رصاصة حية - ايمن ماو ..✌

https://soundcloud.com/t_medo/ayman-mao-blood-2013

ﺭﺻﺎﺻﺔ ﺣﻴّﺔ ..
ﻭﻳﻘﻮﻟﻮ ﻟﻴﻚ ﻣﻄﺎﻃﺔ
ﺩﻳﻞ ﺟﻨﺠﻮﻳﺪ ..
ﺟﻨﺠﻮﻳﺪ ﺭﺑﺎﻃﺔ
ﻗﺎﻟﻮﺍ ﺍﻟﻘﻀﻴﺔ ..
ﻫﻠﻮﺳﺔ ﻭﺣﻮﺍﺗﺔ
ﻋﺎﻣﻠﻴﻦ ﻋﺼﺒﺠﻴﺔ ..
ﻭﻧﺤﻦ ﻧﺎﺱ ﺷﻔّﺎﺗﺔ
ﻣﺎ ﺑﺸﻴﻞ ﺑﻨﺪﻗﻴﺔ ..
ﻓﻲ ﻳﺪﻱ ﺍﻟﺒﻼﻃﺔ
ﺑﺮﺟﻢ ﺍﻟﻔﺴﺎﺩ ..
ﺑﺮﺟﻢ ﺍﻟﻮﺳﺎﻃﺔ
ﺍﻟﻜﻮﺯ ﺍﻟﻨﻲ ..
ﺟﻮﺍ ﺍﻟﺤﻠﺔ ﺳﺎﻃﺔ
ﻳﻨﻘﻞ ﻓﻲ ﺍﻟﻜﻼﻡ ..
ﺑﺲ ﺗﻘﻮﻝ ﻣﺸّﺎﻃﺔ..
ﺩﻓﻌﻮﻟﻚ ﻛﻢ ؟
ﻋﺸﺎﻥ ﺗﻘﻠﺒﺎ ﺩﻡ
ﺇﺷﺘﺮﻭﻙ ﺑﻲ ﻛﻢ ؟
ﻋﺸﺎﻥ ﺗﻘﻠﺒﺎ ﺩﻡ
ﺩﻓﻌﻮﻟﻚ ﻛﻢ ؟
ﻋﺸﺎﻥ ﺗﻘﻠﺒﺎ ﺩﻡ
ﺇﺷﺘﺮﻭﻙ ﺑﻲ ﻛﻢ ؟
ﻋﺸﺎﻥ ﺗﻘﻠﺒﺎ ﺩﻡ
ﻛﺒﺴﻮﺍ ﺍﻟﺒﺎﺭﻭﺩ ..
ﻛﺒﺴﻮﺍ ﺍﻟﺒﻤﺒﺎﻥ
ﻟﻤﻠﻤﻮﺍ ﺍﻟﺤﺸﻮﺩ ..
ﺟﻤﻌﻮﺍ ﺍﻟﻜﻴﺰﺍﻥ
ﻧﺤﻦ ﻛﺎﻷﺳﻮﺩ ..
ﺟﻮﺍ ﺍﻟﻤﻴﺪﺍﻥ
ﻧﺤﻦ ﻧﺎﺱ ﻣﺎﺭﻗﻴﻦ ..
ﻧﺤﺮّﺭ ﺍﻟﺴﻮﺩﺍﻥ
ﻣﺮﻗﻨﺎ ﻣﻦ ﺍﻟﺒﻴﺖ ..
ﻣﺮﻗﻨﺎ ﻣﻦ ﺍﻟﺪﺍﺭ
ﻣﺎ ﻋﺸﺎﻥ ﺑﻨﺰﻳﻦ ..
ﻣﺎ ﻋﺸﺎﻥ ﺃﺳﻌﺎﺭ
ﻧﺤﻦ ﻧﺎﺱ ﻣﺎﺭﻗﻴﻦ ..
ﺩﺍﻳﺮﻳﻦ ﻧﺠﻴﺐ ﺍﻟﺘﺎﺭ
ﻣﻦ ﺗﺠﺎﺭ ﺍﻟﺪﻳﻦ ..
ﺍﻟﻘﺘﻠﻮﺍ ﺍﻟﺜﻮّﺍﺭ
ﺩﻓﻌﻮﻟﻚ ﻛﻢ ؟
ﻋﺸﺎﻥ ﺗﻘﻠﺒﺎ ﺩﻡ
ﺇﺷﺘﺮﻭﻙ ﺑﻲ ﻛﻢ ؟
ﻋﺸﺎﻥ ﺗﻘﻠﺒﺎ ﺩﻡ
ﺩﻓﻌﻮﻟﻚ ﻛﻢ ؟
ﻋﺸﺎﻥ ﺗﻘﻠﺒﺎ ﺩﻡ
ﺇﺷﺘﺮﻭﻙ ﺑﻲ ﻛﻢ ؟
ﻋﺸﺎﻥ ﺗﻘﻠﺒﺎ ﺩﻡ ..

