أشياء بسيطة

Forwarded from A O

👍1

1.54K views17:18

انتبه أمامك مصري ..
في نوعين حالياً قرو العنوان ده نوع اتجاوزو سريع ونوع فتح يقرا الباقي ..النوع الاول عقلو الباطان اتعامل مع العنوان ده كتير ووصل مرحلة انو زهج او انو مامهتمي بالموضوع والتاني سايقو حب الاستطلاع او في نوع ممكن نقول تالت مهتم بي اي شي بتعرض في اشياء بسيطة ..كيف انت تحمي عقلك الباطن من البحصل في الفيس بوك لانك بمجرد تدخل بتدخل عالم تاني بكون التعامل كلو بالعقل الباطن واذا ما حميته حتكون هش في تعاملك خارج النظام ده ..ما كل البيتعرض في الفيس بوك حقيقي او بصورة ادق ماكل البيتعرض مفترض انت تتفاعل معاو .. يعني ما تبيع دماغك لي اي جهة ..في جهات كتيرة بتبث مواد مغلفة بالعسل بس البامية ماياها ..معظم الصفحات السودانية البقت حايمة تحمل محتوي ادني من الصفر صور كيف كيف وفديوهات كيف كيف وتبث الاشاعات والفتن .. الصفحات دي فيها انّ ..وفيها شي غريب..يعني لو انت فاضي بس عليك الله خش اقرا التعليقات.. مثلا صفحة نزلت منشور جايبين صورة بت وكاتبين انو البت دي لقوها مقتولة في بيت مشبوه ..حتلقي كل التعليقات (البلد دي بقت مانافعة ..الكيزان خربو البلد ..الله يلعن الكيزان ..تييييت تيييت تييت ..المارعرفو داك شنو تيييت ...الخ ) والتعاليق الزي دي جايبة لايكات كمية .. وبتلقي زي تعليقين بالكتير ..(يا اخوانا اتقو الله البت دي بعرفا ولا ماتت ولا شي) ..وتعليق تاني( البت دي بت جيرانا يا جماعة وماف كلام زي ده) ..التعليقين ديل بالزات مافيهم اي لايك ولا في زول شغال بيهم ..ولو انت فاضي شديد قوم خش علي تعاليق الجماعة البشتمو حتلقي البروفايلات غريبة ..لا فيها منشور ولا اصدقاء "حاجة تحير" ..والبتلقا فيو اصدقاء بكونو بالعدد ولو فتحتهم حتلقي كلها اسامي غريبة وصور بروفايلاتهم خليعة ..وحتلقي الاتنين الماف زول شغال بيهم حسابات عادية ليهم اصدقاء ومتابعين وفي حركة يعني بتحس انهم ناس زيهم زيك :D ..وفي النهاية بكون منشور البت دي اساسا فبركة ساي وانت لو كنت جيت ماري ساي كده ولقيت المنشور ده كنت حتضايق وعقلك الباطن حيقول ليك دي بلد دي؟..البلد انتهت ..وهكذا ..
الحاصل كلو في ناس دايرة تعود عقلك علي انو البحصل في الفديوهات والصور والكلام ده ،انو ديل انحن ود الوصلنا ليو ،لكن ما صاح الكلام ده ..
بعض البتشوفو ده كان بيحصل من قبل يولدوك وفي اصلاً بس فعل فردي ومضاري وما بمثل غير سيدو وسيدو زاتو بكون خجلان منو ..وفي اي بلد في وفي اي مجتمع في ..في الصالح وفي الطالح ..
بس في جهات حاليا بتحاول تسوق الطالح ده علي اساسا ده الاكثرية وده الانحن ماشين عليو .. وعشان عقلك يتعود علي المشاهد دي..وتنقاد بي سهولة ..زي الغنماية ..

ف شنو انت ماتبيع عقلك الباطن بالرخيس كده ..يعني صحيح الواحد بقي بخش الفيس بضايق وبطنو بطم من المنشورات لدرجة انو يحس انو يخلى الفيس ..

لكن في الحقيقة لسة في خير ولسة بنحترم الكبير ولسة بنهتم بالجار ولسة بنسلم علي الناس في الشارع وبندفر لي بتاع الامجاد عربيتو وبنقيف لعمك ولي خالتك و للبت في المواصلات ..وبناكل كسرا وبنتعشي بوش :D ولسة ولسة ..

1.75K views18:02