حمام الوادي يا راحل
مع النسمه الفرايحيه
مع الياسمين عز الليل
تواصل رابيه منسيه
صغارك مشتهين ترجع
تضم العش بحنيه...♤

يوميات #علوب 14 ..........تبكى بس ..!!

والله لاعرفتو بكا ولا عرس ...كنتا مع حافظ صاحبنا فى المحل ...قال لى علوب ياخ ماتمشى معاى ناس منعم ديل عندهم وفاة ...انا كمان ولا كضبتا ..دى فاتحة كمان ...!! ولا سألتا المات منو ...!! طوالى معاهو ...!! نحنا كمان ناس حارة ..!!! والله دخلتا الصيوان ده اتفاجئتا...!!! اول حاجه الكراسى دى مرصوصة ومعاها الترابيز ..!! قيدومه راسا عدييل ...!! والعربات دى بى بره تتطاقش ...!! يازول شلنا الفاتحه انا ذاتى ماعارف الميت منو ...المهم قلنا نقدم الواجب ....!! قعدتا ليك جنب حافظ ده بس أعاين ...!! يازول عمم وجلاليب ....طن ..!! وسرامس الشاى دى مجدعه ذى الكشتينة..!! والونسة والضحك والقرقرابه ....!! اها موضوع هيثم مصطفى بقوهو مساعد لمدرب الهلال ده الأكثر تداولا ..!! وسيرتو لافه اكتر من المرحوم ..!! الموضوع التانى عن واحد كده مسؤول كبير قبضوهو فى سنار ....!! نمره تلاته قالو الاماراتية حتختصر رحلاتا لى رحلتين فى الأسبوع للخرطوم ..(ديل طبعا جماعة الصين والأسبيرات) ....وناس كده بتعلق انو الشتا السنة دى حيكون صعب ..(ديل الماعندهم موضوع ..!!! ) .. اها دى العناوين الأكثر تداولا فى صيوان العزاء ..!!! مافي اصلو زول جاب سيرة المرحوم ...!! ومافى سيرة غاز وبصل وحاجات ذي دى ..الظاهر الخبر لِسَّه ماوصلم ..!! والجرايد دى كلها لافه اكتر من برنامج تحت الطبع ..!! ( ده غير الرياضية) ...والجماعة قاعدين ليك دواير دواير ...!! والشاى والقهوة لافين ..( يكونو نسو الفشار..!!! ) اها وناس كزام ديل متحزمين تحلف تقول المات ده منهم . ...قلتا لى حافظ صاحبى ده ...انت المات ده منو هو ذاتو ..!!!؟؟ قال لي كيف ياخ ...ده ماحاج الرضى ابوسفنجه ..!! قلتا ليهو يازول ..!!! ده ابوسفنجه ذاااتو ...!! (طبعا ده راجل معرووف ..(قروش الجن والجنبو ...) سامينو ابوسفنجه قالو زمان كان شغال فى لوري سفنجه .. .. !! (غايتو فى ناس كان الله ده من فوق رحما بى (دكتور شول ) تاااانى يجيبو ليك سيرة (السفنجه) ...!!( خليكم فى سفنجتو دى ...!!!) اها الزول ده هسه بكون عندو ذى أربعين شاحنه كده ومصنع غير المغالق والبيوت وعمارتين فى السوق العربي ...!! قلتا ليهو ايوااا ..عشان كده البكا جايب دخل ....!! المهم يازول اولادو ذاتو تحس بيهم مستعدين للحدث وما متأثرين شديد ...!! قالوا الحاج ده سنينو الأخيره تعب كده ..!! وعيان .!! وطواالى راقد ....والأولاد ديل ماشغالين بيهو كتير كل واحد مشغول مع الست الهانم بتاعتو والعيال ....!! وكلو بياكل من خير المرحوم ..!! عشان كده البكا شكلو كده احتفال بنهاية المعاناة وعودة الشرعية ....!!
والله لكن هى جنس مناظر ..!! اول حاجه لاحظتها انو عدد الواقفين يشيلو الفاتحه يتوقف على عمة المعزى وحجمها ..!! فكلما كانت الجلابيه بيضا مكويه ..!! والعمه مفلفله وملويه ..!!.....زادت درجة الأهمية ..!!! وكان عدد الوقوف بالميه ..!!! اغلبهم من غير اهل المتوفي ...!! (ديل بكونو ناس الشيكات ..!!)..!! يعنى جا واحد مسكين كده ..!! وقفو ليه ذى اتنين كده وبعد تلتله ..!!! واحد قريب المرحوم من الدرجة الرابعة ..!! والتانى جابو الدرب ..!!! وقفه ذاتها تحنن !!! تحسا بيها تعبااانه ...والله خلوهو يشيل الفاتحه على روحو دى....!!! اها وقتين مواعيد الغدا قربت المدرجات دى اتملت فل ....صوانى تقيله ...الضلع ده داير ينط من الصينيه ...والمويه معدنية ...!!! (المويه المالقاها المرحوم) ...غايتو بس فاضل الساوند سيستم ....!!
اها والنسوان ديل بجن بى جنب الصيوان داخلات يعزن ...توبى وتوبك ..وغويشتى وغويشتك ..مباراة فى الدهب
والتياب ...قالو تياب البكا دى تشكيلتا براها ..(تكون بتتمصر من البكا ياربى) ... !! ومفتاح العربيه ده اهم حاجه يكون بى علاقه كبييره ..!! تكشكش معاها الايفون والجلاكسي ... ..!!
والغريبة جوه مافى اى صوت بكا الظاهر مكتفين بالأسى والنحيب .....!! والله كان ده فى حلتنا كان وووب واحى دى تجيب الطاشى ...مع وصف حى ومباشر لمااثر الفقيد ..!! ( ياربى مالقو بكايات بالايجار يحررو بيهن البكا ده .. ) يازول انا اتضايقتا ضيق شديد ..!! قلت لى حافظ يااخوى خلينا نتخارج من الصبحية دى ...!! لو قعدنا شويه جماعتك ديل حيجيبو ندى القلعة ....غايتو يالمرحوم ماتستاهل ...جيت بى سفنجه ...ومشيت بى سفنجه ...وبكاك فضل ليهو الكمنجة .....!!! .... .....وأولادك بلقوهو فى اولادهم ...نسال ليك الرحمة ...ومبروك عليهم (السفنجه ) !!..

