تقول من نور هي مخلوقه
وربنا شال من أحلى صفات ردم فوقه.. 🌸
زينوبة♥️✨
سمح لونه وسمح رسمه وسمح زوقه✨
كليمي كليمي ديمي حديثها بي روقه.. 🌸
مبوبح جيدها ماهو قصير ومخنوقه
وشيها قميره مافي سحابي بي فوقه✨
...
ربنا زاد جمالها زيادي مطبوقه
من بنات الحور هي من الجني مسروقه
تجيني غبيني لو في زول قطع فوقه
اتحرق بي صحي لما ألقاها محروقه

ويطلع من عيونك ضى
ولا لِمِس الجفاف خدّك 🎵
ولا ركّ الندى المحروق
فراشات فى شذاك .. دخان♥️
#Asom

فقط بالمحبة نغدو أمهات قبل أن تصبح ارحامنا الهشة بيتا له سقف💙
خلونا نتفق انو الكتاب هدية جميلة جدا💙
#بهجتيتي 💙

يا آخر عشم داخرنو للزمن الحنين تيراب
ويا فَجَّة ضلام طَوّل علي قمر العشية الغاب
وراك لا مطّر أرض ماطِر ولا عمّ الدميرة تساب

الدمع السايل من عينيك
كان قالوا فرح شاحدهو اليك
كان قالو الحزن الطاري عليك
تتوقد نار الحرقه عليك
بكرها كتير دمعات الحرقه
بكرهو كتير القاسي عليك
دا قاسي الهم والغم علي
وانا منك وليك
من الوجعه ...ومن الحن الرايد ليك
بدوم الفرحه.... لا تفوت عينيك
ألباقى كتيييير
وانا باقي عليك🎶❤🎶

و اتفرقت بينا الجهات و اتوحدت فيها الهموم
الوشهم لفحو السموم و القلبهم قطعو الشتات و احلامنا يومي بتتسرق خوف في الغرب شقا في الشرق عمت القلوب الفي الشمال لما الجنوب خلانا فات💔 !!
لو خوفنا راح و طريقنا مرصوف بالثبات و مشينا للحريه صاح لابد أكيد ...
#حلم

قالو ايضا بت
قلت مالو ولو
بشوفا عز التبتبا
بتي البريدا مرتبة
دولابا داك والمكتبة
جات من قبيل من مكتبا
ادتنا نحن مرتبا
سددنا دين دكان حسين


#مريوومة

ما الشيبُ إلا حنينٌ كانَ في دمنا
وما التَجاعيدُ إلا ما حبسنَاه ُ

#نسيبه

محتار هل في كل زول
في قليـم وطن ..؟! ✨
ولا الوطن منـي بيشيل
لون الصبر لي آي زول🖤
#Asom

يا طفلة اجمل من غناي ... و ابلغ من كل الكلام ❤️✨

ﻟﻠﻔﺎﺗﻮ ﻣﺎ ﺭﺟﻌﻮﺍ
ﻳﺎ ﺳﻜﺔ ﻟﺒﻴﺘﻨﺎ
ﻳﺎ ﻋﺘﻤﺔ ﻳﺎ ﻣﺸﻮﺍﺭ
ﻳﺎ ﺷﺎﺭﻉ ﺍﻟﺤِﻠﺔ
ﻣﺎﺿﺎﻋﺖ ﺍﻟﺬﻛﺮﻯ
ﻟﻠﻐﺎﺑﻮ ﻭ ﺍﻟﺤﻀﺮﻭ
ﻳﺎ ﻗﻤﺮﻱ ﻳﺎ ﻗﻤﺮﺍ
ﻳﺎ ﺳﻨﺴﻨﺔ ﻭ ﺣﻤﺮﺍ
ﺑﺴﺄﻝ ﻋﻦ ﺍﻷﻓﺮﺍﺡ
ﻭ ﺍﻟﺨﺎﻃﺮ ﺍﻟﻤﺮﺗﺎﺡ
ﻋﻦ ﺩﻧﻴﺎ ﻓﻴﻬﺎ ﺍﻟﺴﻤﺎﺡ
ﻋﻦ ﺍﻟﺼﺒﺎﺡ ﺍﻟﺮﺍﺡ
ﻻ ﺿﻮ ﻭ ﻻ ﺃﺛﺮﻭ

نمشي في كل الدروب الواسعه ديك...❤️

ﺗﺎﻭﻗﺖ ﻟﻴﻚ ﻭﺳﻂ ﺍﻟﺨﻠﻮﻕ ﺷﺎﻥ ﺻﺪﻓﺔ ﺍﻗﺪﺭ ﺍﻟﻤﺤﻚ ..
ﻭﺍﻣﻼﻫﺎ ﻋﻴﻨﻲ ﻣﻦ ﺍﻟﺠﻤﺎﻝ ﺍﻟﻜﺎﺳﻲ ﻗﻠﺒﻚ ﻭﻣﻨﻈﺮﻙ ..
ﻭﺍﻓﺮﺡ ﻭﻛﺖ ﺁﺗﺸﺎﺑﻰ ﻟﻴﻚ ﺍﻭ ﺣﺘﻰ ﻟﺤﻈﺔ ﺍﻭﺻﻠﻚ ..
ﻳﺎ ﺯﻭﻝ ﻣﻮﺷﺢ ﺑﺎﻟﺴﻤﺎﺡ ﻋﺎﺟﺒﺎﻧﻲ ﻃﻴﺒﺔ ﻣﻌﺪﻧﻚ ..

قامت تهيج غيم الغبار
ذي ريدي ليك بعد الفراق
ذي يوم حزين كايس رضاك
كانت تضج جواي وجع 💔
كيفن رجوع مويه صفاك بعد العكر؟؟

‏وكتين تجوط
تبقى الدواير زي خطوط
مربوكة زي خيط عنكبوت
بي كلمة واحدة بِرَتّبا "كُـنْ💗🌸"
ياالله كاااف والنون عليييك مُتكِّلة❤

راميانى حد القريفه ✨
وقاليانى زى قهوة بجا 🎶♥️
#Asom

يتم منانا يفرح املنا 💕
ونعيش برانا نعيش في جنة 💕
لا يقولو قالو لا يقولو قلنا 💕

بلادك حلوة ارجع ليها 💙 دار الغربة ما بترحم
حمام الوادي - كورال كلية الموسيقى و الدراما by Amin-Aldebeish
https://m.soundcloud.com/amin-aldebeish-1/qspwgj46rq6f

"رُبما الوطن ليس أرضاً، بَل قلباً."
"Home may not be a land, But a heart."

أحي المداين البتفتح حدوده وتمنح عيونك! جواز الدخول♥️ ..

#أزهريات ..
#رزه