مقال اليوم ٢٦
نهائيآ مابتوب من المواسير بتاعت الفيس😂😂
قدر ما اقول والله تاني مابحنك مع بنت مابعرفها😕😕 القي نفسي جارئ ارسل في طلبات الصداقة للبعرفو
والمابعرفو 😀😀
وعندي عادة شينة خلاص 😬😬
مابحنك مع بنت الا القاها
في صفحة زول صحبي او زول بعرفو😎😎
اتلحلها ليك لمن تحظرني او تقبل طلب صداقتي
ولمن الفيس بوك احتار فيني زاتو😟😟
وبقي يقول لي
(هل تعرف هذا الشخص حقآ
اذا كنت لاتعرفه هذا يعرضك للحظر)
احظرووو ساي😂😂
ويوم لقيت بنت🙎🙎 تتونس مع معاوية ساااي في حيطتو اسمها امنية وسبحان الله انا اسم امنية دة من الله خلقني بريدو ريدة سااااكت من غير سبب 😘😘
وطوالـي خشيت معاهم في الونسة واتخاففت واتراشقت واتظارفت 🏃🏃تمهيدآ لي ارسال طلب الصداقة ولقيت تجاوب منها😍😍
بعد شويـة رسلت ليها طلب صداقة😎😎
ومن منطلق صاحب صاحبي هي قبلت طلبي
مفتكراني قريبهم او عندي علاقة معاهم
وطوالـي بي طريقـة ظريفة وبراااااحــة حظرت معاوية عشان اقدر الصق ليها في حيطتها زي الناس
ومعاوية مايحس بي حاجة بيني وبينها 😷😷
وقلت معاوية فـي ستين داهية مامنو اي نكهة الزول الكلو جلحات دة😂😂
وكمان الايام دي قامت ليهو كرشة وهـو طويل
وبقـي عامل زي (الدبيـب البلع ليهو ضفدعـة)
وفعـــلا اتلحتها ليك🚶🚶🚶🚶
تكتب صباح الخير🌅
تلقاني اول زول معلق ليها (صباح الورد والياسمين يا ايتها الوردة التي نبتت في حياتنا لكي تعطر ايامنا
الان فقط اشرقت شمسنا الان فقط احسسنا بدفء الصباح المنبعث من حروفك الانيقة)
تكتب مساء الخير 🌅
تلقاني معلق(هل امست لا اعتقد ذلك وانتي ذلك
القمر الذي يضئ ليالينا ويجمل اماسينآ)
تكتب جمعة مباركـة
وانا اعلق
(علينا وعليك تتبارك اوصيك بقراءة سورة الكهف فهـي تضئ لقارئها مابين الجمعتين)
هنا بظهر النفاق الاجتماعـي طبعـآ
😝😝
(توصـي منو ياحيـوان وصـي روحـك هو انت صلاة مابتصلـي كمان تنصح في الناس)
😂😂😂😂😂
المهم دخلنا مرحلـة الخاص والحنك بقي مدور
عرفيني بيك انتي منو و من وين😎😷😋
انا امنية عمر شهادة عربية اهلي في الامارات وابوي دكتورفي امريكا جيت السودان هنا للجامعة وقاعدة
فـي اركويت في شقة انا وبطة بنت خالتي
ياسلاااااام دي المقصودة زاتها😍😍😍
لكن قلت ما انخدع لازم اجبرها ترسل لي صورتها
حلفت بالتقطعها ماترسل صورتها ولا تديني رقمها
وقالت لي مستحيل ارسل صورتي ولا بقدر اديك رقمـي لكن لو حبيت نتقابل في محل عام ممكن نجيك انا وبطةبنت خالتي
قلت الموضوع دة فيهو مجازفة كـبري اعزمها وتطلع شينة اكون خسرت نص مرتـبي في الفاضـي
