اللهم صل وسلم وبارك علي سيدنا محمد صل الله عليه وسلم..
سبحان الله وبحمده..عدد خلقه ورضا نفسه وزنة عرشه ومداد كلماته ..
سبحان الله وبحمده..عدد خلقه ورضا نفسه وزنة عرشه ومداد كلماته ..
سبحان الله وبحمده..عدد خلقه ورضا نفسه وزنة عرشه ومداد كلماته ..

اصبحنا واصبح الملك لله ..
صباااح الخير..💜

ﻣﺎﺩﻣﺖ ﺗﺸﺎﻫﺪ ﺍﺑﺘﺴﺎﻣـﺔ #ﺍﻣﻚ ☺ . . .
ﻓﺎﻟﺤﻴﺎﺓ ﻣﺎﺯﺍﻟﺖ ﺟﻤﻴﻠﻪ ❤..

نفسي ألقاكي وأكون انا
كلي من بعضك أو بعضي من كلك بدن
داير القاكي وأوحد دايرة الدم المقسمة
بيني بينك والسحن

#مريوومة

طريتك و المواني طشاش ...
وفي ايدك بشارتك لي
وفي عيني فرح مسجون ...💕


#الق_الصباح🌸

رضيت يا دنيا شلت أحزاني
فوق راسي
أكان يا دنيا تنجمي
قالوا البسمة لتانين
ودمعك ليك وبيك وناس
وعرق الطيبة عند أهل الحنين دساس

#اشياء_بسيطة..

ﻗﺼﺔ ﺑﻴﻦ ﻓﻨﺎﻥ
ﻭ ﺭﻳﺸﺔ ﻭ ﺍﺑﺘﺴﺎﻣﺔ..

يا يمه دايراك للعفو ...وقتين الزمن يقدل ويسن بكياتي واتجرح
تكونيلي الضماد والنيل
محتاجاك يمه معاااي مساحات للصدق والفاال ..✨

ناديتك من دون الأيام
مليان ومستف بالنشوى
وعزمتك من دون الأيام
فنجان عينيك نشرب قهوة

انتي الحكاوي الحلوة قبل الناس تنوم ..انتي المزارعين لمة الحلوين وضحكات السمر 😍
انتي القمر ❤ ..

وكل ما طريتَك داهمنى حنين للشاى 
‏فى بيتَك 
‏يامعطون فى البال ومشتَت..

على بابك نهارات الصبر واقفات💕

#الق_الصباح🌸

ﻭﺩ ﺑﺎﺏ ﺍﻟﺴﻨﻂ ﻭﺍﻟﺪﻛﺔ ﻭﺍﻟﻨﻔﺎﺝ..
ﻭﺍﻟﺤﻮﺵ ﺍﻟﻮﺳﻴﻊ للساﻛﻨﻴﻦ ﺍﻓﻮﺍﺝ..
ﻭﺍﻟﻠﻤﺔ ﺍﻟﺘﻰ ﺭﺑﺖ ﺟﻨﺎ ﺍﻟﻤﺤﺘﺎﺝ
ﻭﺍﻟﻨﺎﺭ ﺍﻟﺪﻏﺶ ﻭﺍﻟﺮﻳﻜﺔ ﺟﻤﺐ ﺍﻟﺼﺎﺝ ..💜

غني يا طير الخمايل
في القلوب كل الرسائل
الزمن لمن فرقنا
الدمع سال فينا طايل🎶

يا ناس الله عليها
توبه لايق عليها
والحنة الفي إيديها
سودانية

يا طالع الشجره .. جيب لي معاك ثمره 👏 اطفالنا نور العين الغيمه والمطره 😍💓

لم تأتِ. قُلْتُ: ولنْ...
إذاً سأعيد ترتيب المساء بما يليق
بخيبتي وغيابها..

#محمود_درويش..

يوميات #علوب ...148 .....كشحا ( أبكريك )

