قبل تشييع الشهيد الفاتح النمير بساعة، إتحركتا مع مجموعة شباب بالمواصلات عشان نلحق مراسم الدفن. من الكلاكلة لأمدرمان.
لاحظتا في وجوههم حزن حقيقي، حرفياً ما فينا واحد اتكلم مع التاني، وكل ما نقرب على أمدرمان الضغط النفسي بيظهر اكتر في الملامح.
صاحبي إتلفت علي وقال لي: قادر تصدق انو ديل كلهم ما قابلوا المرحوم في حياتهم؟!
البيشوف منظرهم وحسرتهم بيقول المرحوم كان واحد من الشلة لسنين طويلة.
أول ما وصلنا دخلنا بشارع غلط، ولقينا نفسنا في عزاء الأمهات، سألنا ووصفوا لينا محل الرجال، وانهم طلعوا للتشييع قبل شوية، ووصلوا شقلبان.
طلعنا على اتجاه شقلبان، في الطريق لاقوني مجموعة بنات شابات، وقفتني منهم واحدة مخنوقة بالعبرة، ظاهر انها كانت بتبكي طول الطريق، قالت لي يا اخ بيت العزاء وين؟ قلتا ليها الشارع الجاي يمين.
قالت لي: المرحوم عندو أخوات؟
يعني برضو ما بتعرفو.

في التشييع، الشاركوا فيهو عشرات الآلاف، الهتاف كان شخصي جداً، مُختلف عن أي تظاهرة سابقة، كل راجل، كل بت، كل ولد، كل طفل بيهتف، كان ظاهر عليهو إنو من ناس البيت. بسبب الحزن والغضب والصدمة الفي وشو.
الثورة خلقت مجتمع جديد، وجعتو واحدة.
المعتقلين حالياً في بيوت الأشباح، مفتقَدين في كل البيوت، ما بيوتهم بس.
دا البيخلي الإقدام على التظاهر ما طبيعي، دا البيخلي الثورة مستمرة..
ما تهوّر منهم.
أنا عن نفسي ما شخص متهور أبداً. شارع الظلط دا ما بقطعو إلا يفضا في المسارين. بس الوضع هنا مُختلف..
أظن حاتكلم بلسان جميع المتظاهرين لما أقول: الموت حالياً ما أكبر مخاوف الثوار.. الخوف الأكبر: موت الثورة.
ما حنسمح دم الشهداء يروح هدر. دا حيقتل أمة كاملة. حاضراً ومستقبلاً.

#موكب7فبراير
للشهداء والمعتقلين.
اليوم الخميس، قبل منتصف اليوم.
السوق العربي.

ياشعب ياحامي الوطيس
‏ساير مجرتق بالخميس
‏واصل هتافك فالرئيس
‏ماعندو ليك غير الرقيص..
#موكب7فبراير..✌🔥
#تسقط_بس

ما تنسى إنك كنت صاحب راي وبيت
أهلا حباب لو دقَّ باب
عندك مخدَّه وعنقريب هبابي
لمه وقهقات ..
اوعك تخاف ✌
#موكب٧فبراير
#تسقط_بس
#Areej 🌼

‏السلام عليكم
في حوجة دم فريش 8 قزازات الفصيلة B+ لي عملية قلب مفتوح في مستشفى احمد قاسم
اتوفر متبرعين و فاضل 6
و مواعيد العملية متوقفة على توفر المتبرعين

البيقدر يصلهم ما يقصر💕
رقم المرافق 0999883331 عبدالله

بتاريخ 7 فبراير 2019

لسه كايس في الجريده . .
عن حروف تشبه ملامحك . .
عن خبر عنك يطمن . .
يحكي فرحك وإبتسامتك . .

#مريوومة

تحي تعيشي لا مكسورة لا منهورة ..
لا خاطر جنّاك مكسور ، بل مستوورة ❤
#كنداكات
#تسقط_بس
#Areej 🌼

إذا تحتم عليك السقوط فكن نيزكا.....✌🇸🇩💜

جميل أنت كخطاب تجمع المهنين لثوار فى محاولة إسقاط النظام😴💜

‏سَلامٌ طِـيبٌ للذين يُحبوننا بلاَ مُقابلٍ ، وَ نحبهٌم كالحياةِ ~☘

جيت داير أغسِّل همي فيك وآلقالي في جوفك سند
كايس شليلي وِدرت آنـا تاريني ضليت الدرب
..والله يامُدن الضياع..
#sado

مولاي صلي وسلم دائما أبدا على حبيبك خير الخلق كلهم..♥️
تتبارك جُمعتكم..✨♥️

وانت يا سودان قيافه....
فيك تراب راويهو نيل💙🌸

الطيبون ﻻتتغير صفاتهم حتى لو تغيرت أحوالهم ..فالكريم يظل كريماً حتى لو أفتقر ، والمتسامح يظل متسامحآ حتى لو ظُلِم ..


#مريوومة

لست من نور لتغفر..
أنت من طين لتبني.. 💙

حالفين نبنيها بيوت الطين
أبراج عاليه.. وامواج جاريه..
والفرحه تشيلنا شمال ويمين.. ✨💕

نشهد على إنك ولد
طمّنت بي فعلك بلد
من أوّلا ولي آخرا...

#تسقط_بس
#موكب7فبراير
#سمرية

كتبت ليك والله ياقمر الزمان
شان جيتي بي زمن المحنة
وشفت في عينيكي ..
حس أهلي القدام 💖
#Areej

#منقوووول_بحب❤
كتب شول كات ميول

لم نستطع الآن ان نقدم لكم شيئاً سوى تشجيعكم فقط...
لكن يقينى ان جوبا هى العاصمة الوحيدة التى سترقص طرباً عند سقوط الطاغية ..

الثورة السودانية المباركة....فى تقديرى ليست ثورة لإطاحة النظام الطاغى فحسب بل ثورة وعى ومفاهيمى كبير ...
من يعتقد أنه ممكن ان يتم سرقة الثورة عليه ان يعيد قراءة الشارع الآن فى السودان.
ثورة حتى ضد العنصرية....
توقفتُ كثيراً فى هتافٍ للثوار...
.....ياعنصرى يا مغرور كل البلد دارفور ....
.
فى إشارة واضحة للإعتقال التعسفى التى تعرض له نفرٌ من ذاك الإقليم الذى حاربه البشير منذ سنوات ...
اللعب على أوتار العنصرية وتفريق الشعب السودانى لم يكُ مجدِياً بعد الوعى الذى رأيناه ...
هذه الثورة المفاهيمية تأخرت كثيراً حتى جرت مياهٌ كثيرة تحت الجسر...لكن قِيلَ ان تأتِ متأخراً خيرٌ من ألا تأتِ ابداً...

لم نستطع الآن ان نقدم لكم شيئاً سوى تشجيعكم فقط...
لكن يقينى ان جوبا هى العاصمة الوحيدة التى سترقص طرباً عند سقوط الطاغية.... لم نترككم لتحتفلوا براكم بل سنسهر الليل فى الليلة الكبرى وان طالت فلا بُدَ من مجيئها. ♥️✌️

شول كات ميول

#تسقط_بس