المهم اتوكلت علي الله وعزمتها بيـتزا فطور في ايـطلـي وقلت كان طلعت ماسورة اكون مواسيري زادت وحدة وكمان كان طلعت حـلوة يكون ربنا دايرر
يعوضني تعب السنين الفاتت
وفعـــلا قاعـد راجـي امنية وبطة بت خالتها
وقلت البتطلع حلوة فيهم ديك استمر معاها ماضروري امنية الحلوة بس
وقااااعد منتظر😁😁
وقالو لي جنبك قريبين ثواني ونكون معاك
بعد شوية يجي داخل معاوية ومعاهو خالد اخوي
يقعدو في طاولتي
ومعاوية قال لي انا امنية واشر علي خالد اخوي
وقال لي دي بطة بنت خالتي اها حلوين ولا شينين
😭😭😭😭😭😭😭😭
والله عايز اطرش😤😤😤
داير اقوم امشـي قالو لي لو ما اكلتنا البيتزا حانفضحك في الحـلة كلها وننشر دردشتك معاها في القروبات 😱😱😱😱😭😭😭
اتطريييت اكلتهم بيتزا
وبقت علي مييييييتة وخراب ديـااااار
😭😭😭😭😭😭
#ملاحظة
مرات بندي اهتمامنا لي ناس مابستحقوهو
والناس البستحقوهو قاعدين انا مابتكلم عن بيتزا
او شئ مادي انا بتكلم عن حاجات معنوية
زي كلامنا الحلو وونستنا الظريفة وسؤالنا علي ناس
كل يوم في ناس احوج للحاجةدي
زي (اختك_امك_اخوك_ صحبك)
#تخريمة
مانثق في اي حاجة في السوشيل ميديـا
لانو الانسان فيها دايما بحاول يظهر فيها بي افضل شكل
وبنصتدم بي واقع مختلف
#ضياء_متوكل ..
#اشياءبسيطة ..
نهائيآ مابتوب من المواسير بتاعت الفيس😂😂
قدر ما اقول والله تاني مابحنك مع بنت مابعرفها😕😕 القي نفسي جارئ ارسل في طلبات الصداقة للبعرفو
والمابعرفو 😀😀
وعندي عادة شينة خلاص 😬😬
مابحنك مع بنت الا القاها
في صفحة زول صحبي او زول بعرفو😎😎
اتلحلها ليك لمن تحظرني او تقبل طلب صداقتي
ولمن الفيس بوك احتار فيني زاتو😟😟
وبقي يقول لي
(هل تعرف هذا الشخص حقآ
اذا كنت لاتعرفه هذا يعرضك للحظر)
احظرووو ساي😂😂
ويوم لقيت بنت🙎🙎 تتونس مع معاوية ساااي في حيطتو اسمها امنية وسبحان الله انا اسم امنية دة من الله خلقني بريدو ريدة سااااكت من غير سبب 😘😘
وطوالـي خشيت معاهم في الونسة واتخاففت واتراشقت واتظارفت 🏃🏃تمهيدآ لي ارسال طلب الصداقة ولقيت تجاوب منها😍😍
بعد شويـة رسلت ليها طلب صداقة😎😎
ومن منطلق صاحب صاحبي هي قبلت طلبي
مفتكراني قريبهم او عندي علاقة معاهم
وطوالـي بي طريقـة ظريفة وبراااااحــة حظرت معاوية عشان اقدر الصق ليها في حيطتها زي الناس
ومعاوية مايحس بي حاجة بيني وبينها 😷😷
وقلت معاوية فـي ستين داهية مامنو اي نكهة الزول الكلو جلحات دة😂😂
وكمان الايام دي قامت ليهو كرشة وهـو طويل
وبقـي عامل زي (الدبيـب البلع ليهو ضفدعـة)
وفعـــلا اتلحتها ليك🚶🚶🚶🚶
تكتب صباح الخير🌅
