وامشِ على ضوء الصّباح، فإن خبا.. فامش على ضوء الهلال السّاري
عش في الخلاء تعش خليّاً هانئاً.. كالطّير حرّاً، كالغدير الجاري!
"..♤

ﺷﺪﻭﺍ ﻟﻚ ﺭِﻛﺐ ﻓﻮﻕ ﻣﻬﺮﻙ ﺍﻟﺠﻤﺎﺡ
ﺿﺮﻏﺎﻡ ﺍﻟﺮﺟﺎﻝ ﺍﻟﻔﺎﺭﺱ ﺍﻟﺠﺤﺠﺎﺡ
ﺗﻤﺴﺎﺡ ﺍﻟﺪﻣﻴﺮﺓ ﺍﻟﻤﺎ ﺑﻴﺼﺪﻩ ﺳﻼﺡ
ﺍﻟﻤﺎﻝ ﻣﺎ ﺑﻴﻬﻤﻚ ﺇﻥ ﻛﺘﺮ ﻭﺇﻥ ﺭﺍﺡ..♤

عارفني منك..😘..♤

إننا لا نستمد الجمال من خارجنا إنما نستمده من داخلنا، ولأننا نرى العالم من خلالنا قبل أن نراه من حولنا..♤.

ﻳﺎﻭﻟﺪﻯ ﺍﻟﺪﺭﻭﺏ ﺷﻘﺎﻗﺔ ﺑﺤﺮ ﺍﻟﺘﻴﻪ
ﻟﻴﻚ ﺩﺭﺏ ﻭﻻ ﺩﺭﺑﻴﻦ
ﻣﺴﺎﻙ ﺍﻟﺪﺭﻭﺏ ﺿﻬﺎﺏ
ﻟﻴﻚ ﻗﻠﺐ ﻭﻻ ﺑﺎﻟﻴﻦ
ﺳﻮﺍﻯ ﺍﻟﻘﻠﻮﺏ ﻛﻀﺎﺏ
ليك ضهر ولا سرجين
ركاب السروج وقاع.. ™

يا عشاق..عيد الحب ❤️على الباب
متى يكون عيد الفقير؟لو الفقير دايماًيعيش بعذاب؟؟
خلينا ننسى قصة الوردة
ونعطي لكل محتاج خبزة #عيد_الفقير..♤

ﺣﺎﺭﺳﺔ ﺍﻟﺼﺎﺝ ﻭﻋﺎﻳﺴﺔ ﺍﻟﻜﺴﺮﺓ
ﺳﻤﺤﺔ ﺿﻤﺔ ﻣﺎ ﻣﻨﻜﺴﺮﺓ
ﺷﺎﻳﻠﺔ ﺍﻟﺮﻳﺪﺓ ﺣﺎﻓﻈﺔ ﺍﻟﻌﺸﺮﺓ
ﻓﻴﻬﺎ ﻋﻘﺎﺏ ﺩﻋﺎﺵ ﺍﻟﻤﻄﺮﺓ
ﺗﻠﻘﺎﻙ ﺑﻲ ﺣﺒﺎﺑﻚ ﻋﺸﺮﺓ
ﻣﺎ ﺑﺘﺸﻮﻑ ﻋﻠﻴﻬﺎ ﺍﻟﻜﺸﺮﺓ.. ™

ﺷﺎﻳﻘﻴﺔ ﺷﻘﺖ ﻗﻠﺒﻲ ﺷﻮﻕ
ﻭﻏﺴﻠﺘﻨﻲ ﻣﻦ ﻛﻀﺐ ﺍﻱ ﺑﺖ
ﻭﺩﺧﻠﺖ ﻣﺴﺎﺭﺏ ﺍﻟﺮﻭﺡ ﺑﺸﻴﺶ
ﺫﻱ ﺩﺧﻠﺖ ﺍﻻﺳﺒﻮﻉ ﺳﺒﺖ
ﻫﺰﺕ ﻓﺮﻭﻉ ﺍﻟﺬﻛﺮﻳﺎﺕ
ﺧﻠﺖ ﻭﺟﻊ ﻣﺎﺿﻲ ﻳﺤﺖ ..

يوميات #علوب 20 .. العجب حبيبى ...!! .

