يا صديقتي التي غابت ابتسامتها ، تبسمك صباحاً كنا نستمد منه املاً لغد، صبراً لما تبقى من طريق ، اليوم انتِ عابسة ، اليوم نحن جوعى ، والدماء التي سالت بالأمس ، زادت عطشنا لحرية الوطن ، فاللهم اشقق على من غيب عليك التبسم ...
#منقول_من_معتصم
#البت_الحديقة💜
#حتضحك_ياوطن_تاني💜✌

‏تطير الكراسي
‏و تطير الرئاسة
‏تطير القروش
‏الخباثة، السياسة
‏تطير السيادة
‏البتفرض نفوذا
‏و بتقتل في ناسا

‏تقيف المصالح..
تقيف السواقي البتعصر فواجع
تقيف الحياة الماها شبه الحياة
تقيف المصانع و تبكي الجوامع
‌‏تقيف المهازل البتشحن أسف
تقيف الدواير البتملا و تلف
تقيف البتعصر دماء بي ترف

#السودان_التصعيد_الثوري
#اعتصام_القياده_العامه
#لم_تسقط_بعد

اللهم إن الرصاصة حين تُصِيب أحدَهم ، تُصيب بالجهة المقابلة قلبَ أمِّه ، فاللهم لطفاً بهم و بقلوب الأمهات
حُرقة حشا الأُمات 💔💔

وطن مجروح ، وطن نازف ، وطن باكي ، وطن خانوهو بالكاكي..💔
بس ياا رب نصر البلد ينتم..🌸

اخبروا أئمة المساجد أن يطيلوا السجود فالقلوب مرقهة💔 والحديثُ مع الله طويل ..💙

الديما ضاحكة الليلة تبكي💔..
ما هو الوطن ضايق براحو💔...
#التصعيد_الثوري
#اعتصام_القيادة_العامة
#õoba

‏اللهُم جبراً لكسر قلوبنا ياجبّار ، اللهُم الخير في كل مانرغب ونريد ، اللهُم العوض الجميل بعد الصبر الطويل ، اللهُم درباً لا تضيق به الحياة وقلباً لا يزول منه الأمل ، وفرحة لاتذبل..

‏"حليلك مهندم
‏و مارق كأنك براك الملاك
‏راكز مدمدم
‏موشح كأنك بلاك الهلاك
‏مسالم محزم
‏واقف كأنك جيوش بي وراك
‏قميصك مقلم
‏باسم كأنك تقلم عداك
‏حليلك حليلك
‏و ات شادي حيلك
‏تموت يحيا شيلك و نحن بوراك
‏حليلك حليلك
‏تموت يحيا سيلك و صوتك هناااك"

أبنائي وبناتي..
حفظكم الله.
انشروا فضلا هذه الرسالة على أوسع نطاق بين شباب الاعتصام:

أذكار لها أثر كبير في حفظ قائلها:
1/ إذا خرجت من بيتك فقل: بسم الله، توكلت على الله، لا حول ولا قوة إلا بالله.

2/ إذا دخل المغرب تُقرأ الآيتان الأخيرتان من سورة البقرة، (آمن الرسول)، إلى آخر السورة؛ لكونها تكفي قارئها من كل شيء كما في الحديث.

3/ قراءة الإخلاص، والفلق. والناس، ثلاث مرات في الصباح والمساء؛ ثبت في الحديث أنها تكفي قارئها، أي: من شر كل شيء.

4/ حسبي الله لا إله إلا هو، عليه توكلت، وهو رب العرش العظيم، (7) مرات.

5/ من خاف من قوم فليقل: اللهم إنا نجعلك في نحورهم، ونعوذ بك من شرورهم.
وليقل أيضا: اللهم اكفنيهم بما شئت.
بالله يا أحبة لنحاول إيصال هذا المنشور لكل أحد في الاعتصام..

د. مهران ماهر ..

ما لانت لنا قناة ...
ولا انكسرت لنا عزيمة،
فالثائرات والثوار ...فرسان دافعوا عن الثورة في أيام اللهيب الحارقة...
وسهروا بالساعات والسااعات
في الليالي الحالكة ...

الحشا المحروق ما بنطفي لكن ببرد حبة

لمن تشوف الصمود في المتاريس.. ببرد

لمن تشوف الكوادر الصحية شغالة بتسعف في الأبطال والكنداكات.. ببرد

لمن تشوف الناس بعرباتا الخاصة شغالة إسعاف.. ببرد

لمن تشوف تعاون المستشفيات مع بعض.. إسعاف فضيل خاشي على المعلم شايل مستهلكات طبية .. وإسعاف رويال كير جايب دم ومستهلكات طبية للمعلم.. وناس دار العلاج مرسلين إسعافم لرويال كير.. ببرد

لمن بنك الدم المركزي يضربوا براهم ويقولوا أي حوجة دم إحنا جاهزين.. ببرد

لمن المستشفيات الخاصة تفتح أبوابا وتقول رسلوا المصابين/ات.. ببرد

لمن تشوف الخلق العظيمة وهي دايرة تتبرع في إستاك.. ببرد

لمن تشوف الناس شايلة العصير وخاشة إستاك.. ببرد

لمن تشوف عربات الإسعاف المركزي ومنظومة تواجد شغالة تنقل في الأبطال والكنداكات.. ببرد

لمن تجي تلفونات كتيرة وتسأل الحوجة شنو.. وبعد أقل من ساعة يتصلوا تاني ويكونوا/ن جابوا/ن الحاجة الإتطلبت.. ببرد

لمن تشوف غرف الطوارئ مليانة بالمستهلكات المرسلة من مستشفيات تانية ومواطنين/ات .. ببرد

