في رونق الصبح البديع قوم يا حمام يا حمام اسمعني الحان الربيع
قوم يا حمام حي الغمام انا لي فيك شوق واهتمام اسمعني من شدوك صدى أهو ده الربيع ناضر بدا💕

#الق_الصباح🌸

ثم أن البسمة منك قادرة تملأ الكون سعااادة

الشارع شوك 💔 والروح نِعلاتا طشاش شوفتك

امي بتمسح الاحزان تزيل الغُمّه..
امي القمره وقت الدنيا تبقى ضُلُمّه..❤

قالو ايضا بت ..
قلت مالوووو ولو ..

تكبري انتي .. تشيلي حملنا .. نسمع عنك ماا يفرحنا ..

الاستاذه دييييك .. كتر خييييرا ..
يوم تلقانا هيييي .. بتوصلنا ..

بختي بختي ..
انتي بتي ..
امي اختي ..😍

قيرا قيرا .. ياااا مهيره ..
ياشتلايه جاتا مطيرة ..

‏كل الجروح بتروح إلا التي في الروح
‏خلي القلب شباك نحو الأمل مفتوح

مقال اليوم ١٥٢ ..

قبل سنوات عدّة، و انا شافع بتاع اربعة او خمسة سنين، أمّي لدغتها عقرب كانت لابدة في بنطلون جينز بتاعي و هي بتغسله،،
بتذكر مسكت اصبعها و فصدت نفسها بالموس و ربطتها و دقت الباب للجيران، واحدة من الجيران مشت معاها ابراهيم مالك و واحدة قعدت حرستنا....
و لما رجعت واصلت اليوم ونسة و شاي مع الجارات و عملن الغدا و الامور مشت..
انا لسبب ما، و بالشفافية بتاعت الطفولة حمّلت نفسي الذنب،
و من يومها دخلتني فوبيا من العقارب فوق العادة...
كنت فاهم انه الموضوع ده خطير رغم انه امي الله يديها العافية ما ثكّلت و لا داخت و لا عملت دراما، اسعفت نفسها و اتصرفت بخطوات سليمة،، و لما شعرت اني متحسّس، راضتني بي لغة بسيطة انه بركة جات فيها و ما جات فيني انا...
من الزمن داك، و كل ما اشوف امي بتنزّل حلّة مسخنة من النار بيديها حافيتين، تحرك الجمر و ترجعها بسرعة، و كلما الموية تقطع و كلنا نعجز من "تنفيس" الموتور، كانت بتعرف تجيب الموية من مافي حتى لو ساهرت جنب الموتور،، لما تعالج لي قميص المدرسة الشالتو المكوة في زمن قياسي و ألبسو و احصل الطابور...
من الزمن داك و لحدّي ما شفتها واقفة في الضيوف في اعراس اخواتي ...
كل هذا الزمن و انا بتسائل، من اين لها هذه القوة على التحمّل و الموهبة على معالجة الامور؟!

بعد كبرت و وعيت، لقيت انه اي بيت سوداني خشيتو، جالوص او عمارة، في قرية او مدينة، فيهو انسانة عملاقة زي دي، قد تكون ام، اخت، حبوبة، عمّة، خالة، او حتى زوجة الاخ الكبير...
هي ليست مجرد الفكرة النمطية لست البيت ..
و انما محرّك حقيقي للحياة في البيوت ..
ده الخلاني افهم كلام الانسان محجوب شريف رحمه الله بطريقة خاصة :
*" تخليهو القديم لنجي ..*
*يبقى المافي من مافي ..*
*و يبقى البلدي افرنجي"*
لاني ياما في بيت امي و بيوت حبوباتي و بيوت تانية كتيرة شفت تطويع العدم لايجاد اسباب الحياة، و القديم بيتجدّد بلمساتهن..

ليس الحديث للتسويف و التبضيع و شعارات المناصرة للسيدات..
إنما هو من خالص النفس مشاعر تقدير و اعجاب ،،
و احترام لهذه المقدرات..
.
تحي .. تعيشي ..

لا مقهورة .. و .. لا منهــورة ..
لاخاطـر جناك مكسـور بـل مستورة ..

يا ذات الضرا المستور ..
سلامـــــــــــــاً

يا غزالات العمل والبيت ..
سلامـــــــــــــاً
يانساء الارض قاطبة..

#اشياءبسيطة..

