ﺍﺭﺣﻜﻰ ﻧﻜﺘﺐ ﻓﻰ ﺍﻟﺘﻔﺎﺻﻴﻞ ﺍﻟﺼﻐﻴﺮﻩ ﺍﻟﻤﺎﻣُﻬﻤﻪ
ﺍﺳﺒﺮﻳﻦ ﻓﻰ ﺟﻴﺐ ﺷِﻨﻴﻄﻪ
ﻭﻓُﺮﺷﻪ ﺳﻜﻨﺖ ﺟﻮﻩ ﺣﻴﻄﻪ
ﻭﺷﺎﻓﻌﻪ ﻻﻳﻮﻗﻪ ﻭﻋﺒﻴﻄﻪ
ﺍﺭﺣﻜﻰ ♡ ..
#ﻓﻴﺼﻞ_ﺧﻠﻴﻔﺔ.. ™

ﻟﻤﺤﺘﻚ ﺯﻯ ﺧﻴﻮﻁ ﺍﻟﻨﻮﺭ
ﻓﻰ ﺁﺧﺮ ﺍﻟﻨﻔﻖ ﺑﺘﻠﻮﺣﻰ
ﺗﻠﻮﺣﻲ ﺑﻴﻦ ﻏﻴﺎﺏ ﻭﺣﻀﻮﺭ
ﻭﻣﺮﺍﺕ ﻣﻦ ﻋﻴﻮﻧﻲ ﺗﺮﻭﺣﻲ
ﻋﻠﻴﻚ ﺧﺎﻃﺮ ﺍﻟﻐﻨﺎﺀ ﺍﻟﻤﻜﺴﻮﺭ
ﺑﺴﺮ ﺍﻟﺤﻘﻴﻘﺔ ﺗﺒﻮﺣﻲ.. ™

ﻭﺗﻘﺴﻤﻲ ﻟﻠﺒﻴﻮﺕ ﺑﺎﻟﺪﻭﺭ
ﺻﺪﻯ ﺍﻟﻀﺤﻜﺔ ﺍﻟﻤﺸﺤﺘﻔﺔ ﺭﻭﺣﻲ.. ™

ﺍﻟﻠﻬﻢ ﺍﺧﺘﺮﻟﻲ ﻃﺮﻳﻘﺎً ﻳﺴﻌﺪﻧﻲ
ﻃﺮﻳﻘﺎً ﻻ ﻳﺸﻘﻲ ﻗﻠﺒﻲ ﻭﻻَ ﻳﺆﺫﻱ ﻋﻴﻨﻲ
ﻃﺮﻳﻘﺎً ﺗﺮﺿﺎﻩ ﻟﻲ ﺛﻢ ﺗﺮﺿﻴﻨﻲ ﺑﻪ..
#ﺻﺒﺎﺣﻜﻢ_ﺭﺿﺎ_من_الرحمن.. ™

صباح رنة كبابي الشاي..
وياالبي غادي ياالبي جاي..
وتخسيمتين وتحليفه.. ™

ﻓﻲ ﻛﻞ ﺷﺊ ﺑﻴﺎﻥ ﻭﺍﺿﺢ ﻭﻫﺪﻱ..
ﻟﻤﻦ اﺭﺍﺩ ﺍﻟﻬــﺪﻱ ﻗﻠﺒﺎً ﻭﻭﺟـﺪﺍﻧﺎ..
ﻭﻟﻴﺲ ﻏﻴﺮ ﻫﺪﻱ ﺍﻟﻘﺮﺁﻥ ﻟﻮ ﻋﻘﻠﻮﺍ
ﻭﻟﻴﺲ ﻏﻴﺮ ﻫﺪﻱ ﺍﻻﺳﻼﻡ رﻫﺒــﺎﻧﺎ.. ™

ﻋﻮﻳﻨﺎﺗﻚ ﺩﻳﺎﺭ ﻭﻋﺪﻱ
ﻣﺴﻮﺭﻩ ﺑﺠﺪﺍﺭ ﺻﻤﺘﻚ
ﻋﺬﺍﺑﻲ ﻣﻌﺎﻙ
ﺑﺮﻳﺪﻙ ﻗﺒﻞ ﻣﺎ ﺃﻋﺮﻓﻚ
ﻭﻟﻮ ﺑﻘﺪﺭ ﺃﺷﻴﻞ
ﻣﻦ ﺍﻟﺰﻣﻦ ﻭﻗﺘﻲ
ﺑﻤﻮﺕ ﻓﻲ ﻟﺤﻈﺔ
ﻭﺃﻭﻫﺐ ﻟﻴﻚ ﻋﻘﺎﺏ ﻋﻤﺮﻱ.. ™

ﻳﺎ ﺳﻜﺔ لي ﺑﻴﺘﻨﺎ
ﻳﺎ ﻋﺘﻤﺔ ﻳﺎ ﻣﺸﻮﺍﺭ
ﻳﺎ ﺷﺎﺭﻉ ﺍﻟﺤﻠﺔ
ﻣﺎ ﺿﺎﻋﺔ ﺍﻟﺬﻛﺮﺓ
ﻟﻠﻐﺎﺑﻮ ﻭ ﺍﻟﺤﻀﺮﻭ..

ﻣﻦ ﺃﺑﺴﻂ ﺍﻟﻨﺎﺱ ﺍﻟﺒﺴﺎﻁ ..
ﺍﻟﺒﻐﺴﻠﻮﺍ ﺍﻟﻬﻢ ﺑﺎﻷﻧﻴﻦ
ﻭﺍﻟﺒﺪﻭ ﻃﻌﻢ ﺍﻟﺮﻳﺪﺓ ﺑﻦ ..
ﻗﻬﻮﺓ .. ﻭﺗﺒﻠﺪﻱ .. ﻭﻳﺎﺳﻤﻴﻦ ..

يوميات #علوب ..35 ....فوزية فى العملية ...

