💜
وراجياك أنا تتحمل الأهات معاي
بلسم يعالج علتي
دايراك تكون أمي وأبوي
تديني قلبك وإي شي
أمنحني لحظة إنتشاء
لو حتى بموت بنتشي

ﺑﺎﻛﺮ ﻧﻔﺘﺶ ﻓﻴﻬﻮ ﺭﺍﻳﺢ ﺯﻱ ﺷﻠﻴﻞ..
ﺑﺎﻛﺮ ﻧﺘﺒﻦ ﻓﻲ ﺍﻟﻀﻼﻡ..
ﻛﺎﻳﺴﻨﻮ ﻓﻲ ﺍﻟﻠﻴﻞ ﺍﻟﻄﻮﻳﻞ ..
باﻛﺮﻧﺎ ﻳﺎ ﺭﺍﻳﺢ ﺗﻌﺎﻝ ،،
ﻳﺎ ﺑﻜﺮﺓ ﻃﺎﻝ ﺍﻹﻧﺘﻈﺎﺭ

وزي عيدًا غشاني وفات عمّ البلد أعياااد❤🎶
#ميم ..

ظاهر جوة وسط الناس ..يضوي فوق جبينو صلاح 🎶

‏ياسكة لى بيتنا ياعتمة يامشوار
ياشارع الحلة ما ضاعت الذكرى
للغابو والحضرو
ياقمرى ياقمرة ياسنسنة وحمرة
بسأل عن الافراح والخاطر المرتااح❤♪

يوميات #علوب ......129 ......!! عذبني و ( تحنن )

