ي ال blacklist
لما مرة سألتو بكل براءة قلتا ليهو إنتا يا ( كمون ) ( العزيزة ) دي بتتصل بيك أكتر متين ..!!؟ لما تكون مضايقة ..!! ولا لما تكون إنتا الزهجان ....!! قلتا اشوفا بتحبو هو ....!!! ولا بتحب روحا أكتر ...!!؟؟
جاوبني بكل نقاء وأريحية ...!! قال لي صراحة لما تكون دايرا رصيد ....😳
( طلعت بتحب التلفون ( نملة الرصيد ) .....!!
دا أخطر نوع ....!! ما بشبع ...!!! قدر ما تديهو ..
يقول ليك هل من ....( رصيد ) ....!!!
قلتا ليهو شوف ياكمون هسا إنتا كدي روق وأهدي
و أعمل رايح كأنو ماعارفا هي وين ..!!! كويس ..!!
واتصل عليها ....
وياهم ديل نحنا شايفنهم قدامنا علي الهوا ...!!!
نشوفا بترد ...!!! ولا لا ......!!!!
( غايتو يا ( مارك ) الله يسعدك ...بالجد ما حرمتنا من شي )
المهم اتصل بيها وياها دي قداااامنا ....عاينت في التلفون وغمتتو رجعتو الشنطة وتكوضم
كمون داير يطرشق ....وبقي يورجغ ....
( بث اظبري لي ...لما الاقيك ،..لو ما أدبتك .) ...
( إنتا تااااني حتلاقيها با قيس ) .....!!! 😳
( يا اخوانا الزول دا انا افلقو ولا العمل شنو)
قلتا ليهو إنتا يا كمون علاقتك بالبت دي ليها كم ...!!؟؟
قال لي زمن طويل ياعلوب ...!!
أنا قلتا خلاص دي عشرة عمر ...!!
قال لي داخلين في الشهر التاني ....ياسلاااام ( عشرة الأيام) غايتو( كمون ) دا الله يدينا خيرو بس ....!!
قلتا ليهو وأصلا إنتا لاقيتا وين ....قال لي في
( محطة عشرة ) .....!!! ( شوفو ليكم منظر )
قلتا ليهو وباذن واحد أحد ( حداشر ) ما حتصلوها ....!!!
قال فالنطاين ...وانا اقول مالو حظك ( مطين ) كدا.....!!! اتاري من ( الفلطنة ) الانتا فيها دي ....!!!
قلتا لي أها هسا حتعمل شنو ....!!
قال لي خلاص ياعلوب ...قلبي أباها البت دي ...والله كشفا لي ( لايف)
قلتا ليهو بسسس كدا وصلتا وانا زماااان كلمتك ...وهي الخسرانة بالمناسبة ما إنتا ....
غايتو الليلة اول مرة في حياتي اشوف لي
( فالنطاين أون لاين .....!!
كمون دا ضحك ضحك .....!!
البركة في ضحكتك دي ياخ ...وشهر شهرين والتالت مرا .....!!
بس عليك الله عندي سؤال ياكمون ممكن ...!!!؟؟
قال لي اتفضل ...!!!
قلتا لي عليك الله إنتا ( العزيزة ) دي اسمها الأصلي منو
رد علي بي سرعة .....قال لي ...اسما ....
( العذيذة الما بتثال عن ظروفنا .....) 😜
وفقعناها ليك ضحكة مع بعض .....قربنا نقع .....!!
قلتا لي لا بالله بالجد كدا يا كمون اسما منو ...قال لي اسما
( لبني ) ....!!
قلتا ليهو كدي أتأكد ( لبني ) ولا ( لقمة )
كمون دا داير يدردق في الواطا من الضحك
اها ياصاحبي ما عزيتك ...كلو ولا كمون
يسعد مساك الخير ....!!!
وهابي فلنطااااااين .......!!!💔💔💞

#اشياءبسيطة..

