ﺃﻗﻮﻝ ﻟﻴﻬﺎ ﻋﻮﻳﻨﺎﺗﻚ
ﺗﺮﻉ ﻟﻮﻟﻲ ﻭﺑﺤﺎﺭ ﻳﺎﻗﻮﺕْ ..
ﻣﻨﺎﺣﺎﺕ ﺭﻳﺪ ﺣﺰﺍﻳﻨﻴﻪ
ﺑﻐﺎﺯﻝ ﻓﻴﻬﺎ ﻣﺄﺳﺎﺗﻲ .. 💗

ﻣﻦ ﻗﻤﺖ ﻣﻦ ﺑﻴﺘﻨﺎ ﻭﻣﺸﻴﺖ
ﺑﻄﺎﻗﺘﻲ ﺻﻮﺭﺓ ﻣﺼﻐﺮﺓ
ﺷﺎﻳﻞ ﻣﻌﺎﻱ ﺷﻨﻄﺔ ﺻﻔﻴﺢ
ﺣﺰﻣﺔ ﻫﻤﻮﻡ
ﻭﻟﺪﺍ ﻣﺘﻴﻦ ﺑﻘﻲ ﻟﻠﺴﻔﺮ
ﻭﺍﻹﻏﺘﺮﺍﺏ ﻭﺍﻟﺪﺭﺩﺭﺓ ..

ﻫﺬﺍ ﺍﻟﻌﺎﻟﻢ ﺍﻟﻤﺮﻳﻊ ﻻ ﻳﺨﻠﻮ ﻣﻦ ﻣﻔﺎﺗﻦ ﻻ ﻳﺨﻠﻮ ﻣﻦ ﺻﺒﺎﺣﺎﺕ ، ﺗﺴﺘﺤﻖ
ﺃﻥ ﻳُﺴﺘَﻴﻘﻆ ﻣﻦ ﺃﺟﻠﻬﺎ.. ™

ﻓﻴﻬﻮ ﺍﻟﺨﺎﻝ ﻭﺍﻟﻌﻢ ﻭﺍﻟﻮﺍﻟﺪ
ﻓﻴﻬﻮ ﺗﺮﺍﺙ ﻣﻦ ﻃﺎﺭﻑ ﻭﺗﺎﻟﺪ
ﻭﺍﻟﺨﻴﺮﺍﺕ ﺍﺷﻜﺎﻝ ﻭﺍﻟﻮﺍﻥ
ﺍﺣﺐ ﻣﻜﺎﻥ ﻋﻨﺪﻯ ﺍﻟﺴﻮﺩﺍﻥ.. ™

ﺍﻟﻘﻬﻮﺓ ﻻ ﺗُﺸﺮﺏ ﻋﻠﻰ ﻋﺠﻞ،
ﺍﻟﻘﻬﻮﺓٌ ﺃﺧﺖ ﺍﻟﻮﻗﺖ ﺗُﺤْﺘَﺴﻰ ﻋﻠﻰ ﻣﻬﻞ،
ﺍﻟﻘﻬﻮﺓ ﺻﻮﺕ ﺍﻟﻤﺬﺍﻕ
ﺻﻮﺕ ﺍﻟﺮﺍﺋﺤﺔ ﺍﻟﻘﻬﻮﺓ ﺗﺄﻣّﻞ
ﻭﺗﻐﻠﻐﻞ ﻓﻲ ﺍﻟﻨﻔﺲ ﻭﻓﻲ ﺍﻟﺬﻛﺮﻳﺎﺕ.. ™

ﻳﺎ ﺻﺎﺣﺒﻪ ﻓﻲ ﺍﻟﺰﻣﻦ ﺍﻟﺼﻌﺐ.. ™

استمتعوا بأبنائكم وأحبابكم قبل أن يرحلوا أو ترحلوا..

