Forwarded from قهوتي انتي (osman alkhateeb)
#بلاغ _رقم_53
#تحذير :_
( النص طويل ويحتوي علي مزيدا من الاكتئاب الذي تكتشفه في نهايه البوست رغم تلك الابتسامات الموزعه )
اما بعد :_
كانت تمقت بوستاتي وتلك الحوارات السخيفه .
كنت انا ايضا اتوضي من عينيها شوقا وابتسم #لعزه .
كنت علي يقين انا بالخيانه ومباراه جثث الموتي ، وروائح الشهداء شهداء الخبز وجور السياسه .
فسخافه واقع الحوارات كانت تحتاج لبتسامتها وتصريحات الساسه ايضا كانت تصيب داخلي بالاكتئاب فكنت اغتسل ايضا في عيناها .....
اما قبل
_ذات حوار دعوتها لنسمع كما يفعل العاشقين لمصطفي سيد احمد فابتدرت انا #بعم_عبدالرحيم فبداء وجهها فرحا عندما غرد "بفتاح يا عليم رزاق يا كريم .
استوقفتني عندما قالها بصوته الشجي صلي علي عجل ، كنت متيقن جدا من سؤالها الاستوقافي لما صل علي عجل ؟ فدعوتها لفنجان قهوة وناديت الصبر يقينا لتبتسم .
فيما تلي كان المشهد صلاه العود مع تلك العينين وفنجان القهوة فتحت لي الدنيا ابواب الشكر سلاما .
فحملت طفلتي بين كتفي سلاما .... بذات البساطه وشكل تلك المواني ، نسيت قهوتي في يدي واحترمت هي تلك اللحظات شرودا ، فرايت ما رايت من ابتسامات الكون وهي بجانبي ، فكلما كبرنا تمسكت بالحياه والحياء وازدادت جمالا .
قدت معاها في ذالك الزمان حوارات .
وكانت كلها بخير ، معاناه قوت يومي لم تمحو ابتسامتها وشعورها بالرضا ، كل الناس ايضا كانت بخير ، قهوتي في يمناي وطعم شاي اللبن من يدها في لساني .
غنوه كنت اسمع خالي يرددها عندما كنا صغار كنت ارددها ايضا ل طفلتي ، (تبتبا تبتب ... )
كانت تغيظك بجنونها فهي طفلتي وكنتي تبتسمين لها بكامل الرضا .
فحلوي في يدها كانت كافيه لاكسب رضاها وبعض الجنيهات ايضا ، حدثتيني عن نسوه الحي الشمالي وعن تلك المناسبه التي تستحق غيابك لساعات .
مشاهد كانت مرت في خاطري وانت في جانبي يبدوء ان ما سمعته من ذالك المجنون بتجسيد مصطفي وبخروجه في ابهى صور الكمال من العود كلما غني . كان صحيحا .
يبدو انه زودها هذه المره فتلبسني جدا فكان الرضاء
#صحوت علي دمعتك وصوته عند تلك اللحظات (عم عبد الرحيم .. فى الشارع عَصر
لى تالا اليسار
متفادى الكَجر .. دورية الكجر
طوحت الحُمار .. وطوَح زى حجر
وعم عبد الرحيم .. إتلافا القطر
فتاح يا عليم .. سال الدم مطر)
كنتي اجمل مايكون بالرغم من مشهد الحزن ، وكنت انا العائد من تلك اللحظات المفرحه ، المشهد يحتاج لترجمه في داخلي فانا ايضا كنت اقف هنا في سابق سماعي لتلك الاغنيه ، متاملا حد الدهشه فتحضر في داخلي صوره الوطن من اقص الشمال حاملا معي تفاصيل( القراصه وتلك التمرات) ضاربا في تلك النخلات اجمل اللحظات ، الي اقص الجنوب حيث صديقي منقو وتلك الرقصات التي تضرب الارض عنوه وشجرات الابنوس
متبرك بتصورات جدي المتصوف في اقص الشرق ذاكرا الله في تلك القبه (سيدي الحسن ) وحنين يجرني لجبال النوبه وتخيل تلك القبائل هناك ، وبرتقال الحياه المزروع هناك #لا_ادري لما ولكن يبدو انها كانت ارض النبواءت القديمه وحقيقه كل الحضارات .
ابشري فرحا يا انتي فانه كما قال
(جرتق لى التُراب
منشور بى كتاب
روشتّة .. وجواب
مفتاح أب قُراب .. أورنيقين سَهَر
جنب لِبدة حُمار
مقطوعين ضَهر
... عم عبد الرحيم ..يا كمِّين بشر
صحِّى الموت سلام
ما يغشاك شر ..)
#يتبع
#عثمان_الخطيب
#تحذير :_
( النص طويل ويحتوي علي مزيدا من الاكتئاب الذي تكتشفه في نهايه البوست رغم تلك الابتسامات الموزعه )
اما بعد :_
كانت تمقت بوستاتي وتلك الحوارات السخيفه .
كنت انا ايضا اتوضي من عينيها شوقا وابتسم #لعزه .
كنت علي يقين انا بالخيانه ومباراه جثث الموتي ، وروائح الشهداء شهداء الخبز وجور السياسه .
فسخافه واقع الحوارات كانت تحتاج لبتسامتها وتصريحات الساسه ايضا كانت تصيب داخلي بالاكتئاب فكنت اغتسل ايضا في عيناها .....
اما قبل
_ذات حوار دعوتها لنسمع كما يفعل العاشقين لمصطفي سيد احمد فابتدرت انا #بعم_عبدالرحيم فبداء وجهها فرحا عندما غرد "بفتاح يا عليم رزاق يا كريم .
