أشياء بسيطة

عاوزة اتكلم ف #موضوع_مهم ..

بتمنى تقروهو كلكم لأنو مفيد جدًّا .. ❤️

- ناس كتيرة بتفكر دايمًا إنو الله بعِد عنها و بقى ما بيديها زي أول ، و إنها بقت ما محظوظة في حياتها أي شي بتعملو بيخرب أي شي بتتمناهو ما بيحصل و بتشغل بالها كتير بالموضوع دا ..

طيب إنتو عارفين إنكم بالطريقة دي ممكن توصلوا نفسكم للإكتئاب أو ممكن تكفروا عديل بربنا ، طيب لي مافكّرت ثانية في اللي عندك ؟! لي بس بتفكر في اللي ماعندك ، لي ما فكّرت في العيون الخلّتك تقرا ، في لسانك البيخليك تعبر عن كل العاوزو و إنك ما احتجت في يوم لزول عشان تأدي مهاهمك المحتاج ليها ، في حركتك في قدرتك في خلقتك زاتها ، مافكّرت لحظة كون إنك لسة عايش و بتتنفس و بدال تعمل شي يسعدك و يرفعك قاعد عاجز ضعيف و بتلوّم في الأقدار ، ربنا كان ممكن ياخد روحك بس ماعاوزك كدا ضعيف و فاقد الإيمان بيهو ، ربنا دايمًا بيمهل العبد عشان يتوب عشان لما يومو يجي يمشي لربنا في أعظم صورة ، لي تكره حياتك و تشوف إنو الكل عايش إلا إنت و تتمنى الموت ؟!
فكّر في كل العندك اللي ممكن في ثانية يتاخذ منك و لسة معاك ، قوي إيمانك بربك و شيل الاعتقادات دي من راسك ربنا دايمًا بيقول (إني قريب) ربنا قال ( فإنك بأعيننا) ، ربنا قال ( ولقد نعلم أنه يضيق صدرك بما يقولون) صدق الله تعالى 💜
حنكذب ربنا يا جماعة ؟ ربنا قريب و جنبنا و معانا و سامع ندائنا و أرحم علينا من كل مخلوق على وجه الأرض ، بدليل حديث الرسول صلى الله عليه و سلم لما قال "فيما معناه" ربنا قسم الرحمة الى مية جزء و شال هوا 99 جزء و أدانا وااااحد بس .. يعني كل الرحمة الشايفنها على وجه الأرض دي ربنا أرحم علينا منها بكتييير ، رحمة أمك أبوك و كل أحبابك و أكتر ، متوقع ممكن لو لثانية ربنا يبعد عنك ؟ أصبر على كل الصابك لأنو أجر ليك و سبب لغفران ذنوبك عشان تدخل جنته بلا عذاب و قرب من ربك وما تبعد عنه و لو لثانية و دايما قول ( اللهم ردنا إليك ردًّا جميلا) 💜

#شير_و_فيد_غيرك
#لكي_نتقرب_من_الله
🔏 #ربا_عبد_العزيز

7.23K views💙...:), 14:40