مرت جيرانا كده اسمها فوزيه جات للحاجه تتونس معاها ( انتو ليه نحنا بنقول مرت جيرانا ) هو (جيرانا ) ده راجل (المره ) دى ولا شنو ...!!! ماعلينا ...!! المهم انو فوزيه جات ....اها فوزيه دى قطااااعه جنس قطيعة ....القطيعة دى عندها ليها طقوس ....النوع داك البقطع بالقهوة ..صدقو امى دى غايتو العاجبنى فيها شديد... شديد..انو ماعندها القطيعة دى واصلو مابتتكلم فى الناس يعنى أقصى قطيعة ليها لو خلاص بالغت بتشجب وتدين ...(والرسول يامشاعر انت ناس فلانه ديل مالم مابحمدو لى سلامة فاطمة ...) بس ده السقف بتاعا.... لكن طبعا باقى
الحاجات كلها متوفرة ...يعنى جنها ملايات ...!! تعشق العده ....!! الدهب بكسرا كسير...!!! بيت البكا وبيت العرس
مشيتم مقدسه ..!! وشوية مستشفيات ...!! وبتبكى مع المسلسلات والافلام ..!! بس القطيعة دى ماشايلاها...!! لكن كمان بتخجل كده... تسمع مجبوره وهو اضعف الإيمان ...اما جارتنا السيد فوزيه فدى عندها دكتوراه فى القطيعة تحبها ذي عيونا وهى ذاتا عندها مقدرات تمثيلية مدهشة احيانا تتقمص شخصية (المقطوع فيه ) تحلف تقول ده هو ...لكن والله النصيحه هى مره كده لذيذه وحاكايا وبتاعة درامات وجنها ضحك ...بس كان خلت القصة دى ...!! اها انا اليوم داك جيت مارق من الاوضه لقيتا مع امى سلمتا عليها ...طوالى شبكتنى ...هيا علوبه (بتقول لى علوبه ) كيفك وين اليومين ديل ماشايفنك ...تقيت ولا لقيت ..!! قلتا ليها هسه انا كان تقيت كان سلمتا عليك ...ماكان جليتك عااادى ...بى ضحك كده ..اجشش ...انشاءالله يوم لقاك مايجى ..امى طبعا رغم انو كل الكلام ده كلو بالهزار وهى عارفانا .(.لكنه قلب الام العظيم ...) قالت ليها تفى من
خشمك يافوزيه علوب يتعلا مايدلا ...ان شاءالله اليلقاهو علوب الله وخلقو يتفرجو ...علوب يايمه ماخد رضاى ...فوزيه
غايتو بى حركة درامية كدا عوجت خشما وقالت سممح سكتنا ..!!اريتو يشبه ابو ..!! غايتو ضحكنا كده وانا طلعت ...اها فوزيه طبعا خشما أكلا دايرا تقطع ...طوالى ماخلتنى مرقتا كويس ..وانا لفيت دخلتا المطبخ وهى ماشايفانى بس انا سامعا ..ودورت ليك ...واستلمت امى ...اصبرى ياختى انتى عواطف مالا بتعمل كده ...!! امى قالت ليها مالا ..؟قالت ليها ماشايفاها اليوم داك فى بكى ناس السيده ...الدهب يايمه والغوايش والحلق ...فى شنو ...!!؟؟
ماعارفه روحا جايه بيت البكا ...! امى قالت ليها مايمكن جايه من مناسبه وغشت تعزى ...هيي ها انت كمان مسكينه وعلى نياتك مناسبة شنو كمان ( اصرار على التوريط ) قسمتا بالله قاصداها وجايه تتفشخر وتورينا ...عليك
الله ها ..بعدين انتى شفت التوب المطرز ...امى كمان قالت ليها والله ذكرتينى انتى التياب دى بتجيبا من وين غايتو توب السرور ...!! اها نوع الكلام ده بزهج فوزيه عايزا ليها مستمع جيد يساعدا بى الباصات وهى تجيب القون ...وواصلت التقدم نحو المرمى وقصفت الجبهه ...!! واصبري لى ...هى اليومين ديل الله فاتحا عليهم أظنو راجلا (المدقلم ) ده هبش ليهو هبشه هبشتين ...اها امى هنا بتخاف عديييل قالت ليها استغفر الله من حقو ..عليك الله مالنا ومالن ..كل زول بياخد قسمتو فى الدنيا دى ..ده كلو وفوزيه الليله مزاجا مزاج قطيعة مادايرا تقيف ...غايتو الدنيا كتر خيرا ...عواطف المابتشبه النسوان بقت تتفسح فينا حلات كمان بتحكى وتنعم فى صوتا ..والله عباس (عباس ده راجل عواطف ) عباس اليومين ديل مفكر يسوقنا القاهره اجازه ..مخير الله ...الإجازة يايمه كنتى بتمشى بيها (زلطه ) (زلطه دى بلد ناس عواطف ) ( عليكم الله شوفو المره المابتخاف الله دى وصلت لحدى زلطه ) ..وهى لِسَّه مواصله رغم انها لاعبه بى عشره لاعبين ..امى غايتو بس مجبوره تسمع ...!!!! اها بسس قلتا الليله فوزيه دى توبتا على يدى ..طوالى اتسحبتا برااحه وجرى على مشاعر فى الاوضه التانيه ....دى كمان اليومين ديل داخله ليها فى برنامج جديد حاجه كده اسمها (كاريوكى ) تطبيق كده فى التلفون بخليك تغنى مع فنانك المفضل ..اها لقيتا مركبا ليك السماعات واليدين ديل فى السما تغنى بى صوتا الشين ده وتقلب فى عيونا ومندمجه ...خلاااص البت (شيرين ) غايتو جنس منظر ...اها قطعت ليها احلاما دى لما زهجت ...!! رمت السماعه ....!!فى شنو ياعلوب ..!!
قلتا لا بس عايزنك توقعى لينا ...!! عليك الله امرقى من الشخصيه دي ..انت ماشفت منظرك بى قدومك ده ...اها دخلتا ليها فى الموضوع وحكيت ليها ....قلتا ليها قناة فوزيه الفضائيه شغاله بره والليله برنامج عواطف ...عليك الله يامشاعر بس انت اتلفلفى بالملايه السودا دى ولفى راسك اعملى فيها منقبه عديل انا بطلع بره أقول لى امى انت
عواطف دى انتقبت ولا شنو ..!! داير فوزيه تعرف انو عواطف معاك فى الاوضه وسمعت القطيعة دى كلها وتعالى مارقه بى نقابك ده ..طبع كمان مشاعر نوع الكلام ده اهم ليها من شخصية (شيرين ) الكانت داخلا فيها دى ...والله الساعة الاتلف

