ديل انحنا القالوا فتنا..
قالوا متنا..
قالوا للناس انتهينا..
نحن جينا..

#الشارع_بس..

#حتى_تكتمل_الفرحه..

كيف ما أحتار
في الزول البسيط معناهو
الجواهو زي براهو ♥️

#عصماء

​​شعبي ال كلما العوجات تتلب دافرة
ايدو سخية في الحارات وروحو معافرة
اخوان عازة مساكين ذمام النافرة
فرتقو قوة الدوشكة ام زخيرة كافرة

راجيين البيان ماشان حلاوة اذاعتو
شان بلدا ملان خيرات وظاهرة مجاعتو
البنزين مولع والمهج ولاعتو
جت تلبنا سمعا لي وطنا وطاعتو...

...
الجيش البلاقي الموت عشان يحمينا
شكرا شان بقالنا بصرنا لما عمينا
الكسرو الأوامر وجونا بشرو فينا
ستارين عروض شرفا وقلوبهم أمينة
....
الثورة البكاتل عوسه مجرم وجاني
دي الواي فايا فور جي والعلاج مجاني
بي عوس ديلا ابدا اصلو مالاقاني
شعب عفيف وملهم وفنجري وحقاني

....
بهدي الثورة لي (هزاع)
و(صالح)و(النمير) الفي المحاصه مناع
بهدي نجاحا (للفاتح) طويل الباع
ولي (محجوب )بقول دمك يمين ماضاع
...
(دكتور بابكر) .. وامو التقية الصابره
واستاذ (احمد الخير) اب كلمة جابرة
لي (عبدالعظيم) و(مآب) محبتي عابره
ولي كل الفدو البلد الولادو جبابرة
...
لي (عمرو) و(حسن)... لي (رزقا) (طارق) (سامي)
دوشكتي نمي... والقلم البغني حسامي
وحات اسم الله شقيش ما تطول ايامي
بطراكم جميع يوم الوطيس الحامي
...
بهدي نجاحنا لي (ماكوور) (وسمل) و(تبيدي)
انتو حضور وانا في غياب ومابي ايدي
ياأم( النذير)... في الفرحة لسع زيدي
ضحكك ضحكي يايمة وصباحك عيدي

...
لي (سنهوري )واهلو و(عم معاوية) هدية
سقطت لا سلاح شلناهو لا جودية
زي ماقلتو تسقط الا بي سلمية
سقطت مرتين وان درتو تسقط مية
....
شكرا تاني
لي كل الحراك... لي كل بعيد او داني
رب القدرة أجزل في عطاه و اداني
كونوا اخواني ديل وانا من اصل سوداني

نضال حسن الحاج..
١٢ابريل ٢٠١٩الساعة ١١م
الدوحة


#مريوومة

تجري الرياح بما تهوى سفينتنا .. نحن الرياح ونحن البحر والسفن ❤🇸🇩✌
#المجد_للأمة_السودانية

إن الذي يرتجي شيئاً بهمته ..
يلقاه لو حاربتهُ الإنس و الجن ..💙🔥

#لم_تسقط_بعد
#اعتصام_القيادة_العامة
#مدن_السودان_تنتفض

بالله لا بالناس تقضى المطالب 🕊

#لم_تسقط__بعد

علَى أجنحَة الفجرِ تَرفرِف..
فُوق أعلامَك⁦🇸🇩⁩⁦💜
مِن بينات أكمَامك..
تطلَع شمس أعرَاسك⁦💜✌

