أشياء بسيطة

انا السودان جمال اشراق وعيديه
انا السودان بضي شمسو النهاريه
انا النيل الصحي بوافي بغني مع المراكبيــــه
انا عيون المها الضوت تحاكي الطلعه ورديه 💕

#الق_الصباح🌸

4.21K viewsMaram Shwgi, 07:14

أشياء بسيطة

ويا صاحبي
حضنك زي صباح العيد
علي الأطفال

#تسنيمة💚

6.88K viewsSimple 🌸, 08:00

أشياء بسيطة

Forwarded from أشياء بسيطة (Mgd Al-Din)

165 viewsMgd Al-Din, 13:03

أشياء بسيطة

يا ضل مفروش جوات الحوش
مقشوش و نضيف من قول الزيف
مرشوش بي موية ريد و حنان💕

📷:مدثر منعم

#الق_الصباح🌸

4.42K viewsMaram Shwgi, 13:07

أشياء بسيطة

الشاي .. حياة اخرى 💜

4.41K viewsSimple 🌸, 14:00

أشياء بسيطة

ضلعا ممنوعة من الفرحة
‏من حقها تبكي بحرية

4.13K viewsMANHAL, 16:22

أشياء بسيطة

والحوش مرشوش ..💜

4.12K viewsMohammad Aam, 17:54

أشياء بسيطة

‏لو يوم طيوف لحظك تفوت
‏تعبر خيالاتك تَمُر
‏قلق المواعيد الضجر
‏سهر العيون الإحتراز
‏وإتعزز النوم الخزاز
‏وإتمدد الشقا في العُمُر

4.71K viewsMANHAL, 19:43

أشياء بسيطة

مقال اليوم ١٥٠
مصطفي في الذاكرة (الرحيل) ..

في مثل هذا اليوم قبل 22 عام
14/1/1996
الساعة الواحدة صباحا
لوس انجلس كاليفورنيا

نص المحادثة الهاتفية لي د.متوكل مع الراحل المقيم مصطفى سيد احمد اثناء تواجده بدولة قطر :

- آلو منو
- مصطفى يا دكتور متوكل
- أهو كويس عرفتني طوالي
- معقول صوتك يغبى علي
- الله يخليك يامصطفي .. طمني علي صحتك
- اهو الحمدلله عايشين وبنصارع
- ليه صوتك كده ماتضعف أنت راجل شجاع
- يادكتور ...
- معليش يامصطفي والله صدقني كلنا حاسين بآلامك بس شد حيلك وان شاء الله كل شي يكون تمام ،، بالأمس كنت أتكلم مع زميلي وأخي الأكبر د.عمر عبود وأخبرته أن أخصائي أمراض الكلي وجراح زراعة الكلي هنا معنا في جامعة UCLA والوحيدين في العالم الذين لهما أحسن النتائج في مثل حالتك هذه وقد راجعا الملف الطبي بتاعك وهم علي درجة عالية من الثقة بمقدرتهم في التحكم بحالة البطن ونسبة ال Cure فيها عالية ومن ثم الزراعة تكون سهلة خالص وناجحه بأذن الله
- ان شاء الله يادكتور متوكل بس أنت ماعارف الشيء ده بيطحن في بطني كيف الله لاوراه لي زول
- صدقني يا مصطفي والله د.عمر وأنا عارفين بس ده التلفون الثالث مني ولي هسع ماعارف حتجيني متين ؟؟ وريني الحاصل شنو ومنتظر شنو ؟؟
- منتظر الشفاعه يا دكتور متوكل
- الشفاعه ؟ الشفاعه من منو ؟ وفي شنو ؟
- خليها في سرك يا دكتور
- لا ماحأخليها في سري أنا طبيب ولازم أعرف الحاصل شنو والممكن شنو أنا ود.عمر والأخوة عمله من هنا يامصطفي أنت عارف نحنا بنسابق بيك الزمن بالله سيب طيبتك وخجلك ده وكلمني المشكله شنو والا ما حأضرب تاني
- ماتزعل يادكتور المشكله الباسبورت
- الباسبورت ؟ باسبورت منو ؟
-باسبورتي أنا يا دكتور محجوز
- يا مصطفي باسبورتك السوداني محجوز !!؟
- أيوه يادكتور متوكل
- منو الحاجزو وليه !!؟؟
- قصه طويله
- شي يحير بالله عليك الله وريني ديل منو والسبب شنو عشان هنا من أمريكا أسل لساني وأوديها لكل الجرائد والمجلات الأمريكية عشان العالم كله يعرف أنو فنان بقامتك كده ومريض في حالتك دي باسبورته محجوز عايزين منك شنو !؟؟؟
- عشان عارفك عمرابي أحمق ماكنت عايز أكلمك لكن حأقول ليك بقدر ما أستطيع بس أنت أسمع وما تعلق عشان ما تعقد الأمور
- طيب يامصطفي وريني الحاصل شنو الله يرضى عليك
- يادكتور باختصار شديد لازم أدفع مبلغ 40 ألف دولار قبل ما يدوني الباسبورت
- 40 ألف دولار لشنو ؟
- جزء من أجرة الغسيل والأدوية
- بالله يامصطفي وصلت كده ؟ يحجزو على باسبورت مريض زيك عشان ما قادر يدفع قروش ؟؟
- والله ده الحاصل يا دكتور
- طيب يا مصطفي أخوانك السودانيين في الغربة عملو شنو؟
- والله المساعي جاريه
- جاريه مع منو ؟ وبيحنسو في منو ؟ ولشنو ؟
- لو ماعندهم القدره وده كلام أنا ماقادر أفهمه طيب يخلوك كان تعمل حفلات وتدفع قروشهم من عرق جبينك ولاجميلة أي واحد فيهم
- اها يادكتور ماتتحمق تصدق أنا طلبت منهم يدوني باسبورتي أمشي بيهو الامارات أعمل حفلات وأدفع ليهم قروشهم
- والحصل شنو ؟
- برضوا رفضو
- يا مصطفي الماسك باسبورتك منو بالتحديد !!؟
- اها فورت زي أي سوداني زي ماقلت ليك عارفك عمرابي أحمق لو وريتك عاوز تعمل شنو؟
- أنت بس مالك وريني وأنا بتصرف
- بوريك بس ماهسع
- ليه؟
- لأنه في مساعي جاريه
- ده كلام فارغ سيبني من المساعي والزول الزيك لو في بلادنا في ذره من التقدير للفن كان يعملو ليه تمثال مش يحجزو باسبورته !! أصلها جبانه هايصه وعشان كده ما حتقوم لينا قايمه مش لو جانا بترول والله لو قلبو ليهم البحر طحنيه ما منهم فايده
- يادكتور اها ولعت حاسب علي كلامك شوية أحنا ما في السودان
- ولابحاسب ولاحاجتين
- عارفك عمرابي أحمق .. أقول ليك وعد أديني أيام وحاأحلها صدقني يا دكتور
- مصطفي الله يرضي عليك مافي زمن أنت عارف نحنا بنسابق الزمن بمرضك ده وأنت عارف عندك شنو
- عارف يادكتور
- طيب يامصطفي حأديك 72 ساعه وبعدها ...
- وبعدها حتسوي شنو يعني حتسوي انقلاب هاهاهاهاها
- والله ياكا مصطفى بتضحك حتي في لحظات الألم الشديد والظلم والله أنا عايز أطرشق هسع
- عارفك كدي بالله خلينا .. أنا رسلت ليك شرائط وفيديوهين جميلات وصلوك ؟؟
- أيوه وصلو والله من التعب لسه ما شفتهم ولا سمعتهم
خليك من الشرائط يلا انتهي وقوم تعال بسرعه أنا راجيك
- حاضر يادكتور ربنا يخليك ويحفظك لينا
- ربنا يحفظك ويخليك لينا أنت السودان ممكن يجيب مليون زي متوكل لكن ما أظن يجيب واحد زيك بالساهل تاني
- أفو يادكتور سودانا عظيم وحيجيب مليون زي مصطفي ده شعب ترهاقا ومهيره بس أصبروو
- يلا يا مصطفي أنا ماشي أنوم الساعه بقت اثنين صباحا
- بالله الساعه أتنين صباحا في أمريكا وانا عندي ظهر وحا أتغدى بي باميه وتقول لي العسيلات تحذر أمريكا
- هاهاهاها الله يجازيك يا مصطفي شفتها في صوره في جريدة الشرق الأوسط امبارح
- بالله شفتها يادكتور
- مصطفي أي شفتها أيوه العسيلات تحذر أمريكا أصلوو الكلام بقروش ،، يلا تصبح علي خير