ل
فت ليك انا قايلا عواطف جد جد لما اتكيفتا ..بس وانا سبقتها على الصاله لتنفيذ المخطط ..ولقيت ليك فوزيه بتختم بى انو عواطف كانت بتشيل عدتا ومابترجعا...وانا أعجبكم جيت طالع كأنى ماعارف حاجه ....!! قلتا لي امى (وديك طبعا قاااعده تسمع ) انتى عواطف دى ماجاتك..!! ليه خالاها قاعده مع مشاعر جوه ماتجى تقعد معاكم (اها أوضة مشاعر دى جنب مسرح الجريمه طوالى ) فوزيه طبعا الاسم طقشا ..ركزت شويه لكن مامتخيله غايتو بتكون بطنا وجعتا حبه ....
الحاجه طبعا ماعارفه حاجه ....!! قالت لى عواطف منو ياولد ....؟؟ وانا ذاتى طبعا كأنى ماسمعتا الردحى القبل شويه ده ...قلتا ليها عواطف ياخ ..عواطف جارتنا مرت عباس دى ...(قلتها كده رميتا رميه وانا ماشى ...) بعدين جبتا براحه كده قلتا ليها انا ذاتى ماعرفتها الا كلمتنى مشاعر لقيتا ليك ملفلفه كلها ومنقبه ...مشاعر قالت لى مااتنقبت لكن عاملا حنه فى راسا ...(لانو مستحيل خبر ذي ده يعدى على فوزيه) (وعامل نفسى بتكلم براحه عشان عواطف ماتسمعنا ..) لكن وحاتكم مركز مع فوزيه اكتر من امى ...!! بس وقالت كده مشاعر اقصد ( عواطف ) جات مارقه من الاوضه ...والله ياخوانا قدر ما احكى ليكم وقدر ما أقول انتو مابتتخيلو منظر فوزيه ..!! غايتو المره دى مؤكد انجلطت ..!! لانو اول حاجه أصابتا حاله من فقدان الوزن والشهيه والسوائل ..وبقت بس تعاين فى مشاعر كده وماقادره تتكلم ....والعيون لونا بقى بمبى ...مشاعر كمان لما تخلص بتخلص وبتقدم عرض ...ربعت ليك يدينا كدا... وادتا هزه بى كتفا ...طبعا مافى طريقة تتكلم بتنقبض ...وامى ذاتا جاتا حاله كده ..!! طبعا هى ماشريك فى الجريمه لكن كمان الكوره فى ملعبا وعليها غرامه ...اما فوزيه سبب الاذيه أصبحت لاتقوى على الحركة والكلام (شلل نصفى ) وارتخاء كامل فى العضلات ..وطمام فى الوش ...والله لما شفقتا عليها وقالت كده مشاعر فقعتا ضحكه وفكت النقاب ...وبقدر مافوزيه فكا منها البنج وصحت من هذا الكابوس ..بقدر مالهجمه خلتا ماعارفه تقول شنو وتتصرف كيف ..!! ..بس وشالت ليك الشبشب واتجهت لى مشاعر.. ومشاعر دى ماقادره تجرى من الضحك خليتم مشتبكين وامى ضحكت ضحكت لما اتخجت ...وانا انسحبتا تماما من الملعب....
اها يافوزيه تبتى ولا لِسَّه .....والله فوزيه دى ما اظنها تتوب القطيعة دى ذي الملاريا قاااعده فى دمها ...بس شوية أعراس ولا بكيات بتظهر ...لكن حقنة الليله دى غايتو بتقضيها سته شهور ...والله المره الجايه اجيب ليها عواطف الجد جد ....اها يافوزيه تجى ولا نجى ..

#اشياءبسيطة ..

بن بن ..❤️😍

ألا بذكر الله تطمئن القلوب❤ ..

ﻏﺪﺍً ..ﺃﻭ ﺑﻌﺪ ﻏﺪٍ , ﺗﻜﺒﺮﻭﻥ ﺗﻔﺮﺣﻮﻥ ﺗﻌﻤﻠﻮﻥ
ﻭﺑﺈﺫﻥ ﺍﻟﻠﻪ ﺍﻟﻠﻪ ﺗﻨﺠﺤﻮﻥ
ﻟﻜﻨﻜﻢ ﺗﺤﻔﻈﻮﻥ ﻛﻤﺎ ﻧﻮﺍﺍﺍﺍﺭ، ﻃﻴﺐ ﺍﻟﺬﻛﺮﻳﺎﺍﺍﺕ
ﺗﻘﺎﺭﺑﻮﺍ، ﺗﻨﺎﻏﻤﻮﺍ
ﻭﺇﻥ ﺍﺧﺘﻠﻔﺘﻢ ﻛﻠﻢ ﻓﻲ ﺍﻟﺸﻜﻞ ﻭﺍﻷﺳﻤﺎﺀ
و ﺍﻟﻌﻤﺮ ﻭﺍﻷﻫﻮﺍﺀ، ﻭﺍﻟﺰﻱ ﻭﺍﻟﻜﻼﺍﺍﺍﻡ
ﻛﺎﻟﺨﻨﺼﺮ ﻭﺍﻟﺒﻨﺼﺮ ﻭﺍﻟﻮﺳﻄﻰ ﻭﺍﻟﺴﺒﺎﺑﺔ، ﻭﺍﻟﺨﺎﻣﺲ ﺍﻹﺑﻬﺎﻡ
ﺟﻤﻴﻌﻬﺎ ﺃﻧﺎﻣﻞ ﻓﻲ ﺑﺎﻗﺔ ﻓﺮﻳﺪﺓ ﻣﻦ ﻓﻦ ﺍﻟﺤﻴﺎﺓ
ﻣﺜﻞ ﺭﺍﺋﺪ ﻭﻭﺳﻴﻢ، ﻣﺜﻞ ﺭﺍﻣﻲ ﻭﻧﺪﻳﻢ
ﻓﺮﺡ ﻭﻧﻮﺍﺍﺍﺍﺭ، ﻭﻛﻞ ﺍﻷﺻﺪﻗﺎﺀ
ﺗﻠﻌﺒﻮﻥ ﺗﻔﺮﺣﻮﻥ ﺗﻐﻀﺒﻮﻥ ‏( ﺗﻐﻀﺒﻮﻥ‏) ﺛﻢ ﻫﻬﻬﻬﻬﻬﻬﻪ ﺗﻀﺤﻜﻮﻥ
ﺣﻴﻦ ﺗﻠﺘﻘﻮﻥ ﻓﻲ ﺗﻞ ﺍﻟﺰﻫﻮﺭ ﻛﻤﺎ ﻧﻮﺍﺍﺍﺍﺭ بعد ﺳﻨﻮﺍﺕ
ﻏﺪﺍ ﺃﻭ ﺑﻌﺪ ﻏﺪ، ﺗﻜﺒﺮﻭﻥ ﺗﻔﺮﺣﻮﻥ ﺗﻌﻤﻠﻮﻥ
ﻭﺑﺈﺫﻥ ﺍﻟﻠﻪ ﺍﻟﻠﻪ ﺗﻨﺠﺤﻮﻥ
ﻟﻜﻨﻜﻢ ﺗﺤﻔﻈﻮﻥ ﻛﻤﺎ ﻧﻮﺍﺍﺍﺍﺭ، ﻃﻴﺐ ﺍﻟﺬﻛﺮﻳﺎﺍﺍﺕ..❤️

