الدرديق ...قلتا ليهو علي كل هي زوله لطيفة وملتزمة ...!! مافيها كلام ...!! ...
قلتا السنارة دي اكيد حتقبض ليها ( سمكة ) ....أصلو ما اتخيلتها حتجيب ( تمساح ) ....!!!
عندما فاجئني ( طيب الأسماء ) بالتعقيب
قال لي هي من ناحية لطيفة مافي شك .....!! لكن ملتزمة دي أنا بختلف معاك ...ياعلوب ....!!! ياخ البت دي طرحة ساكت ما بتختها في راسا ...!! وبعدين يعني صراحة أنا المشي الموضة دا بشوفو عدم التزام ...!!! لكن رغم دا كلو ...عاجباني ياعلوب بتصدق....!! وشديد كمان ......!!! 💔
غايتو نحنا بنعرف الحب العذري ....لكن ( الحب الشرعي) دا ..الليلة بس ...
!!!!
هسا لكن الزول دا شايت وين ....!!! ودي منو الراستا الشالت قلبو دي ....!! وحياني بي ( شالو ) ....!! صحي الحب لادين له ولا وطن ...)
أنا هنا بقيت في أمرا ضيق ....
( ماف اي طريقة أعمل فيها ماعارف دي منو ...!!
( عيب يعني قدام مولانا ) ...
ومافي طريقة اقول ليهو هي دي منو دي ....!!!
تبقي فضيحة شرعية ......
( علوب اصطكا) 😬
دي فايدة صيام الاتنين والخميس ....ومن يتق الله يجعل له مخرجا ...
بقيت انا في الطريقة البتخارجني ....!!
( مولانا ) لاعب معاي ضاغط يا مؤمن يامصدق إنو انا بعرف البت ....!!!! وانا بقيت يادوب داير أعرِّفا ....!! في جهجهة اكتر من دي
...قلتا أغير الخطة ...!! قلتا ليهو يامولانا دا كلو ممكن يتغير
المهم الإحساس ....بكرة تتحجب وتكون ذي ما إنتا عايز
لكن سؤال يا ( مولانا ) لو سمحتا لي ...!! هو الموضوع دا عرس ولا إعجاب ساكت من بعيد لي بعيد ...
( وأريتني كان ماقلتا )
قال لي استغفر ياعلوب ...( جاده شوية المره دي )
أتفتري علي البنت عن ظهر غيب ....!!! 😳
اها الجماعة ديل أول مايقلبو لغة عربية ...ويجيبو ليك ظهر غيب ....وحين غرة ....والفسوق بعد الإيمان ....طوالي بشوفوك قدامم واحد من كفار قريش .....!!! ينزلو فيك ( محط ) في ( ضهرك ) دا ....( ظهر ) غيب ...وفضل ( ظهر ) وبين ( ظهرانينا) لما تفهم حاجة ......وماتعرف راسك من ضهرك ...!!!
قلتا ليهو هسا الافترا وين يا مولانا بنسأل من مستقبل العلاقة فيها شنو ...!! ؟؟؟
قال لي سويتا علاقة ...!!! وأردف قائلا ....
أنا طبعا كان نفسي تكون بالمواصفات الانا عايزا ...لكن .....!!فجاتن كدا قطع ....وما كمل كلامو .....!! وحسّيت بيهو ماياهو ....!!! وبدا يتلعثم ويتكبكب ....!! بس إتلفتا وراي
ألقي ليك ( حسنة مبارك ) جاية من هناااك ...!! تقدل ...وما ادراك ما ( حسنة مبارك ) ...!! تجلي الرحمن تبارك
مَش مرات بغنو ...والجيش سلاح وانا مالي الخدار مرق لي وداري ....اها ( حسنة ) دي ياها ( الجيش ) .....!!
انا طوااالي عرفتا ليك ( الشيخ ) مكتول وين ......!!
لكن بي أمانة ( حسنة ) بتكتل ......!!
عزاااال يامولانا ...( هنا تبكو وفي الجامع تبكو ) .....!!!
علي القسم البت دي تبكي حلة كاملة خلي ( شيخنا ) دا .... سماحةً الدنيا ...!! ما ناقصة ولا سطر .....
جاية ملفلفة ليها بي توب قديم كدا....!! خيوتو طالعة ....!!! وزيتو طالع ....
ماتعرف تعاين التوب ....ولا تشوف ( الزيت ) 😜
( السماسرة بقولو ليك ( البودي ) لو نضيف ( البوهية ) ما مشكلة ...!! )
( وحسنة ) دي علي الحلا دي ...!! هي برضو من الناشطات في (حقوق المرأة ) والجندر والقصص دي ....!! عندها صفحتين في الفيس ...( حقوق نسوان بس ) ....!!!
وجريئة جنس جراءة...... قريت ليها( بوست ) قبل يومين
إذا لم تكن قدر المسؤولية...!! فترجل يا ادم ....!!
عديييل ولا بتدسها ......!!
بس جات ليك مارا بي جنبنا ...كتحت ليك مولانا دا كتيح .....وطوااالي خشن ليك فيني يمين ...
ويييين يا قلب ...!! مشتاقين ياخ ..كيف ياعلوب ...!! و سلام في الكتف واليد .....مولانا داير يطير ...!!
وهي بتسلم علي ادتو لفتا كدا ....خلتو يتهوزز ...قالت لي طبعا ناس مولانا ديل مابسلمو...!!المراة ما عورة كمان ...!!
وتوجهت اليه بالحديث .. .....ولا شنو يامولانا ..!!؟؟؟

