الاماني الفي سفر قبل الزمن كايسة المواني ..يوم تجيبني عليك بصدق انو مرة الحظ طراني ..

وأركز للبجيبها الريح
تقيف إنت ويشيلها الريح
وأبقي العاتي والدرب الوراك مسدود
شيل شيلتك.. بقيت للنص
لا حلماً يجيب البر ولا حدود
وإن بليت
أختي الرملة ما تقع المكان الهش
الممطورة ما بتبالي من الرش

يا بنية من خبز الفنادق
شيدتي في جواي صوامع...للفرح
وفتحت في دنياي مسارح...للمرح
وبقيتي لي ....سكة وعيون💕


#الق_الصباح🌸

بلاد أنجبتني
وقالت غريب
بلاد أنجبتني
عطشت وسقتني
رحت ولقتني
فكيف علقتني
بذاك الصليب؟!

تعال قص البلد وأرجع
تعال أدي الغبش طلة
بقالا الليل غطى ومقنع
سترتك يا صباح الله
ضراعك مدو لي رضع
ضروع أماتنا قطن قط
مراكب شوفا لا مشرع
ولا بان في مداين شط
تعال يا شافي يا كافي
شموخاً في زمن منحط

قال حميد
سمعتوا مصطفي وهو بتونس ؟!
كلاموا أطعم من غناو

لازمك توب جديد بي أيـآ تمن غصبآ للظروف والحَـال الحزن

يا بت السماء الفوقاني
خيت المطرة والألوان
وست أحزاني ساكت عن هواك حين من سماكِ رماني
ساكت ومادي ليك الروح لحاف وأغاني
كاتلني الجواي والعبره بيك خانقاني
إلا وقت لقاك حاف بمسكو لساني

خاوي العزو طيب وحاشا ماملفوح
خاوي التفدي بالمال والجسد والروح
خاوي القلبو عن كل المزلة صفوح
خاوي الايدو تدي ووشو ديما صبوح..

ثم تأتي لحظة يجبر الله فيها بخاطرك ، لحظة يفز لها قلبك تشفي جميع كسوره ، يعوضك عما كان ، يفرحك حتى تبكي ، فأطمئن سيمر كل مر ،سيعوضك الله بالأجمل ،
#مريوومة

أبشروا تعالوا ياجنيات
شليل ما راح .. شليل ما فات
شليل عند المسور مرق بقالو حصاد
شليل فوق التقانت قام خضار و بلاد
شليل مشوار.. شليل مسدار
شليلنا أرضنا يا جنيات
شليل ما راح .. شليل ما فات

في عيونك حاجة خاينة .. خوفي من تفرض وجودا .. تنهي تاريخ من عواطف .. و ريدة ما معروف حدودا 💔

ما تشيلي براك..ما قلنا الهم بنشيلوا سوا..💔

يا واحد يا احد يا واجد يا جواد انفحنا بنفحة خير منك انك علي كل شيء قدير ..

الغربة ما حزن الغياب
‏الغربة للروح في البدن
‏يا منفي بينات الصحاب

مكتوبة في الممشى العريض شيلة خطوتك للبنية ممدودة بالخط العديد في زمة الحاضر وصية
شاهدة التواريخ والسير والإنتظار أدوني من قبلك مناديل الوصول💕

#الق_الصباح🌸

يا متخبية خلف وضوحك
أمرقي داخل
تلقي الغيم الطاش إتلقط
لمّه وربطّ
ربطّ ونقط
نقط ورشّى
الغبن إتفشى
القابض طينك
وطاب في دوحك

مقال اليوم ١٥١..

مقال اليوم ١٥١
قبل سنة زي المواعيد دي كنت معدية في صالة المستشفي متأخر جدا في الليل ولاحظت إنه في شاب في مقتبل العمر فاتح كتاب وبيقرا. المنظر شدني جدا ومشيت سلمت عليهو، الشاب من جنوب السودان وكان بيذاكر في كتب الشهادة الثانوية وكانت مطبوعة بالإنجليزي، وتعرفنا علي بعض وحكي لي إنه رغبته يبقي طبيب،اتصورت معاه الصورة الاولي وهو بيذاكر، الشاب دا كان اصطاف في تيم النضافة بتاعت المستشفي واستغل لحظة الهدوء الليلي ديك عشان يذاكر. حقيقة لحدي اسي معجبة بي اصراره علي حلمه للدرجة البتخليه بعد يوم عمل مضني يذاكر اواخر الليل. بعديها بقي يزورني في الحوادث ويقعد معاي ويونسني عن الجنوب والحرب والخوف واحلام الهجرة وسط دهشة رفاقه اللي كانوا مافاهمين سبب قعدته مع طبيب الحوادث. وقتها بصراحة ما كان في زول بيتونس معاهم ويسأل منهم. المهم صاحبني في الفيسبوك وبعد فترة بلغني أنه سافر مصر. الشاب دا الليلة رسل لي صوره بعد ما التحق بكلية العلوم جامعة عين شمس ومعاها جملة بالانجليزي فحواها : " تصورت أنك قد تشعرين بالفخر بي". انا والله سعيدة جدا لي الشاب المهذب (كويث)، وسعيدة إنه في خضم التغييرات الجميلة في واقعه ومستقبله قدر يتذكرني ويوريني. التعليم غالي و عزم كويث رغم ظروفه خلاني أحس قدر شنو انا نواحة وشكاية. دايما لي قدام Kueth Wiah Biel .

I saw this young man once in the alleyways of our hospital searching for a quiet place to study for the entry exams to universities. That was one year ago. He used to work as a dustman in the hospital. I approached him and we talked after that many times. Afterwards, he left sudan and travelled to settle down in cairo. Today he sent me those pictures with the white coat on to tell me that he joined Ain Shams university, faculty of science.
Let us show him love and respect..

📖: #سهي_عبد_الحي..
#اشياءبسيطة..

والبسمه في خشيمو تحلى 💜

يا متخبية
وأنا مفضوحك
رنّة فرحك
صنّة ترحك
وين ما أقبل
ياني بروحك
أي مرتكب الصاح
ونصوحك