳﺔ ﺍﻻﻛﺜﺮ ﺷﻬﺮﺓ ﻟﻠﺮﻭﺍﺋﻰ ﺍﻟﻌﺎﻟﻢ ﺑﺎﻭﻟﻮ ﻛﻮﻳﻠﻮ ، ﻭﺗﺪﻭﺭ ﺍﺣﺪﺍﺛﻬﺎ
ﺣﻮﻝ ﺍﻟﺸﺎﺏ ﺍﻻﺳﺒﺎﻧﻰ " ﺳﻨﺘﻴﺎﻏﻮ" ﺍﻟﺬﻯ ﻳﺴﻌﻰ ﻟﺘﺤﻘﻴﻖ ﺣﻠﻤﺔ ﺍﻟﺬﻯ
ﺗﻜﺮﺭ ﺍﻛﺜﺮ ﻣﻦ ﻣﺮﺓ ﻭﺍﻟﺬﻯ ﺍﺣﺪﺍﺛﻪ ﺗﺪﻭﺭ ﺣﻮﻝ ﻛﻨﺰ ﻣﺪﻓﻮﻥ ﻓﻰ
ﺍﻻﻫﺮﺍﻣﺎﺕ ﻓﻰ ﻣﺼﺮ ﻭﻓﻰ ﺍﻟﻄﺮﻳﻖ ﻗﺎﺑﻞ " ﺳﻨﺘﻴﺎﻏﻮ" ﺍﻻﺛﺎﺭﺓ ﻭﺍﻟﺤﺐ
ﻭﺍﻟﺤﻆ ﻭﻓﻬﻢ ﺍﻟﺤﻴﺎﺓ ﻣﻦ ﻣﻨﻈﻮﺭ ﺍﺧﺮ
ﺍﻟﺮﻭﺍﻳﺔ ﺍﺟﻤﻊ ﻋﻠﻴﻬﺎ ﺍﻟﻨﻘﺎﺩ ﻛﺄﺣﺪ ﺭﻭﺍﺋﻊ ﺃﻷﺩﺏ ﺍﻟﻤﻌﺎﺻﺮ ..

ﺍﻟﺮﻭﺍﻳﺔ ﺍلخيميائي..