استوقفتني عندما قالها بصوته الشجي صلي علي عجل ، كنت متيقن جدا من سؤالها الاستوقافي لما صل علي عجل ؟ فدعوتها لفنجان قهوة وناديت الصبر يقينا لتبتسم .
فيما تلي كان المشهد صلاه العود مع تلك العينين وفنجان القهوة فتحت لي الدنيا ابواب الشكر سلاما .
فحملت طفلتي بين كتفي سلاما .... بذات البساطه وشكل تلك المواني ، نسيت قهوتي في يدي واحترمت هي تلك اللحظات شرودا ، فرايت ما رايت من ابتسامات الكون وهي بجانبي ، فكلما كبرنا تمسكت بالحياه والحياء وازدادت جمالا .
قدت معاها في ذالك الزمان حوارات .
وكانت كلها بخير ، معاناه قوت يومي لم تمحو ابتسامتها وشعورها بالرضا ، كل الناس ايضا كانت بخير ، قهوتي في يمناي وطعم شاي اللبن من يدها في لساني .
غنوه كنت اسمع خالي يرددها عندما كنا صغار كنت ارددها ايضا ل طفلتي ، (تبتبا تبتب ... )
كانت تغيظك بجنونها فهي طفلتي وكنتي تبتسمين لها بكامل الرضا .
فحلوي في يدها كانت كافيه لاكسب رضاها وبعض الجنيهات ايضا ، حدثتيني عن نسوه الحي الشمالي وعن تلك المناسبه التي تستحق غيابك لساعات .
مشاهد كانت مرت في خاطري وانت في جانبي يبدوء ان ما سمعته من ذالك المجنون بتجسيد مصطفي وبخروجه في ابهى صور الكمال من العود كلما غني . كان صحيحا .
يبدو انه زودها هذه المره فتلبسني جدا فكان الرضاء
#صحوت علي دمعتك وصوته عند تلك اللحظات (عم عبد الرحيم .. فى الشارع عَصر
لى تالا اليسار
متفادى الكَجر .. دورية الكجر
طوحت الحُمار .. وطوَح زى حجر
وعم عبد الرحيم .. إتلافا القطر
فتاح يا عليم .. سال الدم مطر)
كنتي اجمل مايكون بالرغم من مشهد الحزن ، وكنت انا العائد من تلك اللحظات المفرحه ، المشهد يحتاج لترجمه في داخلي فانا ايضا كنت اقف هنا في سابق سماعي لتلك الاغنيه ، متاملا حد الدهشه فتحضر في داخلي صوره الوطن من اقص الشمال حاملا معي تفاصيل( القراصه وتلك التمرات) ضاربا في تلك النخلات اجمل اللحظات ، الي اقص الجنوب حيث صديقي منقو وتلك الرقصات التي تضرب الارض عنوه وشجرات الابنوس
متبرك بتصورات جدي المتصوف في اقص الشرق ذاكرا الله في تلك القبه (سيدي الحسن ) وحنين يجرني لجبال النوبه وتخيل تلك القبائل هناك ، وبرتقال الحياه المزروع هناك #لا_ادري لما ولكن يبدو انها كانت ارض النبواءت القديمه وحقيقه كل الحضارات .
ابشري فرحا يا انتي فانه كما قال
(جرتق لى التُراب
منشور بى كتاب
روشتّة .. وجواب
مفتاح أب قُراب .. أورنيقين سَهَر
جنب لِبدة حُمار
مقطوعين ضَهر
... عم عبد الرحيم ..يا كمِّين بشر
صحِّى الموت سلام
ما يغشاك شر ..)
#يتبع
#عثمان_الخطيب
👍1
ياجماعه في خاله بعرفها وضعها المادي صعب كده
عندها بتها بتقرا في الغربي دبلوم في سنه تانيه تجاره
دفعت ليها نص القروش والباقي ماقدرت تدفعه لانها بتغسل ملابس في البيوت يادوبك تتطلع حق الاكل والشراب لعيالها
وكانت حتتحرم من الامتحانات بس ادوها فرصه تسدد خلال الفتره الجايه
الباقي 1100
فياريت نقدر نجمع ليها المبلغ دا
جنيه مني ومنك ومن صحبك وكل زول بتعرفو بعمل فرق
وبرضه تكون شركتهم معاك الاجر باذن الله
ودي ارقام التبرعات زين وسوداني :
0127724502
0928070926
للاستفسار :
0906018587
ولو في زول عاوز يرسل كرت ممكن يرسل صورته ونوعه شنو في رقم الاستفسار واتس ويحرص على ان الصوره تكون واضحه
وماتنسوا الشير
عندها بتها بتقرا في الغربي دبلوم في سنه تانيه تجاره
دفعت ليها نص القروش والباقي ماقدرت تدفعه لانها بتغسل ملابس في البيوت يادوبك تتطلع حق الاكل والشراب لعيالها
وكانت حتتحرم من الامتحانات بس ادوها فرصه تسدد خلال الفتره الجايه
الباقي 1100
فياريت نقدر نجمع ليها المبلغ دا
جنيه مني ومنك ومن صحبك وكل زول بتعرفو بعمل فرق
وبرضه تكون شركتهم معاك الاجر باذن الله
ودي ارقام التبرعات زين وسوداني :
0127724502
0928070926
للاستفسار :
0906018587
ولو في زول عاوز يرسل كرت ممكن يرسل صورته ونوعه شنو في رقم الاستفسار واتس ويحرص على ان الصوره تكون واضحه
وماتنسوا الشير
أشياء بسيطة
يااااجماااال النييييل 💕 #الق_الصباح🌸
والخرطوم بالليل.. 💜
يوميات #علوب ....140 .....( حبر ومداد) ....!!!
