نتقوى بالصمت ودواخلنا تتآكل..
ثم ننطق بالوجع ملحاً يترقرق على جفوننا

#نُسيبه

انت فيك مطر العَصاري
والطَواري وفيك مددنـا🌸
انت فيك ريحة التَعابـة
يـا غَناوينـا وسعدنـا ✨💙

ﻭﺍﻟﺒﺎﻝ ﺇﺷﺘﻐَﻞ
ﺑﻰ ﺍﻷﺑﻰ ﻣﺎ ﻳﻌِﻴﺪ .. ﺍﻟﺤﻮﻝ ﻣﺎ ﺃﺷﺘﻐﻞ
ﺍﻟﻐُﺒُﻦ ﺍﻟﺸﺪﻳﺪ .. ﺍﻟﺴﺎﺑﺎ ﻭﺭﺣَﻞ
ﺍﻟﻀﻴﻖ .. ﺍﻟﻤﺤَﻞ
ﻭﺍﻟﻔﺮﺝ ﺍﻟﻘﺮﻳﺐ
ﺍﻟﺠﺎ .. ﻭﻣﺎ ﻭﺻَﻞ
ﺯﻯ ﺍﻟﺤﺎﻝ ﺩﻩ ﻳﻮﻡ .. ﻻ ﻛﺎﻥ .. ﻻ ﺣﺼَﻞ
ﻭﺍﻟﺒﺎﻝ ﺇﺷﺘﻌَﻞ

