مقال اليوم ١٣
يبدو انو الاكتئاب ده مرض خطير جدا و أنا كنت فاكره دلع ساي من الناس الساكنين شرق شارع المطار وانت طالع 😃. لأنه عندنا في الثورات الأمراض كلها أمراض ملموسة كده و قاسية، بلهارسيا، تايفود، أنيميا حادة أما أمراض السوفتوير فكلها بربطة المعلم عندها اسم واحد وهو "مجنون" وخلاص😃. لكن الواحد مؤخرا اكتشف انه في مرض اسمه اكتئاب و مرض خطير طلع. قال ليك زمان كانت واحدة من سبل علاج الاكتئاب في أوربا انه يحقنوك بالبلازموديوم !! تصدق؟ ؟؟؟😲😲 اااه ... انت ما عارف البلازموديوم شنو ذاتو؟ !! لأنك ما كنت بتركز في حصة العلوم سنة سابعة 😆 البلازموديوم يا عزيزي هو ميكروب الملاريا. يحقنوك بي ميكروب الملاريا عمدا، الدكتور يضايق البعوض في أكل عيشه كمان 😃!! البعوض تاني إلا ينتج عسل. 😃
يعني تمشي الدكتور بي اكتئاب ترجع بي اكتئاب و ملاريا.
الفكرة انه عشان ما تقعد تكتئب و تقرف اهلك في عيشتهم و في النهاية تنتحر 😫؛ فالعلاج يخلقوا ليك مشكلة تاني أكبر _الملاريا_ تتلهي بيها😃.
أنا شايف مفترض نتبع السياسة دي في حياتنا، مثلا من الصباح عملت مشكلة مع المدام أو انتي عملتي مشكلة مع زوجك المصون طوالي تمشي الشغل تعملي مشكلة أكبر منها مع المدير مثلا .. لأنه مشكلة البيت دي تقوم تكبر و تبقى طلاق و هبالة و ماشة بيت أبوي و تخمخمي الشفع و يجيبوا ليك أمجاد من وين زي الوقت ده ذاته ؟؟!! 😠 .. فأحسن تنشغلي بي مشكلة المدير وهي آخرها يعني مجلس تحقيق و خصم تلاتة يوم من المرتب الأساسي يعني لو بااالغت ما بتفوت 90 جنيه مع مرتبك الما لاحق 1000 جنيه ده 😃.
من المشاكل المنتشرة برضو بين الناس مشكلة الفلس، يكون صابح عليك العيد و وراك هدوم شفع و توب للولية و ألعاب و خروف بينما انت اباطك و النجم!😃😃 أها تطبق الحل السحري العمله الأسبوع الفات واحد في امبدة، حقيقة والله و قريتها في الجرايد، شكله الهانم في البيت النوع النقناق داك، قرفته في عيشته فقام طوالي مشى قسم البوليس و فتح بلاغ في نفسه انه بتعاطى بنقو .. وكمان طلع ليهم "زرارة " كمعروضات و أدلة😃. ( للناس البرئيين خالص فالزرارة و تعرف أيضا بالمدورة هي وحدة قياس للبنقو فيها أربعة أرباع ) المهم صاحبنا حكموا عليهو بي السجن شهرين.☺
انت برضو مع فلسك داك لو حكموا عليك بي شهرين سجن حلااااوة😙😙. . لا هدوم عيد لا خروف و لا يحزنون ولا في زول يقدر يلومك ولا يفتح خشمه معاك، في السجن أها تعمل شنو يعني؟ تبقى مايكل سكوفيلد يعني؟ 😃. . تطلع من السجن تلقى المولد النبوي ذاته انتهى. 😃
أخيرا كلنا عارفين منو في السودان بعالج المشاكل بي مشاكل تانية جديدة و مبتكرة خالص. 😃
#الكوم_التالت
#اجندة_مستر_خلف_الله
#اشياءبسيطة ..
