كذاب ..
القال ان البعيد عن العين بعيد عن القلب ..
وانوا المسافه بتباعد بين القلوب ..
انا بشوفك في كل مكان.

يوميات #علوب ....117 ...يامطيرة صبى لينا ...

غايتو أى زول تسألوا من طرف فى العالم ده تقول ليهو ياخ لو سمحت سؤال ..!! ماهو أجمل فصول العام بالنسبة لك ...!!؟؟ طوالى حيقول ليك الربيع...!! وبالعدم الخريف ..!! وفى واحدين كدا رومانسيين بختارو الشتا ...!!( يقولو ليك شتاء ديسمبر دافئ بالحب ...!!) .....!! (دافى بالدا ) !! المهم بس ياها دى الخيارات..... طبعا نحنا الصيف متصدر...!! أما بالنسبة للربيع فمعذرة الدواير مشغولة حاليا ...!! ما موجود عندنا فى القائمة أصلا ...
اللهم الا كان (الربيع ) ود جيرانا .... !! وحكمة الله ده ذاتو (ضارب ) ....!! أكبر ( رمتال ) فى الحلة دى..!!... من ضل لى ضل...!! بكون مصدق بالجد إنو (ربيع ) ....!!
نرجع للخريف واللوارى البتقيف...!! أول حاجه اكتشفتا ليك إنو نحنا الوحيدين فى العالم ده كلو البنقول المطرة (دقتنا....!! ) ...!! أى والله الدق الوااحد ده....!! ماعرفتها مطره ولا دانه ...الناس دى كلها مدورة...!! زخات المزن ...!! المطر والرزاز ....!!..الحب والمطر ...!! المطرة ( أم دق ) دى عندنا نحنا حصرى ..!!
مطرتنا ذاتا تقيييله مابتجى براها متعوده تجي قداما الكتاحة تقش الدرب...!! طبعا البلد دى الكسرة والقراصة ماخلت ليها حطبة شجرة لافه تصد الرياح .....!! كلو تحت الصاج ...!! النهار كلو نغنى... الزهوووور والورد شتلوووها جوووه قلبى ....!! (كدى اشتلوها لينا قدام البيت أول حاجه ...) ...!! ومن لم يستطع (فبقلبه ) وذلك أضعف الإيمان ....!!

أها على حظنا الضارب كالعادة كنا فى نص الشارع وكت المطرة دى معاى النذير وجعفر أصحابنا وبعد ما الكتاحة (ضربتنا ) جات عليها المطرة ( دقتنا ) ...!! ( بالله ده هسه جو ولا مصارعة )... غايتو بقى علينا جنس منظر ...!! الشعر مجلبط والتراب والموية عاملين شغل ...!! (ضريرة جرتق ) ..!! ...(عرسان بس ) .....!!
وقالت كدا المطرة دورت شووووو ...!! تلاته ساعات ...دون توقف ....!! طبعا الشي الطبيعى إنو بعد المطرة دى تقيف الجو يبقى رهيب ..!! وتتفتح الأزهار ..!! وتزقزف العصافير .....!! مش كدا ....!! اها ده كلو ماحصل...... الحاصل انو الشوارع والميادين إطمبجت بالموية....!!! والحيط شربت لما اتشرقت ....!!! والعصافير نصها مات ...!! تحلف تقول المطرة دى صبت فى حَلتنا (الحا مفتوحة ) ما فى حلتنا بكسر الباء .....!!
وقالت كده الضفادع اتلملمت فى دقايق ونظمت صفوفا....( ياربى بكون عندها واتس ....) ده شغل قروبات السريع ده .......!! وبدأ الكورال....!! غيييغ غاااغ ...!! غيييغ ....!! شالوها ليك بى نفس واحد ....!! يمين شهونا العافية.....!! لا وكمان منظمين...!! واحدين يى صوت عالى وجزء بشيلو بى ورا ...!! فضل ليهم الأورغن ...!! انا بس حاجه وااحده محيرانى ....إنو ( القعونجات ) دى كانت ( مبركنة ) وين المده دى كلها ....!! لا...!! ومافى أى فاصل ...ياخ عليكم الله بس ( فاصل اعلانى ) ننوم فيهو بعد داك ممكن تواصلو ....!!!...لأنو ماممكن ياخ... غووغ ...!!غاااغ...!! الليل كلو .... بتكوركو ليكم مية سنة ادوكم (علاوة ) ...ولا شنو العباطة دى ....!! لكن واضح إنو (الضفادع ) دى عندها رسالة دايرا توصلا ....!! جد جد ..ده ماكوراك عشوائى ....!! ...!!ياربى تكون محتجة على تصريحات (حميدة) الزمان ديك ..!!؟؟ كلو جايز ...
اها ماصدقنا الحفلة دى (بردت ) شوية بدا (الاوفر نايت ) ..!!! (بعوض السنين ....!!) ... أها ديل كمان الغتاته الأصلية ...والله لو قرصتك ومشت مافى اى مشكلة أهو نقول شافت شغلا وقامت بالواجب...!! لكن العرض الجوى البتقدمو جنب أضانك ده يقولو عليهو شنو ....!! فوووووو ... وتمشى وتانى تجى... فووووو ...وجنس (طنطنة) وكلام فارغ ...!! عليكم الله هسى دى ما حقارة ....!!! نقعد نحنا الليل كلو نصفق جنب اضنينا ....!! وأنثى ( الأنوفليس ) ترقص ....!! شوف المستوى الوصلنا ليهو ....!!
المهم فى الموضوع إنو حلتنا البهية بى قدرة قادر تحولت الى البندقية الإيطالية ....
ناس الكجم طلعو ذى (القعونجات) ديل ....!! جوووه الموية حتى الإضنين .....!! ومعارضة (المطرة ) برضو قدموا عرض ...!! وصبوا جام غضبهم على الحكومة بمافيهم عمك (بلة ) المستهبل ده ....قال الحكومة ماشايفة شغلا ....!! لكن السنة دى أحسن من الفاتت ...!! لا ياشيخ ...!! اخير نسكت بس.....!!!!
غايتو نوع ناس (بله ) (المواسير) ديل اخير منهم المطرة أم (خيران ) دى ....!!
لكن بى أمانة فى ناس كده ولا عايزين حتى حوشم ده يظبطو كان الموية دى تطلع ....ان شاءالله راجين الحكومة تجيكم جوه البيت ....!!؟؟
غايتو يالراجين المحلية ...!! كترتو المحلبية ...
اها بعد القيامة الرابطة دى كلها فتحتا ليك الفيس القى ليك البوستات دى كها (فايحة) دايرا تتطرشق