يوميات #علوب ........173 .....زهرة الرمان

غايتو صحي في ناس عايشة في عالم تاني ومتجدعين في حتة غير حتتنا دي ...!!
جاني ليك (ابو الجاز ملك ( الدرامات ) ....طبعا طوااالي بجيبا (وارمة ) ...ماعندو كبير ...!!
مرات بكون ( زانق ) في حفلة جوا بيت حيطتو واقعة ....واحيانا يمارس ( الهيب هوب ) في DJ بالمعمورة .....وحاله أشبه بالدنيا ...
بتتذكرو كان عزمنا حفلة راس السنة وبي سببو كنا حنمشي ( الرج ) ....!! الا ربك ستر دقت في العارضة ....!!
اها دا (ابو الجاز ) الله يدي العافية ...!! ودي محنو ....!!
المهم جاني ليك بي نفسو المرة دي ...!!
ايوااا ....!! نسيت ...قبل ما يجيني لفحني ليك بي (صبعطاشر ) تلفون كدا ....!! مارديت عليهو
...!! تلفوني كان صامت ...زي جيبي الصامت دا ....!!
😷
خبر ذاتو حلو يفتح النفس في البلد ( المعيونة) دي مافي ...!! تصحي من الصباح ...يقول ليك السوق حرق ...🔥
ولو خلاص حدثوك يقول ليك الدولار فات الستين
....💰 يازول بالستين بالشنقيطي نحنا ذاتو بقت مافارقة معانا ...خلي يمشي داك الدرب...... في ستين .....!! جد اتفقعنا ....!!
االمهم قال لي مالك مابترد ...!! قلتا ليهو مشغول ...!! قال لي جهز لي حالك بكره معزومين ....!!! ياساتر
قلتا لي معزومين وين ...!! ولي شنو ..!!؟
قال لي ( سماية) ...!! 😳😳
اي والله زي مابقول ليكم ...!!!
قربتا اطردو ...!!
قلتا ليهو دي اخرتا يا ابوالجاز ...!! صحي ياخ نحنا انحدرنا واترمتلنا...!! لكن ما وصلنا المنعطف التاريخي الخطير دا ...سماية شنو كمان يا ابو الجاز الجايبا لي ....!!! قوم أمشي من هنا قبل ما افكك بالحديدة دي ....!!
قال لي طول بالك ياخ ...سماية دي أنا قلتها ليك عشان اقرب ليك المسافة .....!!
القصة انو صاحبنا ( عكرمة ) دا عندو صاحبو اسمو ( وضاح ) قرا معاهو في ماليزيا ...أها ( وضاح ) دا لما كان هناك ياعلوب الماليزيين ذاتم سامنو (اللورد ) ...زول كدا مرطب لمن بهناك...!! عندو عربتين ومؤجر ليهو فيلا ...وزول خيالي كدا ....لاحظ دا كلو وهو طالب ....!!
اها ياعلوب اخت وضاح دا كان عرسوها السنة الفاتت ... برج الفاتح دا مقفول تلاته يوم للعرس دا ....
اها هسا اختو دي جابت ليها ( بت ) فياهو عاملين ليها الاحتفال دا ...!! دي كل القصة ...
قلتا. ليهو ونحن دخلنا شنو في الموضوع دا ...!!؟؟
فال لي انا بس دايرك تمشي معاي لسبب واحد...!! عشان تشوف بي نفسك الناس دي بتبهدل القروش دي كيف ...!!
ياخ اعتبر نفسك ماشي سينما ...
قلتا ليهو انتا هسا عازمك ( عكرمة ) صاحب ( وضاح ) وانا كدا بكون عازمني ( ابو الجاز ) صاحب ( عكرمة ) صاحب ( وضاح ) ...صاح ...!!
يعني علاقتي انا بي ( وضاح ) دا ....(جتا٢) ....ما بتجيبا
معقولة يا ابو الجاز ياخ ....الحتات الضيقة دي ...!!
لا وسماية كمان ....مابالغتا معاي ...!!
قال لي عليك الله ياعلوب ما تعقد لينا الأمور ساكت هو انتا قايل الناس ديل عندهم صاحب ولا حبيب ديل مصاحبين( القروش ) دي بس ....وحبيبم ( الدولار )
ونحنا دايرين نشوف قروشنا دي ذاتا قاعدة تمشي وين وبعملو بيها في شنو ....
غايتو اقتنعتا بالفكرة.... !!
( فكرة شنو كمان ياعلوب ...غايتو جنس كضب ....قول بس داير تمشي ساكت )
عليك الله ذاتو نمرق من الجو الحزين دا ...!!
قروشنا وماقبضناها ... شوف ساااكت مانشوفا
قلتا ليهم زابط .....! فعلا علي الأقل نمشي نشوف حقوقنا دي وين
وقد كان ...!!
الساعة تسعة ونص نحنا جوا فيلا السيد ( نمر ) أبو وضاح .....وأبو البت العاملين لي ( بتها ) السماية دي ...
قلتا لي ابوالجاز هسا هم برضو بقولو ( سماية) زينا كدا قال لي ما تفضحنا ياعلوب ياخ ..!! سماية شنو كمان ...!!
هو البت سامنها ( جولنار ) تقول لي ( سماية)
قال لي هم بسموها ( سلبريت زا بيبي ) ...!!
احتفاء الميلاد ...ولا روعة المولود ماعارف ...!!😂المهم حاجه زي دي ....طابعين ليها كروت ...خلي نتأكد من الكرت وبوريك بالظبط قاصدين شنو ..قال لي الناس ديل ياعلوب مرات بجيهم احساس كدا انهم من العايلة المالكة البريطانية فرع الخرطوم .....وحات الله
المهم فعلا مشينا ...الدخول بالكرت طبعا ...التقول داخلين نادي الضباط ...
دخلنا ليك الفيلا.....!! يازووول الشجر دا منور ....خليك من الحيط ...!! والطرابيز مرصوصة ملبسنها فوط اسمح من قميصي دا بي مراحل ...!!
وفريق كامل لابسين ليك ذي بعض بالأبيض ( جراحين بس ) ديل المشرفين علي الاحتفال والطاقم المسؤول خاشين ومارقين ....وشي حلل مربعة وحلل مدورة وحلل متنفشة ....وحلل ذي بتاعة الحقن ....قالو دا البوفية ....وكل حلة تحتها شمعة ....باقي جرس الكنيسة ....!!
والناس دي تتلامع ...والشعور تهفهف ...وريحة الأرياح تسطل ....مستحيل تتخيل انو دي بلد فيها صف عيش وبنزين بي برا
النسوان ديل مابتفرزن من البنات الصغار نايراااات .....ومولووووس .ومصنفرات ...والتياب
تتطاقش ....
وجن

