مقال اليوم ١٣٨
المشكلة بدت معاى من بدرى .. هى فى الحقيقة ما مشكلة كبيرة يعنى ..ممكن نسميها استايل أكل مختلف .. لعبة التداخل .. عبثية الأطباق .. انسجام التنافر !! ففى المدرسة كان افضل فطور عندى هو الفطورالبسميهو الفتور " بالتاء" المشكل المشترك الفولى الأظبط .. و هو نتاج فتة مجموعة مختلفة من الحشوات ( الشطائر او السندوتشات) لمجموعة من الطلاب .. حشوات مختلفات متباينات فيها بيض مسلوق و بيض مقلى و سلطة اسود و مربى و حشوة ملفقة " باقى ملاح بطاطس مع سلطة روب مثلاً " .. وفول .. اشان كدة " مشترك فولى" لان اى سندوتش بختفى و بظهر اثناء الاسبوع الا الفول" ثابت و عندو حضور و كاريزمة..
المهم .. الموضوع مستمر و عمل لى مشاكل كتيرة فى الاكل مع ناس البيت .. يعنى ما قدرو كلو كلو يتقبلو الموضوع رقم انى كلو كم يوم بطرح ليهم الفكرة بapproach مختلف .. لكن دايما بينتهى بى المطاف باكل فى الحلة ملخبط فيها الملاح مع الكسرة مع عيشة و جرجير و هكذا .. او اكمل اكلى معاهم عادى و غداى بحس بيو مكتف مكتف .. و ما بشبع زاتو ..
طبعاً افضل environment هى المناسبات .. باخد راحتى تماماً تماماً .. الناس دى تخت الصينية .. و المجموعة القاعدة مافى زول بعرف زول .. يبدو بتهذيب فى مرحلة ما قبل الضلعة ديك .. تحوم فيها الايدى حول الحمى .. جدعات تكتيكية خفيفة .. قرايات للملعب.. حتة سلطة و حتة بطاطس بالقيمة و حتة عيشة ساى .. لحدى ما عمك الجرئ الشفت يقطع ليهو حتة سغنونة كدة من الضلعاية .. فيفتح الباب على مصراعيه لتبدأ عملية النتف.. و بيكون فى نفرين قاعدين قصاد بعض بيعملو تيم ممتاز " سبحان الله بدون كلام" واحد يثبت الضحية و التانى ينتف و هكذا حتى يصبح العظم ابيض من اسنان لوشي .. هنا بخش انا .. ببدأ بعملية روتينية طبيعية و هى سكب ام رقيقة على الكسرة .. و بشيل صحن السلطة الخدرا و أميلو على صحن ام رقيقة نظام أكب العصارة الظريفة ديك .. و هووووب بطريقة سريع بتتبهل منى السلطة كلها فى الصحن .. و أقول : ايييييك ياخ معليش معليش معلييييييش !! فبقومو الناس كلها يقعدو يقولو لى عادى عادى و ياخ ماحصل شى و لازم واحد يقول لى احسن زاتو معاها ضحكة .. بسسسسسس دقس دا ... طوالى اقول ليو " قلت كدة؟ خلاص نجوطا يا زول" وقبل يرد .. عينك ما تشوف الا النور .. بكب ليك الصحانة كلها و الناس تعاين بحرج لكن ماف زول بقول حاجة .. و تبدأ المزمزة ..
الموضوع ماشي معاى سنين لحدى ما جا اليوم اياه .. الحاج عازم خواجية بت لذينا .. فنانة تشكيلية جات تدى محاضرات فى معهد جوتة لمدة اسبوع و تتخارج .. الحاج قال يعرفا على ثقافتنا ويجيبا البيت تاكل معانا و تشرب قهوة و الأحناك ديك .. كان اعظم غدا اتعمل فى تاريخ بينتنا حتى الأن .. بدت التجيهزات قبل تلاتة يوم .. اول مرة اكتر من اتنين كيلو لحمة يخشو البيت من غير ما يكونو "خروف" .. اول مرة نشترى خضار من المركزى .. اول مرة نهتم بالتفاصيل لدرجة انى اركب ركشة و الف بيها اربع ساعات اشان اجيب جزر ! حسيت انى ارنب فى نص الرحلة ! اول مرة نجيب عيش من بحرى .. المهم كان غداء اتعمل ليهو planning و bottom up estimation محترم .. ناس البيت بحزرو فينى من بليل .. تحترم نفسك يا زفت .. تحترم نفسك يا حيوان .. اياك تلخبط حاجة مع حاجة !