والله يا اخوانا ....أنا بس كنتا دايركم تشوفو منظر ( شيخنا ) دا وهو محشور بين الدنيا والدين ....!!
( ياها دي الإختبارات الجد جد .....!!! تقول لي فيزيا ...)
زنقة الزنقة ....بقي يرترت ....!!
قال ليها عورة اذا سوت الغلط ...!! والراجل ذاتو كان سوي الغلط عورة .....!!
اوووووووووووو ..... والله اصفق واعلق ...لا لا لا دا الهام دا
يامولانا .....!!
الليلة كان سمعو في الجامع كان رفدو...
قالت ليهو إنتا لكن ما مولانا ( كلاس ) ...وراجل فاهم ...!!
( قرب يتفرتق ) ....!!!
غايتو النسوان ديل كان قصدوك بجهجهوك ...!!
شوف ( حسنة ) دي هسا ( نهزت ) مولانا دا كيفن ...!!
وتاتي رجعت لي بالكلام .....!! قالت لي أها وشوشو عاملة شنو بالله ياعلوب ....!! وانا مركز مع ( ابوالطب )اكتر منها .....

أجمل ما خرجت به من إنطباع إنو الدنيا لسا فيها حب ..

..شفتو في عيونو ديل ...!! 😍 ( ونادو لي الشيخ يقرا لي ( يس )

ياربي هسا ( طيب الأسماء) دا بكل هذا التدين والمحافظة هل ممكن يتزوج ( حسنة) دي وهي بكل هذا الانفتاح والجرأة
سألت نفسي هذا السؤال في ذلك الْيَوْمَ وذلك اللقاء الذي جمعنا وكأنه البارحة وقد مر عليه أكثر من عام ونيف ....
بس ليه أنا حكيت ليكم القصة دي بعد الزمن دا كلو...!!؟؟
لانو ببساطة انا بتأمل في هذه اللحظات ( طيب الأسماء ) و ( حسنة ) ياهم ديل قدامي ....!!
( طيب الأسماء اللمين ) وزوجته الفضلي (حسنة المبارك) بشحمهم ولحمهم هنا في عرس ( أخت أكرم صاحبنا) في صالة اسمها ( السنبلة ) في بحري جنب ( المظلات ) ..!!
انا هسا مافي ( السنبلة ) الصالة ...!! انا في السنبلة ( الهالة ) وقد أثمرت قمحا ( ووعدا ) وتمني ....!!
( طيب الأسماء) شايل بتو ( وعد ) في كتفو ...!! ويتحاوم في نص الحفلة ...( وحسنة )مرتو حجاااب تقيل ...!! لكنها بكل ذلك اللطف والأريحية والثقة في التعامل مع الجميع ...
يبدو أن ( طيب الأسماء) أعطاها ماعنده ....!!! وهي بدورها منحته مافي معيتها .... لأنو كان من الصعب اصلا يدخل حفلة ذي دي ويصول ويجول فيها ....!!
الحياة جوهر ...وسنام جوهرها الدين والمودّة والاحترام
لم يتخل طيب الأسماء عن قناعاته ..!! لكنه تنازل ....!! ولم تترك حسنة توجهاتها ....!! لكنها اعتدلت ....
طبت مطيبا ياطيب ....
( وحسنك ) أمر .....!!!!

- [ ]

#اشياءبسيطة..

صلي علي النبي ❤️✨ ..

ツ
‏﷽
۝ إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ۝ ﷺ


انِر قبرها يا الله تجاوز عنها ابدلها داراً خيراً من دارها واهلا خيراً من اهلها اللهم عوض شبابها الجنة واجمعنا بها ❤


@masaltmabda

او دي الشوارع بالبنات متحينة
ترسل تراتيل الخروج في يوم
وتقطع سرتِن
الأرض تعريف الهديل
هدل الحمام بشرى
وشوق السلام إنسان
بالحيل بيعرف أنتن

الصباح الباهي لونك وضاحة يا فجر المشارق غابة الابنوس عيونك💕

سودان وكان ما كان
سودان علي كيفك
السكة ساعة إيد
والأرض مروية
والناس حنان وظراف
والراح يجيك للحول
والخدمة مظبوطة مظبوطة مدنية
والدنيا حرية حرية

السلام عليكم ورحمة الله وبركاته 🌸

عمو صلاح ستيني يعاني من ضعف في عضلات القلب 💔 هو العائل الوحيد لاهل بيتو 😭 الآن طريح الفراش 💔 قررت له عملية قلب مفتوح ب 72800 😭😭😭💔 وهم لا حول ولا قوة لهم
متوفر من المبلغ 60 الف جنيه
200 رصيد 💕
المتبقي 12600جنيه

العملية اتأجلت 3 شهور بسبب المبلغ 😭😭
الهمة المبلغ ما كبير 💔
العملية في مستشفى الشعب 🌸
الاوراق بطرفي

للاستفسار :,
0915342419
0923409760

تم تحرير البوست :

1مارس / 2018
من له 😭💔

انت فيك مطر العَصاري والطَواري وفيك مددنـا♥🌸
انت فيك ريحة التَعابـة يـا غَناوينـا وسعدنـا ...❕..

