لأجلك يا مدينة الصلاة أصلي 💔

فراق ثم دموع ثم لقاء ثم
عناق ثم راحة

#تسنيمة💚

يوميات #علوب ...138 ....( بطليموس ) ...!!!

الأسبوع الفات قالو قروب ( واحتنا ) دا عامل ليهو لمة يوم الأحد وجهو لينا الدعوة ....
أها قروب ( الواحة ) دا قروب كدا في الفيس لقيت نفسي فجاتن محشور في نصو ....!!! الدخلني منو ذاتو ماعارفو ...!!
بس بصراحة هو قروب ( مختلف ) أول حاجه صاااااني خلا فيهو ذي مية نَفَر كدا ...!! البكتبو خمسة ...والباقين ( تواقا )
( وَيَا متاوق من الشباك ...) ....!!
داير أكلم ( مارك ) سيد القهوة دا يعمل خاصية إظهار ( المتاوقين) ديل .. ( صورة وصوت ) ....!! نشوفم للدنيا والزمان ....!! ( مؤجرين لوج ويتفرجو ...)
نرجع للقروب ...بصراحة هم ناس كدا في حالم مدورين ليك شعر وأدب وأقوال مأثورة .....ومرات ( ماسورة ) .....!!!
المهم انهم متعايشين مع بعض وحالم ماشي ...لا هلال ولا مريخ ولا البلد فيها شنو ....!! ولا الدولار حصل كم ....ونوع الكلامات البتزعل دي ..!! مرات لما أكون داير أغير جو بخش عليهم أتمشى كدا وأجي مارق ...!!
مره جربتا كتبتا بوست ...قلتا فيهو ....
( ياسلااام الليلة الجو جميل مع المطرة دي ....!! )
هسا الكلام دا فيهو حاجه ...
أول تعليق واحد كتب لي ...الأهم هو ماوراء هذه الأجواء الملبدة بالغيوم ...!! ( دا هسا مالو دا )
التاني علق ...( ليت المطر ينزل ليغسل دواخلنا من الأدران والضغائن ) 😳😳 ( أزمة السنيين )
جات واحدة برضو علقت ...!! قلتا دي أكيد بتكون ( حنينة ) ...كتبت ...
( يامطر عز الحريق ....!! ويامطيره صبي لينا في جراحاتنا وفِي ماسينا ....!! )
بالله شوف الناس (الفقر ) ديل عليك الله ...!!! إن شاء الله عنها ما صبت ....!! انا ذاتي غلطان الداير افرحكم ....!! مالي ومالكم المطرة التدقكم دق العيش وغرائب الإبل ...
طوالي مسحتو..!! ودا كان أول وآخر بوست لي ....طوالي دخلتا الغابة وانضميت للفراجا .....( متاوق ) مع مرتبة الشرف ..!! ( ومرتبة سفنجة ) ....نتكي ونتفرج ...!!
وذي ماقلتا ليكم هم ناس كدا ( محلقين ) ينظرو الي الواقع من زاوية ( سرمدية ) ...!! تخش القروب تحلف تقول دي ( اليونان ) ما ( السودان ) ......رسومات وجداريات ...!!! وتشكيل ....!! وميكافيلي قال ....!! وماركيز كتب ...!!! وجدلية التناظر...... ونرجسية المكان ...!! ..........المهم (مرض شديد ) ...!!
تطلع معسم ....!!
يومن البنزلو صورة بتكون ...( تمثال ) ....!! يقول ليك دا تمثال ( بطليموس ) ...!! مكتوب تحتو بالخط العريض ..!! ( تأمل الروعة ) ...بالله هسا دا كلام دا ...!!
( الناس ديل جادين !!؟؟ 😳😳
هو إسمو ( بطليموس ) خلي فيها روعة ....!! ( تمثال قديم ومصدي ...!! ) ....!! الروعة وينا ...!! ؟؟؟
اها في جماعة كدا بتخيلوا إنو التفاعل مع الصور الزِّي دي بختهم في مصاف الذواقة وعشاق الفنون الراقية ...!!
طوالي يجو طايرين ليك بي ( لايك )....!!
ذي واحد كدا اسمو ( السر ) ...!! دا طوالي بلقاهو في البوستات المعقده دي طاجي ( اللايك ) بتاعتو ....!! وخاتي عكازو ....!!! واليومين ديل بقي يعلق كمان ...!! قبضتو كاتب كومنت علي صورة التمثال دا ....قال ....
( كلما أنظر الي ( بطليموس ) أكاد أن أقف إجلالا لعبقرية التجسيد .....!!
والله تلقا ما بقيف إلا للمواصلات ....!!🚌
كدي بس أسالوهو قولو ليهو إنتا يا ( السر ) قاصد شنو بي عبقرية التجسيد دي ...!!؟؟ اقسم بالله ما حتكون في أي إجابة ...!!!! ) بس كدا......!! ( عادات وتقاليد ) ...!!!
أها أنا شكيت في ( السر ) دا ...!! مشبهو علي واحد كدا بلقاهو طوااالي في قروب تاني بتاع ( شغب ) كدا حاتل بي هناك يمارس ( الزنق ) و( النطيط ) ...!!
(العوينات دي ماااااغريبة علي ) .....!!
قلتا الليلة يا أنا .....!! يا ( السر ) في القروب دا ...!! جابت ليها تجسيد كمان .....!! طوالي دستا إسمو ...فووووو وداني بروفايلو ...!! توووش دخلتا صفحتو ...!!! كفففف قبضتو
إنتو ( فوووووو )..!! ) ( توووووش ....!! ) ( كفففف ....!!! ) ديل شنو هن ديل 😳😳 يالطيف ...
تكون دي ( الهيروغليفية )البقولوها ياربي ...!!؟ والله مابعيد
المهم غايتو الله يريحك يا ( مارك ) ذي ماريحتنا ....!! بكون قلبو كان حاااسي ( مارك ) دا إنو في جماعة ذي ناس ( السر ) ديل حيظهرو في الفضاء دا يفضفضو ...!! ويجب سرعة الضبط والاحضار ...
اها ) السر ) أصلو ماحوجني كتير ....أول بوست لقيتو معلق ليهو صورة كبيييرة لي واحده من الفنانات ديل ...كاتب فوقا ....!! كتمت يا ( سهي القوز ) ....!! ( دا اسم الفنانة )
ولا داسيها ...!!! طلع ياهو السر زولي ذااااتو القاصدو انا .....!!! والعيون المنططات ...!!
ما بالغتا يالسر ....!!
غايتو بطليموس كان سمع ( كتمت ) دي كان وقع من طولو إتكسر .....!!
السر بكون قايل ( بطليموس ) دا ( بلال موسي ) ...
أها لقيتو ليك قاعد ( وش ) في اللمة...!! محكككر ..!!وداخل في حوار

