-بتحكي :
جدي دايما بيقول عن حبوبتي : "أُم الحسن دي ما مرتي ، دي بتي و امي و صاحبتي قبل ما تكون زوجتي " .
مع اني كنت بشوفه دائماً بيدافع عنها و بيتكلم عنها بكل الجمال الفي الدنيا ؛ لكن كنت بستغرب من كلامه لحدي ما شفته جاب لي اخواني و اولاد اعمامي " شوكولاتة " و جاب ليها معاه .
و فهمته لما يوم مشيت ليهم لقيته بيسرح ليها في شعرها و هم بيضحكو .

- قبل كم يوم مشيت الدكتور ، كان الوقت متأخر لكن عشان كنت تعبانة الدكتور انتظرني بعد اتصلنا بالمستشفى .
لما دخلت العيادة لقيته بتكلم بالتلفون واضح بيتكلم مع زوجته و بيقول ليها : " معليش حاتأخر شوية ، ما تتعشي انتظريني " .
راجل خمسيني ، شكله وقور و وشه بشوش .
و عامل "كفر " تلفونه صورتهم مع بعض .
بعد كتب لي دواء اعتذر انه حيمشي عشان زوجته منتظراه بالعشاء لأنهم بقو براهم بعد سفر اولادهم .

ف يخوانا الحُب الحقيقي ما بموت 💜🌸 بالعكس بيكبر بالعشرة .
ممكن مع الزمن يكون ما بنفس التعبير الزمان ، لكن بيظهر في التصرفات الصغيرة ، و الاهتمام .
بستغرب من الناس البتقول " الزواج مقبرة الحُب " ، اذا كان الحب بيكون كبير في العلاقات دون الزواج ، حيقل في العلاقة المباركها ربنا؟
و البيقول بنفسه ان فيها " مودة و رحمة " ؟
الموضوع كله بيبقى رغبة ؛ العاوز يموته بموته ، و العاوز يكمل بيكمل .

#اللهم_حباً_نشيخ_به_ولا_يشيخ_بنا
#تسنيم_البرهان

25 | رمضان

" اعفُ عنّي يا الله .. فإنّي عبدٌ كثير الذنوب والخطايا وإنّك رحيمٌ واسع المغفرة. " ✨💙

واتخيلك وكتين اشوف أُماً تهبب لعروس صندل زفاف و ترقصا...
وارحل بعيد فوق شعرها زي مركب نشوان مشى
فوق موج و شلالات...
و آخر المطاف فوق شط حنان مهجور زمن راح وأتنسى
❤

#الباشكاتب
#رزه

يا الخرطوم
اذا سورك قفل بابو
وكتب في مسرحك مظلوم
وقع في خاصرتك
عصياااااان
على ايقاع غنا المردوم
مسك في خيطك الفستان
غزل باكر
على لافتة حلم مكتوم ..

اللهم خلاص من العتمة اللهم إسترداد الحقوق اللهم ثأر الرفاق.. 💜

شهيدٌ يعقبه شهيد ، أيا وطني أما كفاك كل هؤلاء مهراً لحريتك..؟!💔

هل جبنا حق المات ....
حاسبنا النظام الفات ؟
ما تبقوا زيف وشتات🇸🇩✌🏻
#لم_تسقط_بعد

لو تعب فينا التمني
وإنهتك وتر المغني
لو تسدي علينا طاقات البشائر
ينهزم يوم التجني
واجيك ولا هاميني شي
عندك وقفت من المشي
وغرقت في ضو النهار

كُل البنات أمونة يا خرطوم✨🇸🇩
#مدنية_قرار_الشعب
#اعتصام_القياده_العامه

وطنى البِريدك منو لى؟؟
وطنى البيمرُق
من حشاى مع الله لىْ
وطنى البهدهدو فوق إيدىْ
وطنى البوسِدو
من حنان صدرى
وبغطى بضى عينىْ
وطنى الصِبى
وطنى الأبوى
أُمى وأخى
يا الما بسويلك بى قفاى
يا الما بفوتك بى وشىْ
وطنى...
وطنى البموت
وبخلى حى

..#حمّيد

‏سلاماً على مَنْ ضَاقَ صَدْرُهُ
فمَالَ وَأَرَادَ الاتِّكَاءَ
فَأَسنَدَ قَلبَهُ بقولِ ربِّهِ
"واِصبرْ لحُكمِ رَبِّكَ فَإِنَّكَ بِأَعيُنِنا" ❤

‌‏ﻭﺗﺮﺟﻊ ﻟﻤـﺔ ﺍﻟﺤﺒﺎﻥ ..
‌‏ﻋﻠﻲ ﺍﻟﺒﻠﺪ ﺍﻟﺼﺒﺢ ﻣﺰﺩﺍﻥ ..
‌‏ﻭﻳﺒﻘﻰ ﺣﻘﻴﻘﺔ ﻫﻮ ﺍﻟﺴﻮﺩﺍﻥ ..
‌‏ﺑﻠﺪ ﻣﺘﻮﺷﺢ ﺍﻟﺒﺮﻛﺎﺕ ...

