على مر الأيام والسنين ، تظل (قَلية البُن) من أكثر الأشياء التي تُجَهجِه بَاكاتِي..

وهذا مِنّا للاعتراف .. 😇

- عثمان الشيخ

مقال اليوم ١٥٨
الي ابانا الذي كان في المعتقلات ..

مقال اليوم ١٥٨

إلى سيدنا عشاري ... ابانا الذي كان في المعتقلات !

السلام عليكم ياخ ....

الشوق يعصر صلعتي كالبرتقالة ...ثم أما بعد ....

من أمس ...بكون زدت لي بضعة سنتيمترات طولا ابتهاجا بعودتك ... بل و رأيتني أفج الناس من حولك فجا لعلى أحظى بسلام أو أجد بين أحضانك هدى !

و طبعا لحدي هسي بكونو كلموك إنو الوضع بقى أزفت و أضل مما خرجتم لاصلاحه ...و بكونو كلموك أنو مافي قروش ... لا دولار لا سوداني و لا بينهما ... و شايفك شفت بعينك إنو مافي لا بنزين لا جاز ... و بكونو كلموك إنو حالنا بقى مكشوف زي إمتحانات الشهادة ...و إنو النمل في الدندر عندو 4 صلايب سكري ... و إنو الناس الحاكمننا ديل زادوا من إستوساخنا و إستزبالنا بصورة غير مسبوقة !

و غالبا برضو بكونو كلموك إنو مع محمد بن سلمان، إحتمال كبير يكون مافي رمضان في السعودية السنة دي ... و إنو عمك ترمب و بتاع كوريا الشمالية شغالين بجدية شديدة لخفض عدد البشرية ... و الشهادة لله البشرية كترت و مسخت !!

الما بكونو كلموك بيه أثناء اعتقالك ... كمية المحبات و الريدات الاتبذلت ليك و للمعاك ...كمية الدعوات الصالحات و الأمانيات الصادقات بانو ربنا يعينكم و ينصركم و يفك أسركم ... الما بكونو كلموك بيه الأمل الاحيتوهو فينا خلف الصبر و الاحزان ... العز و الفخار المالينا بيكم و بوطن أنتم من تتقدمون صفوفه .

أبانا الذي كان في المعتقلات :

السجن نفع معاك ... ضعفت و ازددت وسامة ... الدقن عامل شغل خفيف .... و يا دوبك كدا بقيت شبه مهاد و أحمد و شقتك السمحة !

أبانا الذي كان في المعتقلات :

ها أنت تعود

(كعنقاء قد أحرقت ريشها ... لتظل الحقيقة أبهى..

وترجع حلتها في سنا الشمس.. أزهى..

وتفرد أجنحة الغد

فوق مدائن تنهض من ذكريات الخراب !! ) !!
------------------
أبانا الذي كان في المعتقلات :

حمدلله على سلامتنا بجيتك !! ..

#امين_محمد_سليمان ..
#أشياءبسيطة ..

يا حلاتك يا حبيبي ويا حلات الدنيا بيك ..♥️

والذكريات في كل ليل..
تفتح حنينك بيت بكا..💔

الرزق من الكريم ..
والصبر منك .. 💚

#إيلا ..

اللهم صل وسلم وبارك علي سيدنا محمد صل الله عليه وسلم..
سبحان الله وبحمده..عدد خلقه ورضا نفسه وزنة عرشه ومداد كلماته ..
سبحان الله وبحمده..عدد خلقه ورضا نفسه وزنة عرشه ومداد كلماته ..
سبحان الله وبحمده..عدد خلقه ورضا نفسه وزنة عرشه ومداد كلماته ..

اصبحنا واصبح الملك لله..
صبااااح الخير..💜

أحبك سنبلاية عنيــــدة
يجز ليل الهموم قندولها
ألقاها الصباح قاااامت😍

#رَمّاح_إبنعوف

في حُضورِه..
يأخُذ العالم شكلاً آخَر ،
اهُز على فرحي فيتساقطُ حُباً وفياً ..
وأقول لذاتي
" ياالله ، اظنُّه غيمة ! فهذه البهجة لايُحدثها الا المطـر "❤

#رغد_عبدالرحمن
#الق_الصباح🌸

عود عينيك في الضلمة تشوف ..
صباح الخير .. 💜

#إيلا ..

يا صالحة زي النيل
لا حُزن بعد اليوم
كل الفرح قدام 🎶❤️

ﺟﺎﻃﺖ ﺷﺪﻳﺪ..
ﻭﺧﻠﻴﻬﺎ ﻛﺎﻥ ﺟﺎﻃﺖ ﺗﺠﻮﻁ..
ﻳﺎ ﺭﺑﻲ ﻣﻦ ﺳﺎﺑﻊ ﺳﻤﺎﺍ ..
ﻓﺮﺟﺎً ﺣﻨﻴﻦ..
ﻳﻘﻠﺐ ﻣﻮﺍﺯﻳﻦ ﺟﻮﻃﺘﺎﺍ .. ﻓﺮﺟﺎً ﻛﺘﻴﺮ ﻣﺎ ﻟﻴﻬﻮ ﺣﺪ.. ﻋﻠﻴﻨﺎ ﻗﺎﺩﺭ ﻳﻌﺪِﻟﻬﺎ..

أنا فوق نيلك
شوفني كيف بغرق💕

ملامح الطيبين بالحيل
وباب الدنيا طيف ورحيل
على الصبحو وهناك باتو
ويطول عمرك وزيك يمة كم فاتو

#محمد_المهندس

#Mohammad_Aam

‏" العلاقة الطويلة بين صديقين ..
لا تعني أن أحدهما لم يجد ما يكرهه
من صاحبه ..
وإنما تعني أن لديهما تسامحاً عظيماً .. 💚

#إيلا ..

يا زول يا كيف
اتفضل ضوووق
قهوة حنية وفنجان بن
طاعم بالريد وبخوورها الشووق
اتفضل ضووق


#مريوومة

ياخ مدام الدنيا فانيه..
نحنا ليه بنجور ونقسى..
واي زول زعلّنا مرة..
لما يرحل ما بننسى..
يبقى ليه نرجاهو يمشي..
ياخ تعالو نراضي هسه..
يوم بيوم خلونا نفرح..
ما العمر ما بدي فرصه..

متى ينتهي كُرهي المفاجئ ومزاجي السئ وصداعي المستمر 🙇🏾‍♀ ..؟

يا ست الشاي
المرقت بدري عشان اطفال
متيقنة بي سيرة المرحوم 💔