وجات الخواجية .. و ختو الصينية الأظبط فى العالم .. و بدينا نعرف فيها على الاشياء .. ومكوناتا .. و رغم انى ابلد زول فى البيت بس الحق يقال انجليزينى رابط .. أو ممكن تقول " الأربط" فى البيت .. ابوى انجليزيو متهالك و باقى ناس البيت متهالك شديد .. فكانت فرصتى فى انى اشرح .. و اثناء ما بشرح و هى بتاكل .. لاحظت لملاح القرع قاعد جمب الكسرة وفى قرنين شطة خدراء بالجمبة .. ياخى انا تعبتا تعب .. حسيت انو الحاجات دى بتكورك لى اشان اجوطا .. قمت اتهورت و قلتا ليها :
Do you want to try the most astonishing food experience ever? which I call it " mess up everything " ?
قالت لي : واااااو .. وااااااو .. قوووووووووو اهيد بلييييييز ..
و أنا ولا كضبت .. طاشك طيشك .. تراف تريف .. قلبتا ليك الصحانة كلها فى الصينية زاتا .. اقلب الصحن و الخبط .. وناس البيت وشوشم تضحك .. وابوى ضغطو ارتفع .. والخواجية متحمسة .. و بتشجع فينى كمان .. اميييزنج اميييينزج .. اوووسام اوسااااام .. لمن قالت اوسام دى انا شلتا الكستر زاتو قلبتو مع الأكل فى الصينية .. الخواجية دى رمت الشوكة بعيد وهبتت معاى هبت الجن ..
................
" I will never ever forget this venture !"
دى كانت جملتا لى و هى راقدة فى حوداث البلك نصف مغمضة بعد ليلة كانت من اصعب الليالى فى حياتنا على الاطلاق .. الليلة الوقفتا فيها " انى الخبط الاشياء" رغم انى لى يوم الليلة بتوتر كلما اشوف قرع وكسرة جمب بعض !! بكوركو لى اشان " أجوطا" !..
#محمد_بلال ..
#أشياءبسيطة..
المشكلة بدت معاى من بدرى .. هى فى الحقيقة ما مشكلة كبيرة يعنى ..ممكن نسميها استايل أكل مختلف .. لعبة التداخل .. عبثية الأطباق .. انسجام التنافر !! ففى المدرسة كان افضل فطور عندى هو الفطورالبسميهو الفتور " بالتاء" المشكل المشترك الفولى الأظبط .. و هو نتاج فتة مجموعة مختلفة من الحشوات ( الشطائر او السندوتشات) لمجموعة من الطلاب .. حشوات مختلفات متباينات فيها بيض مسلوق و بيض مقلى و سلطة اسود و مربى و حشوة ملفقة " باقى ملاح بطاطس مع سلطة روب مثلاً " .. وفول .. اشان كدة " مشترك فولى" لان اى سندوتش بختفى و بظهر اثناء الاسبوع الا الفول" ثابت و عندو حضور و كاريزمة..
المهم .. الموضوع مستمر و عمل لى مشاكل كتيرة فى الاكل مع ناس البيت .. يعنى ما قدرو كلو كلو يتقبلو الموضوع رقم انى كلو كم يوم بطرح ليهم الفكرة بapproach مختلف .. لكن دايما بينتهى بى المطاف باكل فى الحلة ملخبط فيها الملاح مع الكسرة مع عيشة و جرجير و هكذا .. او اكمل اكلى معاهم عادى و غداى بحس بيو مكتف مكتف .. و ما بشبع زاتو ..