معاك ما كملت الاشواق..❤️

سمحه في الحشمه ولفة الطـرحه ..❤

طعـــم العســـل يمه ماضقت ليهو حلا 💔
حسيتو بعدك مـــر
حسيت ٲماسي العيد بتمر حزاينية
ومافيها حاااجة تســر 💔

اللهم صلِّ وسلم وبارك على أنقى قلب وأتقى قلب عرفته الدنيا والآخرة ﷺ

يا بنية البلا ما يجيك
يا بنية روحك طيبة بيك
يا بنية من فرحة وأمل
يا واسعة يا عز الرفيق

#تسنيمة💚

تحيي تعيشي
لا مقهورة لا منهورة
لا خاطر جناك مكسور
بل مستورة💚

اطرا ياعصفور حبايبك
وانت فوق حلتنا راااااحل
شالك الصيف من ديارك
ووحشة الشوق للسواحل

وكت الناس تطير لي عالمة امنيات
"اشواقنا والناس الزمان وكل المسافرين يرجعو "

يوميات #علوب ...147.....( الطابق التالت )

مشيت مع منتصر ود جيرانا خالتو راقدة في مستشفى خاص كدا في أم درمان اسمو ( شون كوّن ) شنو كدا ماعارف تخصص ( كسور ) ....!!
وبواقي ..!!
واللافتة بالصيني كمان ....!!
‏ (汉语/漢語 华语/華語
( ما يجيني واحد يقول لي ناقصة حرف )
(الأجانب متجدعين اكتر مننا ....!! ) الصينين ديل كمان عشرة طويلة ( سراء وضراء ) المرض زاتو جازفو معانا .. ...بقو يبيعو (السمسم ) شدة ما الله أداهم ...
المهم طلعنا ليك ( الطابق التالت ) خالتو دي راقدا هناك وقعت كسرت رجلا ...!! منتصر قال لي خالتي ( بنونة ) دي مفروض تكون حارس مرمي ...!! كل يوم منزلنها من راس دولاب ...!!
قلتا ليهو اسمها ذاتو ( فني ) ...( انتظرونا) مع ( بنونة )
( انا كان عرفتا ريسين الدولايب ديل فيهن شنو ...كان ارتحتا ...) اها المسكينة وقعت في إحدي غزوات ( الراس ) ...!!
المهم زرناها وقعدنا حبة كدا ...لقينا زي مية مرا في الزيارة ( سد مال ) بس ....!! وكل واحده بتتكلم براها (طيور الجنة ) ....!!
الغريبة بردو علي بعض و سامعين بعض ....!! غايتو ( مارك ) كان جا كان شاف ( الفيس ) الجد جد ....ومن غير ( نت )
( قروب كمان ) ...وكومنتات عااادي ....ولايكات ...!!
( ولايمات ) ....!!؟؟
اها ( لايم ) دي ( مارك ) ذاتو ماعندو
( لوم السنين يتلاومن ....) ...!!
غايتو ( مفروض ناس ( زين ) طوالي يعينوهم في ( الكول سنتر ) ....!!! دي مهارات محترفين
المهم ما قعدنا كتير ...مرقنا طوالي..... واريتنا كان ما مرقنا
....!! بالجد ...!!
واحنا في الباب طقشتنا ( طيارة ) ....!!
لااااااا حولا وتبارك الله ....النوع داك الما بكون لاقاك قريب دا
دكتورة كدا عجييييبة ....غمازتين في الخد .....يبلعنك بلع ...!!! والروب الأبيض دا يخلو ليها ......!! أبيااااااااااض
(الموية دي اظنها عكرانة عندنا نحنا بس )
والسماعة دي معلقنها ليك ..لوحة تشكيلية ...
لامين الشعر دا كاشنو لي ورا ......وفي خصلتين أعلنوا التمرد ...!! ودخلو الجبهة ....!!!
خلوها تولع ...
(لازلت أذكر خصلة عربيدة فوق الجبين ...) ...!!
( عربدة أصلو ما معقولة )
وعندها ضربة قديمة كدا فوق للحاجب .....( زي القصدتا) مباااالغة .....!! ولا نحنا الانضربنا ماعارف ....
دا كلو كوم ولما نطقت كوم ...( أغاني و أغاني ) ....!!
قالت ليها أيوا أدوها ( سيرب ) ...و ( تتراسايكلين ) ....!! 💊
يسكك الملاك انتي ..) ..!!
(بهرني بي نورو وخلاني مأسورو..!! )