ﻣﺎﺑﻨﺴﻰ ﻳﻮﻡ ﻭﺩﻋﺘﻨﺎ
ﻭﺳﺎﻓﺮﺕ ﻓﻰ ﻏﺮﺓ ﺭﺟﺐ
ﺧﻠﻴﺖ ﻭﺭﺍﻙ ﺍﻟﺪﺍﺭ ﺣﺰﻳﻦ
ﺗﺘﺒﺎﻛﻰ ﻭﺍﻟﺪﻣﻊ ﺍﻧﺴﻜﺐ..

ﺍﻻﻣﺎﻧﻰ ﺍﻟﻔﻰ ﺳﻔﺮ
ﻗﺒﻞ ﺍﻟﺰﻣﻦ ﻛﺎﻳﺴﺔ ﺍﻟﻤﻮﺍﻧﻰ
ﻳﻮﻡ ﺗﺠﻴﺒﻨﻰ ﻋﻠﻴﻚ ﺑﺼﺪﻕ
ﺍﻧﻮ ﻣﺮﺓ ﺍﻟﺤﻆ ﻃﺮﺍﻧﻰ
ﻭﺍﺣﺘﻮﺍﻧﻰ ﻣﻌﺎﻙ ﺷﺠﻦ ..

ﻛﻠﺒﺔً ﻭﺍﻟﺪﻯ ﻓﻮﻕ ﻛﻮﻡ ﺍﻟﺰﺑﺎﻟﺔ :

