رابط صفحة اشياء بسيطة الجديد علي الفيس بوك ..

https://www.facebook.com/simpth/

‏حقرونا باسم الدين ..

كتلونا بإسم الدين ..

الدين بريء يمة ..

الدين بقول الزول .. إن خلى حقو يموت ..

بيخاوي في شيطان ..

الدين بقول تمرق ..

تمرق تقيف في الضد .. وتواجه الحكام..

الدين بقول الزول .. إن شاف غلط منكر ..

ما ينكتم يسكت ..

ببقى الغلط ستين ..
‎#موكب28فبراير

شعب طالب بي حقوقو
بعد ما يبست حلوقو
تكتلوهو وتبكو فوقو
مافي زولا فينا بصبح
مطمئن ضامن شروقو
امشوا يا كيزان وفوتوا
انتو للإعمار تعوقو
كل يوم كاتلين مواطن
تنهكوا الحرمات تسوقو
قتل زول مقتل وطن
اتقوا الله اصحو فوقو

نحن كلمناك زمان
‏انو شارعنا بيعدي
‏وانت ما قدر الطوارئ
‏ولاكا زول قدر التحدي
‏ونحن امواج انتفاضة
‏جاية ح تشيلك تودي
‏ومهما تعمل من مخازي
‏لي جبين اهلك بتندي
‏نحن سلميتنا قوة
‏وكل رباطتك وجندك
‏ما بتقدر للتصدي

#موكب28فبراير
#مدن_السودان_تنتفض

‌‎#موكب28فبراير 💯

دا أول موكب شامل بعد قرارات الحكومه

نجاح الموكب دا بالذات ح يغير أشياء كتيرة

⭕️ الحكومة ح تتخبط أكتر
⭕️ الخايفين بعد نجاحو ح ينضمو
⭕️ المحايدين ح يتعاطفو
⭕️ الإعلام بعد الطوارئ بقا مركز اكتر

◾لاحظو الحكومة من ١٩ ديسمبر عملت وفعلت وسوت ونحن ثابتين على ميثاق ‎#تسقط_بس

‏🛑 موكب بكرة ما في العربي
🛑 موكب بكرة ما في العربي
🛑 موكب بكرة ما في العربي
🛑 موكب بكرة ما في العربي

✅ موكب بكرة في الاحياء
✅ موكب بكرة في الاحياء
✅ موكب بكرة في الاحياء
✅ موكب بكرة في الاحياء

‎#موكب28فبراير
انشروها فأي حته .

ياتو رصاص ما عقبو خلاص...ياتو وطن دام للانجاس...

لا تنتظر من احد ان يبتسم لك حتى يبدو الصباح جميلا ،
ابتسم لنفسك وقل صباح الابتسامات الجميلة ♥

#مريوومة

دم الشهيد بي كم ؟
#موكب28فبرايؤ

نالت على يدها ..
ما لم تنله يدي ..
نقشاً على معصمٍ ..
أودت به جَلدي💙..

‌‏وصبرا فالاماني مقبلات
‌‏تكاد تكون عن قُرب تكاد
‌‏أليس الفجر يخرج من ظلام ؟
‌‏ونور الصبح يسبقه السواد ؟

الشوارع لا تخون
#الشارع_بس
#تسقط_بس
#موكب_٢٨_فبراير

عبِّ الحناجر بالهتاف ..
يوم النِزال ما يقولوا خاف ..
سلمية من كل الجهات ..
سلمية من كل الجهات ..
نار الله من تحت الرماد ..
لبَّت زغاريد البنات ..
صلّينا حَيَّ علي الثبات ..
سلمية من كل الجهات..

دايرين موكب زي موكب ٢٤💙🔥

#تسقط_بس

موكب الرجل الواحد ..♥️

#موكب_28_فبراير

وَمَا نَحْنُ إِلَّا مِثْلهُمْ غَيْرَ أَنَّنَا
أَقَمْنَا قَلِيلًا بَعْدَهُمْ وَتَقَدَّمُوا..

نحن مرقنا ضدّ الناس الكتلو ولدنا💔🔥

#موكب_التحدي
#تسقط_بس

ﻳﺎ ﺣﺎﺟﻪ ﺯﻳﺪﻳﻬﻦ ﺷﻮﻱ ﻧﺎﻗﺼﺎﺕ
.. ✨ ﻗﺮﻳﺸﺎﺗﻚ ﺃﻇﻦ
ﻣﺎﻋﻨﺪﻱ ﻏﻴﺮﻥ ﻳﺎ ﺟﻨﺎﻱ ﻛﺎﻥ ﻣﺎ
.. ✨ ﺑﺘﻤﻦ ﺭﺟﻌﻦ
ﻭﺍﻟﻠﻪ ﺷﺎﻥ ﻛﻠﻤﺔ "ﺟﻨﺎﻱ" ﺍﻟﻠﻴﻠﻪ ﺗﺐ
..✨ ﻣﺎ ﺑﺮﺟﻌﻦ
#مريوومة

يا الله ما يسقط شهيد..
يا الله ما ننقص نفر..🙏💜

لو مسافر شان علاجي بلقى في شوفتك دوايا ..
ولو مسافر شان كسانا اخير نعيش جنبك عرايا ..
لو عشان كرعينا راحل نحن بي بعدك حفايا ..
لو عشان تسقينا زمزم نحن بي حنك روايا ..

نار الله من تحت الرماد
لبَّت زغاريد البنات
صلينا حيَّ على الثبات
سلميه من كل الجهات🇸🇩💙🌸

وسط البمبان
والرؤية تطش بين الدخان
موبايلي يرن
دي الوالدة أظن
فعلا ياها
و بكل حنان
( يا ولدي دحين كيف في أمدرمان
الوضع أمان ..? )
والصوت الطالع فيهو الخوف
خايفاني أضيع ما بين المطرقة والسندان
ياهو السودان
البلد النيلو صبح عطشان
البلد الكان ماليهو الخير
بلد الضيفان
الأصبح بين أخوانو مهان
يا يمة بجيك
بس أوعك تمشي تجيبي العيش
خليهو علي لو بالأمكان
الشارع بقي ما فيهو ضمان
العيش ملحوق
والجوع ممحوق
ما ماشي براي
حولي الأخوان
أخوان في الدم
لمانا الهم
حالفين يا والدة نجيب العيش
وكان شفتي كمان
لاقاني هناك بتاع اورنيش
قال إنو أبوهو أتوفي زمان
يوم كان في الجيش
الشافع قال لي ما فاطر
وفي المدرسة كنت زمان شاطر
ما حصل أبدا جيت الطيش
لكن الجوع طبعا كافر
وما داير أختي في يوم تتهان
وما برضي المغرب لو أذن
تلبس توبا وتمشي الدكان
وأنا لابس طرحتا كمامة
وأنا يا عمو ساكن أمدرمان
الشافع يمه ملاهو الهم
ما عارف عمرو يكون ذي كم
بس أصغر من شيل الأحزان
في سنو طفل جابو الترحيل
نام حبة وقام
أتغدي تمام
شال الكورة ومرق الميدان
الشافع يمه بعد عمري
درسني حصص ما بالحسبان
ياهو السودان