أشياء بسيطة

مقال اليوم ٢٨

عندنا جارنا كسر بيته عشان يبنيهو من جديد برغم أنف الدولار (الله رزاق كريم )☺، جارنا ده شاب كده اسمه "عماد" ، أها عماد ده عنده مشاكل قديمة مع جاره بالحيطة " عثمان " . عثمان ده الصراحة لله بتاع مشاكل 😬.
أها عماد الشاب أثناء الإجراءات الأولية للبناء و كده جاب واحد من المساحة، بتاع المساحة قال معلومة خطيرة جدا وهي انه بيت عثمان داخل في بيت عماد بي متر كااامل. عماد طوالي لقى ليك في عثمان الفرصة، جهز الأوراق الرسمية و مشى كلم عثمان و قال ليهو أنا حا اكسر الحيطة و نرجعها وراء في بيتك متر. طبعا عثمان حلف ستين يمين و قال مرته طلقانة بالتلاتة 😲 انو الحيطة ما بترجع شبر و قال ليهو ( انا ذاتي بعرف ارشي ناس المساحة 😃 ) .. غايتو يا ناس المساحة سمعتكم بقت زي الزفت 😃 .
المهم الجوطة حصلت، شهور طويلة في تكسرها وما بكسرها، ناس المساحة طالعين نازلين قصاد الحيطة دي (غايتو رطبوا )😆 .. و ناس الحلة انقسموا فريقين ، مع تكسير الحيطة و ضد تكسير الحيطة، في واحدة هبلة كده في الحلة خريجة علم نفس وهي ذاتها عندها نفسيات قالت الحيطة دي بالذات معلم أثري و ما تتكسر 😃 .. أها في قمة الازمة دي قووومي يا المطرة صبي و ارمي الحيطة 😃 .
عمك عثمان زعل زعل شديد خلاص و قال دي مؤامرة و مشى فتح بلاغ في الشاب عماد، وكمان بلاغ جنائي التقول عماد ده الرياح التجارية الشمالية 😃. و كمان غير الحيطة مطالب بي تعويض 9 مليون جنيه قال عنده ممتلكات قيمة اتكسرت 😃 ( تلفزيون أسود و أبيض من الحرب العالمية التانية، عريشة بتاعة حصير من التمانينات، طشت بتاع عدة فيهو تلاتة و تلاتين خرم ، راديو ترانستور و أشياء أخرى قيمة😃 مسابقة هي لكن؟ 😃 ) و سبحان الله طلع أمر قبض ضد إله الأمطار الإغريقي "عماد " 😃 و عينك ما تشوف إلا النور و البوليس يجي يقبض ليك عماد.
كالعادة اتحرك وفد من ناس الحلة و مشوا قسم البوليس يفكوا الراجل، الزول عنده شفع يعني. . أها المهم جرجرة شديدة خلاص، وكيل النيابة مافي، و كيل النيابة في الحمام، وكيل النيابة أمه في المستشفى😕، و بعد لأي شديد أخيرا وكيل النيابة قرر يشطب البلاغ من أساسه و حوله لجهة الاختصاص (ناس المساحة تاني ) .. غايتو ناس المساحة جاتهم ليلة القدر. 😆
طيب في بلد محترمة لمن وكيل النيابة يقول فكوا زول بفكوهوا طوالي إلا في السودان. . دي جرجرة تاني. وين رقم البلاغ؟ وين المتهم ؟ وين العسكري القبض المتهم ؟ وين العسكري التاني الكان مع العسكري القبض المتهم ؟. الساعة كانت 7 مساء بعد ما كل حاجة اتلقت بس فضلت حاجة صغيرة كده. . قالوا في دفتر كده مقفول في دولاب . طيب وين المشكلة😕؟ افتحوا الدولاب و طلعوا الدفتر ... المشكلة انه مفتاح الدولاب مع حضرة الصول عباس. .. ● أها وين حضرة الصول عباس "الله لا كسبوا" ؟ حضرة الصول عباس مشى البيت؟ ..● نعععم😦 !!.. ● زي ما بنقول ليكم كده، مشى البيت وشال معاهو المفتاح . "الاهي يا عباس ينفتح شريانك التاجي"، ● طيب اها الحل شنو هسه 😕؟ ● والله بس الحل زولكم ده يبيت في الحراسة لحدي بكرة حضرة الصول عباس يجي يفتح الدولاب. ● لا لا لا،😲 ده ما حل يا جماعة، الزول ده أولاده راجنوا، ● طيب هو مادام أولاده راجنوا بكسر حيط الناس ماله؟ ● ياخي ما كسر أي حيطة والله، المطرة كسرت الحيطة وتانيا انت مالك ياخي؟😠 مش وكيل النيابة قال فكوهوا؟ 😡هسه بس ورونا بيت حضرة الصول هسه نمشي نجيب منو المفتاح. . ● و الله انحنا ذاتو ما عارفين حضرة الصول ساكن وين. .● طيب اها مافي أي حل تاني ؟ . واحد عسكري قاعد وراء كده قال ليهم طيب أكسروا الدولاب. ..ناس الحلة فرحوا : ايوااا حل سليم أكسروا الدولاب... ● لا لا .. كسر الدولاب ده مكلف، نجيب نجار يفتحه و يغير الكيلون و تاني يصلحوا، دي تكاليف. ناس الحلة عاينوا لي بعض كده 😒و عرفوا ليك القضية كلها من قبيل في التكاليف دي ● أها ما مشكلة فتح الدولاب ده بكلف كم ان شاء الله؟ العسكري التقول كل يوم بجيب النجار يكسر ليهو دولاب، بدون تردد قال ليهم : 600 جنيه . .. واحد من ناس الحلة اتهجم من المبلغ و قال ليهو : 600 جنيه دي يعني 600 ألف ولا 60 قرش قاصد ؟😃 .. العسكري لمن وشه حمر من غباء السؤال.😃
يا زول في النهاية ناس الحلة دقوا شير سريع كده جازفوا ليك 500 جنيه ادوها ليهم. . العسكري لحس ليك الإبهام و السبابة وقعد يحسب عاااادي التقول صراف في بنك فيصل 😃 . . وبكل بجاحة قال ليهم : ناقصة مية القروش دي. صاحبنا القبيل بتاع السؤال الغبي قال ليهو : عليك الله يا جنابو باركها 😃. العسكري قال ليهو : والله ولا رأس مالها ذاته، خليها بالنية بس. عليكم الله شوفوا العسكري البجح ده التقول بببيع ملابس داخلية في سوق ليبيا. 😃
غايتو في النهاية شال القروش على أساس يكسروا الدولاب، وناس الحلة قاعدين. أقل من دقيقة و كأنما مافي حاجة غريبة نفس العسكري الشال القروش و عداها كمان جاء طالع من جوه شايل ليهو مفتاح و فتح الدولاب عادي جدا و

❤1👍1

1.35K views17:13