كان معانا واحد في الجامعة اسمو ( الحبر ) .....البسمع ( الحبر ) يقول إمام الجامع ...!! ( إسم وقور صاح ...) أها ( الحبر ) مرمط الاسم دا في الواطة دي ......!!! ( محبرة وانكشحت ...)
هو طبعا زول لذيذ شديد ...وصاحبنا شديد ...وبراهو بقول لي أنا الجامعة دي مافي شي جابني ليها غير( البنوت ) ديل ....!!
ولا داسيها ...!! قال هو من عشاق الجمال ...!!! وبي أدب ....!!
مرات بقول شعر ....!! مرات بجدع دوبيت ....!!! وأحيانا قف تأمل ....!! وصراحة نظرتو مابتجلي ...وعينو نجييييضة ...!!
كنا مرات بنستدعيهو عديل كدا إذا حدث خلاف قانوني في تقييم إحداهن ...!! فلدي ( الحبر ) القول الفصل ..!! والخبر اليقين..!!
نقول لي فلانة دي هسا سمحة ولا الحاصل شنو...!! يعاين ليها كداااا وبدينا النتيجة .....!! ( في ملاريا ولا مافي...!! )
بعدين حافظ البنات السمحات ديل في الجامعة أكتر من المقررات ...!! وفِي كل الكليات..!! ( الحبر يعتمد اللامركزية نظاما للحكم )
هو أصلا بقرا ( اداب ) قال لي أنا كان رغبتي هندسة بس خذلتني الرياضيات ....!!.،....( إتخيل ليك منظر )
قال لي كنتا شاطر فيها شديد لحدي ماظهرو ناس ( س ) و( ص ) ديل ...إتعقدتا منها شوية .....!! ولمن دخلنا في ( المربع) ( وشبه المنحرف) أنا ذاتي انحرفتا
أها لمن ظهر ( جيب التمام ) ...!! قال لي بديت اقنع
واليوم الأدونا فيهو نظرية الاحتمالات عرفتا إنو أنا إحتمال كبير أجلي فكرة ( هندسة ) دي أصلا
قال لي لحدي ما وصلنا ( جتا ) و ( جتا٢) الواطا ضلمت ويووووم الظهرت ( ظتا ) طوالي ( شتتا ) ...قال ( ظتا ) قال .....
قال لي إنتا ( جتا وظتا ونق ٢ ) ديل شنو هن ......!! ؟؟ إنس ولا جن ....!!! نقعد نستنا ( شبه المنحرف ) لحدي ما ينحرف رسمي ... ونشارك في الجريمة دي .....يفتح الله ....!!! طوالي اتخارجتا ...
المهم الله جابني ( اداب ) ( الحنينة ) دي ....!! هسا لو ما ( اداب ) دي ذي ( سلافة ) دي كان نشوفا وين ....!!!
وصدق الحبر ) ...!!! ( كلنا سلافة ) .....!!
نحنا ذاتنا كنا بنجي مكركرين من كليتنا نتفرج فيها ونرجع
كان اسما ( سلافة الزرافة ...) أطول من العميد ......!!! سماحة قاطعة ....وبعد دا كلو ظريفة .....تضحك مع أي زول زي المضيفة...!! وأي واحد بتخيلا ضحكت معاهو حصريا ويرجع مبسووووط ....!!!
اها دي سلافة الفن ....! بت زي المطرة تهطل علي الجميع ....!!! وياهدية من الله والله بدّي الجنة ......!!!
المهم ( الحبر ) بس كدا مغرم بالجمال أينما حل ...حافظ البنات السمحات الفي الجامعة ديل حفظ ....!!
يقول ليك ( هويدا ) بت صيدلة ...( وسحر ) بت هندسة ....( أماني ) بيطرة ...وسعاد بت القانون ...اها ( سعاد ) دي كمان كتاب برا ...!! جاية من حتة بعيدة كدا في السودان الكبير دا ....لكن بالله الحق وقفت ليك بنات ( المنشية ) ديل في حدودن ...!! سماحة اصلو مامعقولة ...مرات بتلبس توب ...!! كرهت ليك البنات التوب ذاتو .....سامنها وكيل النيابة الاعلي ....!! ( حلا ووقار ) ...
غايتو السودان دا شايل شيل ....!! الله يحفظو بس .....!!
بهناك كمان ( إنتصار ) أيقونة إقتصاد .....!!
إنتصار دي كمان نااااار...... الحبر قال ( إنتصار ) انتصرت للحق والفضيلة والجمال ...مفروض يعلقوها في مدخل الكلية ويدفعو ليها راتب ....!!!
أها دي ميزة البلد دي ....!! تنوع عجيب
( والحبر ) عندو ( مسادير) في البنات ديل ...لدرجة إنو نص بنات الجامعة عندهن خبر بالقصة دي ...وفِي مسادير اتسربت
مره قال في ( سحر ) بت هندسة دي
******
سحر سحرتنا بي ديسا وجمالا الهادي
وسحر كتلتنا خلقه لمن هناك بي غادي
وكت الليل يجن...! والجامعة ليا تنادي
ما بسمع غير سحر ...!! ساحراهو جوه فؤادي
كلام والله ....
قلنا ليهو إنتا سعاد ( القيامة ) دي ليي ماقلتا فيها حاجه
قال في سعاد مابقدر أقول مسدار
سعاد اللبن الحليب بالرقاق الحار
سعاد ( كاتلاتا ) رقة وسماح ونضار
سعاد ( الزيت ) ...!!!
