- بتعجبني البساطه جدا ًوبحب وبحترم الناس الماشة علي نهجها .
بحب اشوف ناس بتبتسم اول ما تشوفك وتسلم عليك بكُل الُحب الفي الدنيا. بحب انك تصدم واحد من الماره وتعتزر ويرد"ماف مشكلة" بكل عفويه ومعاها ابتسامه عريضة ..
بنبسط شديد لما الاقي اتنين اندمجو مع بعض من اول ونسه من اول لقاء ، واقدر الاحظ واشوف الحُب في عيونهم .💕
بحترم الناس البتحكي ليك مشاكلها وهي بتضحك ، ذي ضحكتهم بتحكي ليك انو الحياه دي اتفه من اني ازعل فيها .
وبعشق تكشير وجوه الناس لما تغير علي بعض و يتعاتبو عتاب لطيف ، والناس المهما تغلط في حقهم طوالي مسامحين وخاتين ليك الف عزر .
الناس البسيطين في لبسهم ، نوعية أكلهم وحتي في طريقة كلامهم ، بسيطة ولينه سحنتهم .
بحب الناس الرغايه البتقعد تحكي معاك بالساعات وعمرنا ما ملينا او زعلنا من كلامهم الكتير .
بتمني اني اكون متواجد في كُل مكان تكون فيه ريحه الحُب مطلقه عنانها ، "ذي لحظه انتظار غايب في سكه القطر والنظرات وشكل العناق ساعاتها" .
بحب اشوف الدنيا من زاويتي الخاصه ، زاويه الافلام والروايات الفيها كُل شي حلو وجميل بغض النظر عن المشاكل المعشعشه في دواخلنا . من بعيد الدنيا ابسط واجمل بكتير .
تعاملنا ببساطه ومن بعيد ، بدون تكلف او سطحيه بخلي روحنا أجمل وقريبه من النقاء لدرجه تخلينا أطفال .
"بحب اعيش كُل نهاية جميلة"💜
#محمد_كاكا

الفرحة
عمرها ماقروش
الفرحه بس حبه رضى💜🎶

- نمشي في كل الدروب الواسعة ديييك ..
والرواكيب الصغيرة تبقى أكبر من مدن ..♥️

#رزه

ولعل ما انت ساعي إليه ساع اليك ولعلها مسألة وقت 💜
‏الأشياء العظيمة تأخذ وقتا🌸💕
‏قم وقاوم💪🏻

الليل الهادئ يذكرني حبيبي الغايب من بدري..💔

الغِنيوات البسرقن ديمة إيقاع ضجّتك في دمي يا رب كلمنّك !
ولا ساكت بقشرن بيك ؟ 🌸💚

السكه يما بدون رضااك ما بتتمشي والدنيا كلها غير معاك ما بتسوي شي✨🖤

‏عندما قالت لي أُمي :
‏تعالَ أدخِل لي الخيطَ فِي الإبرة ، أخذت أُحاولُ كثيرا ، لكيلا أُشعرها "بأنها كبُرت"

"نحن لانتعود يا أبي إلا إذا مات شيء فينا...فتخيل حجم ما مات فينا حتى تعودنا على كل ماحولنا. "
⁧#ممدوح_عدوان⁩

الليله كان حملك تقل
خُت المحمله فوق جناك
يا يابا يا قمري البهل💜🎶

إن البيوت إذا قامت على التسامح، وشيدت على العفو، وزينت بالصفح، وتعطَّرَت بالتجاوز والتغافر، ساد فيها الحب، وعمرها الهدوء، وخيَّمَت عليها السكينة..

#مريوومة

..
رَمت السلآم زيّ شَنطة مِن كتِف المُسافر بي تَعب..♥️

#حميد

- ‏توفي صباح الثلاثاء 20/3/2012 محمد الحسن سالم حميد، إثر حادث مروري بطريق شريان الشمال الذي يربط العاصمة الخرطوم بالولايات الشمالية..
عرف حميد مشاكساً للأنظمة السياسية في السودان صادحاً بالقصائد المصادمة ، وكتب كثيراً بالعامية السودانية ، وكان مؤمناً بالحرية والديمقراطية والسلام ..♥️