غايتو الليلة لاقيت لي واحدة في الشارع بي أمااانة كدا مفروض تكون معاها عربية نجدة وموترين واحد تشريفة والتاني من العين ....!!! والله جد
قيامة رابطة...!!! سماحة تكتل ...
لا ...والعيون ( صارنهن ) من الشمس .... !!!
ديل لو لحقو لمن ( فكوهن ) بحصل كسوف ....
البت غرييييبة ....!! ( تتبروز وتتعلق بس مافي حل )
!
يازول طوالي قطرتها ليك ...!! قطر عجيب ....!! قلتا طالما عجبتك ..!! وكسرتك ورضرضتك من حيث الشكل ياعلوب ....!! خش في المضمون
إمكن جاك النصيب ....!!!
( وجاك بحكي ليك ...🎼 جاك يشكي ليك ...🎼 جاك من شوقو ليكا ...جاك ...!! 🎼)
المهم هي ماشا..!! و أنا ماشي ...🚶🏼🚶🏼
وقفت ...!! وقفتا ...!!!
لفت ...!! لفيت...!!
قلتا بس أعرِّف عنها اي معلومة والباقي كلو هين ....!!
فجاة إتقشطت ليها في بيت ...!!! أنا هنا اتعوقتا واتعولقتا
....!!! ذي البتحضر ليك في فيلم ومنسجم شديييد ...!! والكهربا تقطع ..!!
هسا انا أسوي شنو ...!!؟
انتظر ياربي ....!!
ولا أدق الباب دا اقول ليهم في واحدة دخلت هنا ...دي منو ..!!!؟
ولا العمل شنو !!؟
إخترتا الانتظار ..!! مافي غيرو ...!!! وفِي الحراية دي ...!!
هي لكن يا علوب يا الغبيان هسا لو طلع دا بيتم ...!! انتا ما اتلحستا ....!! حتبيت هنا ولا شنو ....!!
طمنتا نفسي إنو ما أظن ...!! لانو البت دي قاشرة قشرة ( صادر ) ..!! دا أصلو مابيتم ...!!!
( المنتج المحلي ) نحنا بنعرفو كويييس ....وتوب ( الجيران ) ما بيغبانا ....!!
المهم اتوكلتا انتظرتا ( متكل ) لي في كورنةا كدا ذي بتاعين (المباحث ) لما يلبدو لي ناس ( الشيكات ) ...!! قعدتا لي في عجل ....!!!
ودي كانت أول مره أعرف فايدة اللساتك القديمة بتاعة العربات البغزو نصها في الواطا دي ....!! تلقاها موزعة في كل الأركان ذي بسط الأمن الشامل....!!! اتاري لي نوع التكيلا دي ......!! غايتو السودان دا فيهو المحن ...!!
( العجل بعد العمل ...!!
إما تكيل ....!! ولا شايل طشت الغسيل ...) ...!!
ندعو كل الدول الأعضاء بمناسبة رفع الحظر تجي تاخد ليها نقلا في ( تدوير ) النفايات ....!!
( تشوفنا بندورا كيف ...!! لما راسا دا يلف .....) 😇
اها وكت مرت زي نص ساعة كدا...!! بديت اضايق ....!! والشارع صاااني ...!! والحر ...!! بس ربك رب الخير جا
الزول بتاع ( الدرداقة ) الببيع ( النواشف ) داك ...!!
كاريها مستفا ليك نبق ودوم وتسالي
دايرا توحل ....!! مع الكبكبي والترمس ...!!!
( سوبر ماركت ( يتدردق) علي الأرض )
ويشيل ويكورك ....!! النببببببق الدوووووم عيش الريييف يا ...!! والله كيفني ليك كيف خاصة لما يلوي خشمو ....!!
قلتا ليهو براحة...!!! خفتو يزعج ( الحمامة ) الجوه دي ...!! المهم جيت عليهو قلتا ليهو عندك شنو ...!!؟؟ ( السؤال الغبي ) ...!! ( وناس كتاااار زيي كدا برضو بسألو ...!! يعني ( حيكون عندو ( شكولاتة ) ماياهو الدوم واخوانو )
أديتو عشرين جنية قلتا ليهو ادينا من أي حاجة اتنين ....!! وهو شغال بعبي لي في الطلبات ...!! قلتا ليهو إنتو ( الدوم ) دا ( بتقشرو ) بي شنو.....!!!؟؟؟
( داير لي أي موضوع اتجرجر بيهو...!! واقطع بيهو الوكت .....!! لحدي ما القيامة دي تجي مارقا ...) ..!!
قال لي بالمخرطة ....!!! 😳 داير أقع ....!!! دي دومه ولا دانة
....!!!
المهم ماخلي لي حاجه ود ظريف خلاص ومتعاون. ...!! قلتا ليهو إنتا إسمك منو ...!!؟ قال لي ( الرضي .....!! ) قلتا ليهو اها ان شاءالله راضي .....!! قال أحسن من كدا صعب ...!! عليكم الله شوفو جنس الرضا دا ...!!
واحدين نايمين هسا جوا البيت تحت المكيف تقول ليهو اها كيف الأحوال ...!!؟ يقول ليك زهج شديد ...!!
أها ( الرضي ) كمان اداني زيادة تسالي .....!!! عصرا لي زي الشحاد ...!!!
( عرفتا إنو أي زول في الدنيا دي ممكن يدي ...!!! وهل جزاء الاحسان إلا الاحسان ...!!
واستعدل عربيتو ..عايز يفرتق ....
بس في اللحظة دي جاتني فكرة رهيييبة .....قلتا انا ما أخلي ( الرضي ) دا يكورك كدا إمكن البنات ديل يجن مارقات كايساتن ليهن ( دوم ) ولا ( نبق ) ولا أي حاجه...!!
بس ناديتو ليك بالجنبة كدا قلتا ليهو هاك يالرضي دي عشرين جنية تاني ..!! بس عايزك تكورك لمن الله يغفر ليك ....!! البنات الفي البيت دا بحبن ( الدوم ) يكونن ما سمعن ...!!!
قال لي ولا بدورنو ولا حاجه ...!! انا بعرفن ...!!! 😳
هياااااا اخوانا ...يا ما انت كريم يارب ...!!! قال بعرفن ...!!
( انا الحقيقة مما شفتا الود دا اتفائلتا بيهو ....!!! )
بسس ...!! قلتا ليهو ....اول حاجة العشرين جنيه دي ما بترجع ...شيلا ...ولا تكورك ولا تعمل اي حاجه ...!! بس وريني ديل منو هن ....!!؟؟؟
قال لي مابعرفن بالأسامي ...!!! علا طوالي بجن يشترن مني
........
قلتا ليهو صغار ولا كبار...!!؟ قال