القصيدة بعنوان ( أب )

أين الضجيج العذب والشغب
أين التدارس شابه اللعب ؟

أين الطفولة في توقدها
أين الدمى في الأرض والكتب ؟

أين التشاكس دونما غرض
أين التشاكي ماله سبب ؟

أين التباكي والتضاحك في
وقت معا والحزن والطرب ؟

أين التسابق في مجاورتي
شغفا إذا أكلوا وإن شربوا ؟

يتزاحمون على مجالستي
والقرب مني حيثما انقلبوا

يتوجهون بسوق فطرتهم
نحوي إذا رهبوا وإن رغبوا

فنشيدهم : ( بابا ) إذا فرحوا
ووعيدهم : ( بابا ) إذا غضبوا

وهتافهم : ( بابا ) إذا ابتعدوا
ونجيبهم : ( بابا ) إذا اقتربوا

بالأمس كانوا ملء منزلنا
واليوم ويح اليوم قد ذهبوا

وكأنما الصمت الذي هبطت
أثقاله في الدار إذ غربوا

إغفاءة المحموم هدأتها
فيها يشيع الهم والتعب

ذهبوا أجل ذهبوا ومسكنهم
في القلب ما شطوا وما قربوا

إني أراهم أينما التفتت
نفسي وقد سكنوا وقد وثبوا

وأحس في خلدي تلاعبهم
في الدار ليس ينالهم نصب

وبريق أعينهم إذا ظفروا
ودموع حرقتهم إذا غلبوا

في كل ركن منهم أثر
وبكل زاوية لهم صخب

في النافذات زجاجها حطموا
في الحائط المدهون قد ثقبوا

في الباب قد كسروا مزالجه
وعليه قد رسموا وقد كتبوا

في الصحن فيه بعض ما أكلوا
في علبة الحلوى التي نهبوا

في الشطر من تفاحة قضموا
في فضلة الماء التي سكبوا

إني أراهم حيثما اتجهت
عيني كأسراب القطا سربوا

دمعي الذي كتمته جلدا
لما تباكوا عندما ركبوا

حتى إذا ساروا وقد نزعوا
من أضلعي قلبا بهم يجب

ألفيتني كالطفل عاطفة
فإذا به كالغيث ينسكب

قد يعجب العذال من رجل
يبكي ولو لم أبك فالعجب

هيهات ما كل البكا خور
إني وبي عزم الرجال أب ..!

للشاعر الراحل عمر بهاء الدين الاميري ..

فندق السلام روتانا من الاعلي ..

ﺍﻧﺎ ﻳﺎ ﺑﻠﺪ ﻣﻮﻟﻮﺩﺓ ﻓﻴﻚ ﻟﻠﺨﻴﺮ ﺑﺸﺎﺋﺮ
ﻣﻦ ﻧﻮﺭ ﺻﺒﺎﺣﻚ ﻳﺎ ﻭﻃﻦ ﻭﺟﻬﻲ ﺍﻟﺼﺒﻮﺡ
ﻣﻦ ﺭﻭﻋﺔ ﺍﻟﻠﻴﻞ ﻳﺎ ﺑﻠﺪ ﺳﻮﻳﺖ ﺿﻔﺎﺋﺮ .. ❤

ﺍﻟﻨﻴﻞ.
ﻗﺼﺎﻫﺎ ﺿﻔﻴﺮﺗﻮ
ﻭﺷﺮﺍﻫﺎ ﺭﻣﺎﺩ
ﻭﻓﺠﺎ ﺣﻨﻴﻦ
ﻳﺴﺮﻯ ﺍﻟﺤﻠﻢ ﺍﻟﻤﻮﺟﻮﻉ
ﻻﺑﻄﻠﻊ ﻭﻗﺖ ﺍﻟﻠﻘﻴﺎ
ﻭﻻ ﺑﻬﺠﺮﻧﻰ ﺟﻮﺍﻱ ﺿﻠﻮﻉ
ﻳﺎ ﻣﻮﻟﻮﺩ ﻣﻈﻠﻮﻡ ﻓﻲ ﺭﺋﺘﻚ
ﻣﻴﺰ ﺭﻳﺤﺔ ﺍﻟﻤﻄﺮﻩ..™

ح اﻏﻨﻴﻠﻚ ..
ﻣﺪﻯ ﺍﻻﻳﺎﻡ . ﻭﺍﻏﻨﻴﻠﻚ
ﻭﻣﻦ ﻋﺘﻤﺔ ﺿﺒﺎﺏ
ﺍﻟﺤﺰﻥ . ﺍﻟﺤﺰﻥ . ﺑﻨﺎﺩﻳﻠﻚ
ﻭﺍﻗﻮﻝ ﻱ ﻗﻠﺒﻲ ﻭﺁﺁﺁﻩ ﻭﻳﻠﻚ
ﻭﻳﻄﻮﻭﻝ ﻟﻴﻠﻚ.. ™