والزيت تحرم عليه النار
........هيييييع ....!!! أبشر ااالحبر
أها نوع الكلام دا بعجب البنات...!! فبقن يتقربن من ( الحبر )
كان يجدع فيهن مربوع ....ومن حظيت ....!!! عبرت..!!
الحبر بقي زي الزين .....!! مكتول في حوش الجامعة
تنتظره الحسناوات ليقول كلمة ...!!!!
والبنضم فيها الحبر ...ذي الجابوها في غلاف ( سيدتي )
يذيع صيتها ...!! وترتفع إسهمها ....!! ويتردد صداها في ردهات الجامعة
أها لمت ليك فيهو ( وعد ) ....!!!
( وعد ) دي شهادة لندن ....
إسما ( وعد صلاح ) شوف الأبو ذاتو إسمو منو ...!!؟
( تخجل يالحبر ) ....سايقا ( صلاح ) ....!!
أها ( وعد ) .... اللسان من الانجليزي لما معووج ...وهي خدورية ولذيذة كدا ...!! كل يوم لبسة جديدة ...!! وكلها حركة وحيوية ( شغل لندن كمان .....)
وهي مع ناس ( الحبر )
كان معانا واحد في الجامعة اسمو ( الحبر ) .....البسمع ( الحبر ) يقول إمام الجامع ...!! ( إسم وقور صاح ...) أها ( الحبر ) مرمط الاسم دا في الواطة دي ......!!! ( محبرة وانكشحت ...)
هو طبعا زول لذيذ شديد ...وصاحبنا شديد ...وبراهو بقول لي أنا الجامعة دي مافي شي جابني ليها غير( البنوت ) ديل ....!!
ولا داسيها ...!! قال هو من عشاق الجمال ...!!! وبي أدب ....!!
مرات بقول شعر ....!! مرات بجدع دوبيت ....!!! وأحيانا قف تأمل ....!! وصراحة نظرتو مابتجلي ...وعينو نجييييضة ...!!
كنا مرات بنستدعيهو عديل كدا إذا حدث خلاف قانوني في تقييم إحداهن ...!! فلدي ( الحبر ) القول الفصل ..!! والخبر اليقين..!!
نقول لي فلانة دي هسا سمحة ولا الحاصل شنو...!! يعاين ليها كداااا وبدينا النتيجة .....!! ( في ملاريا ولا مافي...!! )
بعدين حافظ البنات السمحات ديل في الجامعة أكتر من المقررات ...!! وفِي كل الكليات..!! ( الحبر يعتمد اللامركزية نظاما للحكم )
هو أصلا بقرا ( اداب ) قال لي أنا كان رغبتي هندسة بس خذلتني الرياضيات ....!!.،....( إتخيل ليك منظر )
قال لي كنتا شاطر فيها شديد لحدي ماظهرو ناس ( س ) و( ص ) ديل ...إتعقدتا منها شوية .....!! ولمن دخلنا في ( المربع) ( وشبه المنحرف) أنا ذاتي انحرفتا
أها لمن ظهر ( جيب التمام ) ...!! قال لي بديت اقنع
واليوم الأدونا فيهو نظرية الاحتمالات عرفتا إنو أنا إحتمال كبير أجلي فكرة ( هندسة ) دي أصلا
قال لي لحدي ما وصلنا ( جتا ) و ( جتا٢) الواطا ضلمت ويووووم الظهرت ( ظتا ) طوالي ( شتتا ) ...قال ( ظتا ) قال .....
قال لي إنتا ( جتا وظتا ونق ٢ ) ديل شنو هن ......!! ؟؟ إنس ولا جن ....!!! نقعد نستنا ( شبه المنحرف ) لحدي ما ينحرف رسمي ... ونشارك في الجريمة دي .....يفتح الله ....!!! طوالي اتخارجتا ...
المهم الله جابني ( اداب ) ( الحنينة ) دي ....!! هسا لو ما ( اداب ) دي ذي ( سلافة ) دي كان نشوفا وين ....!!!
وصدق الحبر ) ...!!! ( كلنا سلافة ) .....!!
نحنا ذاتنا كنا بنجي مكركرين من كليتنا نتفرج فيها ونرجع
كان اسما ( سلافة الزرافة ...) أطول من العميد ......!!! سماحة قاطعة ....وبعد دا كلو ظريفة .....تضحك مع أي زول زي المضيفة...!! وأي واحد بتخيلا ضحكت معاهو حصريا ويرجع مبسووووط ....!!!
اها دي سلافة الفن ....! بت زي المطرة تهطل علي الجميع ....!!! وياهدية من الله والله بدّي الجنة ......!!!
المهم ( الحبر ) بس كدا مغرم بالجمال أينما حل ...حافظ البنات السمحات الفي الجامعة ديل حفظ ....!!
يقول ليك ( هويدا ) بت صيدلة ...( وسحر ) بت هندسة ....( أماني ) بيطرة ...وسعاد بت القانون ...اها ( سعاد ) دي كمان كتاب برا ...!! جاية من حتة بعيدة كدا في السودان الكبير دا ....لكن بالله الحق وقفت ليك بنات ( المنشية ) ديل في حدودن ...!! سماحة اصلو مامعقولة ...مرات بتلبس توب ...!! كرهت ليك البنات التوب ذاتو .....سامنها وكيل النيابة الاعلي ....!! ( حلا ووقار ) ...
غايتو السودان دا شايل شيل ....!! الله يحفظو بس .....!!
بهناك كمان ( إنتصار ) أيقونة إقتصاد .....!!