...!! تتحدث عن الجو الخرافى فى الخرطوم ..... !!! .... صدقو عملتا لايك .....!!! جينا ليك والشوق دفرنا .....!! غاااااغ ..

#اشياءبسيطة ..

إحساس الفرح ما خاب
ولا ح يخيب 💜
طول ما إنو عرقي انا
لسعادة بجيب
سعيدة وأسعد السعداء
بانو في ناس بحبوني
وشاعرين بي كتابتي
طبيب😍
أنا الليكم وشاكراكم
علي الطاقة الهواها
حبيب
شكرا بحب ياخ 💚

اشوف الماضي فيك بااكر .. و اريت باكر يكون هسة..💜🔛

‏لا تُفقِد السماء صوتك .. كُن عبداً إذا دعا تعرفه الملائكة فتقول : يارب صوتٌ معروف من عبدٍ معروف...❤️
صباح الخير،، جمعة مباركة

🌸
يا صابره حي على الفلاح
يا صابره حي على الليالي
الفاتحة لوش الصباح
يا صابره حي على المدائن
الفاضلة و القول المباح

ツ
‏﷽
۝ إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ۝ ﷺ


انِر قبرها يا الله تجاوز عنها ابدلها داراً خيراً من دارها واهلا خيراً من اهلها اللهم عوض شبابها الجنة واجمعنا بها ❤


@masaltmabda

أصحابي السمحين جدددددا
تابعوني اليوم علي الاذاعة الطبية تردد 99.3
عند الساعة السابعة والنصف إن شاء الله

#تسنيم_محمد_عبدالله

😍❤️
البت السمحة حتطل على الإذاعة وتملانا فرح
انتظروا البهجة عند الساعة السابعة والنصف

زول حِنيّن
إنت بتموت قبل يومك
المغايس بقتلنك
لو في زول
قال ليكا زح لي
الدميعات
طق طرق جن
غرقنك

ﺍﻟﻮﺟﻨﺎﺕ ﻭﺣﺎﺗﻦ.. ﻣﺮﺓ ﺇﺫﺍ ﺗﺒﺴّﻢ.. ﻓﻲ ﺧﺪﻳﻮ ﺣﻼﺗﻦ .. ﻭﻓﻲ ﻭﺭﻭﺩﻭ ﺍﻟﻨﺪﻳﺔ😍

صاحبي ورفيق دربي .. البيهو يكتمل يومي 😍

بكرا تبني الحلم واقع .😍

مبادرة #شارع_الحوادث_السوكي



ﻧﺤﻦ ﻃﻠﻌﻨﺎ ﻣﻦ
ﺣُﻠﻢ ﺍﻟﺠﺪﺍﺭﺍﺕ ﺍﻟﺒﺘﺸﻬﻖ
وﻣﻦ ﻫﺠﻴﺮ ﺍﻟﺤﺎﺟﺔ ﻭﺍﻟﺰﻣﻦ ﺍﻟﻜﻌﺐ

*#الفكرة..*

مبادرة شارع الحوادث السوكي هي مجموعة من الشباب وجدو من الانسانية ما يحركهم تجاه مساعدة المرضى و المحتاجين من الاطفال ..