مقال اليوم ٣١

ﻣﻦ ﺃﻛﺜﺮ ﺍﻟﻌﻼﻗﺎﺕ ﺍﻻﻧﺴﺎﻧﻴﺔ ﻋﻤﻘﺎً ﻭ ﻏﺮﺍﺑﺔً ﻭ ﺍﺛﺎﺭﺓً ﻟﻠﺪﻫﺸﺔ ﻫﻰ ﺍﻟﻌﻼﻗﺔ ﺑﻴﻦ ﺍﻟﺒﻨﺖ ﻭ ﺃﺑﻴﻬﺎ .. ﻭ ﺑﻤﺎ ﺍﻧﻮ ﺍﻟﻔﻴﺴﺒﻮﻙ ﺃﺻﺒﺢ ﺩﻓﺘﺮ ﺧﻮﺍﻃﺮ ﻛﺒﻴﺮ ﻳﺘﺤﺪﺙ ﻓﻴﻪ ﺍﻟﺠﻤﻴﻊ ﻋﻦ ﻣﺸﺎﻛﻠﻬﻢ .. ﺧﻴﺒﺎﺗﻬﻢ .. ﻧﺠﺎﺣﺎﺗﻬﻢ .. ﻗﺼﺼﻬﻢ .. ﺍﻟﺦ ﺍﻟﺦ ﺍﻟﺦ .. ﻭ ﺍﻧﻚ ﻟﻮ ﻋﺎﻭﺯ ﺗﻘﺮﺍ ﺍﻟﻤﺠﺘﻤﻊ ﺑﻔﻜﺮ ﻓﻰ ﺷﻨﻮ ﻓﻤﺎ ﻋﻠﻴﻚ ﺍﻻ ﺍﻧﻮ ﺗﻔﺘﺢ ﺍﻟﻬﻮﻡ ﻭ ﺗﺘﻔﺮﺝ .. ﻳﻼ ﻻﺣﻈﺖ ﻛﺘﻴﺮ ﺟﺪﺍً ﺍﻧﻮ ﺍﻟﺒﻨﺎﺕ
ﺑﻴﻜﺘﺒﻦ ﺍﺳﺘﻴﺘﻮﺳﺎﺕ ﻋﻦ ﺍﺑﻮﺍﺗﻢ .. ﺍﻟﻠﻴﻠﺔ ﺑﻌﺪ ﺍﻟﻤﻐﺮﺏ ﺑﺲ ﺷﻔﺖ ﺍﺳﺘﻴﺘﺴﻴﻦ .. ﺍﻻﻭﻝ ﻛﺎﻧﺖ ﺑﺘﺘﻜﻠﻢ ﻓﻴﻬﻮ ﻋﻦ ﺍﻧﻬﺎ ﻗﺎﻟﺖ ﻟﻰ ﺍﺑﻮﻫﺎ ﺍﻧﻬﺎ ﻋﻴﺎﻧﺔ ﺍﻟﻠﻴﻠﺔ ﻑ ﺑﻜﻰ .. ﺍﻯ ﻭﺍﻟﻠﻪ ﻑ ﺑﻜﻰ .. ﻭ ﺍﻟﺘﺎﻧﻴﺔ ﺑﺘﻘﻮﻝ ﺍﻧﻬﺎ ﻛﻠﻤﺎ ﺣﺰﻧﺖ ﻭ ﺍﺳﺘﻮﺣﺸﺖ ﻓﻰ ﺍﻟﺤﻴﺎﺓ ﺍﺗﺼﻠﺖ ﺑﺄﺑﻴﻬﺎ ﻓﻘﻂ .. ﻻ ﻟﺘﺤﻜﻰ ﺍﻟﻤﺸﻜﻠﺔ ﻓﻬﻮ ﻳﻌﺮﻑ ﺍﻟﻤﺸﻜﻠﺔ ﻣﻦ ﻧﺒﺮﺓ ﺻﻮﺗﻬﺎ ﻟﻜﻦ ﺑﺘﺘﺼﻞ ﻋﺸﺎﻥ ﺗﻄﻠﻊ ﻣﻦ ﺣﺎﻟﺔ ﺍﻟﻜﺎﺑﺔ ﻭ ﺍﻟﺤﺰﻥ .. ﻭ ﺗﺨﺮﺝ ﻣﻦ ﻣﻜﺎﻟﻤﺘﻬﺎ ﺗﻠﻚ ﻭ ﻫﻰ ﻓﻰ ﻛﺎﻣﻞ ﺍﻟﺮﺍﺣﺔ ﻭ ﻛﺎﻥ ﺍﻟﺤﺰﻥ ﻗﺪ ﺗﺒﺨﺮ ﻋﺒﺮ ﺍﻷﺛﻴﺮ ..