لي صغاااار ...!!!
أصلو ما طمني ( الفقر ) ....!!! ))
( يعني زولتي دي تكون جاية لي منو ...!! )
قلتا ليهو اصلو ماف بت كبيرة معاهن ...!!؟ قال لي ماف ...!!؟ تاني استدرك...!! قال لي استغفر الله ...!! صاح مره جات معاهم واحده كبيرة ...!!!
اطمأنيت حبة ...!! ولو ما خجلتا ...داير أقول ليهو أها الجات معاهن دي حلوة ...!!؟ تاني احترمتا نفسي
قلتا ليهو خلاص يلا بعد دا كورك تاني .....!! انتا ( كورك ) وانا ذاتي ( بكورك ) معاك .....!! وقلنا كدا دورنا ....!!
هو يقول نبببببببق ...!!! وانا اشيل ليك معاهو الدوووووووم ....!!! هو بهناك سمسمييييييه يا ......وانا طوالي في نفس السلم ....فوليبيييييييه يا ....
يازووول مدورين ليك أنا والرضي قون وباص ....!!
بس ( قعونجات الخريف )
زوووول جانا مارق مافي .....!!! قربنا شديد للباب ....!!!
ونكورك ...!!! فضل لينا ندقو .....!!
قال لي ياخ ديل بحبو ( المنقة بي الشطة ) والليلة ماعندي .....!!
عليك الله شوف الود دا ....!!! قلتا ا ليهو الله ينعل يومك ...!! داسي المعلومات الاساسية دي وحسنا انقرش بالدوم ...
بس بديت اكورك ليك ( منفرد هذه المرة ) وبي أعلي صوت ....!!! المنققققققة بالشطة يا
ايووووا علينا جاي ....!!! المنققققة بي الشطة ....وزولك بس مندهش ومستغرب يعاين فيني ....!!!
ونجح الكمين ....!!! والشرك قبض ....والبتين القالن جن طايرات ...!!! شافعتين صغار كدا ( رقشات بس ) ...!!
قلتا أصلو مافي مشكلة أول الغيث ( شافعة ) ...!! والتقيل ورا ....
المهم الشافعات ديل ( ركن ) ليك جنب( الدرداقة ) الشعر متطاير ومنكش ويسألن ....!!! وينا المنقة بي الشطة ...!!؟؟ وينا ....!!؟
بي لهفة كدا لما شفقنا عليهن ...!!
و ( الرضي ) أتبكم ...!!
قلتا ليهم المنقة جاية شيلو الصبر ...!!! وشيلو هسا من ( الدوم ) دا ...!!
قالو لي لكن نحنا ما دايرين ( الدوم ) ...!! دايرين المنقة بالشطة ....!! ( البت الصغيرة شديد دي ريالتا ذي سالت كدا ....!!
( طفولة شنو البي الشطة دي ياربي ....!!! )
وانا أقول نحن مالنا حارين كدا ...!!
قلتا ليهم لا شيلو مجاني ...!! شيلو اي حاجه من غير قروش عشان يتبسطن ويدونا أي معلومة عن الطيارة ( المختطفة ) جوه دي ....!!
إتخيل مش البنات ديل صغار كدا ...!!! حسو إنو أنا زول حرامي ساكت وداير اختفن البديهن من غير قروش دا ....!!
والله يا خوانا ختن كرعينن ديل في نص راسن وقامن ليك صوووف .....!!! وفووووو ...انقطعن في البيت ....!!! وكوووو رزعن الباب قفلو ....!!! ( انا ذاتي بالغتا ...)
بس شوية كدا الباب فتح ...!!جات أمهم لافحا توبا تشوف الزول الداير يدي بناتا ( الدوم ) ( والنبق ) ...مجانا دا ...!!! والمناسبة شنو ...!!!
لقتني ليك واااقف مع بتاع ( النبق ) ...!!! لمت ليك فيهو المسكين ..قالت ليهو انتا قلتا للبنات ديل شيلو النبق مجانا ...!!؟ الود مسكين اتبكم وعيونو نططن .....!! بس طوالي انا أنبريت ليها .....قلتا ليها لا ابدا هو ماعندو دخل ....!!! أنا الحقيقة اشتريت منو ..وجن بناتك الصغار ديل كايسات ( منقة بالشطة) ...!! وكت ما لقن حسّيت بيهن زعلن كدا...!! قلتا أخفف عنهن ...!!
بتعرفي ديل أطفال ما داير اكسر بي خاطرم ....!!!
( بي قلبي قلتا ليها ديل ما أطفال ديل نسوان بتوحمن ...!! )
فقلتا ليهم خلاص شيلو أي حاجه تعجبكم ...!!! والحقيقة أنا أعتبرتهم يعني ذي بنات أخواتي وواحد ....!!! ( مشاعر كان سمعتني الليلة كان زغردت عرس مع الولادة في ضربة مزدرجة ....!!! دي كان دمرتا دمار .....)
يازووول الثقة ...!! ورصريص الكلام ...!! والوش ....المرا اقتنعت وبردت حبة كدا ...!!! قالت لي كتر خيرك ....!!! بس كمان أنا اتخلعتا لمن جن قالن لي كدا ....!! الدنيا بقت صعبة ذي ما إنتا عارف ...!!؟؟
قلتا ليها معاك مليون حق ...!! وعجبتيني جدا لما جيتي بي نفسك تستفسري ...!! دا سلوك مسؤول أحييك عليهو ....!! ( بقيت مرشد كمان ياعلوب ... )
قلتا ليها وهسا أنا ما ماشي من هنا مالم تجيبي لي البنات ديل أطبطب عليهن واطيب خاطرن ....!!! انتي عارفا المسائل دي ممكن تعمل ليهن عقد ...!!
( والله طالما ما بضربن في ( الشطة ) دي عقدة واحدة بتجيهن مافي ...!!! )
قالت لي خلاص ولا يهمك بكلمن ...!! وأنا كمان إصرار شديد لااازم يجن ...!! ما صدقنا لقينا طرف خيط لي ( الإيرباص ) الراكا جوه دي ...!! قربتا اقول ليها وجيبي معاك البيت كلو ...!!
فعلا جابو لي الشافعتين المنكشات ديل ...!! يازول قعدتا معاهن في الواطا دي ...!!! قلتا ليهم أنا جاركم هنا وانا زي خالو اتفقنا ...!! وطيبتا عليهن ....!!
انا قايلن ذي ( الشفع ) يقومن يخجلن كدا ويدنقرن في الارض ....ويغلبن الكلام ..!!
وخابت كل توقعاتي...!!
أول حاجة الصغيرة المجرمة دي أدت نخرتا حكا كدا ....وقالت لي المنقة ...!! المنقة بي الشطة ...!! وينا .!!!؟
( البت دي اكيد مدمنة )
والمرا كمان احتفا

