جمال فرفور - عمايل الريد - عود
Wagdi abutalib
جمال فرفور - عمايل الريد ..💜
مقال اليوم ١٦٣ ..
زمان لما كان الشفّع بيمشوا الروضة يوم الخميس شايلين قالب الكستر والملعقة وبيغنوا أغنية "ماما امسلمة النعناعة" نحن كان بنكون حالقين صلعة وجايين من الخلوة شايلين بليلة حقت عيش "فوتريته" وكنا بنتسائل اسئلة بريئة يعني ..
ليه الناس دي بتاكل كستر ..!! ويعني شنو كستر أصلا ..!! فكان لازم نقوم بدور الأطفال الشرامة على أكمل وجه ومرات بنشن حملات مناوشات على أطفال الروضة "المايعين ديل" ..
لكن الدنيا طبعا دوّارة .. مشينا مع الوالد السعودية وعشت فيها فترة وقريت جزء من الابتدائي هناك ..
يلا لما رجعت المدرسة في الحلة حصل العكس تماما ، كنت أنا الشافع الجايي من السعودية العندو شنطة سبايدرمان واقلام ملونة وجزمة بيضاء نظيفة ..
والشباب في المدرسة كانوا بيتسائلوا أسئلة بريئة يعني ... ليه جزمتي نظيفة..!! ليه أنا أصلا لابس جزمة ..!! وشنت علي نفس حملات المناوشة الزمان...
لكن الدنيا طبعا دوّارة ...اخشوشنت واتدردرت وبقيت زي الفولة المدمّسة ,يلا بالوضع دا كدا انا انضميت للسواد الأعظم وماف زول بقى شغال بي...
لكن الدنيا طبعا دوّارة...
مشيت الجامعة وكنت ود الجزيرة البفطر بوش وبيتغدى بوش وبحلّي بي بوش سفري وكنا بنعاين لي شباب الشهادة العربية "المايعين ديل" وبنتسائل أسئلة بريئة يعني ...ليه شنطتو صفراء ..!! وليه شايل شنطة أصلا ..!! وليه البت المعاهو دي بتبكي ..!! وليه هو قاعد مع بت أصلا ..!! حرّم لو في الحلة كان السوط ياكل ظهرو...
لكن الدنيا طبعا دوّارة.. الجامعة وحياة القلم والدفتر خلت يديني بقت ناعمات وكنت لما أرجع الحلة يوم الخميس العصر الشباب كانوا بيتسائلوا أسئلة بريئة يعني ... ليه جراب الموبايل فيهو علّاقة ...وليه شايل موبايل أصلا ..!! لغاية ما الناس بقت كلها شايلة موبايلات وماف زول بقى شغال بي....
لكن الدنيا دي طبعا دوّارة...
بعت الموبايل واشتريت دكوة وبهارات وجيت بيهم اليابان... يلا الناس كانت بتتسائل أسئلة بريئة يعني ..ليه الزول دا طويل كده ..!! وليه شعروا كدا ..!! وليه هو عندو شعر أصلا ..!! لغاية ما الناس اتعودت واتعلمت لغتهم وبقيت باكل سمك ني وماف زول بقى شغال بي ..
لكن الدنيا دي طبعا دوّارة .......
كتبه : يوسف التُهامي ..
#أشياءبسيطة ..
زمان لما كان الشفّع بيمشوا الروضة يوم الخميس شايلين قالب الكستر والملعقة وبيغنوا أغنية "ماما امسلمة النعناعة" نحن كان بنكون حالقين صلعة وجايين من الخلوة شايلين بليلة حقت عيش "فوتريته" وكنا بنتسائل اسئلة بريئة يعني ..
ليه الناس دي بتاكل كستر ..!! ويعني شنو كستر أصلا ..!! فكان لازم نقوم بدور الأطفال الشرامة على أكمل وجه ومرات بنشن حملات مناوشات على أطفال الروضة "المايعين ديل" ..
لكن الدنيا طبعا دوّارة .. مشينا مع الوالد السعودية وعشت فيها فترة وقريت جزء من الابتدائي هناك ..
يلا لما رجعت المدرسة في الحلة حصل العكس تماما ، كنت أنا الشافع الجايي من السعودية العندو شنطة سبايدرمان واقلام ملونة وجزمة بيضاء نظيفة ..
والشباب في المدرسة كانوا بيتسائلوا أسئلة بريئة يعني ... ليه جزمتي نظيفة..!! ليه أنا أصلا لابس جزمة ..!! وشنت علي نفس حملات المناوشة الزمان...
لكن الدنيا طبعا دوّارة ...اخشوشنت واتدردرت وبقيت زي الفولة المدمّسة ,يلا بالوضع دا كدا انا انضميت للسواد الأعظم وماف زول بقى شغال بي...