ﻣﺮﺓ ﻛﻨﺖ ﺭﺍﻛﺐ ﻓﻰ ﻫﺎﻳﺲ .. ﻭ ﺭﺍﺟﻞ ﺑﺴﻴﻂ ﻛﺎﻥ ﺑﻴﺘﻜﻠﻢ ﻣﻊ ﺑﺘﻮ ﻓﻰ ﺍﻟﺘﻠﻔﻮﻥ .. ﺷﻜﻠﻮ ﻣﺎﺷﺎﻓﺎ ﻟﻴﻮ ﺷﻬﻮﺭ .. ﺑﻴﺴﺄﻟﻬﺎ ﺍﻧﻬﺎ ﻟﻮ ﻣﺤﺘﺎﺟﺎ ﻣﺼﺎﺭﻳﻒ ﻭ ﻫﻞ ﻫﻰ ﻣﺮﺗﺎﺣﺔ ﻭ ﻗﺮﺍﻳﺘﺎ ﻛﻴﻒ .. ﻛﺎﻥ ﻳﺘﺤﺪﺙ ﻛﻤﺎ ﻳﺘﺤﺪﺙ ﺍﻷﺏ ﻣﻊ ﺑﻨﺘﻪ .. ﺍﻟﺮﺟﻞ ﻟﻢ ﻳﺒﻜﻰ ﺣﻴﻨﻬﺎ ﻭ ﻟﻜﻦ ﺃﻇﻨﻨﻰ ﺑﻜﻴﺖ ..
ﻣﻦ ﺍﻟﺤﺎﺟﺎﺕ ﺍﻟﻤﺆﻟﻤﺔ ﺷﺪﻳﺪ ﻓﻰ ﺍﻟﺴﻮﺩﺍﻥ ﺍﻧﻮ ﻟﻤﺎ ﺍﻟﺒﺖ ﺗﺠﻰ ﻣﻜﺴﻮﺭﺓ ﻣﻦ ﺑﻴﺖ ﺭﺍﺟﻼ .. ﻳﻜﻮﻥ ﺃﻫﺎﻧﺎ ﺃﻭ ﺿﺮﺑﺎ .. ﺗﻘﻮﻡ ﺗﺠﻰ ﻏﺎﺭﻗﺔ ﻓﻰ ﺍﻟﺪﻣﻮﻉ ﻭ ﺍﻻﻧﻜﺴﺎﺭ ﻟﻰ ﺑﻴﺖ ﺍﺑﻮﻫﺎ .. ﺗﻘﻮﻡ ‏(ﺍﻣﻬﺎ ‏) ﻏﺎﻟﺒﺎً ﻗﺒﻞ ﻣﺎ ﺗﺴﻤﻊ ﻣﺸﻜﻠﺘﺎ ﺗﻘﻮﻝ ﻟﻴﻬﺎ ﺍﺭﺟﻌﻰ
ﺑﻴﺖ ﺭﺍﺟﻠﻚ ! ﻭ ﺍﻟﻤﺮﺍ ﻋﻨﺪﻫﺎ ﺷﻨﻮ ﻏﻴﺮ ﺭﺍﺟﻼ .. ﻭ ﺍﻷﺏ ﻏﺎﻟﺒﺎً ﺟﻮﺍﻫﻮ ﺑﻴﻜﻮﻥ ﻋﺎﻳﺰ ﻳﻌﺰ ﺑﺘﻮ .. ﻭ ﻋﻠﻰ ﺍﻷﻗﻞ ﺗﺮﺟﻊ ﺑﻴﺘﺎ ﺑﻄﺮﻳﻘﺔ ﻛﻮﻳﺴﺔ ﻭ ﻛﺮﻳﻤﺔ .. ﺑﺲ ﻛﺘﻴﺮ ﺍﻷﻡ ﻫﻰ ﺍﻟﻤﺎ ﺑﺘﻮﺍﻓﻖ ﻋﻠﻰ ﺍﻟﺤﺎﺟﺔ ﺩﻯ ..
ﻻﺯﻡ ﺗﻠﻘﻰ ﺍﻧﻮ ﻓﻰ ‏( ﺍﺳﺮﺍﺭ ﺻﻐﻴﺮﺓ ‏) ﺑﻴﻦ ﺍﻷﺑﻮ ﻭﺑﺘﻮ .. ﻭ ﺍﻳﻤﺎﺀﺍﺕ ﺳﺮﻳﺔ ﻟﻄﻴﻔﺔ .. ﻭ ﻛﺄﻧﻮ ﺑﻴﻄﻠﻌﻮ ﺍﻷﻡ ﻭ ﺍﻻﺧﻮﺍﻥ ﻣﻦ ﺑﻴﻨﺎﺗﻢ ‏( ﻭﻳﺴﻄﺤﻮ ﺑﻴﻬﻢ ‏) ﺷﻮﻳﺔ .. ﻭ ﻟﻤﺎ ﺍﺧﻮﺍﻧﺎ ﻳﺸﺎﻛﻠﻮ ﻭ ﺗﺠﻰ ﺯﻋﻼﻧﺔ ﻟﻰ ﺍﺑﻮﻫﺎ ﻳﻘﻮﻡ ﻳﻘﻮﻝ ﻟﻴﻬﻢ ﻛﻠﻮﻭﻭﻭﻭﻭﻭﻭﻭﻭﻭﻭ ﺍﻻ