الليله اول يوم اكتشف انو نص اولاد حلتنا ديل مرقو بره السودان ...جيت ماشى كده شاقى الحلة عاينت لقيت حتة الدافوري ديك فاااضية ....استغربتا ...!! سالتا لى شافع كده قلتا ليهو انت ناس الدافوري وين ..!! قال لى كلهم مشو السعودية ...(ياربى ده حج جماعى ولا شنو ...) ماركزتا مع الشافع ده ...لكن اتاريهو كان قاصد ...لانو فعلا فى وجوه كده كتيره لى زمن ماشايفم ...ياربى الحاصل شنو ...فعلا الود ده كلامو صاح الناس ديل اغتربو وهاجروا ...وانا كل يوم فى الفيس اشوف ليك صور لى جماعة فى المطار ...وتمشى وتجى بالسلامة...!! وربنا يوفقك ...!! ووداعا ابو الجوك ..!! وتعليقات ذي دى ...!! براى كده قعدتا اتذكر لماتنا الزمان ديك ...ودافورى العصرية المسخن ...وسيد اللبن شاقى الحلة ...وصيوانات العرس والزغاريد ماتديك الدرب ...والناس دى كلها تتقالد وتبارك ...وبنات الحلة ديل يجن مضايرات جنب الرجال القاعدين ديل ...وبالليل كل واحد فينا منتظر هناية ديك حتجى لابسه شنو وداخله كيف ..وهى ذاتا عيونا بتفتش لهناى داك ...وكلو بى أدب عالى وعادى نوصل البنات ديل بيوتن نهاية الحفلة ...ده كلام شنو ده وين الناس ديل ..!! وينو الزمن ده ...وعادى ممكن تنقشط ليك فى اى بيت تفطر ولاتتغدى ياخوانا انتو البلد خالنها لي منو ...!!؟ وعشان شنو ...!!؟
وينك يالعجب أظرف زول فى حلتنا ...ماخالى زول مابعلق عليهو ..!! بس اديهو الضحك..!! يوم واحد ماشفتو صارى وشو ..!! يشاغل الكبير والصغير..!! والناس دى كلها بتحبو وتتجاوب معاهو ...!! ياحليلك ياخ قالو فى ليبيا
...!! ياخ ليبيا دى مابتشبهك انت مالك ومال درنة ...وسرت ...وداعش ..!! وقنبلة انفجرت ..انت لو بالغتا ...بتجيب لينا العيش للفتة ....ليه ياعجبنا تفوت ..!! ماعارف انك شلتا معاك ضحكتنا ...واشتقنا ليك شديد ....!! انشاءالله تكون بتهزر ولا سافرتا ولا حاجه ..بس لابد وعاملا لينا حركة ...لكن شكلك سافرت بالجد ..لابد سنتين ..!!!؟ معقوله بس ..ليه كده تسافر ياعجب...مشتاقين يافرده ..!!
ودكتور كمال أظرف دكتور فى السودان ..!! لو فى زول ساكت جاتو حمي ينادووهو وطوالى يجى ومبسوووط ...الحاجات الكبار ديل فى الحلة كان ماشافن كمال اصلو مابقولوا بقينا كويسات ..وشفع الحلة ديل كلهم اداهم التطعيم كمال ...بشوش ولطيف وودناس ..وشاطر جنس شطارة ....!! مشيت وين يادكتور ...!!؟ انت ماعارف نص بنات حلتنا ديل مكسرات فيك ودايرنك عريس ...!! ياخ نحن الأولاد مكسرين فى أدبك وأخلاقك وظرفك ...خيلك منهن ..!! ليه مشيت ياخ ..السعودية أحسن مننا فى شنو ...قالو فى حته اسمه ..القنفذه ..هنااك فى الحدود مع اليمن ...ياخ انت كلك خضره وجمال ...مالك ومال الرمال ...!! ويارمال حلتنا زولا كان باانسك .ياحليلو ...!! حاجه ريا دى مامنتظراك تديها حبوب الضغط ...حلفت قالت بتجيبم ليها لاقرش لاتعريفه .....واى حبوب تانى بعدك مانفعتا مشيت وين خليتنا يادكتور..!! مالسه بدرى .....!!!
اوووو ابو اليا ..ياسر الطويل ..عمود الكهربا ..أطول زول فى الحلة ..وأعلى زول فى الأخلاق ...أوروبا مره واحده كده ياياسر ..أوروبا دى دايرا ليها زول بااارد ذى جوها ده ..وانت ماكده ياخ ..انت البتلقاك اول واحد فى الفرح والشين ولا واحد تانى ..انت ياياسر مش ياكا الشايل هم الحلة دى ..حصل يوم قصرتا فى حقها ...مما شفناك وعرفناك مش ياك البتودى العيان بى عربتك دى ...وانتا ذاتك البتقيف فى الاعراس دى من الصباح وتدق الصيوان وتشوف الحال تحلف تقول اخو العريس وهو ود جيرانكم ...!! لى درجة انك بتجى بداية الحفلة تبارك وتمشى تنوم من التعب ..!! ليه ياياسر ياخ ليه تمشى تخلينا .. ...صدق الحفلة من غيرك بايخة ....!! ماجاى قريب ياياسر ..وحشتنا الابتسامة ..!!
حتى انتا ياود قلبا ...شنو ياعلاء ما انت اكتر زول فينا بحب السودان ده وقلتا انا كان طلعتا منو بموت ..تمرقا فى كندا ماحرام عليك ..ياخ انتا اكتر واحد بكره البرد فينا..!! انشاءالله بس لابس كويس ..!! منو البغلغل لينا المريخاب ديل تانى ويحميهم النوم غيرك لما المعلم ده يجيب قونو ....ومنو تانى البجيب لينا الباسطة ...عمرك مابتحب تاكل حاجه براك ..الا تضوقنا ...تضوق السمح ياعلاء الله يحفظك وويحفظكم كلكم ....وين ماكنتو ويرد غربتكم دى .
ويا رمال حلتنا زولا كان باانسك يا حليلو فات رحل من بلدو رووح والله روح فاتلو لى دار ماها هيلو ...نتلاقي فى ساعة خير ..