اوعي ليل الغربة ينسيك ..
ريحة الطين في جروفنا ..
والنسيمات البهبن ديمة راقصات في قلوبنا ..
و الدعاش والغيم رشاشاً..
بي الفرح بلل كتوفنا ..💙🎶

أنا من المغرمين جدا بكتابات رغد عبدالرحمن ، محمد عبدالرحمن ، علي عباس ، تسنيم البرهان ، رؤى الحكيم ، محمد كاكا..وخواطر عمار كمال ، دوشكا ، محمود المغربي.. ونصائح ومقاطع محمد سيد حاج ، سمؤال عبد الواحد .. تلاوة القرآن بصوت ماهر المعيلقي والسديس"ولقد نعلم انك يضيق صدرك بما يقولون،فسبح بحمد ربك وكن من الساجدين،واعبد ربك حتى يأتيك اليقين💙"..وخواطر أحمد الشقيري .. روايات شهد عبدالله ، لينة عامر ، سندس مالك.. أشعار حميد "سِت الدار لا تشفقي خالص .. ست الدار انا ياني الزين" ️،"ما بينصفكم الا ضراعكم..عبوا ضراعكم يا رجالة ..خلوا بصركم دغري وسالم..حكم العسكر ما بينشكر ..كلوا درادر كلو مظالم💙" ، وأغاني مصطفى سيد أحمد "يا مطر عز الخريف💙🎶" و "وازيد إصرار وأحلف ليك ، وأقول يا انتي يا أغرق💙🎶 " والحبيبة تغني لينا لا هموم تسكن دروبا ولا يلاقينا الخطر💙" ، أبو العركي البخيت " إحساس بحسو غير عادي نحوك انتي تحديداً بحبك حب ثقل موية المطر ال من سماء بتنزل قدر رمال البحار ال ليها بستقبل عدد سيقان شجر مد البصر مثمر عدد ناس بتتزاوج و بتتوالد و تتكاثر! اقسم ليكي يا عاثره بحبك حب ما حباهو جن لي جن و لا حباهو زول لي بشر💙🎶" ، بدندنات عوده و أغنيات ود الأمين " وحات ريدي اللي شاف طيفك كتير قبال يلاقي ويشوف ، جراح الماضي بيك نامت وغابت كل رعشة خوف 💙🎶"، بريدك كلمه كان رفّت..يِهش ثغر النجوم ويسطعَ..ولما ينادى همس الشوق..يقيف كل الزمن ويسمع..عيونك ديل عيون أهلى..حُنان زى نغمة فى مقطع..💙🎶 " ،نانسي عجاج " وقبل ما تختار طريقك أبقى واثق من رفيقك💙🎶" ، مسلسلات الأطفال زمان "عهد الأصدقاء ، سالي ، غيمة ، البؤساء💙" ،‏شاي اللبن ، أطفال الشوارع ، الشتاء ، كلام الأصحاب الحلو ، الروايات ، زعل الغيرة ، الطلعات الحلوة ، ابتسامة غريب ليك في الشارع ، تطيّب خاطر زول مكسور ، ضحكة الأطفال ، ريحة الطين ، ريحة البن في النار ،كلام الحبوبات "إن الله عدلا زولا بعوجا مافي ، المربى علي الخير بشم يدو وبشبع والمربى على الجوع بمال الدنيا ما بشبع ، ما ضروري تعرفي اي حاجة في الدنيا لأنو مرات الضي الزايد بيعمي 💙" ،ريحة توب امي حق الصلاة ، عصير الليمون المعصور باليد ، دي كلها حاجات بسيطة وفاتنة و كافية جدا تبسطني والله..💙
#Asmaa_Osman..🌸

الشارع فاتح في الشارع
جايل كايسلك يانورة
لا كُت مُتسيب لا صايع
لكن العسكر باغتني
يانحس الحلم الباختني
يا عفن الأيدي المأجورة
بسألني بطاقتك عن نوره
قبقبني قبيلتك حمرته في عفن الأيدي المأجوره

بمبان شـوفونير آفات ويسكي
للنـاس الدمنا بنزينا
فِقراً تسترزق من دينا

وياحال البتألم وساكت وياحال الساكت وبتألم

عشان عيون أطفالنا ما تضوق الهزيمه ... 💜🌸
من الايام السمحه الملونه💛💛

صباح الخير لكل جميلات العالم المنكوشات ..😌💙

26/رمضان..
ﺍَﻟﻠّﻬُﻢَّ اﺟْﻌَﻞ ﻟﻲ ﻧَﺼﻴﺒﺎً ﻣِﻦْ ﻛُﻞِّ ﺧَﻴْﺮٍ
ﺗُﻨْﺰِﻝُ ﻓﻴﻪِ ﺑِﺠُﻮﺩﻙَ يا ﺃﺟْﻮَﺩَ ﺍْﻷَﺟْﻮَﺩﻳﻦَ
ﻭﺃﺫِﻗْﻨﻲ ﻓﻴﻪِ ﺣَﻼﻭَﺓَ ﺫِﻛْﺮِﻙَ
ﻭﺃَﺩﺁﺀِ ﺷُﻜْﺮِﻙَ
ﻭَﺍﺣْﻔَﻈْﻨﻲ ﻓﻴﻪِ ﺑِﺤِﻔْﻈِﻚَ
ﻳﺎ ﺃﺭْﺣَﻢَ ﺍﻟﺮّﺍﺣِﻤﻴﻦَ..


#مريوومة

وعن كمية اللهفة والحنين في صوت مصطفى سيد أحمد لما يقول :
"تاني .. تاني ،تاني راجعين مرة تاني
للقديم الاتنسي ،،مالو عاد الشوق علينا؟
بعد ما روح مشي !💙🎶.."

وفي آخر جمعة من رمضان اللهم جنبنا الفتن ما ظهر منها وما بطن ،اللهم خلاص من العتمة ، اللهم إسترداد الحقوق اللهم ثأر الرفاق ، اللهم نصرا عاجلا يا الله..💙