ﻣﻮﺿﻮﻉ ﺍﻟﻘﺼﻴﺪﺓ ﺃﻥ ﺷﺎﻋﺮﻫﺎ ﻋﻄﺎ ﻭﻫﻮ ﻣﻦ ﺃﺑﻨﺎﺀ ﺗﻨﻘﺴﻲ ﻛﺎﻥ ﻳﻌﻤﻞ ﺑﻨَﺎﻯ ﻓﻲ ﻣﻨﻄﻘﺔ ﺍﻟﻌﺰﻭﺯﺍﺏ ﺑﺎﻟﺨﺮﻃﻮﻡ ﻭﺍﻟﺘﻲ ﺗﻌﺘﺒﺮ ﺫﺍﺕ ﺛﻘﻞ ﻗﺮﻳﺮﺍﺑﻲ ﻛﺒﻴﺮ ﺇﺫ ﻳﺴﻜﻦ ﺑﻬﺎ ﻣﺠﻤﻮﻋﺔ ﻣﻘﺪﺭﺓ ﻣﻦ ﺃﺑﻨﺎﺀ ﺍﻟﻘﺮﻳﺮ ﻭﻗﺪ ﺗﺼﺎﺩﻑ ﺃﻥ ﺍﻟﺸﺎﻋﺮ ﻛﺎﻥ ﺑﺎﻟﻠﻮ ﻛﻮﻡ ﺯﺑﺎﻟﺔ ﺩﺍﺧﻞ ﻣﻨﺰﻝ ﺟﻴﺮﺍﻧﺎ ﺑﺎﻟﺤﻴﻄﺔ ﻓﻲ ﺍﻟﻌﺰﻭﺯﺍﺏ ﻭﺟﺎﺀﺕ ﻛﻠﺒﺔ ﺍﻟﺠﻴﺮﺍﻥ ﻭﻭﻟﺪﺕ ﺻﻐﺎﺭﻫﺎ ﻋﻠﻰ ﻛﻮﻡ ﺍﻟﺰﺑﺎﻟﺔ
ﻭﻃﺒﻌﺎً ﺍﻟﻜﻠﺒﺔ ﻟﻤﻦ ﺗﻜﻮﻥ ﻭﺍﻟﺪﺓ ﺑﺘﻜﻮﻥ ﺷﺮﺳﺔ ﺟﺪﺍً ﻓﺠﺎ ﺑﻌﺾ ﺍﻟﺸﻔﻊ ﻳﻠﻌﺒﻮﺍ ﺟﻨﺒﻬﺎ ﻓﻘﺎﻣﺖ ﻋﻀﺖ ﻭﻟﺪ ﻣﺤﺠﻮﺏ ﻭﻫﻮ ﻣﻦ ﺃﺑﻨﺎﺀ ﺍﻟﻤﻨﺎﺻﻴﺮ ﻛﺎﻥ ﻳﺴﻜﻦ ﺟﺎﺭﻧﺎ ﻭﻳﻌﻤﻞ ﺑﺎﻟﺸﺮﻃﺔ . ﻓﻤﺎ ﻛﺎﻥ ﻣﻨﻪ ﺇﻻ ﺃﻥ ﺃﺗﻰ ﺑﺨﺮﻃﻮﺵ
ﻭﺃﻃﻠﻖ ﻋﻴﺎﺭﺍً ﻋﻠﻰ ﺍﻟﻜﻠﺒﺔ ﻭﺃﺭﺩﺍﻫﺎ ﻓﺤﺰﻥ ﻋﻤﻨﺎ ﻋﻄﺎ ﻋﻠﻰ ﺍﻟﻜﻠﺒﺔ ﻭﺃﻟﻒ ﻫﺬﻩ ﺍﻟﻘﺼﻴﺪﺓ ﺍﻟﺘﻲ ﻭﺯﻉ ﻓﻴﻬﺎ ﻟﺤﻢ ﺍﻟﻜﻠﺒﺔ ﻋﻠﻰ ﺍﻟﺠﻤﻴﻊ . ﻭﻣﻌﻈﻢ ﺍﻟﻤﺬﻛﻮﺭﻳﻦ ﻓﻴﻬﺎ ﻣﻦ ﺃﺑﻨﺎﺀ ﺍﻟﻘﺮﻳﺮ ﺃﻣﺜﺎﻝ ﺍﻟﻮﺍﻟﺪ ﻋﺒﺪ ﺍﻟﺮﺣﻴﻢ ﺣﻀﻴﺮﻱ
ﻭﺍﻷﻋﻤﺎﻡ ﻋﺒﺪ ﺍﻟﺮﺣﻴﻢ ﺍﻟﺤﺎﺝ ﻏﺎﻟﻲ ﻭﺃﺧﻴﻪ ﻣﺤﻤﺪ ﺃﺣﻤﺪ ‏( ﺃﺧﻮﻳﺎً ﻟﻴﻨﺎ ﺷﻐﺎﻝ ﻓﻲ ﺃﻡ ﺟﻼﻟﺔ‏) ﻭﺧﻀﺮ ﻣﺤﻤﺪ ﻧﻮﺭ ﺧﻠﻒ ﺍﻟﻠﻪ ‏(ﺍﻟﻜﻨﻴﺴﺔ‏) ﻭﻓﻀﻞ ﺍﻟﺘﻮﻡ ﻭﺳﻠﻤﺎﻥ ﻓﻀﻞ ﻭ ﻓﻀﻴﻞ ﻭﺟﺒﺎﺭﺓ ﻋﻠﻲ ﺑﺨﻴﺘﻲ ﻭﺑﺎﺑﻜﺮ ﻣﺤﻤﺪ
ﻓﻀﻞ ﺍﻟﻠﻪ ﻭﻏﻴﺮﻫﻢ ﻭﻛﺬﻟﻚ ﺁﺧﺮﻳﻦ ﻟﻴﺴﻮﺍ ﻣﻦ ﺍﻟﻘﺮﻳﺮ ﺃﻣﺜﺎﻝ ﺧﻠﻴﻔﺔ ﻭﺩﺍ ﻣﻦ ﺃﻫﻞ ﺍﻟﻌﺰﻭﺯﺍﺏ ﻛﺎﻥ ﺟﺰﺍﺭﺍً ﻭﺃﺣﻤﺪ ﺣﻤﺰﺓ ﻭﻋﺜﻤﺎﻥ ﻭﺩ ﺑﺸﺎﺭﺓ ﻭﺳﻴﺪﺍﺣﻤﺪ ﺍﻟﻤﺒﺎﺭﻙ ﻭﻏﻴﺮﻫﻢ
ﺃﻣﺎ ﻋﺒﻠﺔ ﻭﺻﺪﻓﺔ ﻓﻬﻤﺎ ﻛﻠﺒﺘﺎﻥ ﺻﺪﻳﻘﺘﺎﻥ ﻟﻠﻤﺮﺣﻮﻣﺔ . ﻋﺸﺎﻥ ﻛﺪﻱ ﺯﻋﻠﻮ ﻋﻠﻴﻬﺎ ﻭﺧﻠﻮ ﺍﻟﺠﺮﻱ ﻓﻮﻕ ﺍﻟﺤﺮﺍﻣﻴﺔ ﻭﻛﻤﺎﻥ ﺣﺮﺩﻭ ﺍﻟﻔﻄﻮﺭ ﻣﻦ ﺑﺎﻕ ﺍﻟﺴﻤﻚ ﻓﻲ ﺍﻟﺴﻬﻠﻲ .
ﺃﺧﻮﻧﺎ ﻋﺜﻤﺎﻥ ﺍﻟﻴﻤﻨﻲ ﻭﻫﻮ ﻣﻦ ﺳﻜﺎﻥ ﺍﻟﻌﺰﻭﺯﺍﺏ ﻓﻲ ﺫﻟﻚ ﺍﻟﺰﻣﺎﻥ ‏( ﺃﻭﺍﺧﺮ
ﺍﻟﺴﺘﻴﻨﺎﺕ ‏) ﺃﺧﺪﺍ ﻭﻟﺤﺎﻧﺎ ﻭﺃﻭﻝ ﻣﺎ ﺍﻟﺠﻤﺎﻋﺔ ﺳﻤﻌﻮﻫﺎ ﻣﺸﻮﺍ ﻟﻌﻄﺎ ﻭﻗﺎﻟﻮﻟﻮ ﻻﺯﻡ ﺗﺪﺧﻞ ﻧﻔﺴﻚ ﻭﻭﺩ ﺍﻟﻴﻤﻨﻲ ﻓﻴﻬﺎ ﻓﻘﺎﻡ ﻗﺎﻝ ﻋﻄﺎ ﻗﺮﻣﺎﻥ ﻟﺤﻢ ﻋﻦ ﻧﻔﺴﻪ ﻭﻗﺎﻝ ﺃﺻﻠﻮ ﺭﺍﺱ ﺍﻟﻘﺎﻳﺪﻱ ﻋﺜﻤﺎﻥ ﻋﺒﺪ ﺍﻟﺮﺣﻤﻦ ‏( ﻭﺩ ﺍﻟﻴﻤﻨﻲ‏)..


