‏و الخُطى التاهت زمان
‏بين المظالم و الودار
‏ترجع
‏و يرجع ليها نور
‏إيقاعها مشحون انتصار

ﺍﻳﻬﺎ ﺍﻟﺮﺍﺣﻞ ﻓﻲ ﺍﻟﻠﻴﻞ ﻭﺣﻴﺪﺍ
ﺿﺎﺋﻌﺎ ﻣﻨﻔﺮﺩﺍ
ﺍﻧﺘﻈﺮﻧﻲ ﻓﺎﻧﺎ ﺍﺭﺣﻞ
ﻓﻲ ﺍﻟﻠﻴﻞ ﻭﺣﻴﺪ
ﻣﻮﻏﻼ ﻣﻨﻔﺮﺩﺍ
ﻓﻲ ﺍﻟﺪﻫﺎﻟﻴﺰ ﺍﻟﻘﺼﻴﺎﺕ ﺍﻧﺘﻈﺮﻧﻲ
ﻓﻲ ﺍﻟﻌﺘﺎﻣﻴﺮ
ﻭﻓﻲ ﺍﻟﺒﺤﺮ
ﺍﻧﺘﻈﺮﻧﻲ
ﺍﻧﺘﻈﺮﻧﻲ.. ™

استغفر الله العظيم و اتوب اليه ..

شفتي كيف لما الشمس .. مدت نوافير الشعاع ..

#3mr ..

ان شاء الله ﺣﺴﻨﻚ ﻟﻴﻚ ﻳﺪﻭﻭﻡ
غرقان وبحر الريد ظلوم.. ™

ﻋﻤﺎ ﻗﺮﻳﺐ ﺍﻟﻬﻤﺒﺮﻳﺐ ﻳﻔﺘﺢ ﺷﺒﺎﺑﻴﻚ
ﺍﻟﺤﺒﻴﺐ ﻭﺍﻟﺤﺎﻝ ﻳﻄﻴﺐ😍.. ™

‏"امِش ،
يعدل عليك الله
طريقك لا غُلب لا آه
لا نسمع مريكبك تاه
وسط لجة زمن جهجاه"..

ﻳﺎ ﻓﺘﺎﺡ ﻋﻠﻴﻚ ﺭﺯﻕ ﺍﻟﻔﻘﻴﺮ ﻣﻌﺪﻭﻡ ..
ﻭﺭﺯﻕ ﺍﻟﻔﻲ ﺍﻟﻘﺼﻮﺭ ﻣﺮﺗﺎﺡ ..
ﺗﺪﻳﻢ ﻧﻌﻤﻚ ﻋﻠﻲ ﻋﺒﺎﺩﻙ ..
ﻧﺠﻴﺐ ﻋﺰ ﺍﻟﻮﻃﻦ ﻛﺎﻥ ﺭﺍﺡ ..

ﺯﻭﻝ ﻓﻲ ﺍﻟﺪﻧﻴﺎ ﺑﺮﻳﺪﻭ
ﺭﻳﺪﺓ ﺧﻮﺓ ﺭﺑﻲ ﻳﺪﻳﻤﺎ
ﺯﻭﻝ ﺯﻱ ﺑﻠﺴﻢ ﻳﺪﺍﻭﻱ ﺟﺮﺍﺣﻚ
ﻭ ﻭﻛﺖ ﺍﻟﻀﻴﻘﺔ ﻛﻠﻮ ﻋﺰﻳﻤﺔ
ﺯﻭﻝ ﻣﺨﻠﻮﻕ ﺷﺎﻥ ﻳﺒﻘﻰ ﺣﺪﺍﻙ
ﺳﻨﺪﻙ ﻭﻋﻮﻧﻚ ﺭﻭﺣﻮ ﺭﺣﻴﻤﺔ
ﺯﻭﻝ ﺍﻟﻨﺎﺱ ﺑﺘﺮﻳﺪﻭ ﺑﻔﻄﺮﺓ
ﻭﺩﺍﻳﻤﺎ ﺑﺎﺳﻢ ﻭﻧﻔﺴﻮ ﻋﻈﻴﻤﺔ

#ميم ..

ﺯﻭﻝ ﻓﻲ ﺍﻟﻄﻴﺒﺔ ﻣﺎﻓﻲ ﻣﺜﻴﻠﻮ
ﺧﻠﻘﻮ ﺍﺧﻼﻗﻮ ﻋﺰﻳﻤﺔ ﻫﻤﻴﻤﺔ
ﺯﻭﻝ ﺑﺘﺸﻮﻓﻮ ﺗﺮﻭﺡ ﺍﺣﺰﺍﻧﻚ
ﻭ ﻭﻛﺖ ﺍﻟﺤﺮ ﻳﺒﻘﺎﻟﻚ ﻏﻴﻤﺔ
ﻭﺯﻭﻝ ﻓﻲ ﺍﻟﻬﺠﻌﺔ ﻣﻮﻫﻂ ﻭﺻﺎﺑﺮ
ﻭﺍﻳﻤﺎ ﻧﻴﺘﻮ ﺻﺎﻓﻴﺔ ﺳﻠﻴﻤﺔ
ﺑﺸﺤﺪ ﺭﺑﻲ ﻳﺪﻳﻢ ﺍﻟﺒﻴﻨﺎ
ﻭﻳﻮﻡ ﻻ ﺍﺷﻮﻓﻮ ﻓﻲ ﻣﺤﻨﺔ ﺍﻭ ﺿﻴﻤﺔ
#ميم ..