ات جانبية كمان .....!! والقميص اللخدر الليموني ....!!
أريتم لو شافوك بتنطط في قروب ( الساحة ) ....!! غايتو
كان علقوك في نص ( الواحة ) دي ....!! ياخ ديل أنا
كلمتهم بس بي مطرة صبت ....!! بكل طيب خاطر ...
سمعوني فارغة ...!!
يمين ( الوالي ) لم يتعرض لما تعرضت له ....!!
انتا جايب ( سهي القوز ) وجاي تبرطع ....الله شافك بس
كنتا داير اقول ليهو ( كتمت ...) تاني حنّيت علي ....قلتا خليهو يعيش اللحظة ...!!!
أها شوفو ليكم جنس أعضاء ....!!
( دي ( مستشفي البراحة ) ما ( قروب الواحة ) ....
اها برضو إتعرفنا علي جزء من بنات ( القروب ) ....!!
في واحدة كدا انا بتعجبني كتاباتا شديد ...!! هااادية ...!! وحروفا انييييقة كدا ...!! وخاتا صورة واحدة من الممثلات الهنديات (الشديدات ) ديل في بروفايلا .. ..أها أنا بس حاسي بيها ياها الممثلة دي ...!! وعلي الكتابات الرقيقة دي طواااالي ساكيها ليك باللايكات ...( بتعمل لي لايك لييييييه ...!!!) 👀
اها قلتا ليهم وين ( جود ) ...!!؟
( اسمها جود كمان ) ...!! تبارك الرحمن ...!!
قالو لي ياها ديك ....!!
مشيت عليها أحييها ونتعرف ..!!
قلتا ليها آنسة جود ( بي لطف كدا ) ....شوفو ليكم رد .......
( جوض تطير عيشطا ) الترجمة ( جود تطير عيشتا ) ...أعقبتها بي ...إنطا منو .....!! ؟؟
طلعت (نخناخة ) علي حبة عوارة ...!!!
طوالي للخلف دور ...!! .......مرقني رجليني
هسا قي داعي للصورة دي ياجود ...!!
( جود ) شنو إنتا كمان ياعلوب يمين الاسم ذاتو بكون مزور ....!!
اخر بوست كتبتو .....
(كم أحن الي سرادق العشق النبيل ....!!!
( والمعروضات ( قلب مكسور ) 💔
اها النبشرك ...!! حتكوني طواااالي كدا في حالة حنين ...!! (سردوق ) واحد مافي ...!!!
تابعي لي الهندية دي ....كان ما ودتك ( دلهي ) تضحكي علي ....!! غايتو صحي جوض ) ....!!!
(جوضة شديدة )
...المهم يازول بعد شوية كدا البرنامج بدا......!!!! أخير ( بطليموس ) بي مية مره .....!!
قدمو لينا واحد اسمو ( يزن ) أنا قايلو من كفار قريش ...!! طلع سوداااني ليهو شلخا ...اها يزن قدم ليهو قصيدة كدا أقرب للعصيدة ....!! والله جد ...!! لأنو ما فهمنا منها أي حاجه ....!! غير إنو البحر هايج .....!! وساكي ليهو حاجه كدا ...!! هي شنو برضو ماعرفناها ....!! المهم هم الاتنين ساكين بعض لحدي ما القصيدة انتهت ....
شابكننا الشعر الحر ...!! الشعر الحر ....!! لما إتسجنا ...
أها قالو الان مع المبدع ( صابر ) .....!! ( تصفيق )
فعلا ( صابر ) جا نابل ليك من هناك ...!! النضارة والشعر المبرم ...والقرفة ...!! عدمان اللحماية ...( نوع ديل بياكلو هوا ) ...!! وملامح الأزمة بااااينة ...!!!
بنقققط تاريخ ....!! عرفتو حيجيبا كبيرة ....ولم يخذلني...!!
وقف كدا ذي دقيقتين .....!! صمت بس ....!
لمن شفقنا علي ....!! قلتا إمكن ( صدمة سكري ) ...طلع قاصدا ....!!! لمزيد من الإثارة والتشويق .......!!
اتنحنح كدا وقال ....
نصصصصص .....!! ( بفتح النُّون )
تاني سكت ....!! 😳😳
( انتو السكتة دي شنو ..!!؟؟ )
اها انا طبعا كلمة ( نص ) دي بعدا بتكرش طوالي ...!!
وفعلا تلاته دقايق نحن بس واقفين مع ( نص ) دي
(قصانا قَص )
واخيراً نطق .....!!! وليته لم يفعل
قال مدخل ....!!
( يمرقنا الجليل الليلة )
ودخل في (المحشي ) ....وما أحلي ( عصيدة ) يزن
صابر قال
يابلد معطونة بي حبة ( هنااي )
ممكونة صابره ....ودقاك مين ...! 😳 ( هيااااا الدقاك)
ممكن تقولي وتشرحي
ولدك انا
وعطرك سحابات الأماني المترفة ...
( أربعة كلمات جميلة لصقن مع بعض )