اسفين..
دقينا قى نعشك آخر إسفين..

وبعناك رخيص للتاجروا فيك بالدين..

من تسعة وستين
لتسعة وتمانين
لتسعة وميتين..

ديل أنحنا ..
القالوا فُتنا ..
وقالوا مُتنا ..
وقالوا للناس انتهينا ..
نحن جينا ..🔥✌🏻

#التصعيد_الثوري
#مدن_السودان_تنتفض
#تسقط_بس
#سلمية

قوى إعلان الحرية والتغيير

بيان مشترك رقم (٢)

إعلان وقف التفاوض مع المجلس الانقلابي والدعوة للعصيان المدني

تواصل قوى الحرية والتغيير بروح موحدة ومتحدة أكثر من أى وقت مضى، متابعة تطورات جريمة مجزرة اعتصام القيادة، وفى هذا الصدد إذ نعلن أننا حسب الاحصاءات الأولية قد فقدنا (13) شهيداً على الأقل برصاص المجلس الانقلابي الغادر، ومئات الجرحى و المصابين.

إننا وتاكيداً لموقفنا السابق نضيف الآتي:

أولاً: يتحمل المجلس الانقلابي المسئولية كاملة عن هذه الجريمة، ونؤكد أنه خطط لتنفيذ هذه الجريمة في الخرطوم ومدن أخرى من بينها مدينة النهود حيث قامت قوات متنوعة من الدعم السريع والجيش والشرطة وكتائب ومليشيات بفض الاعتصام السلمي، ونؤكد أن منطقة القيادة الآن لا يوجد بها إلا الأجساد الطاهرة لشهداءنا الذين لم نستطع حتى الآن اجلاءهم من أرض الاعتصام.

ثانياً: نعلن وقف كافة الاتصالات السياسية مع المجلس الانقلابي ووقف التفاوض، ونعلن أنه لم يعد أهلاً للتفاوض مع الشعب السودانى، وأن قادة وأعضاء هذا المجلس يتحملون المسئولية الجنائية عن الدماء التي أُريقت منذ ١١ أبريل ٢٠١٩م، وسنعمل على تقديمهم لمحاكمات عادلة أمام قضاء عادل ونزيه في سودان الثورة المنتصرة لا محالة.

ثالثاً: نعلن في قوى الحرية والتغيير عن الإضراب السياسي والعصيان المدني الشامل والمفتوح اعتباراً من اليوم ٣ يونيو ٢٠١٩م ولحين إسقاط النظام.

رابعاً: تناشد قوى الحرية والتغيير الشرفاء من قوات الشعب المسلحة والشرطة القيام بواجب حماية الشعب السودانى من مليشيات المجلس الانقلابي وكتائب ظله وجنجويده، والانحياز لخيار الشعب المتمثل فى إسقاط النظام وإقامة سلطة مدنية انتقالية كاملة.

خامساً: نناشد المجتمع الإقليمي والدولي بعدم الاعتراف بالانقلاب والانحياز لخيارات ثورة الشعب السوداني.

قوى إعلان الحرية والتغيير
٣ يونيو ٢٠١٩

#مجزره_القياده_العامه ..

نزلو VPN ..

فصل الانترنت نهائياً من زين وام تي ان ..