طبعاً افضل environment هى المناسبات .. باخد راحتى تماماً تماماً .. الناس دى تخت الصينية .. و المجموعة القاعدة مافى زول بعرف زول .. يبدو بتهذيب فى مرحلة ما قبل الضلعة ديك .. تحوم فيها الايدى حول الحمى .. جدعات تكتيكية خفيفة .. قرايات للملعب.. حتة سلطة و حتة بطاطس بالقيمة و حتة عيشة ساى .. لحدى ما عمك الجرئ الشفت يقطع ليهو حتة سغنونة كدة من الضلعاية .. فيفتح الباب على مصراعيه لتبدأ عملية النتف.. و بيكون فى نفرين قاعدين قصاد بعض بيعملو تيم ممتاز " سبحان الله بدون كلام" واحد يثبت الضحية و التانى ينتف و هكذا حتى يصبح العظم ابيض من اسنان لوشي .. هنا بخش انا .. ببدأ بعملية روتينية طبيعية و هى سكب ام رقيقة على الكسرة .. و بشيل صحن السلطة الخدرا و أميلو على صحن ام رقيقة نظام أكب العصارة الظريفة ديك .. و هووووب بطريقة سريع بتتبهل منى السلطة كلها فى الصحن .. و أقول : ايييييك ياخ معليش معليش معلييييييش !! فبقومو الناس كلها يقعدو يقولو لى عادى عادى و ياخ ماحصل شى و لازم واحد يقول لى احسن زاتو معاها ضحكة .. بسسسسسس دقس دا ... طوالى اقول ليو " قلت كدة؟ خلاص نجوطا يا زول" وقبل يرد .. عينك ما تشوف الا النور .. بكب ليك الصحانة كلها و الناس تعاين بحرج لكن ماف زول بقول حاجة .. و تبدأ المزمزة ..
الموضوع ماشي معاى سنين لحدى ما جا اليوم اياه .. الحاج عازم خواجية بت لذينا .. فنانة تشكيلية جات تدى محاضرات فى معهد جوتة لمدة اسبوع و تتخارج .. الحاج قال يعرفا على ثقافتنا ويجيبا البيت تاكل معانا و تشرب قهوة و الأحناك ديك .. كان اعظم غدا اتعمل فى تاريخ بينتنا حتى الأن .. بدت التجيهزات قبل تلاتة يوم .. اول مرة اكتر من اتنين كيلو لحمة يخشو البيت من غير ما يكونو "خروف" .. اول مرة نشترى خضار من المركزى .. اول مرة نهتم بالتفاصيل لدرجة انى اركب ركشة و الف بيها اربع ساعات اشان اجيب جزر ! حسيت انى ارنب فى نص الرحلة ! اول مرة نجيب عيش من بحرى .. المهم كان غداء اتعمل ليهو planning و bottom up estimation محترم .. ناس البيت بحزرو فينى من بليل .. تحترم نفسك يا زفت .. تحترم نفسك يا حيوان .. اياك تلخبط حاجة مع حاجة !
وجات الخواجية .. و ختو الصينية الأظبط فى العالم .. و بدينا نعرف فيها على الاشياء .. ومكوناتا .. و رغم انى ابلد زول فى البيت بس الحق يقال انجليزينى رابط .. أو ممكن تقول " الأربط" فى البيت .. ابوى انجليزيو متهالك و باقى ناس البيت متهالك شديد .. فكانت فرصتى فى انى اشرح .. و اثناء ما بشرح و هى بتاكل .. لاحظت لملاح القرع قاعد جمب الكسرة وفى قرنين شطة خدراء بالجمبة .. ياخى انا تعبتا تعب .. حسيت انو الحاجات دى بتكورك لى اشان اجوطا .. قمت اتهورت و قلتا ليها :
Do you want to try the most astonishing food experience ever? which I call it " mess up everything " ?
قالت لي : واااااو .. وااااااو .. قوووووووووو اهيد بلييييييز ..
و أنا ولا كضبت .. طاشك طيشك .. تراف تريف .. قلبتا ليك الصحانة كلها فى الصينية زاتا .. اقلب الصحن و الخبط .. وناس البيت وشوشم تضحك .. وابوى ضغطو ارتفع .. والخواجية متحمسة .. و بتشجع فينى كمان .. اميييزنج اميييينزج .. اوووسام اوسااااام .. لمن قالت اوسام دى انا شلتا الكستر زاتو قلبتو مع الأكل فى الصينية .. الخواجية دى رمت الشوكة بعيد وهبتت معاى هبت الجن ..
................
" I will never ever forget this venture !"