صاحبات اخت وضاح اللي هي أم ( جولنار ) بت السماية دي وهي ذاتا صغيرووونه ماشاءالله ....
صاحباتا ديل قادلات زي الحمام ...عيونن مدفنات من النوم ...الليل كلو حايمات في النت ....!!
والأم ذاتا طلع اسمها ( تتو ) .....والله جد ....شابكنها ليك مبروك ياتتو ...وتتربي في عزك ياتتو ....
وراجلا قاطرا ...طلع قريبم ...!! وهو ذاتو زي ( دلاهة )كدا... بضحك برا ....!! حتي أنا علقتا عليهو مع ( أبو الجاز ) قلتا لي هو دا مالو حاسي بي شنو ...اول زول يجيب لي بت ...!! 😳 عوير ) دا ولا مالو كدا ....!!
قال لي العوير دا وكيل ( جنريترات غرندايزر) .....
( صحي الجنريتر مابزيل بلم ....) ..
هييييع راجل ( تتو ) اريتو حال السرور
يازوووول حاجه كدا ماعندها أي علاقة بالحاصل بره دا
( قال الأزمة مكانا وين ) ....!!! ( الأزمة مكانا هنا دا )
غايتو الناس ديا احتمال كبير تكون عندهم مكنة صراف الي جوا في الصالون الشايفو دا ....قدر الحوش تبارك الله
ياربي لقو الرغيف الكتير دا وين ...!! والرغيفة مبغبغة ونااااايرة .....قلتا لي ( عكرمة ) أنت ( عمك ) نمر دا شغال شنو ...!! قال لي شغال ( نمر )
سكتا اقول شنو ....!!! ( النمر حيوان مفترس )
المهم نحنا لايصين وسط الزحمة دي فجاءة المزيكا ضربت ....🎼فرقة كدا بالسكسفونات والطرمبات ...🎷🎺🎷🎺 انا قلتا انقلبت ....!!
بس جات ليك ( تتو ) ام المولودة من هناااك وراجلا (الجنريتر )شايلين ( جلنار ) مولودة التاج البريطاني دي في قفة كدا وكل واحد ماسك من اضان ....وشاقين الحضور والناس تصفق ......( قفة فرح) ....مليانة. زهور وحاجات كتيرة كدا ...(وجولنار ) في النص ...!!!
شفتو جنس الحالة دي .....!! قالو الزهور الفي القفة دي زهور الرمان لانو كلمة جولنار تعني( زهرة الرمان ....وصلت الليلة بالاماراتية
الحمد لله اي شي متوفر فضل لينا الرمان بس
يعني دي لو كانت سماية ( امونة ) كانو ختو ليهم ( دانة ) ولا لغم في القفة دي ...
ياربي نحن ماشين علي وين ......!!!!!!!!؟
بدأت أتأمل في الوجوه أمامي واستعرضها فوجدتها تضحك في إنتشاء ...!!
لا ادري علي نفسها ...!! أم علينا..... ام علي الزمن
هل يشعرون في هذه اللحظة بامرأة اخري تعاني
ويلات المخاض في بقعة نائية لايوجد فيها ادني أسباب
الحياة هي وجنينها امام الموت لنقص في الموارد
والدواء ...
هل صدقت أنك بالفعل ( نمر ) ...تاكل من تشاء
ياحاج ( نمر ) ...
التفت الي (ابوالجاز ) وهمست له انني اشعر انني شريك في هذه الملهاة بحضوري هذا الاحتفال الباذخ علي شرف ميلاد ( جولنار ) ....وهناك في الإصقاع من يأكلهم الجوع والنار ....👀
قال لي عليك الله ما تكبرا لينا ...دا حال الدنيا ...!!
انا بس حبيت أديك مباراة اخري مختلفة تلعب في الطرف الاخر من المدينة
امتزج عندي وقتها صوت موسيقي الاحتفال برياح سكون تداعب شبابيك البيوت في أسفل المدينة ....وكم هي بعيدة المسافة بين ميلاد جولنار ....وخروج خبز حار
وصدق من قال ......البيوت أسرار ....
مبروك يا ( تتو ) 💔 ..