لكن الدنيا طبعا دوّارة...
مشيت الجامعة وكنت ود الجزيرة البفطر بوش وبيتغدى بوش وبحلّي بي بوش سفري وكنا بنعاين لي شباب الشهادة العربية "المايعين ديل" وبنتسائل أسئلة بريئة يعني ...ليه شنطتو صفراء ..!! وليه شايل شنطة أصلا ..!! وليه البت المعاهو دي بتبكي ..!! وليه هو قاعد مع بت أصلا ..!! حرّم لو في الحلة كان السوط ياكل ظهرو...
لكن الدنيا طبعا دوّارة.. الجامعة وحياة القلم والدفتر خلت يديني بقت ناعمات وكنت لما أرجع الحلة يوم الخميس العصر الشباب كانوا بيتسائلوا أسئلة بريئة يعني ... ليه جراب الموبايل فيهو علّاقة ...وليه شايل موبايل أصلا ..!! لغاية ما الناس بقت كلها شايلة موبايلات وماف زول بقى شغال بي....
لكن الدنيا دي طبعا دوّارة...
بعت الموبايل واشتريت دكوة وبهارات وجيت بيهم اليابان... يلا الناس كانت بتتسائل أسئلة بريئة يعني ..ليه الزول دا طويل كده ..!! وليه شعروا كدا ..!! وليه هو عندو شعر أصلا ..!! لغاية ما الناس اتعودت واتعلمت لغتهم وبقيت باكل سمك ني وماف زول بقى شغال بي ..
لكن الدنيا دي طبعا دوّارة .......
كتبه : يوسف التُهامي ..
#أشياءبسيطة ..
Forwarded from مِزاجُهُ من تسنيم 💚 (تسنيمة)
أنا لسه عشمانه الظروف
تقدر تشيل وجعي وأساي
الدنيا ضاقت بي شديد
هم السواد شايلاو براي
واقفة وبقع من دون أحس
واعية ومغبية بالجواي
تقدر تشيل وجعي وأساي
الدنيا ضاقت بي شديد
هم السواد شايلاو براي
واقفة وبقع من دون أحس
واعية ومغبية بالجواي
فاستند بظهرك المائل على باب صراطه المستقيم
واترك ما أهمّك في يد رحمنٍ رحيم والسلام على من استودع الله قلبه .. 💚
#إيلا ..
واترك ما أهمّك في يد رحمنٍ رحيم والسلام على من استودع الله قلبه .. 💚
#إيلا ..
Forwarded from محبي ابو السيد (Ømêr Åkâ Çäzñøvä)
اسالي الطير قولي ليهـو ..
لما يتغيب خريفك ..
بتحتو ريشك عشان تعيش ؟!
ولا بتغني المواوويل لي الرزاز ؟!
انا ياحبيب ضيعت نورين من حياتي !! ♡
لما يتغيب خريفك ..
بتحتو ريشك عشان تعيش ؟!
ولا بتغني المواوويل لي الرزاز ؟!
انا ياحبيب ضيعت نورين من حياتي !! ♡
اللهم صل وسلم وبارك علي سيدنا محمد صل الله عليه وسلم..
سبحان الله وبحمده..عدد خلقه ورضا نفسه وزنة عرشه ومداد كلماته ..
سبحان الله وبحمده..عدد خلقه ورضا نفسه وزنة عرشه ومداد كلماته ..
سبحان الله وبحمده..عدد خلقه ورضا نفسه وزنة عرشه ومداد كلماته ..
سبحان الله وبحمده..عدد خلقه ورضا نفسه وزنة عرشه ومداد كلماته ..
سبحان الله وبحمده..عدد خلقه ورضا نفسه وزنة عرشه ومداد كلماته ..
سبحان الله وبحمده..عدد خلقه ورضا نفسه وزنة عرشه ومداد كلماته ..
ماتستهتروا بزول قال انا "مكتئب" وانا تعبان نفسيآ ، كفاية احساس الوحدة والخوف والظلام الشايفه والحزن الشديد الحاسي بيهو وانه الدنيا دي فجأة بقت ضيقة شديد وما قادر يحس بطعم فرح لأي حاجة .
ماف زول بيحب يعيش في موود الحزن والكآبة لكن في حاجات بتكون صعب على الزول يتجاوزها بسرعة ، والاكتئاب بقى كتير شديد بمختلف مستوياته ، وفيه اللي ممكن يوصل الزول انه يفكر في الانتحار ، ومااااااتستهتروا بزول قال انه داير ينتحر لانه ممكن ينفذها فعلا في لحظة (ضعف شديد) ، كلنا بتجينا لحظات ضعف وانكسار بنقول ماحنقدر نتجاوزها ، لكن بنتجاوزها اذا لقينا الحل .