إنتصار دي كمان نااااار...... الحبر قال ( إنتصار ) انتصرت للحق والفضيلة والجمال ...مفروض يعلقوها في مدخل الكلية ويدفعو ليها راتب ....!!!
أها دي ميزة البلد دي ....!! تنوع عجيب
( والحبر ) عندو ( مسادير) في البنات ديل ...لدرجة إنو نص بنات الجامعة عندهن خبر بالقصة دي ...وفِي مسادير اتسربت
مره قال في ( سحر ) بت هندسة دي
******
سحر سحرتنا بي ديسا وجمالا الهادي
وسحر كتلتنا خلقه لمن هناك بي غادي
وكت الليل يجن...! والجامعة ليا تنادي
ما بسمع غير سحر ...!! ساحراهو جوه فؤادي
كلام والله ....
قلنا ليهو إنتا سعاد ( القيامة ) دي ليي ماقلتا فيها حاجه
قال في سعاد مابقدر أقول مسدار
سعاد اللبن الحليب بالرقاق الحار
سعاد ( كاتلاتا ) رقة وسماح ونضار
سعاد ( الزيت ) ...!!!
والزيت تحرم عليه النار
........هيييييع ....!!! أبشر ااالحبر
أها نوع الكلام دا بعجب البنات...!! فبقن يتقربن من ( الحبر )
كان يجدع فيهن مربوع ....ومن حظيت ....!!! عبرت..!!
الحبر بقي زي الزين .....!! مكتول في حوش الجامعة
تنتظره الحسناوات ليقول كلمة ...!!!!
والبنضم فيها الحبر ...ذي الجابوها في غلاف ( سيدتي )
يذيع صيتها ...!! وترتفع إسهمها ....!! ويتردد صداها في ردهات الجامعة
أها لمت ليك فيهو ( وعد ) ....!!!
( وعد ) دي شهادة لندن ....
إسما ( وعد صلاح ) شوف الأبو ذاتو إسمو منو ...!!؟
( تخجل يالحبر ) ....سايقا ( صلاح ) ....!!
أها ( وعد ) .... اللسان من الانجليزي لما معووج ...وهي خدورية ولذيذة كدا ...!! كل يوم لبسة جديدة ...!! وكلها حركة وحيوية ( شغل لندن كمان .....)
وهي مع ناس ( الحبر )
❤1
في اداب ....!! علي الانجليزي العليها دا...!! ماخدة فرنسي وروسي ..( ابو الزفت ) ( التلاته في مجلس الأمن ) ( ذي ذي عادي بكون عندها حق الفيتو ) !!
فضل ليها السوداني ....!!
( الحبر ) قال لي أول مادخلنا الجامعة كان بتحكي لينا أفلام كدا حضرتا بالإنجليزي ....وبي نفس ( الاكسنت ) بتاع الخواجات داك ...!! قايلانا دفعتا ....!! ونحن الوكت داك جايين
بي ( برزنت كونتينيوس تنس ....) ...!!!
والمنقطا فينا ورهيب شديد ( برزنت بيرفكت كونتينيوس تنس ...) ( الاتنين مع بعض بيرفكت وكنتنيوس ) .....!!! ولد دا ...!!
تعبو فينا ساكت ستفونا ( قواعد ) وخلو الانجليزي ...
المهم قال لي هي تحكي ونحنا مافاهمين ولا حاجه أول ما تحكي حاجه مضحكة في الفيلم بنضحك معاها ....!!! نشوفا صرت ..بنصر ....!!😠 بس شغالين معاها كدا ...!!
يعني لو يوم حكت عن حادث في الفيلم ونحنا ضحكنا كان الضحك شرطنا ....!!
الغريبة قال لي كانت بتقول لينا اسماء الأبطال ديل عشان تحفزنا نحضر الفلم قايلانا بنعرفم ...!!! ( دا بسمو الإفراط في التفاؤل وحسن الظن ) ...!!
قالت ( كاميرون دياز ) روعة الأداء في الفلم الأخير ...!! ( هو الاول ذاتو وينو ...!؟؟ ) ..😳
واحد صاحبنا اسمو ( التاج ) متفلسف كدا قال ليها ماغريبه عليهو دايما أدوارو متميزة .....!!!
( كاميرون دياز ) طلعت مره ....🙈🙈
التاج أسبوع غايب من الجامعة ....!!!
ماشاءالله تبارك الله ربنا يغتي عليها ( كاميرون بت دياز ) بالرفاء والبنين إن شاءالله .....!!
عليك الله شوف الناس دي في شنو ...ونحنا في شنو .....!!
أها( وعد ) قالت لي ( الحبر ) قالو بتقول شعارات ...!!!
اتخيلو البت دي قاصدا شنو بي ( شعارات ) دي ....!!؟؟
قاصدا الشعر والقصايد البقولا ( الحبر ) دي ...!!
دي معناها لو دايرا تقول ( مسادير ) ... نجهز أنبوبة الأكسجين بس ....!!! مافي حل .....!! حتفقد سوايل .......
( الحبر ) طبعا لو مالجامعة هو ووعد دي الا يتلاقو صدفة في الاستوب ......يازول حسا ليك بي عظمة قال ليها .....!! أيوا بقول...!! ويالسمحة خاتي القول ...!!
عليك الله اتصلح معانا يالحبر شنو خاتي القول ....!! وشن بقول .....!! وانا اخوك يالسمحة ....!! والكلام البفلق دا .....هي ( وعد ) دي ...الشعر قالت شعارات .....!! شابكنا خاتي ....!!! وبعاتي ...!! داير تكتل البت ...صاح ..!!!
