Listen to المنجل المركوز - الامين عبد الغفار by Mgd Al-Din #np on #SoundCloud
https://soundcloud.com/mgdaldin/qk6uzl3vqzuy
https://soundcloud.com/mgdaldin/qk6uzl3vqzuy
SoundCloud
الامين عبد الغفار
يوميات #علوب 33 ...بقالة الهدى ...
مش مرات كده بلاقوك ناس سقيليين كده ...اها انا أسقل من بتاع البقالة الجنبنا ده مالاقانى ...!! اول حاجه الزول ده ولا بكلف نفسو ساكت يعاين ليك لما يجى يبايعك ولا حتى لما تطلب حاجه ( لاحظو الحركة دى مع الرجال فقط ) اها مع النسوان بتحول الى استشارى جلديه ...يشيل ويعاين ...ومرات معاها نكت قديمه كده وشوية ظرافه ...كمان اليومين ديل جابت ليها واتس ...!! اها النهار كلو مركز فى الموبايل ...نفسى اعرف قروباتو دى شنو ...ان شاءالله بس تكون (بقالات ) ما (منبرشات) ...المهم انا ذاتى جيتو مجبور بس ....!! هو طبعا هنا داخل فى شخصية (مول عفراء) لانو بصراحه طبعا هو متفوق على كل دكاكين الحله ...!! ديل لِسَّه العولمه ماوصلتم ...لو بالغو برصو الصلصه فى شكل قلب ...وفى راسا مربة سعيد ...!!! اها جيت عليهو لقيتو منهمك فى أبحاثو دى فى الواتس ...ولا كلّف نفسو رفع لى راسو ..انا كمان ولا سلمتا عليهو ذاتو ..!! قلتا ليهو عايز ليهو عايزين لينا أمواس ...على التعترنى نسيت اسما ....ياخ ديك اسمها شنو ....!! اللهم صلى محمد ...ياخ البجيبو كان دعايتا فى التلفزيون ..ايواااا امواس (ناسيت ) ...طوالى ردا على طوالى ...!! طبعا هو المجرم شغال بى شريحتين واحده مع الواتس والتانيه مع الزبائن ....وبذات الكفاءه .......قال لى هسه ده ياهو ده الطلعتا بيهو .....(زهجنى جنس زهج ...) .قلتا ليهو....فى أمواااس ...ولا ...مافى ..!!!؟؟ (كده بحسم ...) قال لى ...مافى ..!! قلتا ليهو بس خلاص ....قول مافى وانتهينا ..!!! .قال لي ...نديك غيرا ..!!؟؟ قلتا ليهو لا شكرًا ....انا عايز حاجه محدده ...(وعشان افقع مرارتو ) ...قلتا ليهو ...لانو حاجاتكم دى مرات كلها تقليد وتقليد رخيص ...!! (ورخيص دى قلتها ومعاها جرا كده يعنى المعنى ممكن تشملك انتا ذاتك ...) ولا قال لى انتا بتقول فى شنو ....!! اتخيلو الرد شنو ....!!! قال لى ماهى فى النهايه موس ....انتا اصلو عايز تضبح بيها ...!! ( يضبحك الشيطان ) ...خلاص رفع ضغطى ....قلتا احرقا معاهو ذي ماحرقا معاي ...قلتا ليهو انا ذاتى ماشى على الخرطوم جوه كده ..!! البقالات الكبيرة دى هناك بكون عندهم الحاجات دى ...دكاكين الحله دى حدها الصلصه والبصل.... (خفضتا ليهو التصنيف الائتماني بتاعو العواليق ...) ( كبير ياعلوب ) انتو قايلنو قال لى بتقول فى شنو ...ولا عبرنى ... ..!!! يشيل ويلعب ليهو بى قشه كده فى سنونو المترمات ديل...!! ويدو التانيه فى الواتس .... !! قال لى الخرطوم محل الرئيس بنوم ...والطياره بتقوم ...ان شاءالله عندك التذاكر ..(يعنى المعنى كلو بى تمنو ). صدقو جاب التعادل ...قلتا ليهو والله على الأقل بضاعتم اصليه ومستورده ليهم حق يربطوها بى سعر الدولار ...!! لكن ناس قريعتى راحت ديل مالم ومال الدولار ( قويه ياعلوب ...هدف مباغت ) اها دى حرقتو شديد ...طوالى استخدم الجوكر وقال كده ورانى الايفون الشايلو ..قال لى والله ليك حق هسه انا تب مابشيل غير بضاعه اصليه ....ويشيل ويعاين لى موبايلى الصينى ..( غايتو دى ٠/٣...) قلتا مافى حل غير اردمو السقيل ده ....