قطع شك دي ( عجوة ) ما دوا ....!!
مش في بنات كدا بكونو لامات أي حاجه .،،بس ياها البت دي
هي ذاتا حست بي إنو أنا زي وقفتا عندها كدا ...
( غايتو ياعلوب بس مرات بعجبني تفاؤلك دا )
...افرض حست .....اها شنو يعني ..!! وبعدين ...!!؟؟؟
هسا أنا مامشكلة ....!! المشكلة في ( منتصر) صاحبي القرر يعرسا دا ...!! حلف ما نمرق من هنا اذا مااتعرف عليها ...وأرسي دعائم بيت الزوجية المقبل ....( التفاؤل علي أصولو )
قلتا ليهو يامنتصر با أخوي النوع دا بكون شايف روحو وعارف الناس دي مركزة معاهو ...فياخ ...أحسن نبقي مارقين ...
إنتا قايلا بس قاعدة كدا راجياك إنتا تزور( خالتك ) ( بنونة ) رجلا انكسرت ..!! وتخطبا ...!!
حلف ستين يمين قال إحساسو بقول ليهو إنو الأمور طيبة ...
انا قلتا ليهو طيب النمشي عدييييل نسألا ..!! فيها شنو يعني ....نقول ليها اها يابت الناس نحن جايين لي خير انتي مرتبطة ...!!؟ ( الواضح مافاضح ) أيوا كدا وبكل سهولة....!!
عاينتا كداااا ...!! لقيت انو دي مستشفي والناس شغالة
والزحمة والجوطة ...!!
في اللحظة دي جا ( صيني ) قاطع ....عاين لي كدااا ...لا عرفتو ( بحدر ) لي ولا دا الطبيعي عندو ...!!
طوالي إتجهنا للخطة ( ب) ...!! إنو نسأل منها أي زول نحس بيهو لطيف كدا من الناس الشغالة دي ...أكيد بكون عندهم معلومات ....!!!
أها لقينا واحد كدا تنطبق عليه المواصفات ....النوع البضحك برا داك ...!! ويتجرجر ( ديل بحبو الأسئلة الزِّي دي )
وباين عليهو طيبااااان كدا...!! ونعسااااان ....
قلتا لي ( منتصر ) بس دا ياهو زولنا ....!! قلنا ليهو السلام عليكم ...قال حبابكم ...!! قلنا ليهو ياخ من الآخر كدا ( الدكتورة ) المشت بي هنا دي منو ..!!؟. وبت ناس منو ....!!؟؟
سؤال كدا لي خير يعني ....!!
اخد لي ضحكة كدا لما صحصح .....!! قال لينا أنا بس مستغرب لي حاجتين ...!!؟؟
الأولي طبعا دي المرة الألف يسألوني السؤال دا ....!! والأعجب ليه بسالوني أنا بالتحديد ...!! ياربي في شبه ...!! ولا شنو ...!! ؟؟
قلتا ليهو ...( ولا شنو ..!! ) ..!!
شوف الزول دا فاتح نفسو كيف ...!! شبه شنو ياخ الله لاغزا فيك بركة ...!! قال ( شبه ) ...!! هو كان في شبه كان سألناك ....!!
طوالي جليناهو ....!! المعلومة الوحيدة الادانا ليها انو الدكتورة اسمها ( غفران ) .....!!!
كلمممتكم أنا ....!!!
أي حاجة بتكون ( ظابطة ) .....!

!!
ياربي تغفر لينا ...اسم كلو ( حسنات )
اها العمل شنو هسا ...العريس دا أصلو ما صابر .... قلتا ليهو اركز ياخ ...!!! دا الْيَوْمَ الدايرنو ليك ( منتصر ) ...!!
والله لو شفتو ( الخشم اتفرا ) تحلف تقول ( عقدو )
ولم تحوجنا الكونتيسة ( غفران ) للسؤال والانتظار ....
لابسا ليها( جوينتيات ) كدا أول ما قلعتن ....الحنة دي ما تديك الدرب جات مارقا ( طلع متموم حلوها السمحة) ....!!
محننننة ....!!!
ومنتصر ( يحنن )
قلت ليهو امشي ليها قول ليها اكتبي لي ( رقاد )
حتقول ليك وكت ماعارف ....!!!! ( بترقد لييييييي)
قول ليها خلاص وخز بالإبر ....وتتراسايكلين ...!!
أكلتا ( حنة ) ....!!
تاني بتجي ...!!؟
ولا بتديها ( صنة ) ...
(سيريسلي )..

#اشياءبسيطة..