طبعا نوع الكلام دا بالنسبة ليها عبارة عن اللغة الأمهرية ....
تكون هسا بتقرا لي الشاعر الانجليزي ( بيرسي شيلي ) شعر الخواجات المسيخ داك ........
أنا وأنت ( زنبقتان ) تتفجران أحاسيس ....
نتكي علي ضفاف التيمز ...!!!
ونسرق لحظات من صمت الكون .....
وتلتقي ارواحنا علي صفحة الميلاد
(الله يرحمك ياعتيق ) ...!!!
هرونا الخواجات ا( بالزنبق) دا .... أي قصيدة فيها زنبقة ....لي هسا أنا ما عارفا شنو ...!! بس إحساسي بقول لي انها ( قنبلة ) .....!!
المهم ( وعد) بقت لو ما لاقت ( الحبر ) ما بترتاح...!! ونحنا
مستغربين في العلاقة بين التيمز ونهر الدندر دي ........!!!
يازول خلت الورا والقدام ....!!! بس مركزا ليك مع ( الحبر ...) والحبر يتجرجر ....( ليلة القدر وجاتو) ....!!
لقيناها تشرب معاهو في الشاي في كافتيريا (ضاربه ) كدا جنب الجامعة اسمها كافتيريا (العائلة السعيدة ) .....عايلة واحده ماشفناها جات لآفة هنا مما جينا الجامعة دي ....!!!
وسعيدة كمان .....!!! 😳 الله يغفر ليكم بس .....!!
غايتو أهلها كان شافوها قاعدة هنا كان نفضوها ....!!!
كويس إنو شاي....!! دي لو أكلت كان اتسممت وسجنو
( الحبر ) ....
يبدو أن ( وعد ) تفتقد لهكذا أجواء .... لقد أخرجها ( الحبر ) من الصندوق ....!!! وعرفت أن هناك مدينة تتنفس غير التي تعرفها ...وهناك ضجيج وحياة ....!!
وبعيدا عن مكيفات الهواء الرطبة ...وسكون الغرف المغلقة ...!!هناك شمس تلسع وتداوي ....!! وأناس طيبون يمتلئون بالإحساس والدفء... وخلف مدينتها توجد مدينة اخري موازية لكنها علي النقيض ..وعلي طبيعتها ..دون مكياج وبلا رتوش ....
( وعد ) أحبت هذا الواقع ....لكنها لم تستطع أن تتأقلم معه
فالطبع يغلب التطبع ....!!وفشل (الحبر ) رغم هذا التقارب
إنو يقطع ( مسدار ) في ( وعد ) ....!! فالمسدار يستوجب الصدق والإحساس ...وكيمياء الروح ....!!
( وعد ) تجيد الإنجليزية لكنها راسبة في المحلية ....!! تعيش معنا وفكرها مع ( دياز ) ....!!!
( الحبر ) قال لي ( وعد ) دي زي بت ( ام لعاب ) سمحة ومتمرة الا ما طاعمة ......
خلينا مع القمري السوداني الأصيل البقوقي دا ...بنات يشفقن
....!!! سلافة بكل هذا الجمال الطاغي وكت تقول ليك
( اصلو ما بصدق ) ....لما تفهم حاجه ...!! وتشعر وقتها أنك داخل السودان الحنان .....!!!
وعد شابكانا ...( اووه ماي قود ..) ....!!
تجاذبنا أطراف كل هذه الذكريات بعد أن التقيت ( الحبر) صدفة في مجمع الجوازات ....وَيَا لها من صدفة
فضل ليها السوداني ....!!
( الحبر ) قال لي أول مادخلنا الجامعة كان بتحكي لينا أفلام كدا حضرتا بالإنجليزي ....وبي نفس ( الاكسنت ) بتاع الخواجات داك ...!! قايلانا دفعتا ....!! ونحن الوكت داك جايين
بي ( برزنت كونتينيوس تنس ....) ...!!!
والمنقطا فينا ورهيب شديد ( برزنت بيرفكت كونتينيوس تنس ...) ( الاتنين مع بعض بيرفكت وكنتنيوس ) .....!!! ولد دا ...!!
تعبو فينا ساكت ستفونا ( قواعد ) وخلو الانجليزي ...
المهم قال لي هي تحكي ونحنا مافاهمين ولا حاجه أول ما تحكي حاجه مضحكة في الفيلم بنضحك معاها ....!!! نشوفا صرت ..بنصر ....!!😠 بس شغالين معاها كدا ...!!
يعني لو يوم حكت عن حادث في الفيلم ونحنا ضحكنا كان الضحك شرطنا ....!!
الغريبة قال لي كانت بتقول لينا اسماء الأبطال ديل عشان تحفزنا نحضر الفلم قايلانا بنعرفم ...!!! ( دا بسمو الإفراط في التفاؤل وحسن الظن ) ...!!
قالت ( كاميرون دياز ) روعة الأداء في الفلم الأخير ...!! ( هو الاول ذاتو وينو ...!؟؟ ) ..😳
واحد صاحبنا اسمو ( التاج ) متفلسف كدا قال ليها ماغريبه عليهو دايما أدوارو متميزة .....!!!
( كاميرون دياز ) طلعت مره ....🙈🙈
التاج أسبوع غايب من الجامعة ....!!!
ماشاءالله تبارك الله ربنا يغتي عليها ( كاميرون بت دياز ) بالرفاء والبنين إن شاءالله .....!!
عليك الله شوف الناس دي في شنو ...ونحنا في شنو .....!!
أها( وعد ) قالت لي ( الحبر ) قالو بتقول شعارات ...!!!