سلاماً لروحك الطاهرة ..
#رزه

صحي الموت سلام ما يغشاك شر 💙

من حقي اغني لشعبي من حق الشعب عليا
لا بايدك تمنع قلبي ولا قلبي كمان بايديا
علمني اغني الطين المخرطة والطورية
والناس الصابرا سنين. في الحاله المادغريا
الماسكة الجمرة في ايدا. والجمرة بتلهب حيا
لاقادرة الجمرة تفيدا ولا قادرة تولع هيا
يا قلبي بلاش تستعجل في الدرب شويا شويا
واصلين المابتعجل اليوم الشمس قوية
للغش بنهاب المنجل. لا طب النار الكية
يا صقر يا افة يا ريح. لا تنفض عش قمرية
من حقو يغني صريح ذرية ورا ذرية
من حقو يغني العالم. ابداع وعلم حرية
انسان وشعوب نتسالم نتسالم بي حنية
في نخب الود نتقادم لا جنس ولا لونية
لا عرق لا اه نتقادم سكتنا بياض النية
مش كلنا جينا من ادم مش ادم ابو البشرية
السجن اذا يترادم نبنيها قلاع ثورية
عقبال الخير يترادم والدنيا تمش دغرية
من كفك يا بني ادم حرية سلام حرية

نسأل الله المغفرة للشاعر القامة : محمد الحسن سالم حميد.

‏وطني الكتير بالشي الشوي
‏هاك المنام من مقلتي
‏هاك المتاح من تضحيات
‏هاك كل شي 💙🇸🇩
‏⁧ #حميد ⁩

حميد في معجزتو العظيمة (مصابيح السما التامن) الهي عبارة عن رثاء لمصطفى سيد احمد وصف طُهر مصطفى بوصف عجيب جداً ، مصطفى طبعاً كان بغسل الكلى بشكل منتظم اخر ايامو بعد اصابتو بالفشل الكلوي
حميد قال في الحتة دي

اطهر وزيزينن يعوم في النيل مع الصير منشغل
ولا البقوم يوم بعد يوم يغسل دمومو عديل غسل❤

بجي يشاكلو في حتة وطنيتو الزايدة دي بصورة جميلة رغم كل حب حميد للوطن فبقول

بدا وطن
ويدا وطن
مع انو حباك ميتة الغربة
واستكثر عليك كفن

في نهاية النص العظيم دا بجي يختصر الحاجة دي كلها لامن يقول

من كان بيسمع مصطفى
صن ووهج صوتو انطفى
ومن كان بيسمع ماا اصطفى
حر بقضيتو وبس كفى

(من المفترض يكون في مشاريع لاعادة تعريف الرموز الجمالية الجات في بلدنا دي)..💜

سامي عابدين

"كتف الغُنا الميّل هنا
على مين وراك حيتّكل! ''💜

والليلة يا حميد....
تبكيك (ست الدار) (والسرة بت عوض الكريم)
و(الجابرية) و(اتبرا الطيبة) و(قماريها وحواريها)
الليلة (نورا) ابوها مات.....
ويا وجعة (حشا المغبون)
... الليلة ضاع (حَق الغُنى)
مرقت افتش ليك من (حجر الدقش)
و(بيني وبينك) (آخرالريد)
يا حليلك يا زول (يا زين)
الليلة (مرقت مشيت وين) ؟
سلامات (يا احن الناس)
(هردت لهاتى) بالبكيات
الليلة فوت الوطن (في عِز الشدايد)
والليلة قالوا حميدنا مات
عزرا يا وطن فقد مات من كان يناضل باسمك
ابكي معي يا وطن ابكو معي يا اهلي الغبش فقد مات صوتنا قد افل قمر المناضلين رحل حميد آه انا
لكنه القدر ونحن مؤمنون به
فقط قل لي كيف ابكيك يا حميد؟؟؟؟
اللهم اغفر له وارحمه واسكنه فسيح جناتك مع الشهداء والصديقين وحسن اولئك رفيقا..💜

20/3/2012💔

وفي كثير من الأحيان تكون المشاكل الكبير يكمن حلها في "أشياء بسيطة " جداً ..
كالجلوس أمام البن وهو يقلب على الفحم ، واستنشاق عطره ♡ ..

مالك وقت سميتك الضُل البقيف برجاهو ما هَمْاك حفاي؟ ..💔