قلتا ليهو والله فعلا بس النوع ده من الموبايلات حساس داير زول يعرف يتعامل معاهو ( نار ياعلوب ) ....طوالى طلع الجلاكسي من جيبو قال لى ....ايوه الكوريين ديل معقدنها شويه عشان كده قلنا نخش فى الأمريكان ...!!( ختاها لى ٠/٦ ).طوالى انا ذاتى قررتا استخدم الجوكر ....قلتا ليهو والله انتا بى موبايلاتك الكتيره دى تكون فاتح (الدكان ) ده ( وانا مصر على كلمة دكان ) رغم اليافطة المعلقا اكبر من المحل دى ( بقالة الهدى ) وهو (موتسب ) النهار كلو ...يوم واحد مالقيتو بصلى ..!! المهم قلتا ليهو تكون فاتحو ساكت كده منظر وشغال عمله ..تحت ..تحت ....!!! والله الساعة الأخد ليهو ضحكه ...قال لى امانتن فى ذمتك هسه الحله دى لو نفضوها نفيض بتلقى فيها (يورو .) ....فعلا سؤال مافى محلو ياعلوب (هدف تسلل ...) قلتا ليهو لكن الحله دى فيها الاهم من الدولار واليورو ...فيها الدكتور والمعلم والمحامي (((ياسلاااام ....الصفقه لى علوب ) قال لى حررررم ...انا عندى ذي البقالة الانتا شايفا دى عشره واحدات.......على الطلاق القلتهم ديل كلهم مدينين منى ....يووزززززع ...هدف قاتل فى دقيقه قاتله ( أحرجتونا يادفعه)..... يازول قلتا انا الزول ده محتاج لىهو زمن اضافى وانا مافاضى ليهو خلينى احسمو بالفنيه القاضيه ...قلتا ليهو بالله انت عندك عشره بقالات ..!!!؟ والله ماباين عليك ...!!! كبير ياعلوب ...!! لعيب ياعلوب ...مجنووون ياعلوب ....!! عاين لى كداااا ...قال لى احسن يبين ..!!!!! ماكان قشطونا بى عينكم الحاره دى وديتونا الاخره ....طوالى قلتا ليهو ادينى موس ....!!! واى نوع ....وعلى قولك انا داير اضبح بيها ... ماكفايه ضبيحتك دى ...يضبحوك يايابا فى الجزاره ..ذى ماضبحتنى وضبحتا علم التسويق الف
مش مرات كده بلاقوك ناس سقيليين كده ...اها انا أسقل من بتاع البقالة الجنبنا ده مالاقانى ...!! اول حاجه الزول ده ولا بكلف نفسو ساكت يعاين ليك لما يجى يبايعك ولا حتى لما تطلب حاجه ( لاحظو الحركة دى مع الرجال فقط ) اها مع النسوان بتحول الى استشارى جلديه ...يشيل ويعاين ...ومرات معاها نكت قديمه كده وشوية ظرافه ...كمان اليومين ديل جابت ليها واتس ...!! اها النهار كلو مركز فى الموبايل ...نفسى اعرف قروباتو دى شنو ...ان شاءالله بس تكون (بقالات ) ما (منبرشات) ...المهم انا ذاتى جيتو مجبور بس ....!! هو طبعا هنا داخل فى شخصية (مول عفراء) لانو بصراحه طبعا هو متفوق على كل دكاكين الحله ...!! ديل لِسَّه العولمه ماوصلتم ...لو بالغو برصو الصلصه فى شكل قلب ...وفى راسا مربة سعيد ...!!! اها جيت عليهو لقيتو منهمك فى أبحاثو دى فى الواتس ...ولا كلّف نفسو رفع لى راسو ..انا كمان ولا سلمتا عليهو ذاتو ..!! قلتا ليهو عايز ليهو عايزين لينا أمواس ...على التعترنى نسيت اسما ....ياخ ديك اسمها شنو ....!! اللهم صلى محمد ...ياخ البجيبو كان دعايتا فى التلفزيون ..ايواااا امواس (ناسيت ) ...طوالى ردا على طوالى ...!! طبعا هو المجرم شغال بى شريحتين واحده مع الواتس والتانيه مع الزبائن ....وبذات الكفاءه .......قال لى هسه ده ياهو ده الطلعتا بيهو .....(زهجنى جنس زهج ...) .قلتا ليهو....فى أمواااس ...ولا ...مافى ..!!!؟؟ (كده بحسم ...) قال لى ...مافى ..!! قلتا ليهو بس خلاص ....قول مافى وانتهينا ..!!! .قال لي ...نديك غيرا ..!!؟؟ قلتا ليهو لا شكرًا ....انا عايز حاجه محدده ...(وعشان افقع مرارتو ) ...قلتا ليهو ...