البدايه ﺍلفعلية للمبادرة ﺿﻤﺖ ﺷﺒﺎﺏ ﻣﺪﻳﻨﻪ ﺍلسوكي ﺑﻤﺨﺘﻠﻒ ﺍﻟﻮﺍﻧﻬﻢ ﺍﻟﺴﻴﺎﺳﻴﻪ ﻭ ﻃﻮﺍﺋﻔﻬﻢ ﺍﻟﺪﻳﻨﻴﻪ ، والتحزبية ﺗﺤﺖ ﻣﺴﻤﻲ
ﻭﺍﺣﺪ ﻭﻫﻮ #ﺷﺎﺭﻉ_ﺍﻟﺤﻮﺩﺍﺙ_السوكي ...
و بدأت المبادرة العمل في مستشفى السوكي ( قسم الاطفال ) في يوم 23/12/2015

و تعمل المبادره علي تغطية الاحتياجات الأساسية و اليومية للاطفال المحتاجين من داخل المستشفى والعيادات الطبيه بالمدينة وقُراها ، من فحوصات وعلاحات وغيرها من الاعمال الإنسانية و كما تعمل المبادرة علي دعم وجبة التغذية وايضا كانت تعمل المبادرة علي توزيع الألبان داخل المستشفي لكل المرضي والاطفال .


*#الاحتياجات التي تقوم المبادره بتغطيتها../(مهام المبادرة)*

1/ عمل الفحوصات
2/ توفير الادوية
3/ دعم حالات الاسعافات والتحويل
4/ إقامة حملات التبرع بالدم
5/ حملات النظافة الاسبوعية
6/ التوعية الصحية


*مكان ومقر المبادرة*

لا تمتلك المبادرة مكتب او مكان خاص بها داخل مستشفي السوكي
ورقم ذالك يشكل الاعضاء تواجد يومي داخل المستشفى والعيادات الخارجية لمباشرة العمل والورديات الخاصة بالمبادرة .


*الدعم والخطة المالية*


 خطة دعم المبادرة لتغطية الإحتياجات هي نشر الحالات المحتاجه عبر وسائل التواصل الاجتماعي ( فيسبوك و واتساب ).. وايضا عن طريق جمع الاشتراكات من المتطوعين واهل الخير بالمنطقة وخارجها
كما تفرض المبادرة قيمة رمزية لكل الاعضاء وهي عبارة عن مبلغ 30 جنيه اشتراك شهري يدفعه كل عضو بالمبادرة..


*البرامج التي نُفذن باسم المبادرة*

1- اعادة تاهيل الانارة الداخلية لقسم الأطفال وتجهيز كامل للمفارش بالغرفة
2- صيانة المولد الكهربائي للمستشفي
3- الدعم المتواصل لأدوات النظافة بقسم الاطفال والمشاركة في نظافة المستشفي
4- توفير جهاز تنفس لقسم الاطفال
5- المساهمة والمشاركة في قيام بعض العمليات الجراحية
6- تنظيم حملة التوعية بسرطان الثدي في مدرسة القديمة بنات
7- قيام الإفطارات السنوية داخل مستشفي السوكي والخلاوي بالمنطقة
8- نشر التوعية الصحية والوقائية من خطر الاسهالات المائية في المدنية..

*المشاريع المستقبلية*

1/اعادة تأهيل غرفة حديثي الولادة وتوفير عدد 2 حضانة للغرفة + تكييف كامل لغرفة حديثي الولادة.
2/ إعادة تأهيل قسم الاطفال بالمستشفى.

*#الاشكاليات..*

 من اصعب الاشكاليات التي تواجه مبادرة شارع الحوادث السوكي هي صعوبة تغطية الإحتياجات اليومية وذلك لضعف الامكانيات المالية وضيق الحال وضعف الاشتراكات بين الاعضاء ..

*#ﺷﻜﺮ_ﻭﻋﺮﻓﺎﻥ..*

كل شوارع السودان / شكرا"..
مصابيح الطريق السوكي أنتم شمعة تضئ لنا الطريق ..
#ﻧﺤﻦ _ ﻧﺆﻣﻦ _ ﺃﻳﻨﻤﺎ _ ﻭﺟﺪ _ ﻃﻔﻞ_ﻣﺤﺘﺎﺝ_ﻳﺠﺐ_ﺃﻥ_نتواجد

للإستفسار ودعم المبادة

0910005153
0911993283

0911737507
0112869826

*شير ليعرفنا غيرنا*
رابط صفحتنا علي الفيسبوك​👇
Facebook:
https://m.facebook.com/profile.php?id=446093045574153

*رابط الانضمام للمبادرة عبر الواتساب*👇
https://chat.whatsapp.com/KcCi9Zw5Yfa5y9Z4O2leXC

#ملحوظة..
باب العضوية مفتوح

تحياتي ...

أحبك جداً ووجودك الى جانبي يمنحني الحياة..❤️

شوف عيونك فيها دفقات الأمل ..


#3mr

الأن الادمن تسنيم علي الاذاعة الطبية 99.3 ..متابعة طيبة..💜

يا صاحب كل ما أعاين
في عيونك بنسي همومي
إت ماك الزول الهين
وبدونك بعدم نومي
لا بشوف في الراحة سعادة
لا بسمة تكبر كومي💔
يا صاحب عشراق فرحة
خليكا قريب يا تومي