آه يا غبش
ما عندي ليكم غير نغيم
برجوه ينفض لي غبار زمن القسا
الكتّاح
يهز عرجون نخل صبر الغلابة الطال يحِتْ يخرِتْ
تباريح الأسي الممدودة فوق نور الدُّغُشْ
يا نورا آه

تختا الدراويش الضّريحْ
يسكن خلاوينا الجنون
يهجر جوامعنا الإله
يا نورا آه

يا مطر عِز الحريق
يا مصابيح الطّريق
يا المراكبية البِتجبِد
من فِكْ الموج الغريق
يا الجزاير النتحويبا
لما إنشعوز بحرنا
جينا ليك والشوق دفرنا
يا المحطات الحنينة
القصّرت مشوار سفرنا

اصبحنا واصبح الملك لله..
صباااااح الخيير.. 💜

ثم يزول كل شئ ظنناه بجهلنا باف؛ ونفارق ونفارق ثم يمر كل الذي مر وتبقى آثاره عالقة بين ضلوعنا ويبقى الله في كل حين جابر الخواطر ،
يا الله أجبرني جبرا" يجعلني أنسى الحزن ، أنسى كيف بكيت وجعا" ، يا الله

عناوينك بقت في زحمة الزمن
الكساك غربة و سقاك انين
تواشيح ل مكان مبهم
تحلق في سماهو الروح
تفتش زول سكن
نبض الحنايا سنين ...!!

ولد شلناهو للأيام
مسك شارع المطار شرق
لمحناو زي خبر عاجل
وزي رفة حمام زاجل

وإنت مَعاي ولا بَندم .. ولا بقضي العُمر تَبريح ..™

حلمتك في سجده .. سهاني الخشوع
تليتك في سرّي.. يا اجمل ربوع
تكبّر في داخلي .. تهم بالركوع
تسلّم .. نسلّم .. قبل الامام
نسيبو الـ .. يتمّم .. في باقي الكلام
تجاهك ندمدم .. غناوي السلام

الطبشيرة بي روحا النقية و بيضا
بتفتت كلاما و روحا في السبورة
و كلما تزيد كتابة بتقصر تموت حباتا
في الواطة بتطير منثورة
تموت بين الأصابع فجأة
مبسوطة بتموت مرتاااحة
شان في الدنيا ادت دورا

صابرين..
صابرين..
ياحزن الغنا..
صابرين..
من بعد الضنا..
صابرين..
على وعد المنى..
صابرين..

ياخ اتفضل قلبي حبابك. ياني ديارك وياني صحابك. ياني رذاذ المطر الجابك. وياني حضورك رغم غيابك..💕

#الق_الصباح🌸

لعبة قصب في إيدين طفل
‏الحيطة وكتينها التقع
‏تقع ألف وجعة على الضُلع
‏دُخانها يمرق في السما
‏آهاتو تنزف في الأرض
‏بحر الصبر والإحتمال بيناتن إنقطع ترع
‏لا يلقى يربط لا يحل

لما الشمس قالت تداعب سمرتك
كان ظلي في قيدك اسير
مابالبعاد او فرقتك
واقف مابيني بينك والهجير 💜

تعالوا ابشروا
ياجنيات
شليل ما مات
شليل ما مات
شليل بايت علي
عشقين :❤️
تراب بلدو
وسماح فوق بت مزارعية
وبقول غنوات 💓🌸

عينيها في الصيد والمهاا.. وجبينا بالنور والبها.. والطيبه ابيض قلبها

يسوي من الفرح عمه..
يدرع شال من الاحزان..
يدس الشال عشان ما نشوف..
عذابوا وإِنة الحرمان..💔

يابت العرب النوبية
يابت النوبة العربية
بي ريحة قهوة بجاوية
أو شدر الصحوة الزنجية
دسيني من الزمن الفارغ
من ريحة المتع الوكتية
من شر الساحق والماحق

اصبحنا واصبح الملك لله..
صباااح الخير.. جمعة مباركة.. 💜