وواصل الممكون ...
اشكيلي قول ...منو الغيري بسمع غناك
....انتي وانا ...والطير في السما
انتي وانا دي عرفناها ...!! الطير الفي السما دا الدخلو شنو في القصة الحزينة دي ياصابر ....
....الحمد الله غايتو الليلة اتوفقنا وسمعنا كلام الطير دا ... للمرة الأولي مباشر ...طول زمنا دا بنسمع بيهو سمع ...!!!
هو نحنا ذاتو الجابنا شنو هنا الليلة ...مع (الكهنة ) ديل ....!!
يمرقنا الله بس ....!
بس قامت مديرة القروب رحبت بينا ....وقالت طبعا قروب الواحة هو واحة من لا واحة له ....!! ( لا يااااخ ) .....!!
والله بس حظكم كويس الليلة ( الأحد ) ومافي موضوع ....!! كان تعملوها ( الخميس ) عشان تشربوها براكم ( الواحة ) دي ...
اها الزولة دي ولا حتي استأذنتني قالت ....
اما الان نقدم لكم ( علووووووب )
وقعتا وما سميت ...!! الليلة سجمك ....عشان تاني تتابع الملمات دي ...!! ( أكبر ورطة ) ...!! هسا ديل يقولو ليهم شنو ( المؤرخين ) ديل ....!! المهم وأنا طالع علي المسرح وأفكر ....!!! في اخر ثانية جاتني الفكرة ......!!
فعلا طلعتا وبديت ...احمممم احمممم ...حييت الحضور .....
قلتا ليهم بمناسبة إنو الأجواء اتصلحت شوية ....فأنا سأقوم بتأجيل حديثي... ليكون هناك