دى كانت جملتا لى و هى راقدة فى حوداث البلك نصف مغمضة بعد ليلة كانت من اصعب الليالى فى حياتنا على الاطلاق .. الليلة الوقفتا فيها " انى الخبط الاشياء" رغم انى لى يوم الليلة بتوتر كلما اشوف قرع وكسرة جمب بعض !! بكوركو لى اشان " أجوطا" !..
#محمد_بلال ..
#أشياءبسيطة..
Forwarded from ببساطه كدا |
💭 ببساطه كدا |15|
🌟عنوان الحلقة : "قول الحمد لله 😊✋"
~ سمؤال عبد الواحد .
√ شير للغير ❤
🌟عنوان الحلقة : "قول الحمد لله 😊✋"
~ سمؤال عبد الواحد .
√ شير للغير ❤
Forwarded from #مَسألة_مَبدأ 𓂆
ツ
﷽
إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ﷺ
انِر قبرها يا الله تجاوز عنها ابدلها داراً خيراً من دارها واهلا خيراً من اهلها اللهم عوض شبابها الجنة واجمعنا بها ❤
@masaltmabda
﷽
إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ﷺ
انِر قبرها يا الله تجاوز عنها ابدلها داراً خيراً من دارها واهلا خيراً من اهلها اللهم عوض شبابها الجنة واجمعنا بها ❤
@masaltmabda
مقال اليوم ١٣٩
قصة اغنية
اسم الاغنية اصلا ( الزمن الجميل )
للشاعرة : وجدان صباحى وقصة القصيدة هى انو استاذة وجدان قدمت لشغل فى احد المنظمات وكان الشغل فى غرب السودان الابيض وحين تم الاتصال بالشاعرة وجدان لتستلم الوظيفة والسفر الى هناك كانت قد وضعت مولود حديثاً وعمره اقل من شهر , و عند انتها المكالمة نطق لسان حالها وهي تخاطب ابنها الذي ينام فى حضنها وقالت :
لو بتتحمل سكة السفر الطويل ..
هسه كان سافرنا لي زمنا جميل..
دفقنا في شوارعو الفرح
ولبدنا لي الودر
شليل شليل وينو
شليل وين راح ياناس
وينو ياناس وين راح
زمنا جميل اطفالو كانو بي عزتهم
والناس جميله بي فطرتهم
انا لسه في في عهدي الامس
بعشق خصالك كلها
بجمال عيونك مندهش
وعشان عهودي القلتها
بوصل معاك حد الشمس
انا غايتو ستفت الشنط
ستفتها بالريد إتملت
ختيت معاها الامنيات
سمح الخصال طبع البلد
وبخيرك لو فيك قدره ارح نمش ..
بوصل معاك حد الشمس ..💜❤️😍
*مرفق الاغنية اداء كورال نجوم الغد ..
#أشياءبسيطة..
قصة اغنية
اسم الاغنية اصلا ( الزمن الجميل )
للشاعرة : وجدان صباحى وقصة القصيدة هى انو استاذة وجدان قدمت لشغل فى احد المنظمات وكان الشغل فى غرب السودان الابيض وحين تم الاتصال بالشاعرة وجدان لتستلم الوظيفة والسفر الى هناك كانت قد وضعت مولود حديثاً وعمره اقل من شهر , و عند انتها المكالمة نطق لسان حالها وهي تخاطب ابنها الذي ينام فى حضنها وقالت :
لو بتتحمل سكة السفر الطويل ..
هسه كان سافرنا لي زمنا جميل..
دفقنا في شوارعو الفرح
ولبدنا لي الودر
شليل شليل وينو
شليل وين راح ياناس
وينو ياناس وين راح
زمنا جميل اطفالو كانو بي عزتهم
والناس جميله بي فطرتهم
انا لسه في في عهدي الامس
بعشق خصالك كلها
بجمال عيونك مندهش
وعشان عهودي القلتها
بوصل معاك حد الشمس
انا غايتو ستفت الشنط
ستفتها بالريد إتملت
ختيت معاها الامنيات
سمح الخصال طبع البلد
وبخيرك لو فيك قدره ارح نمش ..
بوصل معاك حد الشمس ..💜❤️😍
*مرفق الاغنية اداء كورال نجوم الغد ..
#أشياءبسيطة..