#اشياءبسيطة ..

ﻭﺗﺘﻼﻋﺐ ﻣﻊ ﺍﻟﺮﻭﺡ ﺍﻟﺘﻮﺍﻧﺲ ﻓﻲ ﺻﺨﺐ ﺭﻭﺣﻚ ﻭﺍﺣﺎﺳﻴﺴﺎ ﻛﺘﻴﺮﺓ ﻣﻌﺎﻙ ﻻ ﺑﺘﺘﻌﺪ ﻻ ﺑﺘﻨﻘﺎﻝ ﻭﻛﻴﻒ ﺑﺘﺸﻴﻞ ﻣﻼﻣﺤﻚ ﻣﻦ ﻫﺪﻳﺮ ﺃﺑﺒﺎﻱ ﺳﻤﺎﺭ ﺍﻟﻨﻴﻞ ﻭ ﺣﺲ ﺗﺎﻧﺎ ﺍﻟﺸﺠﻲ ﻭﺣﺴﺎﺱ..♤.

داير اشوفك باسمة دائما
ضاحك الحب في حدودي
للسلام تمتد ايدك وتبقي
جامعة وتبقي نادي
داير اشوفك حازمة عاتية
لما تتجنى الاعادي .يا بلادي.♡♤

عمك تنقو😍😂.. في العام 1946 صدرت مجله الصبيان كأول إصداره متخصصه للأطفال في العالم العربي..♤.

هل تعرف شخصية عمك تنقو؟!