ﺍﺧﺘﻜﻢ ﺩﻯ ﺍﻧﺎ ﻣﺎ ﺑﺮﺿﻰ ﻓﻴﻬﺎ .. ﻳﺎ ﺳﻼﻡ ... ﻭ ﻳﺨﻴﻞ ﻟﻰ ﺍﻧﻮ ﺍﻟﺒﺖ ﻣﻦ ﺷﺪﺓ ﺗﻌﻠﻘﺎ ﺑﺸﺨﺼﻴﺔ ﺍﺑﻮﻫﺎ ﺣﺘﻰ ﻓﺎﺭﺱ ﺍﺣﻼﻣﺎ ﺍﻟﺒﺘﺘﻤﻨﺎﻫﻮ ﺑﻴﻜﻮﻥ ﺑﻴﺸﺒﻪ ﺷﺨﺼﻴﺔ ﺃﺑﻮﻫﺎ ‏( ﺍﻟﺤﺎﺟﺔ ﺩﻯ ﺑﺪﻭﻥ ﻣﺎ ﺗﻘﺼﺪ ‏) ...
ﻓﻰ ﺣﺎﺟﺔ ﺗﺎﻧﻴﺔ .. ﻧﻈﺮﻳﺔ ﻓﻴﺰﻳﺎﺋﻴﺔ ﻛﺪﺓ ﻟﻮ ﻛﺎﻥ ﺍﻧﺸﺘﺎﻳﻦ ﺣﻰ ﻛﺎﻥ ﻧﺎﻗﺸﺘﻮ ﻓﻴﻬﺎ ... ﺍﻟﺒﺖ ﻟﻤﺎ ﺗﺰﻋﻞ ‏( ﺑﺘﻨﻜﻤﺶ ‏) ﻭ ﺍﻟﻮﻟﺪ ‏( ﺑﻴﺘﻤﺪﺩ ‏) .. ﺍﻯ ﺩﻯ ﺍﻟﻨﻈﺮﻳﺔ ﺧﺨﺨﺨﺦ ﺍﻟﺒﺖ ﺑﻤﺠﺮﺩ ﺍﻧﻮ ﺣﺼﻞ ﻟﻴﻬﺎ ﻣﺸﻜﻠﺔ ﺗﻘﻔﻞ ﻋﻠﻴﻬﺎ ﺍﻻﻭﺿﺔ ﻭ ﺗﺘﻐﻄﻰ ﻭ ﻫﺎﻙ ﻳﺎ
ﺑﻜﻰ .. ﺍﻟﻮﻟﺪ ﻏﺎﻟﺒﺎً ﺑﻴﺘﺨﺎﺭﺝ ﺑﺮﺓ ﺍﻟﺒﻴﺖ .. ﻭﺻﻌﺐ ﺗﻠﻢ ﻓﻴﻮ ‏( ﺑﻨﻤﺸﻰ ﻭﻳﻦ ﻧﺤﻦ ﺻﺤﻰ ‏) ! ﻭﺗﻠﻘﻰ ﺍﻻﻡ ﺗﺸﻴﻞ ﻭ ﺗﺤﻨﺲ ﻭ ﻣﺎﻑ ﻓﺎﻳﺪﺓ .. ﻟﻜﻦ ﺍﻷﺑﻮ ﻳﺠﻰ ﺩﺍﺧﻞ ﻭ ﻳﻤﺴﺢ ﻟﻴﻬﺎ ﺭﺃﺳﺎ ﻣﺴﺤﺔ ﻭﺍﺣﺪﺓ ﻭ ﺗﻠﻘﺎﻫﺎ ﺍﺗﻮﻣﺎﺗﻴﻜﻠﻰ ﺍﺑﺘﺴﻤﺖ ﺍﺑﺘﺴﺎﻣﺔ ﻛﺒﻴﺮﺓ
ﺗﺨﺒﺮ ﺑﻬﺎ ﺍﻟﻌﺎﻟﻢ : ﺃﺣﺐ ﺃﺑﻰ ..
ﺑﻰ ﺍﺱ : ﺍﻣﻨﻴﺘﻰ ﺍﺷﻮﻑ ﻟﻲ ﺍﺳﺘﻴﺘﻮﺱ ﻛﺎﺗﺒﻮ ﻭﻟﺪ ﻋﻦ ﺍﺑﻮﻫﻮ ‏( ﻓﻀﺤﺘﻮﻧﺎ ﻣﻊ ﺍﻟﺒﻨﺎﺕ )..

