أشياء بسيطة

متاريس السجن فكت...
ترابيس السجن نقصت ..

2016 متهم زوراً بقتل شرطي
2019 تم نطق الحكم ..

عاصم عمر "براءة"
عاصم عمر حر كما ينبغى له ✌️🏽💚
و برضو تسقط بس ✌️🏽🔥

14.4K viewsBonheur 🌸, 11:02

أشياء بسيطة

ست الدار
في الزمن الحاضر 2018....

بسم الحاضر ، ودون مستقبل
ست الدار بي حسرة
بتكتب ....
ليك يا الزين ، ود حامد شوقنا

أما بعد :

المبعوت المنك - قصصصر
وما سددت الطلب الفوقنا
وباقي الدين يا الزين خانقنا
وكل الفضل - للعيشات
وحبة زيت ،
لا جاب سكر ،
لا تمالنا ، ، المنصرفات ...
وزي ما قتلك قبال ده
راشد ، ساب المدرسة بدري
شان الفصل ، انكايل بيهم !
والتومات خايفالن داعش !
وشيخنا الفارش!
عوض الكارش !
جلابية وسبحة ، ، ودقنو
وراكب الفارهة
وللدين فاااااااارش ...
قال يدوهو التومه عروس
تبقي الرابعة !
وتسكن شقة وفي كافوري
وفوق خلق الله تدير وتسوس ..

وما كلمتك بالبكيات :

اول امبارح ، غرق المركب
قطعو قلبنا -
ولاد ، ، ، وبناااااات
اطفال ، ، صرررررررر !!!
وقام فزعونا الخواجات !
والله جد
جونا براهم ، ، بالقنوات ...
والمسعول الكان كارهنا
جانا كمان سايق العربات ...
فاكر نفسو ، بواسي الفينا ..
ما عارفنا ، ، برانا شقينا ..
ومن كضابتم ، ، انكفينا ...
ولولا الفاتحة وحق الله
ما راضنو هو ذاتو يجينا !!!

نحن خلاص ، لملمنا الخوف
بعد الجوع ، الفينا صفووف
وكل الحاصل ، ما معروف
وكل ما نطلع نحن الشارع
يمرقو لينا ، كلاشنكوف
والموت ، ، حق
وكلنا ياخ ،، ميتين الاف
من الهم ، الحارق الجوف ..
من الصلصة
وحب الشاي ،
ومن الفرح ، الساي مخطوف ...

جنس بدع !!!
(مكنا) ده يحيير -
عند الجد ، تلقاهو يهرطق
وعند الفارغة يشيل ويبعزق
واتذكرت كلامك لي
انو في ناس لاعبين بالدين
وحد لاعبنبنا فى السودان ...
والله يصرف ، الصرفيكان ..
ما خلوني ، نشدتك منك
كيفن حالك ، والخرطوم
وكيف ، المصنع والعمال
حالم لسع نفس الحال ؟
ما ادوك ، في البنك قروش .؟
لسع ديل سارقين الراتب ..!

وكيف الناس ، والحالة عموم
وكيف مطراتكم في الخرطوم !
المويات مالايات الشارع
والباعوض فوقكم بيحوووم ..؟!

بالي معاك يا الزين ود حامد
بالي هناك والشوق الشوق
خلي شجيرة الجوف محروق
راجي مطيرة الزين ود حامد
احنا نصاحا ، زي واطاتنا
نحن نصاحا ، زي شعلاتنا
رغم القطعو ، خيط نعلاتنا
احنا نصاح ، إلا القراص
والأسواق
والحاصل البحصل كل صباح ..

شتلاتك حرقن ..
والانحرقن مليون نخلة
وكم فدان ...
والحملان ، ماتن
بالجووووع !!
والعضمين الروكي انسرقن
يوم ما قالو ، علينا ضرائب
والحق غائب ...

زيك واحد ، ، واااحد زيك
مضغوطين ، وما ناسين
المسؤولية ..

هي يا الزين اجعر ...
ما قتلك ...
بت أم زين ، فقدت اطفالا ..
خمسة بنات ، كانن راسمالا ..
وكل الناس الفقدو ، عيالا ..
واقفين ، جت وقفت رجالا ..

والمحجوب ، ، سوالو دقينة
وشو مجضم ، وسكتو شينة. .

وراااشد كررررر !!

ما ح يقيف في صف العيش ..
إلا الدولة تقول ، ، معليش ..
والا الشعب ، يقص الريش ..