تلقاني اول زول معلق ليها (صباح الورد والياسمين يا ايتها الوردة التي نبتت في حياتنا لكي تعطر ايامنا
الان فقط اشرقت شمسنا الان فقط احسسنا بدفء الصباح المنبعث من حروفك الانيقة)
تكتب مساء الخير 🌅
تلقاني معلق(هل امست لا اعتقد ذلك وانتي ذلك
القمر الذي يضئ ليالينا ويجمل اماسينآ)
تكتب جمعة مباركـة
وانا اعلق
(علينا وعليك تتبارك اوصيك بقراءة سورة الكهف فهـي تضئ لقارئها مابين الجمعتين)
هنا بظهر النفاق الاجتماعـي طبعـآ
😝😝
(توصـي منو ياحيـوان وصـي روحـك هو انت صلاة مابتصلـي كمان تنصح في الناس)
😂😂😂😂😂
المهم دخلنا مرحلـة الخاص والحنك بقي مدور
عرفيني بيك انتي منو و من وين😎😷😋
انا امنية عمر شهادة عربية اهلي في الامارات وابوي دكتورفي امريكا جيت السودان هنا للجامعة وقاعدة
فـي اركويت في شقة انا وبطة بنت خالتي
ياسلاااااام دي المقصودة زاتها😍😍😍
لكن قلت ما انخدع لازم اجبرها ترسل لي صورتها
حلفت بالتقطعها ماترسل صورتها ولا تديني رقمها
وقالت لي مستحيل ارسل صورتي ولا بقدر اديك رقمـي لكن لو حبيت نتقابل في محل عام ممكن نجيك انا وبطةبنت خالتي
قلت الموضوع دة فيهو مجازفة كـبري اعزمها وتطلع شينة اكون خسرت نص مرتـبي في الفاضـي
المهم اتوكلت علي الله وعزمتها بيـتزا فطور في ايـطلـي وقلت كان طلعت ماسورة اكون مواسيري زادت وحدة وكمان كان طلعت حـلوة يكون ربنا دايرر
يعوضني تعب السنين الفاتت
وفعـــلا قاعـد راجـي امنية وبطة بت خالتها
وقلت البتطلع حلوة فيهم ديك استمر معاها ماضروري امنية الحلوة بس
وقااااعد منتظر😁😁
وقالو لي جنبك قريبين ثواني ونكون معاك
بعد شوية يجي داخل معاوية ومعاهو خالد اخوي
يقعدو في طاولتي
ومعاوية قال لي انا امنية واشر علي خالد اخوي
وقال لي دي بطة بنت خالتي اها حلوين ولا شينين
😭😭😭😭😭😭😭😭
والله عايز اطرش😤😤😤
داير اقوم امشـي قالو لي لو ما اكلتنا البيتزا حانفضحك في الحـلة كلها وننشر دردشتك معاها في القروبات 😱😱😱😱😭😭😭
اتطريييت اكلتهم بيتزا
وبقت علي مييييييتة وخراب ديـااااار
😭😭😭😭😭😭
#ملاحظة
مرات بندي اهتمامنا لي ناس مابستحقوهو
والناس البستحقوهو قاعدين انا مابتكلم عن بيتزا
او شئ مادي انا بتكلم عن حاجات معنوية
زي كلامنا الحلو وونستنا الظريفة وسؤالنا علي ناس
كل يوم في ناس احوج للحاجةدي
زي (اختك_امك_اخوك_ صحبك)
#تخريمة
مانثق في اي حاجة في السوشيل ميديـا
لانو الانسان فيها دايما بحاول يظهر فيها بي افضل شكل
وبنصتدم بي واقع مختلف
#ضياء_متوكل ..
#اشياءبسيطة ..
👍1
يوميات #علوب ...27....بيع بالجملة ..!!!