من عمق التاريخ...!! وغياهب الجب ( بالغتا ياعلوب في غياهب دي ) ...جبتها من وين دي ...!!
نااااار ...بس ....!! واصل يامعلم ...!!
وواصلتا ....!!
قلتا ليهم أليس الأجدي بِنَا انا نحتفل ( بتهراقا) قبل ( بطليموس ) .....( ايوا كدا ورررري )
وواصلتا تاني ...متسائلا ...!! أليس من حق بلدنا علينا
أن نروج لها وهي بهذا الارث التاريخي العظيم ....
(ااااي ياعلوب عليك الله وريهم من الذي ( طفا ) المصباح ) واستمريت ...!!
قلتا ليهم وعليه ومن هذا المنطلق فإنني أدعو (القروب ) لتنظيم رحلة الي ( البجراوية ...) ....لنحتفل بها ....!! وننقل من خلالها مشاهداتنا وتوثيقنا ....!! ونحتفي بماضينا حتي نكون في المقدمة وعلي رأس الرمح ...!!!
غايتو الصفقة دي وكت دورت ...👏👏 قلتا أكيد دا ما أنا ......!!
...قربتا أنفعل وأقول ليهم .....!!!
( ولنعلنها حربا لاهوادة فيها علي الفساد ولنضرب بيد من حديد كل من تسول له نفسه العبث بمقدرات الشعب والجماهير ) قربببببتا .... بتصدقو .....!!
( أتاري الصفقة دي فعلا عااادي ممكن تدور الزول ....!! )
المهم غايتو استغفرتا ونزلتا .....!!

يازوووول الجماعة انبسطو شديد للفكرة ....!!! طوالي مديرة القروب دي قامت ليك علي حيلا ....!! ( هي ذاتا فيها شبه كدا من الملكة ( حتشبسوت) .....👀
قالت خلاص منتصف ديسمبر حتكون الرحلة ....وسنبدأ في جمع الاشتراكات ...!!
جيت البيت طوالي فتحتا ليك ( الفيس ) ...!! دخلتا علي القروب المابغباني ....مشيت ال settings فتشتا ...لقيت
‏leave group ....حمدت الله حمدا كثيرا .....( طجيتا ) طوالي وتمت المغادرة بنجاح ...!!
عليك الله شوف ...!! هو نحنا في القروب نعاين بس جبتو لينا الفقر ....!! كمان أمرقا معاكم في البجراوية .....
ويجيني السر يتصور معاي سيلفي ...!! لا ياخ .....!!شكرررررن جزيلا
الواحة واحتكم وانتو أسيادا ....!!!
نحنا خلونا مع مول الواحة
نقعد نتابع ( بطليموس ) نام ...!! و ( بطليموس ) الليلة حنتو...
مالنا ومالو .....
لكن يا ( السر ) بأمانة أبدعتا وشذيت ....عملتها كيف دي
( بطليموس ...وسهي القوز ..!!!؟؟؟ ) ....
في يوم واحد
( لله درك ياجامع الرموز ) ....!!
عفيت من يا اب راس
ووداعا ( حتشبسوت )..