يبدو انو الاكتئاب ده مرض خطير جدا و أنا كنت فاكره دلع ساي من الناس الساكنين شرق شارع المطار وانت طالع 😃. لأنه عندنا في الثورات الأمراض كلها أمراض ملموسة كده و قاسية، بلهارسيا، تايفود، أنيميا حادة أما أمراض السوفتوير فكلها بربطة المعلم عندها اسم واحد وهو "مجنون" وخلاص😃. لكن الواحد مؤخرا اكتشف انه في مرض اسمه اكتئاب و مرض خطير طلع. قال ليك زمان كانت واحدة من سبل علاج الاكتئاب في أوربا انه يحقنوك بالبلازموديوم !! تصدق؟ ؟؟؟😲😲 اااه ... انت ما عارف البلازموديوم شنو ذاتو؟ !! لأنك ما كنت بتركز في حصة العلوم سنة سابعة 😆 البلازموديوم يا عزيزي هو ميكروب الملاريا. يحقنوك بي ميكروب الملاريا عمدا، الدكتور يضايق البعوض في أكل عيشه كمان 😃!! البعوض تاني إلا ينتج عسل. 😃
يعني تمشي الدكتور بي اكتئاب ترجع بي اكتئاب و ملاريا.
الفكرة انه عشان ما تقعد تكتئب و تقرف اهلك في عيشتهم و في النهاية تنتحر 😫؛ فالعلاج يخلقوا ليك مشكلة تاني أكبر _الملاريا_ تتلهي بيها😃.
أنا شايف مفترض نتبع السياسة دي في حياتنا، مثلا من الصباح عملت مشكلة مع المدام أو انتي عملتي مشكلة مع زوجك المصون طوالي تمشي الشغل تعملي مشكلة أكبر منها مع المدير مثلا .. لأنه مشكلة البيت دي تقوم تكبر و تبقى طلاق و هبالة و ماشة بيت أبوي و تخمخمي الشفع و يجيبوا ليك أمجاد من وين زي الوقت ده ذاته ؟؟!! 😠 .. فأحسن تنشغلي بي مشكلة المدير وهي آخرها يعني مجلس تحقيق و خصم تلاتة يوم من المرتب الأساسي يعني لو بااالغت ما بتفوت 90 جنيه مع مرتبك الما لاحق 1000 جنيه ده 😃.
من المشاكل المنتشرة برضو بين الناس مشكلة الفلس، يكون صابح عليك العيد و وراك هدوم شفع و توب للولية و ألعاب و خروف بينما انت اباطك و النجم!😃😃 أها تطبق الحل السحري العمله الأسبوع الفات واحد في امبدة، حقيقة والله و قريتها في الجرايد، شكله الهانم في البيت النوع النقناق داك، قرفته في عيشته فقام طوالي مشى قسم البوليس و فتح بلاغ في نفسه انه بتعاطى بنقو .. وكمان طلع ليهم "زرارة " كمعروضات و أدلة😃. ( للناس البرئيين خالص فالزرارة و تعرف أيضا بالمدورة هي وحدة قياس للبنقو فيها أربعة أرباع ) المهم صاحبنا حكموا عليهو بي السجن شهرين.☺
انت برضو مع فلسك داك لو حكموا عليك بي شهرين سجن حلااااوة😙😙. . لا هدوم عيد لا خروف و لا يحزنون ولا في زول يقدر يلومك ولا يفتح خشمه معاك، في السجن أها تعمل شنو يعني؟ تبقى مايكل سكوفيلد يعني؟ 😃. . تطلع من السجن تلقى المولد النبوي ذاته انتهى. 😃
أخيرا كلنا عارفين منو في السودان بعالج المشاكل بي مشاكل تانية جديدة و مبتكرة خالص. 😃
#الكوم_التالت
#اجندة_مستر_خلف_الله
#اشياءبسيطة ..
يا واعظ الناس عما أنت فاعله يا من يعد عليه العمر بالنفس احفظ لشيبك من عيب يدنسه إن البياض قليل الحمل للدنس كحامل لثياب الناس يغسلها وثوبه غارق في الرجس والنجس تبغي النجاة ولم تسلك طريقتها إن السفينة لا تجري على اليبس ركوبك النعش ينسيك الركوب على ما كنت تركب من بغل و من فرس يوم القيامة لا مال ولا ولد وضمة القبر تنسي ليلة العرس..