والله يبعد العارضي تعال
لو تترفد ، ان شاء الله
واوعة ، البشغل
والعربات ، ،
شارع الزلط الحفرو تبقبق
ولا تغشاها الصرافات ..
الحكومة فسادها ، الداير
أم أولادك
ست الدار بت أحمد جابر

7.29K viewsSimple 🌸, 13:00

أشياء بسيطة

وانا يمة دمي بفور ..
م بنكتم واسكت .. إلا العسس دا يغور .. 💔
#تسقط_بس ✌
#Areej

6.51K viewsAreej Haj, 14:19

أشياء بسيطة

أم الشهيد جاكي الخبر؟! ..
وروكي حال ولدك هناك ..
يا يمه راح بي نار غدر ..
ما تما عمرو الجاي معاك ..
ولدك نجيض ما خاف كجر ..
ولدك عريس شايل رضاك ..
بي دمو يا يمه انستر ..
جرتق رصاص و بخور دعاك ! 😪💔🇸🇩

8.18K viewsEsrââ ♡♡, 16:01

أشياء بسيطة

الليلة تسقط بس ..
و بكرة الجنوب يرجع ..
بكرة الجراح بتطيب..
و قبر شهيدنا رطيب..
❤️🇸🇩✨

6.18K viewsBonheur 🌸, 17:28

أشياء بسيطة

يتوعدوونا لنا بمصير سوريا واليمن..ولكن نحن نبشر بماليزيا ورواندا وجنوب افريقيا
فجر الخلاص قرب✌✨
#sdoo

5.69K viewsEsdaa, 18:05

أشياء بسيطة

أنا يا بلد 💔
رغم الألم ..
سانِد رويحتي على الكريم ..
بفرح و أقول باكِر تقوم
شتلة أمل ❤️..
رغم الظروف ..
أنا لسة مليان بيك حِلِم 💜
ضايق طعم كُلَ الصِعاب ..
مُتحَمِل السِكة الضَباب
شان نلقى فجوات من بريق ..
نتعب عشان باكِر #نَصَل ❤️

6.53K viewsăsmaa, 19:02

أشياء بسيطة

‏سامح العينو اتقدت في المظاهرات
الليلة عقدو في مستشفى رويال كير علي خطيبتو
ومرتوا طوالي ماشه معاهو روسيا عشان اتم علاجو هناك ..
العروس قالت رضيانه بي كده ودا حافز ليه ..ديل بنات الثورة والفخر الحنحكي لاولادنا عنهم بعدين ذي الف ليلة ..
# شايفين ثورتنا دي عانقة السماء كيف✨
# النصررر اقترب ..✌
#sdoo

7.59K viewsEsdaa, 20:27

أشياء بسيطة

ابشر يا عريس ... شرفت لي دارك
ربنا يا العريس ... يعلي مقدارك
الله على العروس راقي اختيارك 💙
#بنادق_وين_بتمنعنا_العديل_والزين✌️

8.66K viewsNaba Salah, 21:12

أشياء بسيطة

بالسـودان مواقفـنا..
وللسـودان عـواطـفنا..
ولـمـا تـهــب عـواصـفنا..
مـاحيلة قـوانيـنـك؟..

6.01K viewsOla Sharif, 01:06

أشياء بسيطة

فرحك، حزنك، ضحكك، جدك، همك، وطنك ، سجنك🇸🇩💙🌸

5.79K viewsEsrââ ♡♡, 05:01

أشياء بسيطة

جمال الحياة في رفقة تجعل جميع ايامنا سعاده و كل ايامنا ضحكات ليست لها نهاية

#مريوومة

5.99K viewsSimple 🌸, 06:00

أشياء بسيطة

عن الناس اللي وِعت ، عن الناس اللي "أُستشهِدتْ" ، عن الأهل اللي بكوا ثُم صبروا ، عن لمة الناس علي كلمة واحدة ، عن رغبة الناس وهدفها الواضح ، عن أُم د.أبوبكر ، عن الشهيد مُعاوية اللي حمي الناس في بيتو وسبقهم للجنة بإذن الله ، عن الإضراب ، عن الإضراب ، عن الإضراب ، عن الصيادلة ، عن المهنين ، عن سامح ، عارف منو سامح ؟ ، اللي فقد عينو قبل أيام عن زوجتو وأهلها ، عن السند ، عن العروسين (بارك الله لهما وبارك عليهما وجمع بينهما علي خير ) ، ياخ عن الثورة ياخ ، عن الأمل والأحلام البدت تراودنا ، عن صحبي الجنوبي العايز ثورتنا تنجح عشان نرجع نبقي شعب واحد من تاني ،عن يوم رويال كير ،عن قشعريرة اليوم داك و عن الوعي وعن الوحدة وعن أي حاجة ياخ ، عن ذلك كُلِهِ وعن الدُعاء (اللهم أتم ذلك ، اللهم أتم ذلك ، اللهم أتِم ذلك )
آمين 🙌
#وعي_الثورة
#مدن_السودان_تنتفض
#تسقط_بس
#ح_سام

6.96K viewsNaba Salah, 07:01

About

Blog

Apps

Platform