وانت هناك واقف يا معلّم
علّم علّم يا مُتألم
ياشمعات بتحرّق روحها
شان ماتضوى طريقنا مضلم
ايوه صحيح صعبانه العِيشه
وبرضو صحيح الحال مُتأزم
الجزّار راجيك تديهو
وفى الدُكان الدين مُتردم
الا عشمنا كبير اتصبّر
امسك رايتك اوعى تسلِّم
ايا رافعنا القمر العالى
ايا منعمنا وما مُتنعّم!! ..
#فيصل_خليفة ..
علّم علّم يا مُتألم
ياشمعات بتحرّق روحها
شان ماتضوى طريقنا مضلم
ايوه صحيح صعبانه العِيشه
وبرضو صحيح الحال مُتأزم
الجزّار راجيك تديهو
وفى الدُكان الدين مُتردم
الا عشمنا كبير اتصبّر
امسك رايتك اوعى تسلِّم
ايا رافعنا القمر العالى
ايا منعمنا وما مُتنعّم!! ..
#فيصل_خليفة ..
الصورة من مخيم للاجئين في شرق #تشاد اسمو مشروع عَلم طفلاً .. الطفلة اللابسة طرحة خضرا اسمها زويرا .. 💜
❤1
مقال اليوم ٩
احيانا تكون هناك طرف تخلقها المواقف
اليوم كنا في جولة في مدارس حلفا القديمة - اقصد وادي حلفا - اذ كان العم حسن انتهرني بوجه غاضب عندما سمعني اقول حلفا القديمة بلهجته المحببة تقرا بلهجة أهل حلفا ( ايه الخلاها قديمة )
المهم كان مدير مرحلة الأساس في جولته معي في المدارس نراقب كيف يمضي مشروع البان المدارس ( مشروع لتوزيع الألبان مجانا في بعض مدارس الخرطوم والبحر الأحمر ووادي حلفا ) وللزيارة أهداف كثيرة منها إقناع الطلاب ان يشربوا اللبن داخل المدرسة حتى لايتم استبدال اللبن بالسجائر مثلا من الدكاكين خصوصا لطلاب الصفين الثامن والسابع وبصورة عامة نود ان يكون المشروع داخل المدرسة وإلا يحمل الطلاب والطالبات العبوات للبيت
مدير المرحلة أراد في احدى المدارس تشجيع الطلاب المخالفين
بصوت عالي : نشرب اللبن فيين ؟
الطلاب يصرخون : في المدرسة
فييين
في المدرسااااا
المهم تحمس كما تحمس الشاب الذي أعجبت حبيبته بحكاويه وشجاعته لما ذهب للحرب فلما لاحظ حماسها قال ليها - وبالمناسبة انا استشهدت قبل كدا -
اها مدير المرحلة قال ( فين الاول بتاع الفصل دا ؟! )
نهضت طفلة وديعة وقالت انا ... مدير المرحلة قال ليها بتشربي اللبن فييين يابنتي وهو يضع يده على كتفها مبتسما وواثقا - في محاولة ربطه لشرب اللبن في المدرسة بجعل التلاميذ اذكياء
الطفلة :/ بشربو في البيت 😕
فقال المدير بإحراج - فين التاني بتاع الفصل دا ؟! -
ذكرني هذا حينما قال متحدث أنصار السنة في جامعة الخرطوم حينما تحدث بانفعال ( ماتشبكونا كريم المعتقدات وكل زول يعبد الداير يعبدو البلد دي فيها أغلبية مسلمة وحبة مسيحيين في زول هنا ياطلااااب بعبد بقرة مثلا ؟! في ياطلاب ؟؟! )
فما كان من الداهية ود الزين الا ان رفع يده عاليا نكاية في المتحدث الذي اسقط في يده فقال :- في زول تاني ياطلاب غير دا بعبد بقرة 😆😆
كما ذكرني ذلك وانا اكتب لكم هذه القصة بحلقة النيل الازرق عن المخدرات والمذيعة تستضيف رتبا من شرطة مكافحة المخدرات
اتصال هاتفي مع محشش من خارج الاستديو
المذيعة تريد ان تعكس ان المخدرات تمثل خطورة على الاسرة
وزوجتك رايها شنو لما تشرب الحاجة دي يافلان ؟!
المحشش :- والله بتقول اني بقيت ظريف ولطيف..
#عمر_عشاري ..
#اشياءبسيطة..
احيانا تكون هناك طرف تخلقها المواقف
اليوم كنا في جولة في مدارس حلفا القديمة - اقصد وادي حلفا - اذ كان العم حسن انتهرني بوجه غاضب عندما سمعني اقول حلفا القديمة بلهجته المحببة تقرا بلهجة أهل حلفا ( ايه الخلاها قديمة )
المهم كان مدير مرحلة الأساس في جولته معي في المدارس نراقب كيف يمضي مشروع البان المدارس ( مشروع لتوزيع الألبان مجانا في بعض مدارس الخرطوم والبحر الأحمر ووادي حلفا ) وللزيارة أهداف كثيرة منها إقناع الطلاب ان يشربوا اللبن داخل المدرسة حتى لايتم استبدال اللبن بالسجائر مثلا من الدكاكين خصوصا لطلاب الصفين الثامن والسابع وبصورة عامة نود ان يكون المشروع داخل المدرسة وإلا يحمل الطلاب والطالبات العبوات للبيت
مدير المرحلة أراد في احدى المدارس تشجيع الطلاب المخالفين
بصوت عالي : نشرب اللبن فيين ؟
الطلاب يصرخون : في المدرسة
فييين
في المدرسااااا
المهم تحمس كما تحمس الشاب الذي أعجبت حبيبته بحكاويه وشجاعته لما ذهب للحرب فلما لاحظ حماسها قال ليها - وبالمناسبة انا استشهدت قبل كدا -
اها مدير المرحلة قال ( فين الاول بتاع الفصل دا ؟! )
نهضت طفلة وديعة وقالت انا ... مدير المرحلة قال ليها بتشربي اللبن فييين يابنتي وهو يضع يده على كتفها مبتسما وواثقا - في محاولة ربطه لشرب اللبن في المدرسة بجعل التلاميذ اذكياء
الطفلة :/ بشربو في البيت 😕
فقال المدير بإحراج - فين التاني بتاع الفصل دا ؟! -
ذكرني هذا حينما قال متحدث أنصار السنة في جامعة الخرطوم حينما تحدث بانفعال ( ماتشبكونا كريم المعتقدات وكل زول يعبد الداير يعبدو البلد دي فيها أغلبية مسلمة وحبة مسيحيين في زول هنا ياطلااااب بعبد بقرة مثلا ؟! في ياطلاب ؟؟! )
فما كان من الداهية ود الزين الا ان رفع يده عاليا نكاية في المتحدث الذي اسقط في يده فقال :- في زول تاني ياطلاب غير دا بعبد بقرة 😆😆
كما ذكرني ذلك وانا اكتب لكم هذه القصة بحلقة النيل الازرق عن المخدرات والمذيعة تستضيف رتبا من شرطة مكافحة المخدرات
اتصال هاتفي مع محشش من خارج الاستديو
المذيعة تريد ان تعكس ان المخدرات تمثل خطورة على الاسرة
وزوجتك رايها شنو لما تشرب الحاجة دي يافلان ؟!
المحشش :- والله بتقول اني بقيت ظريف ولطيف..
#عمر_عشاري ..
#اشياءبسيطة..