أشياء بسيطة

مقال اليوم ١٧٠

جيت أهنيك .....🌹

ليه يا ( عيشة ) ماشايف ليك تهنئة علي ( الفيس ) بي نسبتك العالية دي .....البنات كلهن بهنو فيهن ... أشيل وأفتش فيك ما لقيتك ....!! خير إن شاءالله ....!!
و مدنقرا كدا مالك ...!!؟؟
هو ذاتو منو البرفع راسو غيرك الليلة ....يا مهذبة

نعم سادتي هي ( عيشة ) أميرة الشمال ....وكنداكة مروي ...تعيش علي ضفافها ...تفترش الجروف والأمل .... وتلتحف جريدات النخل ...!!
بيتم مافيهو كهربا ...حتي الجيران برضو ماعندهم كهربا ....!!! ما قاطعة وحتجي ...! أصلا ما اتكرمت وجات ....!!
يوجد فانوس وبطارية ...!!
معاهم شوية صبر ...!! وحبة أمل ...!! وبعض يقين ...!!
وانا البسأل ليي ماجابوك في الفيس ....!!
( خجلان شديد منك ) ...!!! معليش
.....
( عيشة ) إمتحنت الشهادة السودانية (أحياء ) وجابت اتنين وتسعين ...!! ( يا كبيرة ) ....ومعاها ربعين .....!!!

الله الله الله ياحي يامعين ....
لا بتاخدو غفوة ولا بتغمتلو عين ....
فرحتا ليك يامدهشة ....!!!
وفرحانة بيك كل السنين .......

ياها دي (عيشة ) الفي الصورة التحت دي بكل هذه الوداعة واللطافة والشطارة......والجنبها دا أبوها ...!! الراجل السمح الجميل دا ....
(عم عوض)
شوفو مليان (يقين ) كيف ...
بنقط ضو ....!!
شالو كلو أداهو لي بتو دي ...
شوفو البطارية الماسكا في يدو دي ....!! مش أقوي من محطة ( بحري ) الحرارية ...!!؟
ياخ دي إتحدي بيها الدروس الخصوصية ...والمدارس النموذجية ....والحصة في العصرية ....و أي حاجه قوية
.............!!!! بس بي بطارية .....!!
جنس رجالا لاكين هي وفروسية ....!!
دا شنو الثبات دا ياعم عوض ...قالو لا بتكتب ولا بتقرا ....!! صحي ..!!؟
هو ذاتو تقرا أكتر من كدا كيف ....!! إنتا ما قريتا وانتهيت ....!! حافظا حفظ إنتا ...بتصدق ..!!
هو القراية دي قالو ليك كراس ....!! القراية دي في الراس .....كان بس جبتا لينا ( الدكتورة ) دي كفاك
يسلم راسك دا ....
شوفوهو مليان بيها كيف ....الله يخليها ليك ...!!
ويخليكي ليهو ....
فلتسعدي يا (عيشة ) فقد حباك الله بوالد صدوق وكشاف ( بطارية ) يضيء ماوراء الأفق ....
كم أنت كبيرة ياصغيرتي .....لقد وضعت إسمك و أهلك في مربع الكبار ....المستقبل كله لك أيتها الملهمة ...

كرموها وكرمو أبوها .... أمنحوها تعليما مجانيا دون منة
لاتقولو علي نفقة الدولة ....!!
بل قولو ( عيشة ) تمنح الدولة ...!!
( لقد محنتكم الأمل والضياء ...)
عرفتكم كيف تكون العزيمة ...
ودرستكم معني الكفاح ....
لاتراجع لا هزيمة
وقولو حيا علي الفلاح ..
.....
لقد أهدتكم الإلهام ....ووهبتنا الرجاء .....!!

فهلا سمحتي لي أن أشرف وأتشرف بتهنئك علي صفحتي بالفيس ...حتي تزينيها .....

🌹🌹🌹🌹🌹🌹🌹
الطيب عبد الماجد يهنيء اخته الصغيرة عيشة عوض محمد حامد بنجاحها في امتحانات الشهادة السودانية
وأحرازها نسبة 92.4٪؜ ...
مبروك أيتها الكبيرة ....
ويبارك عمرك ياعم عوض .....أبهرتونا ياخ ...الله يغتي عليكم....مبروك تاني ياعيشة ...🌹
................................................!!! يا ملهمة ..

#الطيب_عبدالماجد ..
#أشياءبسيطة ..

5.93K viewsMgd Al-Din, 20:48

أشياء بسيطة

اصبحنا واصبح الملك لله ..❤️
صبااااح الخير ..💜💜💜

5.1K viewsSimple 🌸, 05:00

أشياء بسيطة

صباح الخير 😍

لِ عيون تواسي و تضّحِك ☺
ترمم .. تصلح 💚🌺
#Asom

5.74K viewsAsom Muhammed, 06:00

أشياء بسيطة

واحاتك يمه زي شيله اوكسجين
لي قلبي بحتاج ليك..
وكلما تدر شرايين جسمي دم
والله بشتاق ليك..
وحات رب الخلق يايمه ماشه عليك.. ™

5.72K viewsSafa Alfahl, 06:18

أشياء بسيطة

قاعد براك والهم عصف.. 💔

#mogam

5.33K viewsBet Handasa, 08:05

أشياء بسيطة

ودس دماي جوة وريدو 💖
واتحكر فسيح احزاني فسح عيدو 😍
كيف م اريدو 🙄 كيف م اريدو 😍

#Mohammad_Aam

5.65K viewsSimple 🌸, edited 10:00

😍 13 ❤️ 81

أشياء بسيطة

وانا ما بجيب سيرة الجنوب
ﺍﻟﻐﺒّﻮﺍ ﻋﺮﻓﻮﻫﻮ ﻭﺍﻟﻌﺮﻓﻮ ﺳﻮّﻭﻫﻮ ﻭﺍﻟﺴﻮﻭﺍ ﺑﻠﻘﻮﻫﻮ ..

20.3K viewsMgd Al-Din, 10:41

أشياء بسيطة

سيرة الجنوب - عقد الجلاد

https://soundcloud.com/mgdaldin/at-mgd-aldin-4

SoundCloud

عقد الجلاد at Mgd AlDin

21.1K viewsMgd Al-Din, edited 10:42

أشياء بسيطة

‏"إن الله يعرفني جيدًا، لم أضطر يومًا إلى أن أشرح له حزني أو حماقتي، وبالرغم من سوئي، لا زالت رحمتهُ تمر دائمًا من فوق وجعي."
يا ارحم الراحمين أرحمنا برحمتك الواسعة

#مريوومة

5.81K viewsSimple 🌸, 12:00

أشياء بسيطة

اضحكوا خلوا الكون يتلوّن ومن أفراحكم ياخد نور.. 💕

7.26K viewsOla Sharif, 13:03

أشياء بسيطة

ملامحها تشبه السودان . .

ودا المديها لون وطعم .

#مريوومة

5.68K viewsSimple 🌸, 14:00

About

Blog

Apps

Platform