#اشياءبسيطة..

صباح ما ببدأ من نورن عويناتك
صباح نعسان

#تسنيمة💚

#يمه
الحاجة الوحيدة الصاح
في زمن الصحيح شنقوهو
والخطأ الكبير مرتاح

#تسنيمة💚

ツ
‏﷽
۝ إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ۝ ﷺ


انِر قبرها يا الله تجاوز عنها ابدلها داراً خيراً من دارها واهلا خيراً من اهلها اللهم عوض شبابها الجنة واجمعنا بها ❤


@masaltmabda

وأبقي العاتي زي سنطتنا وزي صبراً نلوك فوق مرووو زي الزاد

والقمرة بتستلف منك .. عرفت انك بت ضوّاية .. و كمان قرّاية 💜

جمعة طيبة عليكم 🌸

يا أرض النيل الفيك محبة ❤️

ضحكاتها الوديعة الساهلة ما عرفت تصروا وشيها 💕

#الق_الصباح🌸

اساليب ماروكو في الاقناع.. 😂

اللهم ائتنا في الدنيا حسنة وفي الاخرة حسنة وقنا عذاب النار

يا العافية المرية الزرتي
لي آلامي والوجع الوجيع
خففتي

#تسنيمة💚

ماذا تبقى من بلاد الأنبياء..

لا شيء غير النجمة السوداء

ترتع في السماء..

لا شيء غير مواكب القتلى

وأنات النساء

لا شيء غير سيوف داحس التي

غرست سهام الموت في الغبراء

لا شيء غير دماء آل البيت

مازالت تحاصر كربلاء

فالكون تابوت..

وعين الشمس مشنقةُ

وتاريخ العروبة

سيف بطش أو دماء..

ماذا تبقى من بلاد الأنبياء

خمسون عاماً

والحناجر تملأ الدنيا ضجيجاً

ثم تبتلع الهواء..

خمسون عاماً

والفوارس تحت أقدام الخيول

تئن في كمد.. وتصرخ في استياء

خمسون عاماً في المزاد

وكل جلاد يحدق في الغنيمة

ثم ينهب ما يشاء

خمسون عاماً

والزمان يدور في سأم بنا

فإذا تعثرت الخطى

عدنا نهرول كالقطيع إلى الوراء..

خمسون عاماً

نشرب الأنخاب من زمن الهزائم

نغرق الدنيا دموعاً بالتعازي والرثاء

حتى السماء الآن تغلق بابها

سئمت دعاء العاجزين وهل تُرى

يجدي مع السفه الدعاء..

ماذا تبقى من بلاد الأنبياء؟

أترى رأيتم كيف بدلت الخيول صهيلها

في مهرجان العجز…

واختنقت بنوبات البكاء..

أترى رأيتم

كيف تحترف الشعوب الموت

كيف تذوب عشقاً في الفناء

أطفالنا في كل صبح

يرسمون على جدار العمر

خيلاً لا تجيء..

وطيف قنديل تناثر في الفضاء..

والنجمة السوداء

ترتع فوق أشلاء الصليب

تغوص في دم المآذن

تسرق الضحكات من عين الصغار

الأبرياء

ماذا تبقى من بلاد الأنبياء؟

ما بين أوسلو

والولائم.. والموائد والتهاني.. والغناء

ماتت فلسطين الحزينة

فاجمعوا الأبناء حول رفاتها

وابكوا كما تبكي النساء

خلعوا ثياب القدس

ألقوا سرها المكنون في قلب العراء

قاموا عليها كالقطيع..

ترنح الجسد الهزيل

تلوثت بالدم أرض الجنة العذراء..

كانت تحدق في الموائد والسكارى حولها

يتمايلون بنشوة

ويقبلون النجمة السوداء

نشروا على الشاشات نعياً دامياً

وعلى الرفات تعانق الأبناء والأعداء

وتقبلوا فيها العزاء..