اتخيلو البت دي قاصدا شنو بي ( شعارات ) دي ....!!؟؟
قاصدا الشعر والقصايد البقولا ( الحبر ) دي ...!!
دي معناها لو دايرا تقول ( مسادير ) ... نجهز أنبوبة الأكسجين بس ....!!! مافي حل .....!! حتفقد سوايل .......
( الحبر ) طبعا لو مالجامعة هو ووعد دي الا يتلاقو صدفة في الاستوب ......يازول حسا ليك بي عظمة قال ليها .....!! أيوا بقول...!! ويالسمحة خاتي القول ...!!
عليك الله اتصلح معانا يالحبر شنو خاتي القول ....!! وشن بقول .....!! وانا اخوك يالسمحة ....!! والكلام البفلق دا .....هي ( وعد ) دي ...الشعر قالت شعارات .....!! شابكنا خاتي ....!!! وبعاتي ...!! داير تكتل البت ...صاح ..!!!
طبعا نوع الكلام دا بالنسبة ليها عبارة عن اللغة الأمهرية ....
تكون هسا بتقرا لي الشاعر الانجليزي ( بيرسي شيلي ) شعر الخواجات المسيخ داك ........
أنا وأنت ( زنبقتان ) تتفجران أحاسيس ....
نتكي علي ضفاف التيمز ...!!!
ونسرق لحظات من صمت الكون .....
وتلتقي ارواحنا علي صفحة الميلاد
(الله يرحمك ياعتيق ) ...!!!
هرونا الخواجات ا( بالزنبق) دا .... أي قصيدة فيها زنبقة ....لي هسا أنا ما عارفا شنو ...!! بس إحساسي بقول لي انها ( قنبلة ) .....!!
المهم ( وعد) بقت لو ما لاقت ( الحبر ) ما بترتاح...!! ونحنا
مستغربين في العلاقة بين التيمز ونهر الدندر دي ........!!!
يازول خلت الورا والقدام ....!!! بس مركزا ليك مع ( الحبر ...) والحبر يتجرجر ....( ليلة القدر وجاتو) ....!!
لقيناها تشرب معاهو في الشاي في كافتيريا (ضاربه ) كدا جنب الجامعة اسمها كافتيريا (العائلة السعيدة ) .....عايلة واحده ماشفناها جات لآفة هنا مما جينا الجامعة دي ....!!!
وسعيدة كمان .....!!! 😳 الله يغفر ليكم بس .....!!
غايتو أهلها كان شافوها قاعدة هنا كان نفضوها ....!!!
كويس إنو شاي....!! دي لو أكلت كان اتسممت وسجنو
( الحبر ) ....
يبدو أن ( وعد ) تفتقد لهكذا أجواء .... لقد أخرجها ( الحبر ) من الصندوق ....!!! وعرفت أن هناك مدينة تتنفس غير التي تعرفها ...وهناك ضجيج وحياة ....!!
وبعيدا عن مكيفات الهواء الرطبة ...وسكون الغرف المغلقة ...!!هناك شمس تلسع وتداوي ....!! وأناس طيبون يمتلئون بالإحساس والدفء... وخلف مدينتها توجد مدينة اخري موازية لكنها علي النقيض ..وعلي طبيعتها ..دون مكياج وبلا رتوش ....
( وعد ) أحبت هذا الواقع ....لكنها لم تستطع أن تتأقلم معه
فالطبع يغلب التطبع ....!!وفشل (الحبر ) رغم هذا التقارب
إنو يقطع ( مسدار ) في ( وعد ) ....!! فالمسدار يستوجب الصدق والإحساس ...وكيمياء الروح ....!!
( وعد ) تجيد الإنجليزية لكنها راسبة في المحلية ....!! تعيش معنا وفكرها مع ( دياز ) ....!!!
( الحبر ) قال لي ( وعد ) دي زي بت ( ام لعاب ) سمحة ومتمرة الا ما طاعمة ......
خلينا مع القمري السوداني الأصيل البقوقي دا ...بنات يشفقن
....!!! سلافة بكل هذا الجمال الطاغي وكت تقول ليك
( اصلو ما بصدق ) ....لما تفهم حاجه ...!! وتشعر وقتها أنك داخل السودان الحنان .....!!!
وعد شابكانا ...( اووه ماي قود ..) ....!!
تجاذبنا أطراف كل هذه الذكريات بعد أن التقيت ( الحبر) صدفة في مجمع الجوازات ....وَيَا لها من صدفة
👍1
....!!!
ياهو ( الحبر ) ذاااااتو بكل عفويته وعذوبته ..... إتقالدنا واتطايبنا مساااافة .....!!! قلتا ليهو أوعي بس تكون لسا متابع السمحات ....!!! ضحك جنس ضحك ...قال لي فضلو فيها سمحات ...طارت لينا في راسنا دا ....!! اشششش براحة ديك المدام الجاية ديك ....!!! ( صدق من سماها الحكومة)
فعلا وصلت زوجته ....سلمتا عليها قال ليها دا علوب صاحبي شديد وفردتي من الجامعة ودي ( تماضر ) زوجتي وطبعا ماكانت معانا في الجامعة ....!!
قلتا ليهو سلامة الله شافك كان قبضتك بالثابتة ...!!
قعدو يضحكو الاتنين ....!! قال ليها علوب دا بتاع مشاكل ...!قلتا ليهو أقوووول ...قال لي قول ..أتحداك ..(معاها غمزة في العين ...) 😜
قلتا ليها بالجد انت محظوظة...!! ( الحبر ) راجل كلس وخاتي القول كان مميز في كل حاجه ....( لما قعدت تتبسم ) ...قلتا ليها حتي إختياراتو كانت مميزة ...!!