ﺇﻧﺼﻨﺘﻮ ﻭﺃﺳﻤﻌﻮﺍ ﻳﺎ ﺯﻣﺎﻟﻪ
ﺣﻘﻴﻘﺔ ﻭﺣﺎﺻﻠﺔ ﻣﻮ ﺳﺎﻛﺖ ﻗﻮﺍﻟﺔ
ﻛﻠﺒﺔ ﻭﺍﻟﺪﺓ ﻓﻮﻕ ﻛﻮﻡ ﺍﻟﺰﺑﺎﻟﺔ
ﻣﺤﺠﻮﺏ ﻛﻠﻤﻮﻩ ﻗﺎﻡ ﻣﺸﺎﻟﻪ
ﻣﺴﺘﻌﺠﻞ ﻗﺒﻞ ﻳﺎﺧﺪ ﺳﺆﺍﻟﻪ
ﺑﻲ ﻓﺪ ﻃﻠﻘﺔ ﻳﺘﻢ ﺑﻲ ﻋﻴﺎﻟﻪ
ﻛﻠﺒﺔ ﻓﻲ ﺑﻴﻮﺕ ﻋﺠﺒﻴﻦ ﺳﻜﻮﻧﺎ
ﺗﺘﺤﺪﻭﻫﺎ ﺗﺪﺧﻠﻮﺍ ﻓﻲ ﺷﺆﻭﻧﺎ
ﻗﺪﺭ ﻣﺎ ﻛﺸﺮﺕ ﻭﻣﺮﻗﺖ ﺳﻨﻮﻧﺎ
ﺑﻲ ﻓﺪ ﻃﻠﻘﺔ ﺃﺗﻢ ﺑﻲ ﻋﻮﻳﻨﺎ
ﺑﻌﺪ ﺳﻠﺨﻮﻫﺎ ﻭﺍﺟﺘﻤﻌﻮﺍ ﺍﻟﺮﺟﺎﻟﻪ
ﻭﻛﻞ ﺍﻟﺸﺎﻑ ﻟﻪ ﻗﻮﻃﺔ ﺳﻤﻴﻨﺔ ﺷﺎﻟﻪ
ﺃﺧﻮﻳﺎً ﻟﻴﻨﺎ ﺷﻐﺎﻝ ﻓﻲ ﺃﻡ ﺟﻼﻟﺔ
ﻗﺎﻝ ﻧﺎﻭﻟﻮﻧﻲ ﻣﺎﻋﻮﻥ ﺣﺘﻰ ﻟﻮ ﻛﺎﻥ ﺷﻮﺍﻟﻪ
ﺑﻌﺪ ﺷﺤﺪﻭﺍ ﺍﻟﺒﺮﺵ ﻃﻮﺍﻟﻲ ﻓﺮﻭﻩ
ﻭﻓﺮﺣﺎﻥ ﺑﺎﺑﻜﺮ ﻣﻤﺎ ﻳﺴﺮﻩ
ﻭﺻﻔﻖ ﺇﻳﺪﻳﻪ ﻭﻗﺎﻝ ﻳﺎ ﺃﺧﻮﺍﻧﺎ ﺗﺮﻭﻩ
ﻭﻛﻞ ﺍﻟﻤﺎ ﻫﻮ ﻗﺎﺩﺭ ﻻ ﻧﻀﺮﻩ
ﺃﻛﻠﻮﺍ ﻭﺧﻠﻮﻩ ﻭﺍﻟﻤﺎ ﺑﺎﻗﻲ ﺷﺮﻭﻩ
ﺑﻌﺰﻝ ﺣﻘﻲ ﻓﻲ ﻣﻨﺪﻳﻞ ﻭﺍﺻﺮُﻩ
ﺍﻟﺒﻴﻌﻀﻲ ﻭﻻﺩﻧﺎ ﻻﺑﺪ ﻧﻀﺮُﻩ
ﻭﺃﺻﻠﻪ ﺳﻌﺮﺍً ﺣﺎﻳﻢ ﺍﻟﻠﻪ ﻳﻜﺎﻓﻲ ﺷﺮﻩ
ﻋﺒﻠﻪ ﻭﺻﺪﻓﻪ ﺯﻋﻼﻧﺎﺕ ﻳﺤﺪﺭﻭ
ﻭﺣﺪﺍﺩ ﻟﻤﺪﺓ ﺃﺳﺒﻮﻉ ﻣﺎ ﻳﻨﺠﺮﻭ
ﻭﻻ ﺇﻥ ﺷﺎﻓﻮﺍ ﺍﻟﺤﺮﺍﻣﻲ ﻭﺭﺍﻩ ﻳﺠﺮﻭ
ﻭﻻ ﻓﻲ ﺍﻟﺴﻬﻠﻪ ﻣﻦ ﺍﻟﺤﻮﺕ ﻳﻔﻄﺮﻭ
ﺍﻟﺤﻘﻴﻘﺔ ﻫﻲ ﻟﻮﻧﻪ ﺯﺭﻕ ﻭﺻﻮﻓﻪ ﻳﺮﻫﺰ
ﻭﻛﻞ ﺍﻟﺸﺎﻓﻪ ﺃﻭﻝ ﻣﺮﺓ ﻗﺎﻝ ﻋﺰ
ﺃﺗﺎﺭﻳﻪ ﺍﻟﺪﻧﻴﺎ ﻣﺎﺷﻲ ﻋﻠﻴﻬﺎ ﺣﺰﺣﺰ
ﻭﺑﻲ ﻭﺍﺣﺪ ﻋﻴﺎﺭ ﻧﺎﻓﻮﺧﺎ ﺑﺰﺑﺰ
ﻭﻛﻤﺎﻥ ﻋﺒﺪﺍﻟﺮﺣﻴﻢ ﺃﺣﻤﺪ ﺣﻀﻴﺮﻱ
ﻗﺎﻝ ﺳﻴﺒﻮﺍ ﺍﻟﻐﻠﺒﺔ ﻭﺍﻟﺤﺠﺔ ﺍﻟﻜﺘﻴﺮﻱ
ﺍﻟﻠﺤﻢ ﺟﻴﺒﻮﻩ ﺟﻮﻩ ﻣﻦ ﺍﻟﻬﺠﻴﺮﻱ
ﺍﻟﺮﺍﺱ ﺃﻭﻋﻜﻢ ﺗﺪﻭﻩ ﻏﻴﺮﻱ
ﺃﻧﺎ ﺯﻭﻻً ﻧﻔﺴﻲ ﺑﺎﻟﺘﻘﺴﻴﻢ ﺟﺪﻳﺮﻱ
ﻭﺃﻧﺘﻮﺍ ﺷﻮﻓﻮﺍ ﻟﻲ ﺍﻟﻤﻜﺮﺿﻤﻲ ﻭﺍﻟﻜﺒﻴﺮﻱ
ﺍﻟﺤﻮﺵ ﻛﺘﻤﻪ ﻭﻣﺮﺗﻔﻌﻲ ﺍﻟﺤﺮﺍﺭﺓ
ﻭﻓﻀﻴﻞ ﻳﻬﺮﺝ ﻣﻮﻗﻒ ﻓﻮﻗﻨﺎ ﻏﺎﺭﺓ
ﻗﺎﻝ : ﺃﺩﻭﻧﻲ ﻛﻮﻡ ﻟﻲ ﻭﺍﺗﻨﻴﻦ ﻟﻲ ﺟﺒﺎﺭﺓ
ﺍﻟﻌﺸﺮﻳﻦ ﻗﺮﺵ ﺭﺍﺡ ﺧﺴﺎﺭﺓ
ﺣﻀﺮ ﺑﻲ ﻏﻔﻠﺔ ﻋﺜﻤﺎﻥ ﻭﺩ ﺑﺸﺎﺭﺓ
ﻭﻓﺮﺵ ﻃﺮﻓﻪ ﻗﺎﻝ ﺟﻴﺒﻮﺍ ﺍﻟﻤﺮﺍﺭﺓ
ﺳﻠﻤﺎﻥ ﺃﺻﻠﻪ ﺷﺎﺭﻑ ﻭﺯﻳﻪ ﻣﺎ ﻓﻲ
ﺟﺎﻫﻢ ﻭﺍﺣﺪﺓِ ﻻﺑﺴﻪِ ﻭﻭﺍﺣﺪِ ﺣﺎﻓﻲ
ﻻ ﻗﻮﻟﺔ ﺳﻼﻡ ﻻ ﻗﺎﻝ ﻋﻮﺍﻓﻲ
ﻭﻓﺘﺤﺔ ﺧﺸﻤﻪ ﻗﺎﻝ ﻳﺎ ﺩﻳﻞ ﻗﻔﺎﻓﻲ
ﺃﺩﻭﻧﻲ ﺍﻟﻔﻮﺕ ﺷﻮﻓﻮﺍ ﺍﻟﺨﻼﻓﻲ
ﻧﺺ ﻛﻮﻥ ﻛﻮﺳﺘﻴﻠﻴﺘﻪ ﻭﺑﺎﻗﻴﻪ ﺻﺎﻓﻲ
ﻋﻤﻲ ﺍﻟﺤﺎﺝ ﻛﻤﺎﻥ ﺭﺍﺟﻞ ﻣﺼﻠﻲ
ﻗﺎﻝ ﻳﺎ ﺍﺑﻨﻲ ﻧﻈﺮﻙ ﻣﻮ ﻣﺠﻠﻲ
ﻭﺗﻨﺸﻴﻦ ﻻ ﻫﻮ ﻭﺍﻃﻲ ﻭﻻ ﻣﻌﻠﻲ