#محمد_بلال ..
#اشياءبسيطة ..

ﺃﺩﻳﻨﻲ ﺧﺎﻃﺮﻙ ..
ﺩﺍﻳﺮ ﺃﻓﻮﺕ ...
ﺧﻠَﻴﻨﺎ ﺃﺧﻮﺍﻥ ..ﻭﺍﻟﺴﻼﻡ ...
ﻗﺒﺎﻝ ﻧﻔﻮﺕ ﺣﺪ ﺍﻟﺴﻜﻮﺕ ...
ﻭﺍﻟﻜﺎﻥ ﻣﻌﻠﻖ ﻓﻲ ﺍﻟﻌﻴﻮﻥ ..
ﻳﺪﺧﻠﻨﺎ ﻓﻲ ﺍﻟﺤﻲ ..ﻭﺍﻟﻤﺴﺎﻡ.. ™

ﺍﺏ ﻛﺮﻳﻖ ﻓﻲ ﺍﻟﻠﺠﺞ
ﺳﺪﺭ ﺣﺒﺲ ﺍﻟﻔﺠﺞ
ﻋﺎﺷﻤﻴﻖ ﺣﺒﻞ ﺍﻟﻮﺟﺞ
ﺃﻧﺎ ﺃخوي ﻣﻘﺪﺍﻡ ﺍﻟﺤﺠﺞ
ﻳﺴﻠﻢ ﻟﻲ ﺧﺎﻝ ﻓﺎﻃﻨﺔ
ﻟﻴﻬﻦ ﺑﻼﻟﻲ ﺍﻟﺒﺪﺭﺝ ﺍﻟﻌﺎﻃﻠﺔ ..

ﻣﺘﻴﻦ ﻳﺎﻋﻠﻲ ﺗﻜﺒﺮ ﺗﺸﻴﻞ
ﺣﻤﻠﻲ
ﺇﻳﺎﻙ ﻋﻠﻲ ﺍﻟﺨﻼﻙ ﺃﺑﻮﻱ
ﺩﺧﺮﻱ
ﻟﻠﺠﺎﺭ ﻭﺍﻟﻌﺸﻴﺮ ﺍﻟﻜﺎﻥ
ﺃﺑﻮﻙ حامي
ﻟﻠﻐﻨﻲ ﻭﺍﻟﻔﻘﻴﺮ ﺍﻟﻜﺎﻥ
ﺃﺑﻮﻙ بدي
ﻳﺘﺴﻮﻟﺐ ﻣﻦ ﺍﻟﻌﻠﺞ
ﺍﻟﺤﺮﻳﺮ ﻭﺃﻛﺴﻲ
ﻻ ﺗﻌﺎﻳﻦ ﺍﻟﻮﺟﻮﺩ ﺿﺮﺑﻚ
ﺑﻲ ﺷﺮ ﺳﻮﻱ ..