اضحك وانسى كل همومك .. تلقى حياتك فيها معاني 🌸


Mohammad Aam

زمن أغبر مكتح بي هموم أكبر ..
موشح بي لهيب تحنان وم بفتررر .. 💔

الجاية بتجيك في محلك ؛ ياتو يوم قدرك أباك ❤️✨ ..؟!

.
❤ منظمة بصمة الخيرية ❤
*دقيقة من زمنك*
احتمال تغير حالة أسرة وتفرح يتيم
*اليتيم* الفقد أكبر سند ليهو في حياته .. فقدان الوالد بخليك تائه في الدنيا من غير دليل
*الأرملة* البتفتش عشان تسد جوع الأيتام .. الأرملة البقت قائمة بدور آلاب وآلام في وقت واحد
عارف انو الرسول الكريم قال : *( الساعي على الأرملة والمسكين كالمجاهد في سبيل الله)*
نحن منظمة بصمة قررنا نعمل كرتونة رمضان نوزعها لأسر الأيتام عشان تخفف عنهم وجعة وتمسح منهم دمعة وترسم عليهم بسمة
ورسولنا الكريم قال : *( من افطر صائما فله أجره)*
صائم.. وارملة.. وأم أيتام.. شوف الاجر قدر شنو ?? يلا الموضوع كبير بس اذا تكاتفنا بنقدر *عدد الأسر 178 أسرة*
*تكلفة الكرتونة 990 جنيه*
يلا ارح رسل أنت وابدا بنفسك واعمل شير للمنشور في كل القروبات وشارك الناس الأجر
*أرقام التبرعات*
0961365333
0128252556
0904956555
*رقم الحساب*
بنك الأسرة رفاعة 4444
يلا ما تخلي المنشور يقيف عندك احتمال عن طريقك ربنا يسخر زول يكفل أسرة وانت تشاركه الأجر يلا اتحرك وكل حركة معاها بركة

رِجَالٌ لَّا تُلْهِيهِمْ تِجَارَةٌ وَلَا بَيْعٌ عَن ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ ۙ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ (37) . صدق الله العظيم ❤️

{ وَسَارِعُوا إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ ( ١٣٣ ) }

[سورة آل عمران]

ﺇﺟﻌﻠﻮﺍ ﺻﻐﺎﺭﻛﻢ ﻳﺪﻋﻮﻥ ﻟﻜﻢ
ﻓﻘﺪ ﻛﺎﻥ ﻋﻤﺮ ﺑﻦ ﺍﻟﺨﻄﺎﺏ
ﺭﺿﻲ ﺍﻟﻠﻪ ﻋﻨﻪ
ﺇﺫﺍ ﻟﻘﻲ ﺻﺒﻴًﺎ ﻓﻲ ﺍﻟﻄﺮﻳﻖ
ﺃﺧﺬ ﺑﻴﺪﻩ ﻭ ﻗﺎﻝ ﻟﻪ :
" ﺃﺩﻉُ ﻟﻲ ﻳﺎ ﺑﻨﻲ ﻓﺈﻧﻚ ﻟﻢ ﺗﺬﻧﺐ ﺑﻌﺪ"

#ﺍﻟﻠﻬﻢ ﺇﻧﻨﺎ ﻧﺴﺄﻟﻚ ﺍﻟﻴُﺴﺮ
ﻟﻤﻦ ﻳﻌﺎﻧﻲ ﺍﻟﻌُﺴﺮ
ﻭﺍﻟﺮﺍﺣﺔ ﻟﻤﻦ ﺑﻪ ﻫﻢ
ﻭﺍﻟﺴﻌﺎﺩﺓ ﻟﻠﻤﺤﺰﻭﻥ
ﻭﺍﻟﺸﻔﺎﺀ ﻟﻠﻤﺮﻳﺾ
ﻭﺍﻟﺮﺣﻤﺔ ﻟﻠﻤﻴﺖ
ﻭﺍﻹﺟﺎﺑﺔ ﻟﻤﻦ ﺩﻋﺎﻙ 🍂..

‏يا رفيق الخطوه لو عز الرفيق..❤️

النجمه ممتحنه فى حظنا بتقرا
‏و الغيمه فى محنه مديونه كم مطرة
‏لا زال يجرحنا و لا زلنا ليه ضرا
‏نحن البريحنا جروحنا ما تبرا

يجمعناا الهم او لون الدم او حب الام او هَادا الدين او باقي حنين او لعب الطين او ريدة النيل او مزيره فاضيه وكوز استيل او هاكَ معاي حرّم بتشيل او باقي شمار ومُلاح في النار وبِسِلَة فول وحكاوي الغول .🌸