تطير الكراسي وتطير الرئاسه..
تطير القروش الخباثه ،السياسه..
تطير السياده البتفرض نفوذا وبتقتل في ناسا..💔

الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ (173) فانقَلَبُوا بِنِعْمَةٍ مِّنَ اللَّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ ۗ وَاللَّهُ ذُو فَضْلٍ عَظِيمٍ (174)
صدق الله العظيم

ردّدو حسبنا الله كثيراً هذا وعد الله ..

‏"ما بينصفكم الا ضراعكم
‏عبو ضراعكم يا رجالة
‏وخلوا بصركم دغري وسالم
‏حكم العسكر ما بينشكر
‏كلو درادر كلو مظالم "

يا أيها الأحياءُ تحت الأرض عودوا فإنّ الناس فوق الأرضِ قد ماتوا !💔

"تم التأكيد: إقتياد موظفي المطار من منازلهم للمطار للعمل تحت تهديد السلاح."

كنت متوقّع حاجة زي دي تماماً؛ وما خايف منّها؛
كلّ ساعة بقيت بتأكّد من رعونة وغباء الناس ديل، زي ما وصفتهم في آخر استيتس؛
شغّالين بالفكرة البتطلع في راسهم؛
يا قوش يا بليد، ياتو خطوط طيران ح تكون مستعدّة تنزّل طيّاراتها بتوجيهات موظّف فوق راسه بندقيّة؟!
الناس ديل في حالة يأس بس وهم شايفين روحهم كل يوم بقرّبوا من النهاية؛
ماف زول يخاف أو ينهزم؛
سننتصر قريبا بإذن الله تعالى.

رجاءً من كل زول عنده صلات يحاول يجتهد في نقل تحذير لخطوط الطيران من التعامل مع مطار الخرطوم.
#العصيان_المدني_الشامل

قدر وطنك مع الأوطان
إذا ما كان سحايبو أبن
يمرقن قش من الوديان
عشان تلقى الغلابة لبن
قدر وطنك إذا ما كان
قبل يقسى ويخيب ظن
حبيبو الطيب الإنسان
يطفر روحو روح الفن
وطن لكنو مو هولك
ولا الزول القبيل بي خيرو بات زولك
وطن محتل بشوق مختل
رؤى ووجدان
ينوم والجنة في خاطرو
يقوم مبتل 💔💔

#حنبنيهو
#العصيان_المدني_الشامل

أملنا الغيم حا يتسابق
على الأرض العزيزة فدى
وطنا حبيبنا رغم البيك هي الأشواق
حنينا إليك يظل دفاق
خيالنا عليك دوام ساساق
يخلي البينا بين عينيك
مساحة غزيرة ماها فراق
فما هانت علاقة حب
وفاء وتاريخ على الإطلاق
وما طال المطر بيصب
طبيعي إنو البحر ما راق
كما إنو العكار من طين
كمان من طين بيجي الرواق
#حنبنيهو
#العصيان_المدني_الشامل

الاصم : السلمية هي سلاحنا ولن ننجر للعنف الذي يريده المجلس العسكري الانقلابي.

بما انو تجمع المهنيين اعلنو العصيان....
ننتبه لي نقطه مهمه... اي زول بيكون عارف في الحله الاسره المتعففه... وناس رزق اليوم باليوم... الحال واقف... والسودانيين من طبعهم نفسهم عزيزه مافي زول حيجي يدق بابك....
افقدو جيرانكم واتقاسمو اللقمه... النفوس المتطايبه القليل بكفيها...
مدو يدينكم لي بعض واسندو بعض لحدي ما ربنا يفرج كربنا ويصرف الشر... فهو سبحانه ينزع الملك ممن يشاء... ويذل من يشاء... والي ان يأتي أوان النزع والذل .... كونوا لبعضكم كالبنيان المرصوص يشد بعضه بعضاً... حتى تنجلي هذه السحابه السوداء من سماءنا بإذن الله...
كونو بخير حتى يكون السودان بخير...
ودمتم....

#مجزره_القياده_العامه
#لن_ننسى_ولن_نغفر