#اشياءبسيطة ..

‏يرى الله محاولاتك في النهوض بعد كل تعثّر،
‏يسمع دعائك الخافت وينصت لرجاء قلبك،
‏لا تتوقف ..استمر مادام الله قريبًا لهذا الحد منك 🕊💙

مع إنو قالوا العترة بتصلح المشية ..
انا كل يوم بعتر معاك لا عرفت أمشي معاك عديل لا عترت في زولاً سواگ💜✨💜

تكبريّ إنتيّ تشيليّ حِملنا
و تزيدينا ترانا كِملنا 💜

انحنيت للوردة
ما للريح و لا سيف الخليفة إنحنيت 
لي بسمة صالحة 
ودمعة صادحة 
ولقمة مالحة 
وراحة 
في سُترة رغيفة 
#القديسة
#نانسي
#سمرية

‏صباحّ الأشياء البسيطة الجميلة بعيدًا عن البُهتان 💙

اشوف الماضي فيك بااكر
اريت بااكر .. يكون هسسه 💙

السكة ما صعبة
صعب الرفيق الصاح

#مريوومة

لو كان الشوق الفيني بكفي
كان غنيتو علي ست انغام
🎶الاولى اشتاقك يا الهليت
🎶 والتانيه احتاجك ولو جنيت
🎶والتالته الجن الفايض ليك
🎶والرابع خامس سادس ريد
وقامت شجره في نص الصحره
زقاها الطير ....!!!
الكاس لي ضلك ومن تمر الريد
قامت وعليت وواااسع ظلا
لو تعرف كيف!!!!
الصحره دي كانت من قبلك حيط
مزروع من كلو انواع الريد
قسمتو كتيييير لي ناس من جور
وشالو الجنه وشالو الريد
وصارت صحره بلا عنوان
الا التمر الشلتو في ريد
حبات في ايدك وعيونك بيت
انا شلتو البيت!!!!
ونسيت البزر الجنه في صحره
وزقاهو الطير الكاس لي ضلك ومن تمرك ريد
بنيتو البيت!!!!!
وقامت جنه بعد الصحره الكان في الغيب
بنيتو البيت التاه من قبلك بنيتو الريد
يا سيد الجنه وسيد البيت🎶❤🎶
يا سيد الريد🍃❤🍃

مداك إتعدى حد الشوق ✨🎵
دخلت على الشعر إنسان ..
هواك اتختى جوى الجوف 💜

بشيل خطواتي في دربك ، وفيك خطواتي تواهه
بعادك لي سماك اقرب ، وقربك فيهو كم ااااهة❤️✨

امرق علي مهلك
مروق الحنه من ضفر العروس
واصعد علي مهلك
صعود البزره والروح والشموس

ﻧﻔﺾ ﻫﺪﻭﻣﻚ ﻭﺍﻧﺘﺸﻲ .. ﻟﻄﺦ ﻣﻠﺢ ﻓﻮﻕ ﺍﻟﻨﺰﻳﻒ ..... ﻛﻞ ﺍﻟﻤﺴﺎﻓﻪ ﺑﺘﺘﻤﺸﻲ .. ﺑﺲ ﺍﻧﺖ ﺷﺪ ﺣﻴﻠﻚ ﻭﺍﻗﻴﻒ💙

بتتدبر
ولا يهمِك.. إله الكون بفرّج همنا و أكتر

بتتدبر
ولا يهمك .. و شمّري ساعدِك الأخضر
و أطلعي زي شمس في الناس
ضلام الهم بيتكسّر

الوافر ضراعو ...امنتو الرسول💙

وانا في انتظارك
وانا في انتظارك
علي ناااااااااري
يا طير يا ماشي لي اهلنا
بسراااع وصل رساااايلنا
والشوووق لا تنسا يااااا طاير
لي كل البسألك عنا ❤️🥀