رزاق يا كريم ..
صلى علي عجل ..
همهم همهمة ..
حصن للعباد ..
و هوزز سبحتو ..
و دنقر للتراب ..
هم فوق همهمة ..
صنقع في السماء ..
كان في الجو في غيم ..
و كم نجمات بعاد ..

عم عبد الرحيم💙✨

وبت في الغيمة بتمشط براحات الغنا الواسعات💜🎶

نحن ممتنون لأولئك الذين قابلوا شتات أنفسنا بحكمة آرائهم وجميل عونهم، فأناروا لنا الطريق بعدما كان الظلام مؤرقاً.
#مريوومة

وإزلال الحقوق والغئ ..
نفج الليل نجيب الضى..
ونهتف رغم تهديدك ..
"طؤارى بس ..طلوع مافي "
نزيد اضعاف ونهتف ليك
شوارع بس ..قعاد مافي
ح#تسقط_بس

‏ثورتنا حتى النصر
‏ضد العساكر ديل
‏ضد المساخر الليل
‏ضد الأساؤوا الدين
‏ضد الأباحوا الناس
‏ثورتنا حسي تقوم
‏لا بكرة لا بعدو
‏ثورة شباب و بنات
‏ثورة زنوج و عرب
‏مسلم على وثني
‏دينكاوي حلفاوي
‏بجاوي غرباوي
‏من نمولي لي حلفا
‏من كسلا لي قيلي

ولداً متين بقى للسفر ؟ والإغتراب والدردرة ؟!

يمة الله جابك في شكل عافية ، كلمة دافية .. فيض محنّة في شكل جنّة 💜..

زيد السجن ترباس الطلقه ما بتكتل بكتل سكات الناس ..✌️

كيف أخبرك بطريقة منمقة أنك بداخلي رغم المسافات ، والبعد وقلة الكلام ، وإزدحام الأمور السيئة ،
كيف أخبرك أنك ثابت بقلبي♥

#مريوومة

و التقى جيل البطولات بجيل التضحيات💙🔥

أزيد إصرار وأحلف بيك ..
أغير سكة التيار ..
أقول ي وطني ي أغرق ♡..

هو شنو الفضل في الدنيا شان الناس تذاكر و تمتحن ؟
بس نبرا من عيشة الفقر..💜

باكر قطار الهم يودعنا ونلبس الفرح قمصان ..
ونوزع في وطنا سرور و نتساوى غني وغلبان ..
و بكرة نقول وطنا جميل و نفخر أنه دا السودان ♥️🇸🇩🎶

وحياة مولايّ إنّ الشمسَ في عليائها أنثى ، وكلُّ الطيباتِ بناتُ 🔥💜

و عندما يضيق بي الحال يتجه قلبي إليها تلقائياً ..
الى صديقتي ..
دمتي حتى نهرم سوياً💙✨

#الاء✍🏻

عند جُدرانَ المُستشفياتِ سَمِعَت صَلوات صادِقة أكثر من المساجِدِ والكنائِس ...💙✨

كتف الغريب ما بسندك
ضهر الغريب ما بقيف معاك
ما بفهم الوجع الجواك

لو قلت ليه
"الروح مشحتفة في البِلود"
كدي ترجمها
بِقدر يحسها يفهما؟
هل ياها ذات المعنى و الحِس و الوجود؟!!

الحوجة دم فريش فصيلة AB+ لعملية قلب مفتوح محتاجين 18 قزازة و العملية مقرر إنها تكون بكرة
مكان التبرع مركز السودان للقلب
رقم المرافق 0993312000
الشير فرض حب
يلا نسد الحوجة 💜

"يامظلومة وظُلمـك باين أبسط حق طالبا الحرية
يامجروحة وغصباً عنك تدي الروح الغالي هدية
لما قليبـك يلوي ضُراعك في الاحلام او كان بالنية
تلقي أسرارك هي التختارك بالقانون والعُرف ضحية"

دائمـاً بنسأل روحنـا ليـه المجتمع الدولـي متمسك بالبشير !؟
لأنو المجتمـع الدولـي ده كلو عنـده ديون على (حكومة السودان)
تُقـدّر بـ 60 مليـار دولار ..
والثورة دي لو نجحـت بإذن الله الديون دي حتسقـط وأي إتفاقيـة عملتها الحكومة (المخلوعة) دي ما حتلزمنـا بما فيها اتفاقية نيفاشا
انت قادر تتخيـل ..!؟ الجنـوب تانـي 💓 !!!
عشـان كـده كل العالم عايـز يوصـلنا لإنتخابات 2020 عشان أي حكومـة جديدة تجـي بعداك تكون ملزمـة بالإتفاقيات ودفع الديون
عشـان كـده حلنـا الحيوقفنـا على رجلينـا واااااحد وهو نسقط العولاق ديل هسي
الخميـس عندنا #موكب28فبراير لازم نصندد قدر قدرتنـا ونضغط على الرأي العام العالمـي اللي بدوره حيضغط حكوماته
ضغط بـس لحدي ما #تسقط_بس
#مدن_السودان_تنتفض

وكنداكاتنا قلبِن حار .....
بيهتفو في وشّ العدو الغدار......
وزغرودة حماس صوتهن جوه البمبان......
وجيلاً واعي من يوم قام و ما خواف .....
ونيرانا البتضوي الليل لهيب وشرار.....
طوارئ مين بترهبنا !
مواكب تحلو ضهريه ......
سلاحنا الأقوی سلميه.....
وهُتافات تعلو حرية .....
بنمرق نحنا ماخايفين ... دا ما سودانا كيف بنخاف !
هناك النيل وداك توتيل جبل مره ......
حنفضل نحنا مُتماسكين ....
عشانك إنتَ في الأول ....
عشان حق الوطن مسلوب ....
عشان حق الشباب الضاع .....
عشان دم الشهيد ما يروح ....
وباكر نبقی مُنتصرين ... ..
من البشوّه إسم الدين ....
بطيبتنا وآصالتنا نوزع في الفرح كيمان ....
ودايماً ديمه مُتصافين .....
نعيش في سلام وحريه .....

#تسنيم_الشوربجي