اذا انت حاسي بالحاجة دي او شايف غيرك عايشها ماتتردد واطلب المساعدة طوالي من زول متخصص (معالج نفسي)
وكاااان الله في عونهم ♥️✨ ..
كتبه : ماب صلاح ..
ماف زول بيحب يعيش في موود الحزن والكآبة لكن في حاجات بتكون صعب على الزول يتجاوزها بسرعة ، والاكتئاب بقى كتير شديد بمختلف مستوياته ، وفيه اللي ممكن يوصل الزول انه يفكر في الانتحار ، ومااااااتستهتروا بزول قال انه داير ينتحر لانه ممكن ينفذها فعلا في لحظة (ضعف شديد) ، كلنا بتجينا لحظات ضعف وانكسار بنقول ماحنقدر نتجاوزها ، لكن بنتجاوزها اذا لقينا الحل .
اذا انت حاسي بالحاجة دي او شايف غيرك عايشها ماتتردد واطلب المساعدة طوالي من زول متخصص (معالج نفسي)
وكاااان الله في عونهم ♥️✨ ..
كتبه : ماب صلاح ..
~ واحدة من الحاجات البيتجلى فيها الألم في ابشع صورو .. احساس الرفض .. لحظة ادراكك لي حقيقة انو ما مرغوب فيك ، في مكان معين او وسط ناس معينين .. رفضك من مجتمع كاامل ، او رفضك من شخص بساوي المجتمع في نظرك .. ما ح اكذب انو مهما كان ثباتك و ثقتك في نفسك عالية لحظة ادراكك للحاجة دي ح تعصف بيك .. و تهز نظرتك لنفسك ، و ح تطلّع كم سؤال كده في راسك انو انا مالي يعني ؟! .. فيني شنو ؟! .. و صدقني اذا ما قطعت حبل افكارك في اللحظة دي ، و سمحت للأسئلة دي تطول معاك و عاينت للموضوع من الناحية دي و بس ! .. دي اول خطوات خسارتك لي نفسك ، و الخسر نفسو عمرو ما ح يحس بالمكسب
.. ما تسمح لي قرارات الناس اتجاهك تحدد قراراتك اتجاه نفسك .. ولا تقيّم روحك بنظرة الناس ليك ، و ثبت في بالك انو رفضي في مكان معيّن هو عدم مناسبتي للمكان ده ، مش عدم مناسبتي بالمرة .. عامل نفسك بالعارفو عنها ، ما بالبسييط العرفوهو الناس عنك .. قد تمر بيك لحظة الرفض دي من مجموعة نفسك تكون معاهم ، او من شخص انت قبلانو بكل ما أُتيت من خيار ، و هو رافضك بكل ما أُتي من اصرار .. او في مكان شغلك او وظيفة مقدم ليها .. و تعالو نتفق انو مهما كانت طريقة الرفض ظريفة و اتغلفت بتكون وااضحة و مؤلمة ، بس اوووعا تزعل و تعكّر مزاجك ، و خليك على يقين انو في وقت معين و مكان معين و وسط ناس معينين ، و بالنسبة لشخص معين .. ح تكون انت الرغبة و الطلب و الإحتياج ، وجودك ح يتقدّر ، و غيابك ح يتحس ، و ح يتقال عليك يا انت يا بلاش ~ 💙
#محمد_عبدالرحمن ..
.. ما تسمح لي قرارات الناس اتجاهك تحدد قراراتك اتجاه نفسك .. ولا تقيّم روحك بنظرة الناس ليك ، و ثبت في بالك انو رفضي في مكان معيّن هو عدم مناسبتي للمكان ده ، مش عدم مناسبتي بالمرة .. عامل نفسك بالعارفو عنها ، ما بالبسييط العرفوهو الناس عنك .. قد تمر بيك لحظة الرفض دي من مجموعة نفسك تكون معاهم ، او من شخص انت قبلانو بكل ما أُتيت من خيار ، و هو رافضك بكل ما أُتي من اصرار .. او في مكان شغلك او وظيفة مقدم ليها .. و تعالو نتفق انو مهما كانت طريقة الرفض ظريفة و اتغلفت بتكون وااضحة و مؤلمة ، بس اوووعا تزعل و تعكّر مزاجك ، و خليك على يقين انو في وقت معين و مكان معين و وسط ناس معينين ، و بالنسبة لشخص معين .. ح تكون انت الرغبة و الطلب و الإحتياج ، وجودك ح يتقدّر ، و غيابك ح يتحس ، و ح يتقال عليك يا انت يا بلاش ~ 💙
#محمد_عبدالرحمن ..