قالت لي ( سجم خشمنا ) اختياراتو ياتا ...!!؟؟
(سجم ....!! وخشم ) تعالي يا ( وعد ) اخدي ليك نقلة
وشوفي الكلام ...!! وحلات النضم ...!!!
قلتا ليها زول يشيل الإنجليزي تخصص رئيسي ومعاهو
تاريخ ...دا مازول جدير بالاحتفاء ....!!؟؟ ( كبير ياعلوب ) ( الحبر لما امن ) ...!!
(ما عارفاهو كان شايل سلافة و إنتصار ) ..
أداني ليك حضنة قوية وقال لي في أضاني ....!!! عزيتني ياعلوب بردها ليك ....( انا ذاتي صدقتا ...!! )
قلتا ليها صدقي زولك دا خلي الهندسة عشان رغبتو العظيمة دي ...!!
بس في اللحظة دي ( الحبر ) ضحك شديد قال لي هيااا علوب ما كلمتك ما اكتشفتا ليك ناس ( جتا وظتا وسين وصاد ...) طلعو ديل البطيرو الصواريخ ...🚀 وبشغلو النت ...وبدورو الطيارات ...!! ✈️ .....!! بتصدق ....!!!
وفقعناها ضحكة ....!!! وتماضر تضحك لضحكاتنا التي تعالت تلامس السحاب .....!!
الله يجازيك يالحبر
تبادلنا الذكريات وأرقام الهواتف ...وافترقنا علي أمل لقاء
الحبر أعاد للاسم البريق ....وحتما سيجمعنا الطريق ....
ياحليلك ياخ .....!!!
كانت لنا أيام
#اووووه _ماي _قود .....!!!
- [ ]
#اشياءبسيطة..
ياهو ( الحبر ) ذاااااتو بكل عفويته وعذوبته ..... إتقالدنا واتطايبنا مساااافة .....!!! قلتا ليهو أوعي بس تكون لسا متابع السمحات ....!!! ضحك جنس ضحك ...قال لي فضلو فيها سمحات ...طارت لينا في راسنا دا ....!! اشششش براحة ديك المدام الجاية ديك ....!!! ( صدق من سماها الحكومة)
فعلا وصلت زوجته ....سلمتا عليها قال ليها دا علوب صاحبي شديد وفردتي من الجامعة ودي ( تماضر ) زوجتي وطبعا ماكانت معانا في الجامعة ....!!
قلتا ليهو سلامة الله شافك كان قبضتك بالثابتة ...!!
قعدو يضحكو الاتنين ....!! قال ليها علوب دا بتاع مشاكل ...!قلتا ليهو أقوووول ...قال لي قول ..أتحداك ..(معاها غمزة في العين ...) 😜
قلتا ليها بالجد انت محظوظة...!! ( الحبر ) راجل كلس وخاتي القول كان مميز في كل حاجه ....( لما قعدت تتبسم ) ...قلتا ليها حتي إختياراتو كانت مميزة ...!!
قالت لي ( سجم خشمنا ) اختياراتو ياتا ...!!؟؟
(سجم ....!! وخشم ) تعالي يا ( وعد ) اخدي ليك نقلة
وشوفي الكلام ...!! وحلات النضم ...!!!
قلتا ليها زول يشيل الإنجليزي تخصص رئيسي ومعاهو
تاريخ ...دا مازول جدير بالاحتفاء ....!!؟؟ ( كبير ياعلوب ) ( الحبر لما امن ) ...!!
(ما عارفاهو كان شايل سلافة و إنتصار ) ..
أداني ليك حضنة قوية وقال لي في أضاني ....!!! عزيتني ياعلوب بردها ليك ....( انا ذاتي صدقتا ...!! )
قلتا ليها صدقي زولك دا خلي الهندسة عشان رغبتو العظيمة دي ...!!
بس في اللحظة دي ( الحبر ) ضحك شديد قال لي هيااا علوب ما كلمتك ما اكتشفتا ليك ناس ( جتا وظتا وسين وصاد ...) طلعو ديل البطيرو الصواريخ ...🚀 وبشغلو النت ...وبدورو الطيارات ...!! ✈️ .....!! بتصدق ....!!!
وفقعناها ضحكة ....!!! وتماضر تضحك لضحكاتنا التي تعالت تلامس السحاب .....!!
الله يجازيك يالحبر
تبادلنا الذكريات وأرقام الهواتف ...وافترقنا علي أمل لقاء
الحبر أعاد للاسم البريق ....وحتما سيجمعنا الطريق ....
ياحليلك ياخ .....!!!
كانت لنا أيام
#اووووه _ماي _قود .....!!!
- [ ]
#اشياءبسيطة..
أشياء بسيطة pinned «يوميات #علوب ....140 .....( حبر ومداد) ....!!! كان معانا واحد في الجامعة اسمو ( الحبر ) .....البسمع ( الحبر ) يقول إمام الجامع ...!! ( إسم وقور صاح ...) أها ( الحبر ) مرمط الاسم دا في الواطة دي ......!!! ( محبرة وانكشحت ...) هو طبعا زول لذيذ شديد…»
Forwarded from مِزاجُهُ من تسنيم 💚
غني يا طير الخمايل
في الحروف كل الرسائل
الزمن لمن فرقنا
الدمع طال فينا سايل
دا الهوينا حنان عيونوا
مرة ذي غيم الخمايل
في الحروف كل الرسائل
الزمن لمن فرقنا
الدمع طال فينا سايل
دا الهوينا حنان عيونوا
مرة ذي غيم الخمايل