لا بموقفي العظيم دا جابت لي موية ..!! شلتها عايز اشرب شميت لي فيها ريحة ( محلبية ) كدا ...!!
عاينتا لقيت اثر ( حنة ) في الكباية .....!! اها وكت شافتني بعاين كدا ...!! اعتذرت قالت لي معليش أصلا انا ( بحنن ) النسوان ودي حنه الفي الكباية دي ....!!!
بس في اللحظة دي ( الطيارة ) ست الرصه دي كلها ...!!جات مارقه ....!! انا داير أقع من طولي ....!!
( محننة ) فل ...!! 🙌 ....!! بي نقشتا ...!!! 🎼
وعربية جاتا وقفت جنب الباب ...!!!
ودعت المرا أم الشافعات ...! وغمتت ليها قروشا في يدها ...!!! المرا قالت ليها شكرًا يا ( أماني ) وسلمت علي الزول الجاها بالعربية دا من بعيد كدا ....!! قالت ليهو ( مصطفي ) ازييك ....
وانا بشفط في الموية بي حنتا ....!!
قلتا ليها ايوه شايف الزباين ...!! قالت لي أيوه دي زبونتي ....مرا لطيفة خلاص ...!! ومصطفي دا راجلا ...شغال في الجيش ...!! رتبة كدا ...!!!
في اللحظة دي ...بخخخخخخ بخيت ليك الموية من خشمي ...!! الله دا ماشافني الليلة رغم غرضي الشريف دا ...!!!
أم الشافعات اقتنعت ....!!! الكان بقنع لي اب ( طبنجة ) دا شنو
قلتا ليها عليك الله جيبي لي كباية تاني ...!! ولا اقول ليك ...!! جيبي جك ....!! جك كبيييير....!!! عليك الله
بس دخلت تجيبو لي ...!! كوركتا ليها ...قلتا ليها ما مشكلة لو (محنن ) جيبي ...!!
ولا اقول ليك ( حنني وجيبيو ) ...
ياهو حظنا وياهو حالنا وياهو رمادنا ....طلعت بي راجلا ...( أماني )
ياربي ( مصطفي ) دا بكون في سلاح ( الأغاني )
إتلفتا علي ( الرضي ) بتاع الدرداقة قلتا ليهو .....!! الدوووووووم
ماعارفو فهم الحاصل ....!!! ولا الحاصل شنو لانو ردا علي قال
لي ....!! النبق النبق النبق ...!!!
يكون عرفني ( المجرم ) ...!!!
غايتو يامصطفي جنس حظ
طبنجة...!! وكمنجة ....!!! ......!!! صحي يا ( أماني ) ..