ﺑﺲ ﻟﻜﻦ ﻗﻮﻱ ﻭﻣﺎ ﺑﻴﻨﻮﻛﻠﻠﻲ
ﺷﻮﻳﺘﻴﻦ ﻣﻮ ﻛﺘﻴﺮ ﺟﺎﻫﻢ ﺧﻠﻴﻔﺔ
ﻗﺎﻝ ﺍﻟﺮﺍﺱ ﺃﺳﻠﺨﻮﻩ ﺳﻮﻩ ﻧﻔﻴﻪ
ﻳﺘﻮﻛﻞ ﻭﺣﺪﻩ ﻭﻻ ﻣﻊ ﺭﻏﻴﻔﺔ
ﻭﺻﻔﻮﺍ ﺍﻟﻤﺮﻗﺔ ﻓﻲ ﺍﻟﺒﺎﻃﻦ ﻧﻀﻴﻔﺔ
ﻭﺍﻟﻠﻴﻠﺔ ﺍﻟﺘﻮﻡ ﻛﻮﻣﻪ ﻗﺎﻝ ﻇﻠﻤﻮﻩ ﻓﻴﻪ
ﺟﺎ ﺷﺎﻳﻠﻪ ﺑﺮﺍﻩ ﺩﺍﻳﺮ ﻳﺴﻠﻘﻮﻩ ﻟﻴﻪ
ﺳﺎﺩ ﺣﻮﺷﻪ ﻭﻣﺘﺎﻗﻲ ﺍﻟﺒﻴﺖ ﻋﻠﻴﻪ
ﻓﻲ ﺷﺎﻥ ﻻ ﺿﻴﻒ ﻭﻻ ﺷﺤﺎﺕ ﻳﺠﻴﻪ
ﺃﺣﻤﺪ ﺣﻤﺰﺓ ﻗﺎﻝ ﺣﺼﺎﻧﻪ ﺟﺮﺍﻱ
ﻳﻔﺞ ﻓﻲ ﺍﻟﻨﺎﺱ ﻳﻌﺎﻳﻦ ﺟﺎﻱ ﻭﺑﻲ ﺟﺎﻱ
ﻓﺮﺻﻪ ﺳﻌﻴﺪﺓ ﻗﺎﻝ ﺑﻌﻤﻠﻜﻢ ﺭﺃﻱ
ﻗﺎﻝ ﻧﻌﻤﻠﻬﺎ ﺷﻴﺔ ﺗﺴﺘﺎﻛﻞ ﻣﻊ ﺍﻟﺸﺎﻱ
ﻛﻤﺎ ﻋﻮﺽ ﺍﻟﻜﺮﻳﻢ ﻳﺒﺪﻱ ﻭﻳﺮﺍﺋﻲ
ﺷﺎﻑ ﺍﻟﻠﻤﺔ ﻗﺎﻝ ﺷﻨﻲ ﺍﻟﺤﻜﺎﻳﺔ
ﻫﺴﻲ ﺩﻱ ﻛﺮﺍﻣﺔ ﻭﻻ ﻣﺤﻞ ﺳﻤﺎﻳﺔ
ﺍﻟﻠﺮﻭﺡ ﺃﺟﻴﺐ ﻣﺎ ﻋﻮﻧﻲ ﺟﺎﻳﻲ
ﺳﻴﺪﺃﺣﻤﺪ ﺑﻌﻴﺪ ﻟﻜﻨﻪ ﻋﺸﻤﺎﻥ
ﺑﻴﻘﺪﺭ ﻳﺼﻞ ﺣﺎﺭﺱ ﻟﻪ ﺩﻛﺎﻥ
ﺃﺭﺳﻠﻪ ﻛﻮﻣﻪ ﺻﺤﺒﺔ ﺃﻱ ﺇﻧﺴﺎﻥ
ﻭﺑﺎﻟﺘﻘﺮﺭﻩ ﺍﻟﻤﺠﻤﻮﻋﺔ ﻗﺒﻼﻥ
ﻋﺒﺪﺍﻟﺮﺣﻴﻢ ﺍﻟﺤﺎﺝ ﻳﻨﻘﻨﻖ ﻭﻣﺎ ﻫﻮ ﺭﺍﺿﻲ
ﻭﻗﺎﻝ ﻛﻮﻣﻴﻦ ﻗﻠﻴﻠﺔ ﻋﻠﻰ ﻭﻻﺩﻱ
ﻣﻤﺤﻮﻕ ﻭﺃﺷﻮﻯ ﻣﻦ ﻟﺤﻢ ﺍﻟﺠﺪﺍﺩﻱ
ﻭﺇﻧﺘﻮﺍ ﺷﻮﻓﻮﺍ ﻃﺮﻳﻘﺔ ﺳﻮﻭ ﻟﻲ ﺍﻟﺰﻳﺎﺩﻱ
ﺑﺎﻗﻲ ﺳﻌﻴﺪ ﻓﻀﻴﻞ ﺑﺎﻟﺤﻴﻞ ﻣﺪﺭﻭﺵ
ﻳﻤﻂ ﺍﻟﻘﻮﻃﺔ ﻃﻮﻝ ﻣﺘﺮﻳﻦ ﻭﻳﻨﺘﺶ
ﻭﻗﺎﻝ ﻭﺍﻟﻠﻪ ﻣﻮ ﻫﺶ
ﻭﻣﺰﻩ ﻣﺘﻞ ﺩﻱ ﺩﺍﻳﺮﻱ ﺍﻟﺰﻭﻝ ﻳﻐﺒﺶ
ﺟﺎ ﻋﺒﺪﺍﻟﻠﻪ ﺃﺧﻮﻩ ﺑﺎﻟﻠﻴﻞ ﺑﻴﻬﺮﺵ
ﻭﻗﺎﻟﺐ ﻋﻴﻨﻴﻪ ﺣﻤﺮﺍ ﻭﻣﺎ ﺑﻴﺮﻣﺶ
ﻭﻗﺎﻝ ﺃﺻﻠﻪ ﺧﻮﺗﻜﻢ ﺑﻘﺖ ﻏﺶ
ﻣﺤﻞ ﺗﻘﺴﻴﻤﻪ ﻭﻳﻨﻮ ﻧﺮﻭﺡ ﻧﻔﺘﺶ
ﺑﺪﻝ ﻧﻘﻤﺢ ﻣﻦ ﺍﻟﺮﻣﺮﺍﻡ ﻧﻘﺮﻣﺶ
ﺃﺗﺎﺭﻳﻪ ﺍﻟﺴﺮ ﻳﻠﻮﻡ ﻓﻲ ﺍﻟﻨﺎﺱ ﻭﻳﻨﺒﺶ
ﻭﻏﻀﺒﺎﻥ ﻳﺘﺮﻗﺾ ﻣﺘﻞ ﺍﻟﻤﺘﻠﺒﺶ
ﺍﻟﻠﻴﻠﺔ ﺧﻀﺮ ﻭﺩ ﻣﺤﻤﺪ ﻧﻮﺭ ﺑﺎﻟﺤﻴﻞ ﺃﺗﻐﺸﻪ
ﺑﻌﺪ ﻣﺎ ﺟﺎﺏ ﺻﻠﺼﺘﻪ ﻭﺑﺼﻠﻪ ﺣﺸﺎﻩ
ﻟﻘﺎﻫﻢ ﺷﺎﻟﻮﻩ ﺧﻠﻮﺍ ﺍﻟﻮﺍﻃﻪ ﻏﺒﺸﻪ
ﻃﻨﻄﻦ ﻭﻣﺎ ﺭﺿﻰ ﻭﺳﻮﺍﻟﻮ ﺩﻭﺷﻪ
ﻭﻏﻤﺾ ﺑﺎﻟﺰﻋﻞ ﻣﻦ ﺑﻴﺘﻪ ﻃﺸﻪ
ﻓﻀﻞ ﺍﻟﻠﻪ ﻣﺎ ﻛﺎﻥ ﻓﻲ ﺣﺪ ﻃﺎﺭﻳﻪ
ﻗﺎﻝ ﺟﺎﻧﻲ ﺍﻟﻤﺮﺳﺎﻝ ﺑﻌﺪ ﺟﺒﺖ ﺧﻀﺎﺭﻱ
ﺭﺯﻗﺎً ﻻ ﻧﻲ ﺣﺎﺭﻳﻪ ﻻ ﻧﻲ ﺩﺍﺭﻳﻪ
ﻫﻮ ﺷﺎﻳﻠﻪ ﻭﺍﻟﻀﺒﺎﻥ ﻣﺒﺎﺭﻳﻪ
ﻗﺎﻝ ﺑﻘﺴﻢ ﻣﻨﻪ ﻟﻲ ﻋﺒﺪﺍﻟﻠﻪ ﺟﺎﺭﻱ
ﻋﻄﺎ ﻗﺮﻣﺎﻥ ﻟﺤﻢ ﻗﺎﻝ ﻛﻠﻪ ﺳﻴﺒﻮﻩ
ﺍﻟﻴﻮﻡ ﺟﻤﻌﺔ ﻭﻛﺎﻥ ﻋﺎﺯﻡ ﻧﺴﻴﺒﻪ
ﺟﺪﻉ ﺍﻟﻘﻔﺔ ﻏﺎﺩﻱ ﻭﻓﺮ ﺗﻮﺑﻪ
ﻭﺍﻟﻄﺎﻳﻮﻕ ﻣﺸﻜﻨﻪ ﻓﻲ ﺟﻴﻮﺑﻪ
ﻭ ﻟـ ﻛﺒﻴﺮ