ﻗﺪﻡ ﺍﻟﻔﻨﺎﻥ ﺍﻟﻜﺒﻴﺮ ﺷﺮﺣﺒﻴﻞ ﺃﺣﻤﺪ ﻧﺪﻭﺓ ﻋﻦ ﺍﻟﺮﺳﻮﻡ ﺍﻟﻘﺼﺼﻴﺔ ﻭﺗﺠﺮﺑﺘﻪ ﻓﻲ ﺭﺳﻢ ﻗﺼﺺ "ﻋﻤﻚ ﺗﻨﻘﻮ " ﺍﻟﺸﻬﻴﺮﺓ ﻓﻲ ﻣﺠﻠﺔ ﺍﻟﺼﺒﻴﺎﻥ ﻋﻨﺪﻣﺎ ﺇﻟﺘﺤﻖ ﺑﺈﺩﺍﺭﺓ ﺍﻟﻨﺸﺮﺓ ﺍﻟﺘﺎﺑﻌﺔ ﻟﻠﺘﺮﺑﻴﺔ ﻭﺍﻟﺘﻌﻠﻴﻢ ﻭﺇﻧﻀﻢ ﺇﻟﻰ ﻣﺤﺮﺭﻱ ﺍﻟﻤﺠﻠﺔ .. ﻭﺫﻛﺮ ﺷﺮﺣﺒﻴﻞ ﻓﻴﻤﺎ ﺫﻛﺮ ﺃﻥ ﺻﺪﻭﺭ
( ﺍﻟﺼﺒﻴﺎﻥ) ﺍﻷﻭﻝ ﻛﺎﻥ ﺑﺒﺨﺖ ﺍﻟﺮﺿﺎ ﻓﻲ ﻋﺎﻡ 1944 ﻡ، ﻛﺄﻭﻝ ﻣﺠﻠﺔ ﻟﻸﻃﻔﺎﻝ ﻓﻲ ﺍﻟﻮﻃﻦ ﺍﻟﻌﺮﺑﻲ .. ﻭﺻﺎﺣﺐ ﻓﻜﺮﺗﻬﺎ ﻫﻮ ﺍﻷﺳﺘﺎﺫ
ﺍﻟﻤﺮﺑﻲ ﺍﻟﻜﺒﻴﺮ ﺍﻟﺮﺍﺣﻞ ﻋﻮﺽ ﺳﺎﺗﻲ ﺻﺎﺣﺐ ﻓﻜﺮﺓ ﺩﺍﺭ ﺍﻟﻨﺸﺮ ﺍﻟﺘﺮﺑﻮﻱ ﻭﺍﻷﺳﺘﺎﺫ ﻋﺼﺮﺋﺬ ﺑﺒﺨﺖ ﺍﻟﺮﺿﺎ ﻭﻛﺎﻥ ﻳﺴﻬﻢ ﻓﻲ ﺍﻟﻤﺠﻠﺔ
ﺑﺒﺎﺏ " ﺍﻟﻌﻢ ﺳﺮﻭﺭ".
ﺍﻟﺼﺒﻴﺎﻥ ﻭﻫﻲ ﻣﺠﻠﺔ ﺗﺮﺑﻮﻳﺔ ﺷﺎﻣﻠﺔ ﺗﺘﻌﺪﺩ ﻓﻴﻬﺎ ﺍﻷﺑﻮﺍﺏ : ﺑﺎﺏ ﺍﻟﻄﻔﻞ " ﻗﺼﺺ ﻣﺼﻮﺭﺓ ﻫﺎﺩﻓﺔ " .. ﺑﺎﺏ ﺍﻟﻘﺼﺺ ﺍﻟﺘﺮﺍﺛﻴﺔ .. ﺑﺎﺏ
ﺍﻟﻤﺮﺃﺓ ﻭﺍﻟﺘﺪﺑﻴﺮ ﺍﻟﻤﻨﺰﻟﻲ .. ﺑﺎﺏ ﻋﻠﻲ ﺍﻟﻜﺮﺩﻓﺎﻧﻲ ﻭﻫﻮ ﻳﺴﺎﻓﺮ ﻓﻲ ﺍﻧﺤﺎﺀ ﺍﻟﺴﻮﺩﺍﻥ ﻭﺍﻟﻘﺼﺪ ﺗﻌﻠﻴﻢ ﺍﻟﻨﺎﺷﺌﺔ ﺑﺄﻧﺤﺎﺀ ﺑﻼﺩﻫﻢ .. ﺑﺎﺏ "ﻋﻤﻚ ﺗﻨﻘﻮ " ﻭﻫﻲ ﻗﺼﺔ ﻣﺮﺣﺔ ﻫﺎﺩﻓﺔ ﺗﺪﻭﺭ ﺣﻮﻝ ﺷﺨﺼﻴﺔ " ﺗﻨﻘﻮ .." ﻭﻳﺮﺟﻊ ﺷﺮﺣﺒﻴﻞ ﺍﻻﺳﻢ ﻟﻠﻔﻈﺔ ﻓﻼﻧﻴﺔ ﺃﻭ ﻫﻮﺳﺎﻭﻳﺔ .. ﺛﻢ ﻳﻘﻮﻝ ﺇﻥ ﺃﺣﺪ ﻃﻼﺏ ﺑﺨﺖ ﺍﻟﺮﺿﺎ ﺍﻗﺘﺮﺡ ﺍﻻﺳﻢ ﻻﺳﻢ ﺯﻣﻴﻞ ﻟﻬﻢ ﻛﺎﻥ ﻛﺜﻴﺮ ﺍﻟﺘﺤﺮﻙ ﻭﺍﻟﻤﻔﺎﺭﻗﺎﺕ ﻭﺍﻟﻤﺮﺡ.
عمك تنقو راجل ما ببالى
قال احسن حاجه اكون عتالى
جاؤه زبون طوالى ليشبل الشيله...
رفعوا الشيله هوب فوق رأسو..
اول خطوه ايدوا املخت..
ثانيه الخطوه كراعوا انزلقت...
اترتح عمك وجاهوم واقع..
تقول بس راكوبه...