#أشياءبسيطة..

والصباح الببدأ منك،، ما في أجمل منو تاني 😘

روح معاك .. عمر الهنا ..
يا الفرقتك .. تمت سنه ..
هي شويه من عمر الزمان ..
لكن كتيييره .. علي أنا ..


#3mr ..

وفينا من وجع المسافرين
‌‏واطة مالاقت هوية

ﻳﺎ ﺻﺎﻣﺪﻩ ﻛﺎﻟﺠﺒﻞ ﺍﻷﺻﻢ،، ﻳﺎ ﻭﺍﻫﻨﻪ ﺯﻱ ﺧﻴﺖ ﻋﻨﻜﺒﻮﺕ ..

لا تبكي المصير .. قدر الموالفين الفراق ..
وقدر المتلنا مشي الهجير ..
سفر الاماني طويل وشاق ..


#3mr ..

ﻓﺮﻗﻚ ﻣﻦ ﺍﻟﻮﺍﻃﻪ ﺍﻟﻨﻌﺎﻝ ﺍﻟﺪﺳﺘﻬﺎ
ﻭﺃﻧﺎ ﻓﺮﻗﻲ ﻣﻦ ﻭﺟﻌﻚ ﺷﺒﺮ
ﻳﺎ ﺭﺍﺿﻴﺔ ﺑﺎﻟﻌﺮﻕ ﺍﻟﺒﺨﺮ ﻋﺰ ﺍﻟﻀﻬﺮ
ﻣﺎ ﺿﻘﺘﻲ ﺭﺍﺣﺔ ﺍﻟﺒﺎﻝ ... ﻭﻻ ﻧﺎﻣﻮﺍ
ﺍﻟﺠﻬﺎﻝ ..

الشخص المهم في حياتك ليس الشخص الذي تشعر بوجوده ..
بل الذي تشعر بغيابه ..