Listen to عبد الله الحبر - يامن يري مد البعوضة جناحها by Mgd Al-Din on #SoundCloud
https://soundcloud.com/mgdaldin/at-sudan

ﻳﺎ ﻣﻦ ﻳﺮﻯ ﻣﺪ ﺍﻟﺒﻌﻮﺽ ﺟﻨﺎﺣﻬﺎ ..
ﻓﻲ ﻇﻠﻤﺔ ﺍﻟﻠﻴﻞ ﺍﻟﺒﻬﻴﻢ ﺍﻷﻟﻴﻞ..
ﻭ ﻳﺮﻯ ﻣﻨﺎﻁ ﻋﺮﻭﻗﻬﺎ ﻓﻲ ﻧﺤﺮﻫﺎ ..
ﻭ ﺍﻟﻤﺦ ﻣﻦ ﺗﻠﻚ ﺍﻟﻌﻈﺎﻡ ﺍﻟﻨﺤﻞ..
ﻭ ﻳﺮﻯ ﺧﺮﻳﺮ ﺍﻟﺪﻡ ﻓﻲ ﺃﻭﺩﺍﺟﻬﺎ
ﻣﺘﻨﻘﻼ ﻣﻦ ﻣﻔﺼﻞ ﻓﻲ ﻣﻔﺼﻞ..
ﻭ ﻳﺮﻯ ﻣﻜﺎﻥ ﺍﻟﻮﻁﺀ ﻣﻦ ﺃﻗﺪﺍﻣﻬﺎ
ﻓﻲ ﺳﻴﺮﻫﺎ ﻭ ﺣﺜﻴﺜﻬﺎ ﺍﻟﻤﺴﺘﻌﺠﻞ..
ﻭ ﻳﺮﻯ ﻭﺻﻮﻝ ﻏﺬﻯ ﺍﻟﺠﻨﻴﻦ ﺑﺒﻄﻨﻬﺎ ..
ﻓﻲ ﻇﻠﻤﺔ ﺍﻷﺣﺸﺎء ﺑﻐﻴﺮ ﺗﻤﻘﻞ..
ﻭ ﻳﺮﻯ ﻭ ﻳﺴﻤﻊ ﺣﺲ ﻣﺎ ﻫﻮ ﺩﻭﻧﻬﺎ
ﻓﻲ ﻗﺎﻉ ﺑﺤﺮ ﻣﻈﻠﻢ ﻣﺘﻬﻮﻝ..
ربي سألتك بالرسول محمد ..
وبما تلاه من الكتاب المنزل ..
ﺃﻣﻨﻦ ﻋﻠﻲ ﺑﺘﻮﺑﺔ ﺗﻤﺤﻮﺍ ﺑﻬﺎ ..
ما ﻛﺎﻥ ﻣﻨﻲ ﻓﻲ ﺍﻟﺰﻣﺎﻥ ﺍﻷﻭﻝ..

ﻧﺤﻨﺎ ﻭﺑﻬﺎﻳﻢ ﺍﻟﺤﻠَﻪ ..ﻭﺍﻟﺒﻞ ﻭﺍﻟﻄﻴﻮﺭ ..
ﻧﺸﺮﺏ ﺳﻮﺍ ..
ﻭﻧﻨﻮﻡ ﺳﻮﺍ ...
ﻭﻧﺼﺤﻲ ﺍﻟﺼﺒﺎﺡ ..
ﻣﺎﺭﻗﻴﻦ ﻋﻠﻲ ﺍﻻﺭﺯﺍﻕ .. ﺧﻔﺎﻑ ..
ﺭﺯﻗﺎً ﻳﺠﻲ .. ﻭﺭﺯﻗﺎً ﻳﻔﻮﺕ .. ™