ﻋﻤﻚ ﺗﻨﻘﻮ ﺍﺏ ﻋﻘﻼ ﺛﻠﺠﻲ
ﻓﻜﺮ ﻭﻓﻜﺮ ﺑﻘﻲ ﺟﻮﻫﺮﺟﻲ .
ﻣﺤﻠﻮ ﻋﺠﻴﺐ ﻣﻼﻥ ﺩﻳﻜﻮﺭ
ﻣﺮﻛﺐ ﻓﻴﻬﻮ ﻗﺮﻭﻥ ﺍﻟﺘﻮﺭ .
...
. ﻟﻤﻠﻢ ﺷﺎﻝ ﺩﻫﺐ ﺍﻟﻌﺎﺯﺓ
ﺟﺒﻮ ﻣﺜﺎﻝ ﻟﻠﻌﻴﻨﺔ ﺍﻟﺠﺎﻫﺰﺓ .
ﺟﻮ ﺍﻟﻨﺴﻮﺍﻥ ﻳﺪﻗﻮ ﻏﻮﺍﻳﺶ
ﺷﺎﻳﻒ ﺍﻳﺪﻳﻬﻦ ﻭﺭﺍﺣﻠﻚ ﺩﺍﻳﺶ .
ﺳﻴﺢ ﺩﻫﺒﻮ ﻭﺣﻚ ﺍﻟﺮﺍﺱ
ﻟﻘﺎﻫﻮ ﻣﻘﺼﺮ ﺯﺍﺩﻭ ﻧﺤﺎﺱ .
ﻋﻤﻚ ﻛﺎﻥ ﻣﻘﺎﺳﻮ ﺩﺑﺎﺭﺓ
ﺳﻮﺓ ﻏﻮﻳﺸﺔ ﺗﻘﻮﻝ ﺗﺮﺗﺎﺭﺓ .
ﺟﻮ ﺍﻟﻨﺴﻮﺍﻥ ﻭﻓﺘﺤﻮ ﺑﻼﻍ
ﻭﻋﻤﻚ ﺗﺮﺗﺮ ﻋﺠﻠﻮ ﻭﺯﺍﻍ..♤

ﻋﺎﻧﺪ ﺍﻟﺪﻧﻴــﺎ ﻭﺍﺑﺘﺴـﻢ ...... ﺍﻥّ ﺑﻌﺪ ﺍﻟﻠﻴــﻞ ﻓﺠﺮ ﻳﺮﺗﺴـﻢ ... ﻻ ﺗﻘﻞ
ﺣﻈّﻲ ﻗﻠﻴـﻞ ﺍﻧﻤﺎ ﻗﻞ ..... ﻫﺬﺍ ﻣﺎ ﻗﺪّﺭ ﺭﺑّـﻲ ﻭﻣﺎ ﻗﺴـﻢ.. ™

ﻓﻴﻜﻲ ﻣﻦ ﻧﻔَﺲ ﺍﻟﺒﻨﻔﺴﺞ
ﻃﻠﺔ ﺍﻟﻄﻴﺐ ﻭﺍﻟﻨﺪﻯ
ﻭﻣﻦ ﺑﺮﻳﻖ ﺷﻤﺲ ﺍﻟﺘﻮﻫﺞ
ﺃﻟﻒ ﻣﻔﺘﺎﺡ ﻟﻠﻨﺪﺍﺀ.. ™

ﺍﻻ ﺍﻟﺼﺒﺮ ﻻﺑﺪ ﻳﻐﻠﺐ ﻗﺴﻲ ﺍﻻﻳﺎﻡ.. ™

وأنا خصمتك
أرح نتسامر
وضد الفرقة
نقوم نتآمر
ونفرش برش الحن من طوكر
ولي تندلتى ويصل الدامر
ونقعد قعدة شاي بالالفة
وريحة القرفة
وما نتحامر.♤

السكه طويله طويله طويله مكتوبه علي وبمشيها ..المسافه بعيده بعيده بعيده محسوبه خطاوي وجاييها ..الغنية حزينه حزينه حزنيه مليانه محنه بغنيها .♤

ﺑﻴﻨﻰ ﻭﺑﻴﻨﻚ ﺟﻤﺎﻝ ﺍلذﻛﺮة
ﻭﺍﻟﻨﺴﻴﺎﻥ ﻭﺣﺴﻦ ﺍﻟﻈﻦ
ﻣﺸﻮﺍﺭ ﺍﻟﺤﻴﺎﺓ ﺍﻟﻴﻮﻣﺎﺗﻰ
ﻣﺎﺑﻴﻦ ﺍﻟﺠﺒﻞ ﻭﺍﻟﺴﻬﻞ ﻣﺎﺑﻴﻦ ﺍﻟﺼﻌﺐ ﻭﺍﻟﺴﻬﻞ ﻻ ﻫﻤﺎ تشيلي ﺑﺮﺍﻙ
ﻭﻻ ﺟﺮﺣﺎ ﺍﻋﺎﻧﻰ ﺑﺮﺍﻯ.™