الشنا 😍

#3mr ..

طال بيهو الحنين..فاض بيهو الشجن💔
#ميم ..

مقال اليوم ١٤٠

من سلسلة رسائل اكتبها الى ابنتى ان شاء الكريم ( هذه الرسالة بمناسبة يوم ميلادى ) ..

صغيرتى كراميل : أحبك جداً .. كل رسالة كتبتها لك انتابتنى رغبة ان املأها كلها ب ( احبك جداً .. احبك جداً .. احبك جداً .. حتى تمتلئ الورقة .. فأنا لن امتلئ )!

واحد وثلاثين سنة يا كراميل !! .. يااااه ! السنين تجرى بسرعة لمبرجيني افنتادور بقوة 700 حصان .. لطالما كنت ارى ان من بلغو الثلاثين (كبار.. كبار جداً) ها انا ذا اكتب لك اليوم و انا انكر اننى احدهم .. انكر اننى قد صرت كبيراً .. انكر اننى قد صرت ناضجاً .. مازلت املك مئات الاحلام و الخطط المؤجلة ..مازلت يافعاً ..ما زلت متوثباً .. احب الليدو و البلستيشن و القمصان ذات الكم القصير و (حلاوة بقرة) .. ! اخطط يا كراميل و احلم كطفل منذ كنت طفلاً ! كنت احلم بأن اكون لاعب كرة .. ثم انتقلت لعالم ذرة .. ثم فيزيائى .. ثم محامى ..ثم اقتصادى .. ثم طبيب .. و عندما وصلت الجامعة درست الهندسة ! .. قبل ايام بعد اجتماع ناجح كنت فيه ممثلاً للشركة فى قضية قانونية .. قلت لنفسي اظن اننى كنت على حق ! ما اجيده حقاً فى هذه الحياة هو المحاماة! فضحكت لسخافة الفكرة .. افكر كطفل اليس كذلك؟ ( لو كنا فى نفس البيت و انت تقرأين هذه الفقرة من الخطاب فتعالى حالاً و قولى لى: بابا .. انت طفل .. انت طفل يابابا ) ..

واحد و ثلاثين سنة ... استهلكت فيها كميات كبيرة من الكوكاكولا و الاوكسجين و الكاربوهيدريدات و سلطة الاسود .. ثم اصبح سميناً ! الحلقة نفسها تتكرر .. تتكرر بشكل مضحك .. اكل .. سمنة .. غضب.. حمية.. نحافة ..راحة .. ثم مرة اخرى : أكل ..سمنة .. غضب .. حمية .. نحافة .. راحة .. و أكل .. و و ! و ما ان تنتهى الحلقة حتى تبدأ من جديد!

واحد وثلاثين سنة ..عملت فيها معلماً .. نصف يومى الاول كان اسمى (بلال) طالب بكلية الهندسة و نصف يومى الثانى كان (أستاذ محمد) مع طلابي و عندما اخلد للنوم بعد نهاية يوم غريب اخر اكون (محمد بلال) انسان مرهق جداً .. عملت (عتالى) فى مصنع الاستيم و استقلت بعد مرور يوم (كامل) .. و عملت فى محل انترنت بائس .. (دقيت) الطوب الاخضر لدى امرأة سمينة و حدثت كارثة عندما عرف جدى بالامر و هربت قبل ان اقبض اجر اليوم .. و مندوب تسويق لمدة ثمانية ايام .. و مهندس مشاريع .. و مصمم .. ومهندس مبيعات .. و مدير مشاريع .. و ماذلت اتنقل .. حاولت انشاء عملى الخاص مع شركاء مرتين .. المرة الاولى فشلت و الثانية فشلت بعنف ! ..

