إعتصموا ثم صبروا ثم قُتِلوا ثم أُغرِقوا، غرقت ثم طفت اجسادهم لتذهب مع التيار صوب الشمال البارد البعيد حاملة معها احلامها، نعم صعدت ارواحهم الى خالقها. اخشى على النهر من عظمة الفجيعة، فهو ليس بقادرِِ على حمل ذلك الوزر و التكتم على ذلك الجُرم طويلاً، فمصيره ان يتكلم و يُخرج ما بداخله و إن طال الزمن، فلا تزر وازرة وزر اخرى... نهر مثقلُُ بالجمال... انا الغريق فما خوفي من البلل... لن ننسى و لن نغفر...

#حنبنيهو
#العصيان_المدني_الشامل
#Internet_Blackout_in_Sudan

يا رصاصة غدرتي بيهو...
قبل تدخلي في قليبو كنت ياخي تنبهيهو...
انو سيدك هو البيأمر وانو جابرك بس عليهو...
وكنتي تبعدي عن مسارك بالعدم كان تجرحيهو...
وكنتي تصبري بس شوية يمكن التنبيه يجيهو...
الا كنتي سريعة دايما وشلتي من نوار عينيهو...
وسبتي في جوانا وجعة ومافي غير دعواتنا ليهو...

✍🏼:شروق

#العصيان_المدني_الشامل
#دم_الشهيد_ماراح
#Internet_Blackout_in_Sudan

ايها الناس نحن من نفرٍ
عمرو الارض حيث ماقطنو
يذكر المجد كل ما ذكروا
وهو يعتزُ حين يقترن ✌️

نجاح ساحق للعصيان المدني في أيامه الثلاثة
والقادم اجمل بإذن الله..
عقبال ما نفرح في فضائات وطن ارحب وأجمل.

#حنبنيهو
#Internet_Blackout_in_Sudan

قوى إعلان الحرية والتغيير

تصريح

التقى اليوم الأربعاء ١٢ يونيو ٢٠١٩ وفد من قوى إعلان الحرية والتغيير بمساعد وزير الخارجية الأمريكية للشئون الأفريقية، تيبور ناغي، والمبعوث الأمريكي الخاص للسودان دونالد بوث. تناول اللقاء الوضع في السودان وضرورة انتقال مقاليد الحكم إلى سلطة مدنية انتقالية، كما تمت مناقشة مستفيضة لأحداث مجزرة القيادة العامة وأحداث القتل والترويع في مدن وقرى السودان المختلفة التي صاحبت المجزرة في وبعد ٣ يونيو ٢٠١٩، وضرورة التحقيق الشفاف والمسنود دولياً في هذه الأحداث وتقديم من أمر وخطط ودبر ونفذ للمحاسبة والمحاكمات العادلة.

وقد أكد الطرفان في اللقاء على الآتي:
- ضرورة انتقال مقاليد الحكم في البلاد إلى سلطة مدنية انتقالية في أقرب وقت تحقيقاً لتطلعات الشعب السوداني ومكتسبات ثورته
- التأكيد على الترحيب بمبادرة الأشقاء في دولة إثيوبيا بقيادة رئيس الوزراء آبي أحمد للوساطة وما توصلت إليه حتى الآن ودعم كافة جهودها
- تحمل المجلس العسكري الانقلابي للمسئولية عن مجزرة فض اعتصام القيادة وما تبعها من أحداث، وضرورة تكوين لجنة تحقيق مسنودة دولياً لتقصي الحقائق وتقديم الجناة للعدالة.
- ضرورة سحب القوات العسكرية والمليشيات من المناطق السكنية في المدن والقرى فوراً واستبدالها بقوات الشرطة لحفظ الأمن
- إطلاق سراح كل المعتقلين السياسيين فوراً
- إعادة ورفع الحظر عن خدمات الانترنت بالبلاد وكفالة الحريات الإعلامية

قوى إعلان الحرية والتغيير
١٢ يونيو ٢٠١٩

يوميات #علوب ....دوري المجموعات

طبعا اليومين ديل من الواحد من الزعل والغضب بس نار وشبت .... !! علي اخوانا الاستشهدوا ديل لكن ان شاءالله حقهم مايروح
المهم طبعا كلنا ( متنشنين ) مع الأوضاع العجيبة دي لكن في النهاية واثقين إننا حننتصر...!! والله جد ...!! حق اخوانا ديل الله ما بضيعو ساكت كدا .....