ديل راكبات جنبى فى الحافلة طوالى والله التقول مؤجرنها طلب ...!! ماخداات راحتن فى الونسه ...!! وياريت لو
راكبين (بزنس كلاس ) (جنب السواق ). ...والله مدفوسات معانا ورا فى الكنبه الأخيره دى وانا ضارب الركن ...(بحب الأركان دى من زمان بتحسسنى بالامان .) .المهم قالت ليها ....والله ليهو حق يبيعا هي أصلا معرفاها عليهو لى شنو ...!!!اها انا بينى وبينكم شمار ذي ده الا أبقى صحابى حتى افوتو ....!! القصة برضو بتهمنى ...كيف ولماذا يبيع الرجل امرأة ...!!!
غايتو طرقتا ليك اضانى دى وطلعتا جريدتي لزوم الاستماع لحيثيات القضية بوضوح ...وهن قصة الجريده دى ريحتن شديد ..قايلنى (منصور خالد ) وانا والله الجريدة بالعدلا ولا القلبا ماعارفا ....!!! كل البعرفو انى داير اعرف قصة البيعه دى شنو ...وتمت وين (تجارة البشر ) دى ...!!! ولم يخيبن ظنى حيث تواصل الحوار .....التانيه قالت ليها والله انا قلبى كان حاسى انها حتختفو منها ...(هيا إخوانا بيع وختف نحن فى سوريا ولاشنو ..!! ) اها واصلت فى
الكلام ...اصلو الزمن ده الرجال ديل كلهم عينم زايغه ((هىىيي ماتجمعي )..... هسة عليك الله منو الكان بصدق انو (نوال) السهتانه دي يطّلع منها كل ده ...( حلو ..عرفنا اسم المتهم ...). لا لا لا (امانى ) ذاتا بالغت تتخيلى دى بتسوقا معاها لما تقابلو ...!! ماللدرجه دى كمان ..(عقبت الثانيه )....لترد الاولى مدافعة هي لكن ياختى معقوله بس كان ممكن تفكر انو صاحبتا الانتيم تطلع مجرمة كدا ...
انتى ماقلتى لى أصلا القصة دى حصلت كيف يعنى ....!!؟؟ استفسرت الاولى (والله بس سبقتنى لانو ده نفس السؤال الكان فى راسى )
وبقيت بس منتظر الرد ..والذي لم يتاخر كثيرا ...انت عارفه انو معتز ده (امممممك عرفنا اسم المتهم التانى ) (اها معتز مالو ...!! ). قالت ليها انت عارفه انو (معتز ) بعرف (امانى) دى امكن ليهو تلاته سنين (امانى الضحية ) والناس دى كلها عارفا العلاقة دى ...والله حلات الدنيا عليهم ..يوم القالت ليهو ياخ الناس بدت تتكلم ...!! جا راسو عديل البيت وخطبا ...اها والله سمن على عسل لغاية ماظهرت المشوطنه دى فى حياتم (المشوطنه دى نوال ) انتى بتعرفنى طبعا انو هى صاحبة امانى شديد ..ياخ دى مرات بتنوم معاهم فى البيت ...وأماني انت عارفاها زوله على نياتا اصلو مافكرت فى حاجه ذي دى ...قومى انت يانوال الجن (اختيار موفق للتوصيف ) بقت ترمى الكلام لى معتز انو امانى دى زوله طيبانه اكتر من اللازم .....!! ومرات كده ترمى فى الكلام انها مهمله ...وماعارف كسلانه وكلام ذي ده ...وهو بقى يسمع ليها ولما حست انو معتز ذاتو شخصيتو ضعيفه عرفت ..كل نقاط ضعفو ..وعملت فيها انو هى المكملة ...وهو كمان انبرش على وشو ...وبَقى بس متابعا ..وبى كل بجاحه فسخ خطوبتو من أمانى وخطبا ....غايتو عملتا ظاهره ...عليك الله هسه تودى وشها وين بس من امانى دى ...!!( والله انا ذاتى قلتا كده ..ومستغرب ) ... !! ياختى هى بهمها ماخلاص مسكت البطل ...لتستفسر الاخرى ....وهسه عليك الله امانى حالتا كيف ...!!!؟ ديك قالت ليها والله ذي الزفت ..!! نفسياتا سيئة ....ومامصدقه ...بس تقول ليك.... انا لو اى زول غير نوال كان ممكن ..لكن نوااال ماقادره اصدق ....!!! لكن حلفت وقالت انها أصلا قنعت من الإسمو معتز ده ...لكن حتوريهو حاجه حتخلى يكلم نفسو ...(ابو الزفت امريكيا روسيا قد دَنا عذابها ) اها انا هنا وبكل احساسى اتجهزتا للحاجه دى .....!! ديك قالت ليها والله فعلا لو عرف حتكون مشكله كبيره ...لكن بينى وبينك نوال تستاهل وهو كمان ...!! بتصدقو البنات ديل فى اللحظه دى قالن للكمسارى قرصه نحن نازلين هنا ......!!!