لانو حاجاتكم دى مرات كلها تقليد وتقليد رخيص ...!! (ورخيص دى قلتها ومعاها جرا كده يعنى المعنى ممكن تشملك انتا ذاتك ...) ولا قال لى انتا بتقول فى شنو ....!! اتخيلو الرد شنو ....!!! قال لى ماهى فى النهايه موس ....انتا اصلو عايز تضبح بيها ...!! ( يضبحك الشيطان ) ...خلاص رفع ضغطى ....قلتا احرقا معاهو ذي ماحرقا معاي ...قلتا ليهو انا ذاتى ماشى على الخرطوم جوه كده ..!! البقالات الكبيرة دى هناك بكون عندهم الحاجات دى ...دكاكين الحله دى حدها الصلصه والبصل.... (خفضتا ليهو التصنيف الائتماني بتاعو العواليق ...) ( كبير ياعلوب ) انتو قايلنو قال لى بتقول فى شنو ...ولا عبرنى ... ..!!! يشيل ويلعب ليهو بى قشه كده فى سنونو المترمات ديل...!! ويدو التانيه فى الواتس .... !! قال لى الخرطوم محل الرئيس بنوم ...والطياره بتقوم ...ان شاءالله عندك التذاكر ..(يعنى المعنى كلو بى تمنو ). صدقو جاب التعادل ...قلتا ليهو والله على الأقل بضاعتم اصليه ومستورده ليهم حق يربطوها بى سعر الدولار ...!! لكن ناس قريعتى راحت ديل مالم ومال الدولار ( قويه ياعلوب ...هدف مباغت ) اها دى حرقتو شديد ...طوالى استخدم الجوكر وقال كده ورانى الايفون الشايلو ..قال لى والله ليك حق هسه انا تب مابشيل غير بضاعه اصليه ....ويشيل ويعاين لى موبايلى الصينى ..( غايتو دى ٠/٣...) قلتا مافى حل غير اردمو السقيل ده ....قلتا ليهو والله فعلا بس النوع ده من الموبايلات حساس داير زول يعرف يتعامل معاهو ( نار ياعلوب ) ....طوالى طلع الجلاكسي من جيبو قال لى ....ايوه الكوريين ديل معقدنها شويه عشان كده قلنا نخش فى الأمريكان ...!!( ختاها لى ٠/٦ ).طوالى انا ذاتى قررتا استخدم الجوكر ....قلتا ليهو والله انتا بى موبايلاتك الكتيره دى تكون فاتح (الدكان ) ده ( وانا مصر على كلمة دكان ) رغم اليافطة المعلقا اكبر من المحل دى ( بقالة الهدى ) وهو (موتسب ) النهار كلو ...يوم واحد مالقيتو بصلى ..!! المهم قلتا ليهو تكون فاتحو ساكت كده منظر وشغال عمله ..تحت ..تحت ....!!! والله الساعة الأخد ليهو ضحكه ...قال لى امانتن فى ذمتك هسه الحله دى لو نفضوها نفيض بتلقى فيها (يورو .) ....فعلا سؤال مافى محلو ياعلوب (هدف تسلل ...) قلتا ليهو لكن الحله دى فيها الاهم من الدولار واليورو ...فيها الدكتور والمعلم والمحامي (((ياسلاااام ....الصفقه لى علوب ) قال لى حررررم ...انا عندى ذي البقالة الانتا شايفا دى عشره واحدات.......على الطلاق القلتهم ديل كلهم مدينين منى ....يووزززززع ...هدف قاتل فى دقيقه قاتله ( أحرجتونا يادفعه)..... يازول قلتا انا الزول ده محتاج لىهو زمن اضافى وانا مافاضى ليهو خلينى احسمو بالفنيه القاضيه ...قلتا ليهو بالله انت عندك عشره بقالات ..!!!؟ والله ماباين عليك ...!!! كبير ياعلوب ...!! لعيب ياعلوب ...مجنووون ياعلوب ....!! عاين لى كداااا ...قال لى احسن يبين ..!!!!! ماكان قشطونا بى عينكم الحاره دى وديتونا الاخره ....طوالى قلتا ليهو ادينى موس ....!!! واى نوع ....وعلى قولك انا داير اضبح بيها ... ماكفايه ضبيحتك دى ...يضبحوك يايابا فى الجزاره ..ذى ماضبحتنى وضبحتا علم التسويق الف
👍1
ت
حو ليهو كليه ...شاحدك ياكريم ..(بالله دى أمه يرفعو ليها ( قلم )..........النتيجه ٠/٩ ..
#اشياءبسيطة ..
حو ليهو كليه ...شاحدك ياكريم ..(بالله دى أمه يرفعو ليها ( قلم )..........النتيجه ٠/٩ ..
#اشياءبسيطة ..