المهم لاقيت ليك ( خليل ) صاحبي داك بتتذكروهو طبعا ...خليل ياخ ....خليل الراكز ...!!
طبعا كان ساكن سكنه في القيادة ...أها يوم حصلت الكارثة دي أمو كانت عيانه دا اليوم الوحيد المشي فيهو البيت نام معاها ....ولي هسا زعلان عايز يموت ...!! قال حاسي إنو خان الشهدا ،...!!
( شوف الناس ديل شفافة كيف ) ...!!
المهم اتبسطا جدا إني لاقيتو لانو ( خليل ) دا أكتر زول بديني الزيت ....!!
من الجامعة ( أبو الخل ) دا كدا .. .....!!
قلتا ليهو ياخليل ياخ أنا بقيت أقلق بالجد ....!!
نحن ماشين علي وين ...!!!؟.
قال لي ماشين الي غاياتنا...!!
( شوف غاياتنا دي ذاتا كيف ) ...!!
قلتا ليهو لكن ماحاسي إنو البعملوهو معانا الناس ديل ما طبيعي ...!!! قال لي لأنو ببساطة نحنا ماطبيعين فلازم يعملو كدا ...!! انت ما قريت فيزيا ....
السلمية دي ياعلوب اقوي من كل الدوشكات الشايفا لافا دي ....!!
قلتا ليهو طمنتني والله الله يطمنك ...!!

قال لي كدي تعال أقول ليك منو الشغال في البلد دي بالجنبة ....كدا ...
قلتا ليهو هات ....

قال لي هم تلاته مجموعات ......!!

اولا حاجه في ( التلاته العجيبين ) ...!!
ضحكتا قلتا ليهو ديل منو ديل ...!!؟

واتصلح كدا في القعدة وبدا يحكي لي ....!! وانا بس بسمع ....!!! وخليل لما بحكي ما تقاطعو ....!!
تسمع بس ......
وادعوكم لتسمعوا معي إفادات ( الخليل )

قال لي اولا التلاتة العجيبين ديل ....حنينيييين كدا بحكو
ليك بي كل أسي وحزن ...تقرب تبكي ...
زي دا ....
( ياسلااام ياخوانا بالجد التفريط في هناي داك ...ولا التاني المعاهو ...!! ولا منو كدا ماعارف ...دا بالجد خسارة كبيرة للثورة ...
( ومرات كمان بقول ليك ثورتنا عديل كدا بالدرب شدة ما الله ادا ...!! وبكون هو من الناس الفرتقت الاعتصام )

اها يقول ليك يا اخوانا الناس دي ناضلت من أول يوم بس إنتو ما أديتوها حقها ( ما عرفناها ثورة ولا عزومة )
فحقو الناس تقعد تتناقش مع الناس دي وتصلو لي نتيجة ....( لايف برضو ولا أحسن نخش واتس ) ...!!
ويضيف بائسا ....والله نحن محتاجين نتوحد اكتر من أي وكت فات ......والبلد دي فيها مية قوي تغيير وحرية و ( حوا ) والدا ( دايرين يولدوها قيصري ( حوا ) المسكينة )
وأول جنين مستنسخ في السودان .....بعد النعجة دوللي بختنا
(👏👏👏)
خطاب حنين شديد مش
بس كدا ياعلوب يرمي ليك كلامو دا بكل قوة عين ويفوت ....!!
اها ياعلوب ديل بطلعوا .....!! بخشو التانين

وديل بكونو ( شرسين ) شوية ....مازي ديك ...!!
مع غضبة كدا وصرصير في الوش وحالة أسي عشان التأثير يكون كبير...وديل بركزوا علي الوطن الجريح الضايع ......

اسمعن بقولو شنو ....

( ياجماعة بالجد كفانا ....!! تعبنا خلاص ...!! وحال البلد وقف ...!! حقو نتلفت للبلد دي شوية ونبطل التشرذم و الإنقسام دا ...( مرات بستعملو لفظ الإنقسام ( الحاد ) ...!! معجبين بكلمة ( الحاد ) دي من زمان )

وبواصلو في الخطاب الوطني الببكي دا .....
يقول ليك وأي زول عندو حق في البلد دي ...وحقو ندي المجلس دا فرصة عشان يقدر يشتغل ...!! ( والشغل بالجاز خلي اليشتغل ) .....!!
كفانا بالجد كفانا .....!! موسيقي تصويرية حزينة ) .....!!
( خطاب مؤثر ) و( موتر ) ....