ﺃﺧﻮﺍﻧﻪ ﻟﻤﻠﻤﻪ ﺑﻲ ﺧﺒﻮﺑﻪ
ﻛﻤﺎﻥ ﺩﺍﺳﻲ ﺍﻟﺠﻠﺪ ﻭﺭﺍﻓﺾ ﻳﺠﻴﺒﻪ
ﻛﻞ ﺯﻭﻻً ﺫﻛﺮﺗﻪ ﻭﻣﻨﻲ ﺯﻋﻼﻥ
ﻭﺃﺻﻠﻪ ﺭﺍﺱ ﺍﻟﻘﺎﻳﺪﺓ ﻋﺜﻤﺎﻥ ﻋﺒﺪﺍﻟﺮﺣﻤﻦ
ﻫﻮ ﻳﺸﺠﻊ ﻓﻴﻨﻲ ﻭﺃﻧﺎ ﺑﺮﺿﻲ ﺷﻔﻘﺎﻥ
ﻭﺣﺎﻭﻝ ﻳﺤﻔﻈﻬﺎ ﻭﻳﻮﺿﻌﻠﻬﺎ ﺃﻟﺤﺎﻥ ..

الموضوع من منتديات القرير التسجيل في النهاية للمقطع الفوق ده لزيز وبحكي القصة كلها بطريقة حلوة..😅