#لم_تسقط_بعد

الى كل سوداني ..
شخصك يعنينا في القيادة .. تخطينا الكثير و بقي القليل..
مـ ننسى انو نحن زاتنا الفرقونا بالبومبان والرصاص بغلبنا نقعد مع بعض نتونس ونضحك ونشرب موية عشان تعبنا الفات؟!
اخي العزيز /اختي العزيزة اذا حدثكم احدهم قائلاً لنعد الى منازلنا اجيبوا : " دة بيتنا هنا .. المفروض الـ فـ البيوت يجو مش نحن نرجع! "
لن نعود حتى تصدر قوى الحرية و التغيير بقيادة التجمع بياناً بالعودة!
"اطفالنا شهداء القارب المحزون .." حتى لا ننسى ..
البداية للجميع والثبات للصادقين، فالنصدق الوطن الصدوق يا رفاق ..
وكما قال دكتور معتز بخيت :
" في ذات يوم التقيك فهل يهمك من انا ..
من بين ساقية الزمان على امتداد الأزمنة ..
لك انحني يا نعم من كل الديار و نعم دار ..
لك انحني حتى تقبل جبهتي هذي الحقول على امتدادك موطناً ..
لك انحني .. "
قرب يوم اللقاء يا اصدقاء ، يا اخوة ، يا اخوات .. يا امهات يا آباء ..
نلتقيك اليوم يا وطني لقاء الاوفياء ..
اها يـ جماعة ثورتنا حقتنا مـ نضيعا مـ نضيعا مـ نضيعا ..
ونبقى الصمود حتى النصر ..
#لم_تسقط_بعد
#الشارع_بس
#اعتصام_القيادة_العامة

- بقلمي✍🏻

#الاء

نحلم نقرأ نتداوى
مساكن كهربا ومويه
تحتنا الظلمة تتهاوى
نخت الفجر طاقية
وتطلع شمس مقهورة
بخط الشعب ممهورة
تخلى الدنيا مبهورة
إرادة وحدة شعبية.

مسلم يسجُد في الظل و الحيطة مسيحية 🇸🇩✨

يا نيل قُبل خاطرك يطيب
أرضك تفذّع باللهيب
تكشح تواريب الغضب
صعب المِراس ..
نوبة وزنوج بجه وحلب
رطانة عربان مواشو
ومولدين تلقانا أو
نلقاك ضوء ❤ ..
ضلمة لياليك العِجاف
رشة نهاراتنا النشاف
آمنا بيك وموحدين 💓..
في إيدنا فاس وقلم رصاص
شتلة وكمنجة ومسطرين
وطبنجة في خط التماس
حرآسة من كيد البكيد
ضد الرصاص والإنتكاس❤..

جينا زي ما كنا حضنك يحتوينا ..
لما فارسك فينا هبَّ .. و عبَّ حجرك بالمحبة .. وبالأماني ..
صحى نار الثورة تاني ..
♡

وقيل : بدأت الأحلام ف ديسمبر حيث كانت تنتهي ، وتحققت ف شهر الأكاذيب أبريل ♥🇸🇩

حانبنيهو ..بالنفس الطويل ..
وبداية الغيث قطرة..
#اعتصام_القياده_العامه_مستمر
#تجمع_المهنيين_يمثلني ✌️

اللهُمّ صباح لا يَمسُّنا فيه سُوء ، صبَاح مُبشِّر بكلِّ شَيء جميل 💛🌸

‏( الثورات تُسرق لحظات الفرح )

‏⁧ #لم_تسقط_بعد ⁩

‏جميل ان نفرح بالانتصارات .. والأهم من ذلك ان نحرس ثورتنا ..

‏⁧ #اعتصام_القياده_العامه ⁩ " إلى ان تتحقق بنود إعلان الحرية و التغيير "

‏⁧ #الشارع_بس ⁩ " إلى أن تنتصر إرادة الجماهير "

▶ عقد الجلاد وطنا الزين by Galal Aldeen Kamal
https://m.soundcloud.com/galal-aldeen-kamal/wr7a8fqzeyqy
حبيبنا الزين لا تنضر لا تنعاق ...

ياا وطن عز الشدائد ...
ياا وطن عند الشدائد 💙🌸

‏"وقَربني إليكَ قُرب المُحِب، لا قرب المحتاج يا الله. " ❤️

#مريوومة