وأمامها اختلطت وجوه النساء

صاروا في ملامحهم سواء

ماتت بأيدي العابثين مدينة الشهداء

ماذا تبقى من بلاد الأنبياء؟


ماذا تبقى من بلاد الأنبياء لفاروق جويدة 💔

في حانة التطبيع

يسكر ألف دجال وبين كؤوسهم

تنهار أوطان.. ويسقط كبرياء

لم يتركوا السمسار يعبث في الخفاء

حملوه بين الناس

في البارات.. في الطرقات.. في الشاشات

في الأوكار.. في دور العبادة

في قبور الأولياء

يتسللون على دروب العار

ينكفئون في صخب المزاد

ويرفعون الراية البيضاء..

ماذا سيبقى من سيوف القهر

والزمن المدنس بالخطايا

غير ألوان البلاء

ماذا سيبقى من شعوب

لم تعد أبداً تفرق

بين بيت الصلاة.. وبين وكر للبغاء

النجمة السوداء

ألقت نارها فوق النخيل

فغاب ضوء الشمس.. جف العشب

واختفت عيون الماء

ماذا تبقى من بلاد الأنبياء؟

ماتت من الصمت الطويل خيولنا الخرساء

وعلى بقايا مجدها المصلوب ترتع نجمة سوداء

فالعجز يحصد بالردى أشجارنا الخضراء

لا شيء يبدو الآن بين ربوعنا

غير الشتات.. وفرقة الأبناء

والدهر يرسم صورة العجز المهين لأمة

خرجت من التاريخ

واندفعت تهرول كالقطيع إلى حمى الأعداء..

في عينها اختلطت

دماء الناس والأيام والأشياء

سكنت كهوف الضعف

واسترخت على الأوهام

ما عادت ترى الموتى من الأحياء

كُهّانها يترنحون على دروب العجز

ينتفضون بين اليأس والإعياء

ماذا تبقى من بلاد الأنبياء؟

من أي تاريخ سنبدأ

بعد أن ضاقت بنا الأيام

وانطفأ الرجاء

يا ليلة الإسراء عودي بالضياء

يتسلل الضوء العنيد من البقيع

إلى روابي القدس

تنطلق المآذن بالنداء

ويطل وجه محمد

يسري به الرحمن نوراً في السماء..

الله أكبر من زمان العجز..

من وهن القلوب.. وسكرة الضعفاء

الله أكبر من سيوف خانها

غدر الرفاق.. وخِسة الأبناء

جلباب مريم

لم يزل فوق الخليل يضيء في الظلماء

في المهد يسري صوت عيسى

في ربوع القدس نهراً من نقاء

يا ليلة الإسراء عودي بالضياء

هزي بجذع النخلة العذراء

يتساقط الأمل الوليد

على ربوع القدس

تنتفض المآذن يبعث الشهداء

تتدفق الأنهار.. تشتعل الحرائق

تستغيث الأرض

تهدر ثورة الشرفاء

يا ليلة الإسراء عودي بالضياء

هزي بجذع النخلة العذراء

رغم اختناق الضوء في عيني

ورغم الموت.. والأشلاء

مازلت أحلم أن أرى قبل الرحيل

رماد طاغية تناثر في الفضاء

مازلت أحلم أن أرى فوق المشانق

وجه جلاد قبيح الوجه تصفعه السماء

مازلت أحلم أن أرى الأطفال

يقتسمون قرص الشمس

يختبئون كالأزهار في دفء الشتاء

مازلت أحلم…

أن أرى وطناً يعانق صرختي

ويثور في شمم.. ويرفض في إباء

مازلت أحلم

أن أرى في القدس يوماً

صوت قداس يعانق ليلة الإسراء..

ويطل وجه الله بين ربوعنا

وتعود.. أرض الأنبياء

غنيت للوردة جمال خديك
يا حليلي أنا ويحليل صبري

قامت قيامة الفن
لو ما الاساس إنتي
وهو مين بغني وراك ؟!
صوتك كما انتي