6.07K viewsMgd Al-Din, edited 20:46

أشياء بسيطة

أنا في انتظار مكالمتك بعد 72 ساعه فقط
- حاضر جنابك
- تصبح علي خير
- وأنت سالم يا دكتور

................

بعد 3 ايام ..
لوس أنجلس كاليفورنيا
السابع عشر من يناير
التلفون يرن الساعة الرابعة صباحا !!

-متوكل .. الو يا سلام يا مصطفي والله في مواعيدك ذي ما وعدت .. أها ان شاء الله تكون حليت مشكلة الباسبورت وجايني متين ؟؟ أنا منتظرك ياخي يلا تعال
- يا متوكل أنا ما مصطفي أنت منتظر منو محادثة ولا شنو؟
- أيوه ...أنت منو؟
- الله ماعرفتني أنا د. عمر عبود
- معليش يادكتور عمر أصلو انا متوقع تلفون من مصطفي يوريني فيه جاييني متين علي حسب ال أنت وأنا بنجهز ليهو فيه
- متوكل هو مواعدك الليله دي عشان يوريك حيجيك متين ؟
- أيوه يا دكتور عمر لأنو أنا أصريت علي كده ما أنت عارف نحن بنسابق بيهو الزمن .. ليه الحاصل شنو ؟

- متوكل شد حيلك وان شاء الله البركه فيك مصطفى اتوفى

- الو .. الو .. متوكل أرفع السماعه الو .. الو متوكل شد حيلك وأرفع السماعه خليني أحكي ليك الحصل شنو
الو الو الو الو طيب يا متوكل حأتكلم معاك وقت تاني أنا عارف كيف الخبر ده حيكون صعب عليك في الغربة بس شد حيلك يلا أضرب لي لمن تكون عاوز تتكلم أنا حأنتظرك ..

.......................

ومشيت معاك كل الخطاوي الممكنة وبقدر عليها وبعرفا أوفيت وما قصـّرت في حقك ولا كان عرفة غيرك أصادفا

مالدنيا كلها انتظار والارتحال قدر الفصول 💔

والله نحنا مع الطيور الما بتعرف ليها خرطة
ولا في ايدا جواز سفر
نمشي في كل المدائن
نبني عشنا بالغناوي وننثر الافراح درر ❤️

ولسة بيناتنا المسافة.. 💜
#غنيناك_وبنغني 💫💙..
#اشياءبسيطة..

6.16K viewsMgd Al-Din, edited 20:46

أشياء بسيطة

9:34

This media is not supported in your browser

VIEW IN TELEGRAM

4.11K viewsMgd Al-Din, 21:04

أشياء بسيطة

اصبحنا واصبح الملك لله..
صباااااح الخييير.. 💜

6.08K viewsSimple 🌸, 04:30

About

Blog

Apps

Platform