( أبكريك ) ...!! إسمو (عبد الكريم ود الجد ) ...بقولو ليهو ( أبكريك ) ( دا الإسم المعروف بيهو ....)
أسوأ صنايعي أنجبته المدينة ....!! لو الحاجه عديييلة بعوجا
تقول ليهو عندنا ( ماسورة ) بتنقط....!! طوالي بتحول لي سباك ...( ماسورة لاقت ماسورة ) .....!! ياخ الحيطة دي فيها شق ..!! ( أبكريك ) بقول طق ...!! المروحة (بتسكسك) ...!!! بجيب عدتو ....!!! بس بالطريقة دي .....أنا خايف يوم يقولو الفنان اتأخر ( أبكريك ) ينط في المايك ...!!!
( وابكريك في اللجج سدر حبس الفجج ...خال فاطنة ...وليهم بلاااالي... البدرج العاطلة ....!!
دا كلو هين ...!! هسا نحنا( البدرج ) لينا الزول دا شنو ..؟؟؟ يادوووب انتبهتا إنو ( أبكريك ) حقنا ...وحق (الغنية ) نفس الإسم .......!!!
( أكيد ما نفس النوع )
المهم غايتو رغم ( المغايس ) دي وللامانة ( أبكريك ) دا طيب جنس طيبة....!! ولطيف لطافة ....ومسكين مسكنة ... مشكلتو الوحيدة إنو متسلبط في كم حاجه كدا ....مامركز اللعب ...!! بعدين أصلو ما بزعلك ...!!! تهيج فيهو وتقول ليهو دا شنو العملتو دا ياخ ... إنتا ما بتفهم ..!! هسا أمانتن في ذمتك دي بعملوها كد...!! طلعتا لينا من وين انتا ياخ ...!!! الله لاكسبك ..!!
أها بخليك تكمل كلامك دا كووولو وهو يستمع ليك بكل وقار وطولة بال...!! وفِي النهاية عندو إجابة وااااحده بعد هذا السيل الجارف من الإنتقاد والتوبيخ .....!!
الحقيقة هم كلمتين ...!! أصلو مابزيدم ...!! معاهن هبشه خفيفة كدا في الراس لي ورا ....!! ويقول ليك ......
مش كضااااا......!!!
يعني ( مش كداااااا ) ....مع الجرا
( حتي الدال ماقادر يصلحا )
ليكتفي الرجل بذلك ويصمت ...( شوفو جنس الوداعة دي....)
يندمك علي الْيَوْمَ الشاكلتو فيهو ...!!! ومرات تديهو زيادة في القروش لإحساسك بالندم علي العصرة دي ...متناسيا كل عصراتو ....والبي ( العصر ) مرورو ...
ورغم كل ذلك ( أبكريك ) إصرار شديد علي الشغل ...شايل عدتو من ستة صباحا علي باب الكريم .....!!! والذي لايرد طارقا .....!! فمابالك بمن بكر وأبتكر ...!!!
عشان كدا الجماعة أحيانا بجيبوهو في إطار الموازنات ...!! عملا للأجر ....!! ذي الحصص الوزارية ...!!!
مش مرات يقول ليك وزير شنو كدا ما عارف ...!!! بتكون ترضية حزبية بس ...ماعندها علاقة بالوزارة ...!!!
طيب هسا ما كان يشوفو لينا وزارة لي ( أبكريك ) دا ....!!! يسموها وزارة ( المافي شنو ...!!! ) ....ويعتبروهو من حزب المهمشين في الارض ...!! ( يعني ديلاك احسن منو في شنو ) ...!!!! والمافي شنو ...!!!؟
المهم وعلي هذا المنوال ( أبكريك ) يواصل العمل والنضال ويكفي نفسه شر السؤال ....!!!
لحدي ما لما فيهو واحد من قرايبو ديل أقنعوا يمشو الدهب ....!! يازووول علي حس ( الدهب ) دا الفكرة ( لمعت ) في راسو...!!
وطبعا ( طرزان ) يعجبك ...!! قال هو ذاتو بفهم في الدهب ...!! تاااااني يا سيدا 😳
( مافي فايدة ) ...
المهم زولك إتشمر .. واتعمر ....شال عدتو ...! ويالدهب جاك زول ...!!!!! 🏃🏻
واختفي ( أبكريك ) من الحلة ...!! وتواري عن الأنظار ...!!
وفعلا والله الزول ما بتعرف قيمتو إلا تفقدو ...!!
أتاري ( أبكريك ) دا كان عامل جو في الحلة دي .....!!
مشيت دكان عمك ( يس ) فوجدت مكانه شاغرا ... وأنا متعود الاقيهو هناك في العنقريب القدام الدكان دا ...!! عاملو مكتب بنتظر فيهو الزباين .....!! والجماعة يشاغلو فيهو في الدخلة والمرقة ....!!
هل تتخيلو إنو ( أبكريك ) السجمان دا وبكل هذه الإمكانات المتواضعة ...!! كان عندو جمهور ...
يعني طوالي بجيبوهو ....مره يربط ليهو ماسورة اتحلجت ...
مرات يغير ليهو لمبة .....أحيانا يسلك ليهو مجري ...المهم اي حاجة ...
( وإذا أردت لبضاعتك أن لا تبور ..!!! فدع النساء يشكلن الحضور ) .....
تتخيل ( نسوان ) الحلة ديل قالن ( أبكريك ) دا مبروك ...!! وكراعو خدرا ....!! ودخلتو أي بيت ...!! بدخل معاهو خير ...
( مثل هذا التصريحات بوسعها أن تحولك الي ( مزار )
وعليه ووفقا ( لإعلان باريس ) أعلاه ......!! أخذ ابكريك ( باسوورد ) الدخول لأي بيت ....ودونما استثناء ....!!
مرات بخش يكشح ليهو مويه بس ويمرق.....!!!!
يقول ليك....( كشحا ابكريك ...!! ) .....!!!
أها وكت لقيت مكانو فاضي ...!! إتضايقتا صراحة وحسيت إنو المحل دا ناقص ....
وتماهي أمام ناظريا ( الرجل ) ...بكل تلك الملامح النقية البسيطة ...وذلكم الوجه الباسم الوديع ....!! وتلكم الضربة المميزة علي جبهتة الوضيئة .....!! والساعة ال ( سيكو ) معلقة علي معصمه تكاد أن تهرب لفرط ضعفه ..!!
وقد عفا عليها الزمن لكنها لازالت حريصة علي حسابة ...!! مع بعض التأخير ....ومراعاة فرق الوقت ...
وبجانب ( مركوبة ) الذي يصارع للبقاء تتوهط شنطة الحديد ( ال