وﺍﻗِﻒ ﺑﺮﺍﻙْ،،ﻣﻄﺮ ﺍﻟﺤُﺰﻥ
ﻋﺎﻭﺩ ﻫَﻄَﻞ،،ﺟﺪﺩ ﻋﺬﺍﺏﺍﻷﺭﺻﻔﺔ
ﺿﻲ ﺍﻟﻤﺼﺎﺑﻴﺢ ﺍﻟﺒﻌﻴﺪ،،ﺃﺗﻌﺐ ﻋﻴﻮﻧﻚ
ﻭﺍﻧﻄﻔﻰ ..

مايفسده الآخرون ، تصلحه الشيّة..😍
#ميم..

"والأصلو في الجوف اندفن لا بتنسي لا بنمحي لا بنتهي منو الحريق " 🎶

يارفيق الخطوة 🌸
يوم عز الرفيق 🌸

حافظ على الجزء الغير عاقِل من شخصيّتك ،،الجزء اللّامنطقي
الجُزء المزعج،،الضحّوك،،الفوضويّ
الجزء الذي يعيد روحك طفلا مهما بلغ عمرك.😍

نجمة نجمة الليل نعدو
والسنين ياحليلنا عدو🎶

‏لولا المعلم ما قرأت كتابـاً
‏يوماً ولا كتب الحروف يراعي
‏فبفضله جزت الفضاء محلقاً
‏وبعلمه شق الظلام شعاعي❤..
‏
‏⁧ #شكراً_معلمي ⁩
‏ ⁧ #اليوم_العالمي_للمعلم ⁩..

ﻓﻰ ﺃﺣﻮﺍﻝ ﺍﻟﺰﻣﻦ ﺻﺎﺭ ﺍﻟﻔﻜﺮ ﺣﺎﻳﺮ
ﻭﺍﻟﻴﺎﺑﺎﻙ ﺧﻠﻮ ﻋﻨﺪﻭ ﺷﻦ ﺩﺍﻳﺮ
ﻓﻮﻕ ﺃﻫﻞ ﺍﻟﻔﻜﺮ ﻛﺎﺱ ﺍﻟﻮﺣﻴﺢ ﺩﺍﻳﺮ
ﻧﻔﺪ ﺳﻮﻕ ﺍﻟﻨﻔﺎﻕ ﺳﻮﻕ ﺍﻟﺴﻤﺢ ﺑﺎﻳﺮ ..💔

أبعدنا ياالله عن الإنغماس في الحياة و في اللّهو دون قلبٍ يذكرك.

#ميم

يوميات #علوب ...128 .......( حلقة خاصة بمناسبة رفع الحظر)

بيت مال ودولار ...!!