نجي لي نمرة تلاتة .....وديل ياعلوب بشتغلوا ترهيب عديييل وتخويف بجوك من الاخر ..!!
بقولو ليك ...
( اها عاجبكم الحاصل دا .....يا اخوانا إنتو عايزين تلحقونا سوريا ...وليبيا..... واليمن ....!
( مثلث الرعب )
يا اخوانا الناس دي حقو تهدا شوية عشان البلد دي ما تضيع .....!! بالجد بالطريقة دي ممكن تضيع مننا كلنا .....!! قدمو مصلحة البلد دي علي مصالحكم ( الحصة وطن ) ...!!!
( المشكلة بستعملو نفس مصطلحات الثورة حقتنا دي يعني حتي الزيت مننا ) ....!!
حتي مقدرة علي انتاج مصطلحات مافي ....!!

بركزوا ليك إنو البلد ماتضيع
( في زول ياعلوب عندو عمارتين وسبعة مزارع بخلي ليهو بلد تضيع ) ....!!!!!!😳

وطبعا التلاته الفوق البخوفونا بيهن ديل وبعد الحرب دي كلها ....
الجامعات شغالة ...!! وعملتهم أفضل مننا ...!! والإنترنت لي هسا ماقطع ....!!! جادي انا ...
ويقول ليك مارقين ثورة لي شنو ....!!؟؟؟
( مارقين نشم هوا ....!!!)

ابو الخل قال لي أها نجي ليك للتلاتة ( المحيرات )
قلتا ليهو اديني الأولي ...
قال لي نمرة واحد زول ما عندو في جيبو حق بكرة ...تشوفو بدافع عن النظام تقول كان وزير النفط ...!!!
يدافع ليك عن الحكومة دي بشراسة وقوة تحيرك في راسك دا ....ماعرفتو د

ا تنويم مغنطيسي ولا دا شنو ....!!
الغريبة بدافع اكتر من الشالو القروش والعقارات وخلوهو حايم في السهلا كدا .....!!
المهم إنو في سهلتو دي ويكورك ...!!!
غريبة شديد مش .....( أخلصت ليك وإنت بتغير )
اها دا ياعلوب عمرو مابترفع ..!!
النوع دا الثورات بتقطع ليهم نومتم ....!! عشان كدا ما بدورها ...!!
وبعدين هم ذاتو بكون ولوفين شديييد
يتكاثروا بشدة ...ويعشقوا الفتات .....!!

اها نجي لي نمره اتنين في المجموعة دي
وديل عندهم فوبيا ( شيوعية) عديل كدا ......!! واااضحة ..!!
يعني كان شافو ليهم طماطمة حمرا طوالي جنهم بقوم عليهم ...!يقول ليك دي نواة لي ( سلطة ) شيوعية ....( سلطة بي فتح الفاء )
زي دا
( ايوااااااا الشيوعيين الكفار ديل عايزين يفتحو البارات
والملاهي مش كدا ...!!!؟؟
لكن دي يلقوها عند الغافل ...!!! نحن كان في شي مصبرنا علي الحكومة دي بس ياها ( الشريعة ) دي
...........
الشريعة .....!!!؟؟؟؟؟؟؟؟؟؟؟؟؟؟؟ 😳😳😳😳😳😳😳....
( كان كدا النصبر معاكم )

نجي للنوع التالت في مجموعة الموت دي ....!!
ودا نوع ( مسم ) عدييييل كدا ياعلوب
ديل البقولو

قافلين لينا البلد عطلتو مصالحنا وأعمالنا ...😠😠 لو في زول عيان ماقادرين نودي المستشفي....😤😤( المستشفي ياتا ) ..!!؟
وقفتو حالنا واشغالنا ....وحال البلد ....😠😠
البنوك ماقادرة تشتغل 😳😳😳😳 والحجوزات والطيران مشكلة ...!! مودننا لي وين انتو ....!! ؟؟؟؟؟؟

( هو ياخ لو ديل كلهن شغالات نحن طالعين رحلة )

أها زي دا مش بتتخيل إنو مفروض أقل حاجه يكون عندو مصنع ....!!!