الحياة ليست كما يصفها الشعراء يا كراميل .. عشت واحد و ثلاثين سنة لم اشم ابداً رائحة عطر تفوح من اى وردة رأيتها ! .. كل الاشرار الذين رأيتهم لم يكونو مخيفين بل كانو فى غاية الاناقة و الوسامة و سياطهم فى جيوبهم لا يشهرونها الا فى الظلام !يمتصون الضحايا امتصاصاً حتى يفارقون الحياة و يبدون تأثرهم الشديد عندما تخرج الجنازات ثم يقرأون الفاتحة بخشوع..

واحد وثلاثين سنة و البشير ما زال يحكم البلاد يا كراميل .. منذ وعيت الى العالم وهو يحكمها ..و اظن انه سوف يظل يحكمها الى الابد ! .. يحكمها بذات الطريقة .. اخرج الى الشعب و كلمه بغاية البساطة و الطيبة .. اخبره ان الوضع صعب جداً لان الاخرين يكرهوننا و يترصدون بنا .. ولكن كل شئ سوف يصير على ما يرام قريباُ ! و ان الرخاء و التنمية فى الطريق .. ثم تشتغل الموسيقى ذات الطابع الاسلامى و الوطنى و يبدأ المرح احتفالاً بالرخاء القادم .. و الشعب سوف يصدق .. و ان لم يصدق فماذا بوسعه ان يفعل ! واصحاب البدلات الاشتراكية يرفلون فى نعيم فى منتصف الجحيم .. و حتى لو تبقت قطرة بترول وحيدة فسوف يتقاتلون من اجلها ! و فى كل عام يتكرر ذات السيناريو .. و الناس ينسون .. او لا ينسون ! الناس غاضبون و لكنهم مسامحون ! الناس يتحدثون و لا يفعلون ! صار كل شئ مثير للغثيان .. التعليم يتأوه و الصحة تصارع الموت .. الاقتصاد ينحدر بسرعة منتظمة الى القاع.. والفساد صار هو الاساس (حتى ان الاختلاسات فى ديوان المراجع العام ذات نفسه بلغت 243 مليون جنية ) .. اراك تضحكين ! نحن كذلك ضحكنا ! .. اصبحت البلاد تتذيل العالم فى كل شئ و تتصدره فى الجوع و الفقر و الحروب و الفساد .. فقررنا ان نهاجر .. الاف الشباب من جيلنا قررو ان يتركو البلاد الى حين ميسرة و ان يرسلو المال الى من لم يستطع الهرب !

حياتى حرب يا كراميل .. حرب جل معاركها مع نفسي .. انتصرت عليها كثيراً و هزمت فيها اكثر ! .. اتمنى ان اكسب الحرب .. الحياة ليست سهلة يا كراميل .. الحياة ليست حلوة كأسمك .. الحياة صعبة .. حلوة ومرة .. و الجميع مصاب فيها باكتئاب .. حتى الاطباء النفسيين !.. هنالك من يقاتلونه بالابتسامات .. بعضهم بالصراخ ..بعضهم بالضجيج .. و بعضهم يرضخون فيبكون .. يبكون بصوت او بصمت ! .. ادعو الله ان يجعلنى و يجعلك من اصحاب الابتسامة .. الذين يرسمونها على وجوههم و على وجوه الاخرين .. كنت اتحدث مع صديقى قبل

ساعتين من الان لأعزيه فى وفاة والدته .. قال انه مرتاح جداً انها قد حضرت عرسه الذى كان امنيتها ان تراه ! نعم ماتت امه يا كراميل بعد يوم من حفل زواجه ! ماتت بعد ان حققت حلم حياتها ... الم اقل لك انها حلوة ومرة ! حلوة ومرة جداً !!

صغيرتى .. امك قطعة منى فاذا اردتى ان تحبينى فأحبيها ..

احبك جداً ..

والدك المشتاق لرؤية عينيك الجميلتين : محمد بلال بشير العقيد ..

11 اكتوبر 2015 ..

#محمد_بلال ..
#أشياءبسيطة ..

طيري يا طيارة وطيييري 🎶
طيييري ياطيارة وطييري 🎶

قعدة في ضل المزاج ❤️❤️