يازوووول ماف أي موضوع غير رفع الحظر وأمريكا...!! وترامب ...!! دي الكلمات التلاتة الأكثر تداولا في كل محركات البحث عندنا داخل الحلة حتي الساعة ...وأي زول شغال تنظير فيما يليه ....!!!
غايتو حلتنا الليلة ماعرفتها.....( دالاس ) بس ....!
لقيت ليك عمك ( يس ) سيد الدكان شدة ما الله ادا بتكلم في الدولار وسعر الصرف...!! ( الله قادر ...!! )
لو سألتو قلتا ليهو إنتا هو الدولار دا لونو كيف ...!!؟
(ما حتكون في أي إجابة ) لأنو ماعندو أي فكرة ....
المهم لقيتو ببايع لي في نسوان كدا وجماعة منتظرين في الدور شاف الحتة زحمة قال يعمل ليهو جدعة .....كبا ( الزيت ) في ( كيس ...!! ) ربطو أداهو المرا ....!!! و أدا الجماعة تحليلو للوضع الراهن ورؤيتو المستقبلية ...!!
قال ياخوانا الحظر ده ( لاحظو الظا مضمومة ) ....!!! ما تقولو يعني خلاس بكرا الحاجات بترخس وقصص ذي دي ...!!؟؟ ماف كلام ذي دا ...!! الدولار أياهو الدولار .....!!
هملتك ( يالحظووور) البحللك ( يس ) ...!!
غايتو الأمريكان لو شافو ( الزيت ) الكابنو في ( الكيس ) دا ...!! تاني كان حظرونا .....!!
عمك ( يس ) لاعب مصلحة ورقو ..!! أصلو ماداير يسمع سيرة
الأسعار نزلت دي ...!! هو المسكين قايل ( سيد الدكان ) دا يعني
محافظ (بنك السودان ) ....!! ماعارف انو ( سيد دكان ) دا زول مسكين ساي زينا كدا ...يقع عليه مايقع علي الشعب ...!!
هو حساب في البنك ماعندو مالو ومال الحظر فكو...!!! ولا ربطو ...!! يتشائم فينا ...!! ( حالة صعبة شديد )
اها جيت البيت لقيت ( ترامب ) برضو قدامي ....!!
الليله يحلنا الحلا ( الحكومة )
لقيت ليك ناس فوزية وسنية وملكة قاعدات مع الحاجه ( مجلس اللوردات ) ...حيروني ليك ....خلن أي حاجة ....!! الصندوق ...!! والتياب ...!! والعدة ...وعرس بت ( إقبال ) ...إتخصصو (حظر ) بس ...!! واليات رفع ....!!!
نقاش مستفيض في حيثيات القرار ....!! وتحليل معمق لأبعاده وتداعياته ....!!
فوزية قالت هسا يا بنات أمي يعني معني الكلام دا تاني جنس الغلا الفوقنا دا خلاص بخف ولا شنو ...!!!؟؟
( زوووول عندو إجابة مافي ....!! )
( سنية ) طبعا قرت لحدي الثانوي العام الزمن داك ...!! فشنو ...!! داخلا في الشخصية .....!! وكلهن بحترمن كلاما علي حس (الوسطي ) دي ( بالنسبة ليهن (هارفارد) ....!! وهي طبعا حاسا بالعظمة ...!! صلحت ليك توبا...!! وأدت يدها الشمال دي جدعة خفيفة كدا ...!! وأجابت باقتضاب ...!! ( ابدا ..! ماافتكر ....!!! )
(بقت تفتكر كمان ) ...!!
واضافت( السنية) ....إنو الحظر دا موضوع معقد جدا ونتايجو ما بتظهر طوالي ...!!!
(والله أصفق وأعلّق ...!!! ). انا ذاتي اتخلعتا ....!! يمين الوزير لو جاوب إجابة ( سنية ) دي يكون ماقصر ....!! دي ياها نفس اجابات الأمريكان لما يتغاتتو ....!! قوية يا سنية ...!!! والله جد ....
وقالت كدا ملكة نزلت ال debate ..وقررت المشاركة ...!! وليتها لم تفعل .....!!
قالت غايتو هي بس متكيفة من ( طرامب ) دا ( بالطا ) ...قالت غايتو الراجل المنفوش دا طلع بحبنا حب اصلو ما معقول ( لا ياخ ) ومن جوا قلبو ...( ومسامحك يااا حبيبي ) وأضافت ( ملكة جانسي ) في معرض ردها عن أبعاد القرار وتأثيراته قائلة ...( ياحليلو ...!! ) ....!! وكدا.....!! ( إنتهي بيان ملكة) ....!!!
تحلي ليك العافية ان شاءالله ....!! ( الصفقة لي ملكة ) ست الراي والفهم ...)
صحي والله بحبنا ....!! وشديد كمان ....!!
هو جيرانم ( حيطة ) بالحيطة عايز يبني بيناتم (حيطة ) ....!!! انتي ماسمعتي بي حيطو مع المكسيك ...يحبنا نحنا المناسبة شنو ...!!؟ ....!! أولاد عمو ....!!؟؟؟
....!! ( ملكة ) دي دخلوها الضل ....
المهم يازول بس غايتو الماسورة دي كان فتحتها تنقط ( حظر )

ناس ( بلة ) ديلاك كمان كلامن برا ...جنس نفشة هي ...!!!
( بلة ) واهم نفسو رسمي إنو هو من الناس الأسهمو في فك الحظر دا ...!! أي والله ....!!! وجااااادي .....!! قال يا اخوانا دا الكلام القلنا في ( المحلية ) قبل شهور ....
( محلية ( ميريلاند) ياربي ) ...!؟
قال قلنا ليهم ياااا أمريكان .... لو ما فكيتو الحظر دا حتضيعو علي نفسكم فرص كبيرة جدا في البلد دي ...!!انتو عارفين ( خرفان ) سااااكت ممكن تغنو....!!!
ياسلام يا بلة ياخ ...!!! كفيت ووفيت والله ....!!! جيت من الاخر ...!! ما شاءالله تبارك الله ...!!! أيه الدرر دي ...بالجد مكانك ( الكونغرس) هناك مع الجماعة ...!!
محلية شنو كمان ....!!!
أو تمشي كمان مع (الصادر ) القلتو دا ....!!
وبي امااانة كدا وبدون مجاملة ...!! أنا شايف خيار ( الصادر) أنسب ....!! لأنو بالجد ماشايف لي ( خروف ) غيرك ....!!!
فكنا يا ( بلة ) ياخ كرهتنا ...اي موضوع انتا