والله ياعلوب ...تلاجه ماعندو .... ..!!؟

واصلا ماشغال وعاطل عديييل مالاقي شغل .....!!
بس كدا غضب رباني
اكتر حاجه مزعلاني ( الحجوزات المافي دي ) وهو يحجز مكانه في صف الرغيف .....!!
ديل ناس قريعتي راحت ديل اكتر ناس مساكين في الدنيا
( ليس لديهم شيء.... ويدافعون عن من أخذ منهم كل شيء )

الناس دي لافا الشوارع ليها ستة شهور تناضل وتموت ....وتكورك حرية....سلام......وعدالة ...عشان النوع دا ....!!
ماف فايدة لقد أدمنو الفشل ...!! مرض ياخ

اها النجيك للتلاتة ( الببالغو ) ....!!
غايتو خليل دا هو ذاتو مبالغة .....!!!
قلتا لي الحقني بالببالغو ديل

قال لي ديل المناضلين الظهرو لينا هسا ديل ....
أظنهم كانو في الشغل..... !! وديل ذاتم تلاته مجموعات ...

المجموعة الأولي

( حزب الكواكب ...)
ديل بقولو ليك ....
نحن طبعا حزب ( الكوكب ) والحقيقة نحن الكنا صابنها جد جد ...! بس ما كنا بنظهر ...!! ما بنحب ..!!
( يا خجول انت ياخجول )( حلفتك تحب )
اها نحنا كنا بنصبها جنب الأشعة ...( أشعة x) ...
ومرات كدا بنكون جنب الكبري .....!! وناسنا كانو في النفق وجنب مستشفي العيون ....!!
( عيونك فيها شي يحير )
وكانو بسكونا في شارع النيل و قاعدين من أول يوم ....( والله الا كان اول ايّام العيد )
حتي المظاهرات شاركنا فيها وكنا وقودا ....!! 😳😳 ( اي زول تهبشو يقول ليك كنا وقودا ....وهي البلد وقود ما فيها ) ...!!
يقول ليك حتي اسألو مننا الشوارع والمتاريس ( سألناهم قالو اصلو ما شافوكم ولا مريتو عليهم ...)
اها وهسا جينا نمثل الشباب ديل ....
(ياحليل الشباب الأي زول جاي يمثلهم ديل ....!! ( الشباب ماتو في القيادة ) ...

شفتا ليك ( شتل ) زي دا ياعلوب
ولا برمشو وهم بحكو في ( الألم ) دا ...

اها نجي للمجموعة التانية في قايمة ( الببالغو عديييل ) وديل منظمين شوية ....أسمعهم بقولو شنو ...

نحن تجمع الديمقراطيين الثوار الأحرار النار ) ( لهبة بس ) ( الأخ غير الشقيق لتجمع المهنيين )

الحقيقة نحن في الثورة دي قبل ماتبدا ....!! (لاياخ )
كانو ( نطفة ) ...!!
وما يقول ليك عطبرة وبتاع نحن كنا بنوزع منشورات بالدس واتقبضنا كم مره كدا ..حتي ( مدثر ) دا اتفلق في راسو .....!! فلقوهو ناس الأمن ...مش كدا يا مدثر ....؟؟؟ ( مافي رد)
أها نحنا هسا حسينا انو جماعة التغيير ديل دايرين يستلمو الشباب ديل ويلعبو بيهم سياسة لكن دي ما بلقوها ....!!الشباب ديل حقننا براااانا ...!! ولا شنو ياشباب .....
الرد من اتنين....... ( ايوا صاح )

نجي للجماعة ( ذاااااتم ) في نسختم ( الدجيتال )

( نحن شباب إسلام الصحوة الإسلامية المسلمة
إسلام شديد جدا أكتر من اي ناس تانين واكتر من اي وقت مضي .....)
الحقيقة نحن جينا لا لانو حسينا انو الإسلام دا في خطر
من ناس التجمع ديل.... !! الجماعة ديل مرسلنهم ناس من برا لي أهداف علمانية ( تاااااااااني من برا ) ومندسين المره دي ولا كاشفين ...( خلوها كاشفين ...!!! أحلي ...!! والتنوع ذاتو كويس ومفيد
( تقول ليهو علمانية يعني شنو مابجاوبك ....!!! لو أصريت شديد بقول ليك مدنية )
ويواصلو الطرح الانتخابي ....
لكن نحن موجودين وندعو الشباب يجونا جاي ( الشباب تطير عيشتم ياخ ) ......!!!
اها ياصديقي تتخ

يل دا ياهو المنظر .......
وكل مجموعة تقول ليك نحن اقوي من قوي التغيير والحرية ....!! طيب شغالين بيها مالكم ...!! واصلو

اها ياعلوب واخيرا ظهر رامز جلال ...