لا حول الله ...ده كلام شنو ده هسه ...لكن ماقرصتونى انا كده ..وعصرتو على شديييد ...!!!
وينا الحاجه ...!!!؟؟؟؟ والله ياخوانا بس فضل لى أسألن ولا انزل معاهن ..غايتو اتسحبن مرقن خلونى مافاهم اى
حاجه ...!! ياربى امانى دى عايزا تقول شنو ....!! وهو معتز الجن ده عرس نوال دى ولا لِسَّه ..غايتو الحافله دى دورت مشت وانا محشور فى الكورنه ذي الحرامى ...ماعارف ذاتى انزل وين ..نسيت اى حاجة ...اريتنى كان ماركبتا هنا ..!! اهم قضية تجارة بشر ...ماعرفتا نهايتا شنو...!!! الله لاكسبك يانوال بعتينا انا وأماني فى يوم واحد ...ياربى مابلقى امانى دى أسألا الحاجه دى شنو!!..
#اشياءبسيطة ..
ديل راكبات جنبى فى الحافلة طوالى والله التقول مؤجرنها طلب ...!! ماخداات راحتن فى الونسه ...!! وياريت لو
راكبين (بزنس كلاس ) (جنب السواق ). ...والله مدفوسات معانا ورا فى الكنبه الأخيره دى وانا ضارب الركن ...(بحب الأركان دى من زمان بتحسسنى بالامان .) .المهم قالت ليها ....والله ليهو حق يبيعا هي أصلا معرفاها عليهو لى شنو ...!!!اها انا بينى وبينكم شمار ذي ده الا أبقى صحابى حتى افوتو ....!! القصة برضو بتهمنى ...كيف ولماذا يبيع الرجل امرأة ...!!!
غايتو طرقتا ليك اضانى دى وطلعتا جريدتي لزوم الاستماع لحيثيات القضية بوضوح ...وهن قصة الجريده دى ريحتن شديد ..قايلنى (منصور خالد ) وانا والله الجريدة بالعدلا ولا القلبا ماعارفا ....!!! كل البعرفو انى داير اعرف قصة البيعه دى شنو ...وتمت وين (تجارة البشر ) دى ...!!! ولم يخيبن ظنى حيث تواصل الحوار .....التانيه قالت ليها والله انا قلبى كان حاسى انها حتختفو منها ...(هيا إخوانا بيع وختف نحن فى سوريا ولاشنو ..!! ) اها واصلت فى
الكلام ...اصلو الزمن ده الرجال ديل كلهم عينم زايغه ((هىىيي ماتجمعي )..... هسة عليك الله منو الكان بصدق انو (نوال) السهتانه دي يطّلع منها كل ده ...( حلو ..عرفنا اسم المتهم ...). لا لا لا (امانى ) ذاتا بالغت تتخيلى دى بتسوقا معاها لما تقابلو ...!! ماللدرجه دى كمان ..(عقبت الثانيه )....لترد الاولى مدافعة هي لكن ياختى معقوله بس كان ممكن تفكر انو صاحبتا الانتيم تطلع مجرمة كدا ...