لمن تشوف ناس بتسوي في العصير وتجيب الوجبات للمستشفى ومعاها موية.. ببرد

الله يحرق حشاهم زي ما حرقوا حشانا
والله يبرد بطن الشعب المعلم
منقول من صفحة ناظم سراج
#اعتصام_القيادة_العامة
#السودان_التصعيد_الثوري

خبؤوا الوطن الحبيب بين دعواتكم علّها ساعة استجابة ..🌸✨

يا رب فرح البلد ينتم...💙🌸

10/رمضان..
ﺍﻟﻠﻬﻢ ﻻ ﺗﺤﺮﻣﻨﻲ ﺧﻴﺮﻙ ﺑﻘﻠﺔ ﺷﻜﺮﻱ..
ﻭﻻ ﺗﺨﺬﻟﻨﻲ ﺑﻘﻠﺔ ﺻﺒﺮﻱ..
ﻭﻻ ﺗﺤﺎﺳِﺒﻨﻲ ﺑﻘﻠﺔ ﺍﺳﺘﻐﻔﺎﺭﻱ..
ﻓﺄﻧﺖ ﺍﻟﻜﺮﻳﻢ ﺍﻟﺬﻱ ﻭﺳﻌﺖ ﺭﺣﻤﺘﻪ
ﻛﻞ ﺷﻲﺀ..

#مريوومة

جاي ليك يانورة آفة ..
آفة للسوس البنقر عود عشيماً داخرو فيك 💔
#ترس_مصطفاوي_ممتلئ_بالوطن

فيا أيها الحبيب ..
أنت معنا بروحك وبحبك لوطنك وبوقفك أمام الظلم ..
وما زلنا نستمد قوتنا من نورة وعم عبد الرحيم ودكتور شول ..
و ( خوازيق البلد زادت ) تجسد نفسها فنرد عليها بـ ( يا زمان الآهة حدك )
ليبرز لنا شليل ( من شامة القمرا مهيقت بي وداعة الله ) قريباً ان شاء الله !
لنحبك أكثر ونحب وطننا أكثر ..

#الاء✍🏻

10/ #رمضـان اللهم افرح قلوبنا
واغسل احزاننا واغفر ذنوبنا
و اشفِ مرضانا و ارحم موتانا
‏انك على كل شي قدير..

ستمطر السماء فرحاً باذن الله 💜...
#õoba

تبقت لنا معركة واحدة واخيرة .. ستكون ملحمة اكبر من ليلة الثامن من رمضان، تلك الليلة التي ستعلن فيها الحكومة المدنية، ليلة السكاكين الطويلة كما اسماها فتحي الضو التي ستقتلع فيها الحركة الإسلامية من ارض السودان اقتلاعاً، سندفع ثمن الحرية والديموقراطية دماء طاهرة زكية وهو ثمن نسترخصه في سبيل هذه البلاد، لنتماسك .. تعبنا ولكن المعركة الكبرى شارفت على الانتهاء، سننتصر فيها لنبدأ في بناء هذه الارض من الحضيض.
#منقول
#السودان_التصعيد_الثوري
#اعتصام_القيادة_العامة

انتِصاره الذي ينشُد ✨🌸💙

أمبارح حوالي 2:30 لاقيت شجن والوضع متوتر وكان في أفراد من الرباطة في ميدان جامعة الخرطوم .. وهي كعادتها بتحاول تنشر إبتسامة رغم ملامح الناس الغاضبة والموجوعة .. قلت ليها شجن اسمعي الناس دي ممكن تتفلت تاني وانت حافظه جزء محدد في القيادة وماعايزين نخسرك ابدآ ننسق سوا وبعد نتسحر انا حأحوم معاك عشان لاسمح الله حصل اشتباك اقدر اتصرف وبستمر ماشي خلفك لغاية ماننهي جولة الإيجابيه حقتك ضحكت وقالت تمام يابت اتفقنا ؟ وعد قالت اي وعد وفعلا بعد حوالي ساعه ومكالمات سريعه كده اتلاقينا في نقطه محدده وبدت هي تلف عالناس ..
الناس كانت موجوعة شدييييد ماكان في التفاعل الزمان اي بينادوها شجن شجن .. ولما وصلنا جنب Weam Shawgi عملت لينا حفله (( حل الصباح وجات شجن حل الصباح وجات شجن )) وكل الشارع بقى منتظرنا نقرب منه عشان يقرو جملة اليوم ..

جملتها اصلا كانت محاولة مواساة واي زول يقراها بيحاول يزح مننا عشان مانشوف دمعته . وصلت معاها لغاية شارع النيل وصلنا جنب مستشفى العيون كانت حترجع قالت لي ارح نرجع قلت ليها لا امشي لغايه كبري الحديد تعالي في ناس بيحرسوا هناك وفعلا وصلنا لغايه تحت الكبري بعدين رجعنا لما رجعنا الشمس كانت بدت تمرق . ظهور الشمس يعني نهاية جولتها تقريبا هي بتركز عالفترة من 3-5 صباحا

جولتنا الفجر شفنا فيها الناس حابسه دموعها خجل من شجن بس ..

الحصل ببساطة انه شجن نفسها قعدت تبكي .. بكت لأنه من جوه حاسه بإنه الناس كانت متألمه ألم حتى عبارتها ماخففت عليهم بمقدار كل ليله .. قلت ليها ماعايزين نخسر عباراتك كوني بخير

ماتبكي فأنت ممكن نستمد منهم طاقة ..

لما الزول البينشر الإيجابيه يبكي اعرفه الوجع كبير..