( السلام عليكم ...اها نحن الشباب ذااااتم ....شخصيا)
لا زول يمثلنا ولا محتاجين زول ...يانا نحن بس ذاتنا كدا الكنا صابنها ديل من اول يوم ....!!
بس يوم تسعة وعشرين رمضان ما كنا في القيادة .....!مشينا لينا فاتحة ،،،،

هنا خليل العبرة سدت حلقو .....!! وامتلأت عيناه بالدموع
قال لي إنت ممكن تتخيل الناس المرقت دي ممكن ترجع كدا محل ما جات ....!!
ممكن تتخيل اي حاجه زي دي تحصل ....!!!

انا بقول ليك ياعلوب أي حاجه ممكن تحصل ..!!
إلا دي....
( مرقونا من جنب القيادة ...!!
( بس السؤال هل حيمرقو القيادة من جوانا .........)

يرونها بعيدة ونراها قريبة يرونها عصية ونراها دانية وفية
وسننتصر ....!!
حضنتو شديد ...!! وحسيت فعلا إنو حننتصر ✌️

انتهي ....

والثورة مستمرة ..
#اشياءبسيطة..

كانو كالمطر يزرعون البهجة في كل مكان💔

سنعيد ما كان وستمتلئ قلوبنا فرحا وبهجة في ظل سودان جديد وطن واسع وطن شاسع لا محزون ولا مهموم لا مسجون ولا محموم ومهما ضاقت الأحوال اكيد قلم الظلم مكسور✌️

#حنبنيهو
#ابقو_الصمود
#Internet_Blackout_in_Sudan

استغفر الله العظيم الذي لا اله الا هو الحي القيوم واتوب اليه ..💜

هذه الحشود، تلك الأصوات
طق طرق طق طق
كشللوو كشللوو

شفاتة بهنا دا كنداكة بغادي ،

أرفع يدك فوق والتفتيش بالذووق

الموية ما للرش الموية نشربها بس ،

الهتافات المتداخلة
سقطت ما سقطت صابنها
ان عادوا عدنا للشوارع
أنا جدي ترهاقا
رائحة الكسرة المتتزجة بالقهوة

الخيام وما بداخلها من حياة

الششير شير للموية وشير للطقة
لو عندك خت ما عندك شيل ،

عن ذلك الحشد الكثيف في السادس من ابريل، عن المواكب القادمة من كل حدي وصوب ، عن الفرحة التى تسالم بها الجمع كغريب عاد الي أحضان وطنه ، عن الدولة والقيم التي شيدت داخل إعتصام القيادة

الإعتصام إتفضى ، القيادة خالية من الثوار
لكن ما تمثله القيادة وزكرياتها لن تفضه الأيام
سنذكر كل شبر منها بكل محتوياته، سنروي حكايتنا للأجيال القادمة ،
سنروي لهم عن شهداء ثورتنا المجيدة ، عن مجزرة رمضان ، عن من تركونا دون وداع حين غفلة
عن من ضحوا بالروح من أجلنا وأجل الوطن ،
سنعيده وأعيده وطنا" عزيزا" سيدا،

#ذكريات_القيادة

#مريوومة

حرية سلام وعدالة
مدنية قرار الشعب

نصف ثورة يعني هلاك أمة ..
ثوار أحرار حنكمل المشوار
لسه مكملين
#نقاوم_لا_نساوم

حلاوتك روحك الطايرة
ألما بتعرف صعب..
ولا طريق مسدود ولا تعب
طبطب عليها وطمنا
انو الفرح ليها انكتب
حبا جميلا لها 💛
#رسائل_شجن
#ثوار_احرار_حنكمل_المشوار

يا فخر الوطن ..
مهما كان اختلافنا، هدفنا واحد
وكل هم سينجلي ..
وحدتنا سلاحنا ، جواز عبورنا ، وقوتنا
#رسائل_شجن
#ثوار_احرار_حنكمل_المشوار
#يسقط_المجلس_العسكري