انتى ماقلتى لى أصلا القصة دى حصلت كيف يعنى ....!!؟؟ استفسرت الاولى (والله بس سبقتنى لانو ده نفس السؤال الكان فى راسى )
وبقيت بس منتظر الرد ..والذي لم يتاخر كثيرا ...انت عارفه انو معتز ده (امممممك عرفنا اسم المتهم التانى ) (اها معتز مالو ...!! ). قالت ليها انت عارفه انو (معتز ) بعرف (امانى) دى امكن ليهو تلاته سنين (امانى الضحية ) والناس دى كلها عارفا العلاقة دى ...والله حلات الدنيا عليهم ..يوم القالت ليهو ياخ الناس بدت تتكلم ...!! جا راسو عديل البيت وخطبا ...اها والله سمن على عسل لغاية ماظهرت المشوطنه دى فى حياتم (المشوطنه دى نوال ) انتى بتعرفنى طبعا انو هى صاحبة امانى شديد ..ياخ دى مرات بتنوم معاهم فى البيت ...وأماني انت عارفاها زوله على نياتا اصلو مافكرت فى حاجه ذي دى ...قومى انت يانوال الجن (اختيار موفق للتوصيف ) بقت ترمى الكلام لى معتز انو امانى دى زوله طيبانه اكتر من اللازم .....!! ومرات كده ترمى فى الكلام انها مهمله ...وماعارف كسلانه وكلام ذي ده ...وهو بقى يسمع ليها ولما حست انو معتز ذاتو شخصيتو ضعيفه عرفت ..كل نقاط ضعفو ..وعملت فيها انو هى المكملة ...وهو كمان انبرش على وشو ...وبَقى بس متابعا ..وبى كل بجاحه فسخ خطوبتو من أمانى وخطبا ....غايتو عملتا ظاهره ...عليك الله هسه تودى وشها وين بس من امانى دى ...!!( والله انا ذاتى قلتا كده ..ومستغرب ) ... !! ياختى هى بهمها ماخلاص مسكت البطل ...لتستفسر الاخرى ....وهسه عليك الله امانى حالتا كيف ...!!!؟ ديك قالت ليها والله ذي الزفت ..!! نفسياتا سيئة ....ومامصدقه ...بس تقول ليك.... انا لو اى زول غير نوال كان ممكن ..لكن نوااال ماقادره اصدق ....!!! لكن حلفت وقالت انها أصلا قنعت من الإسمو معتز ده ...لكن حتوريهو حاجه حتخلى يكلم نفسو ...(ابو الزفت امريكيا روسيا قد دَنا عذابها ) اها انا هنا وبكل احساسى اتجهزتا للحاجه دى .....!! ديك قالت ليها والله فعلا لو عرف حتكون مشكله كبيره ...لكن بينى وبينك نوال تستاهل وهو كمان ...!! بتصدقو البنات ديل فى اللحظه دى قالن للكمسارى قرصه نحن نازلين هنا ......!!!
لا حول الله ...ده كلام شنو ده هسه ...لكن ماقرصتونى انا كده ..وعصرتو على شديييد ...!!!
وينا الحاجه ...!!!؟؟؟؟ والله ياخوانا بس فضل لى أسألن ولا انزل معاهن ..غايتو اتسحبن مرقن خلونى مافاهم اى
حاجه ...!! ياربى امانى دى عايزا تقول شنو ....!! وهو معتز الجن ده عرس نوال دى ولا لِسَّه ..غايتو الحافله دى دورت مشت وانا محشور فى الكورنه ذي الحرامى ...ماعارف ذاتى انزل وين ..نسيت اى حاجة ...اريتنى كان ماركبتا هنا ..!! اهم قضية تجارة بشر ...ماعرفتا نهايتا شنو...!!! الله لاكسبك يانوال بعتينا انا وأماني فى يوم واحد ...ياربى مابلقى امانى دى أسألا الحاجه دى شنو!!..
#اشياءبسيطة ..
👍1