قوى إعلان الحرية والتغيير

جدول العمل الثوري

الأحد ٢٣ يونيو:
- مواصلة اللقاءات والندوات بالتنسيق بين لجان الأحياء والمدن بالعاصمة والأقاليم وقيادات قوى الحرية والتغيير
- مظاهرات ليلية في الأحياء للدعوة لموكب ٣٠ يونيو
- عمل دعائي للجان الأحياء للدعوة لمواكب ٣٠ يونيو

الاثنين ٢٤ يونيو:
- تنظيم لقاءات وندوات داخلية بين لجان الأحياء والجماهير
- استكمال بناء لجان العصيان والإضراب
- عمل دعائي للجان الأحياء للدعوة لمواكب ٣٠ يونيو
- بداية حملة التبرع بالدم لصالح المصابين

الثلاثاء ٢٥ يونيو:
- يوم مواكب الريف السوداني باسم تسليم السلطة المدنية
- وقفات احتجاجية لتسليم السلطة المدنية في القطاعات المهنية والحرفية والعمالية
- عمل دعائي للجان الأحياء بالعاصمة والأقاليم للدعوة لمواكب ٣٠ يونيو

الأربعاء ٢٦ يونيو:
- مخاطبات جماهيرية في الأسواق والمواقف والمركبات العامة للدعوة لموكب ٣٠ يونيو
- يوم دعائي للجان الأحياء للدعوة لموكب ٣٠ يونيو

الخميس ٢٧ يونيو:
- مواصلة اللقاءات والندوات بالتنسيق بين لجان الاحياء والمدن بالعاصمة والأقاليم وقيادات قوى الحرية والتغيير
- مظاهرات ليلية في الأحياء مشتركة بين لجان الأحياء المتجاورة
- عمل دعائي مشترك للجان الأحياء المتجاورة فى العاصمة والأقاليم للدعوة لمواكب ٣٠ يونيو

الجمعة ٢٨ يونيو:
- حملة "حنبنيهو" في الأحياء والمناطق بالعاصمة والأقاليم والفرقان للاستعداد للخريف
- مخاطبات المساجد والميادين عقب صلاة الجمعة فى العاصمة والأقاليم للدعوة لموكب ٣٠ يونيو
- مظاهرات ليلية عمل دعائي مشترك للجان الأحياء المتجاورة فى العاصمة والأقاليم للدعوة لمواكب ٣٠ يونيو

السبت ٢٩ يونيو:
- يوم دعائي لموكب الحداد على الشهداء وتسليم السلطة المدنية.
- مظاهرات ليلية فى العاصمة والأقاليم للدعوة لموكب ٣٠ يونيو يوم الموكباتية

الأحد ٣٠ يونيو:
- مواكب الحداد على الشهداء وتسليم السلطة للشعب المسارات تحدد لاحقاً بالتنسيق بين لجان الأحياء والمناطق فى العاصمة والأقاليم.

قوى إعلان الحرية والتغيير
٢٢ يونيو ٢٠١٩

#ندوات_لجان_الاحياء
‏⁧ #العداله_الدوليه_للمجزره

وحياة أمنا الخرطوم...
اشيل شيلي ..
وأشد حيلي..
واموت متل الشدر..
واقف على حيلي ..
الشهيد عباس فرح
#لن_ننسى#لن_نغفر
#العدالة_الدولية_للمجزرة

"و بهذا فإن الثلاثون من يونيو ليس سدرة منتهانا ، بل هو درجٌ سامٍ نخطوه بوسعٍ و ثبات نحو تمام الوصول "

#مليونيه30يونيو

مدنية خيار الشعب
#IAmTheSudanRevolution
#BlueForSudan
#العدالة_الدولية_للمجرزة
#مليونية_30يونيو

🇸🇩🇸🇩🇸🇩🇸🇩 🇸🇩🇸🇩🇸🇩🇸🇩
🇸🇩 🇸🇩 🇸🇩
🇸🇩 🇸🇩 🇸🇩
🇸🇩🇸🇩🇸🇩🇸🇩 🇸🇩 🇸🇩
🇸🇩 🇸🇩 🇸🇩
🇸🇩 🇸🇩 🇸🇩
🇸🇩🇸🇩🇸🇩🇸🇩 🇸🇩🇸🇩🇸🇩🇸🇩 June

#مليونيه30يونيو ✌🔥🔥