#اشياءبسيطة ..

سستر اسكول ..

"اني عدت اليكم .. ولاشئ يمنعني من ان اكون معكم وقد كرست حياتي لأجل مصالحكم ستجدونني دوما مستعدا لمساعدتكم ..
ان منفعتكم هي منفعتي والامكم الامي..وسوف يكون اسعد ايام حياتي ذلك اليوم الذي فيه اتمكن من ان اعطيكم حياتي"

دانيال كمبوني..


مؤسس مدارس كمبوني بالسودان..

ده رابط نشر الصفحة للناس الطلبته وشكراً مقدماً ..

أشياء بسيطة
ﻣﺴًﺎَﺣﺔ لنشر المواضيع ﻭﺍﻻﻓﻜﺎﺭَ والابتسامة.. ببساطة هي ﺗﻔﻜﻴﺮ ﺑﺼَﻮَﺕ ﻣﺴﻤﻮﻉ نطلقه ﻟﺘﺴًﻤًﻊ انت ﺻﺪﺍﻩ ..
https://telegram.me/ganars114

ﺍﻧﺎ ﺑﺮﻳﺪ ﺷﺎياً ﺗﺴﻮﻱ ﺍﻧﺘﻲ وتجيبي
وظريف شاياً تقعدي انتي وتهبي ..
ﻭسمح ﺷﺎياً ﺗﻐﺴﻠﻲ ﻟﻲ ﻛﺒﺎﺑﻲ ..

ﺣﺎﻧﺒﻨﻴﻬﻮ ﺍﻟﺒﻨﺤﻠﻢ ﺑﻴﻬﻮ ﻳﻮﻣﺎﺗﻲ.. ™

بريييدك..
كلمه كان رفّت
يِهش ثغر النجوم ويسطعَ
ولما ينادى همس الشوق
يقيف كل الزمن ويسمع
عيونك ديل عيون أهلى
حُنان زى نغمة فى مقطع.❤️.♤

ﺧﻮﻓﻲ ﺇﺫﺍ ﻣﺎ ﺍﻟﺸﻮﻕ ﻋﺮﺑﺪ ﺩﺍﺧﻠﻲ
ﻭﺑﺮﻏﻢ ﺇﺧﻔﺎﺋﻲ ﻇﻬﺮ
ﺧﻮﻓﻲ ﺇﺫﺍ ﻣﺎ ﺭﺣﺖ ﺍﺳﺄﻝ ﻋﻨﻚ ﻭﻟﻬﻰ
ﺫﺍﺕ ﻳﻮﻡ ﻳﺎ ﺻﺪﻳﻖ
ﻭﻟﻢ ﺃﺟﺪ ﻟﻚ ﻣﻦ ﺃﺛﺮ.. ™

يا واهب الإنسان أسباب الهدى،،
يا من بحمد العالمين تفردا"
لي عند بابك دعوة فيها رجا،،
احشر رفاقي تحت عرشك سجدا"
ثم اسقهم بيد الحبيب محمدا"♤

عصمت وعصافير توتي - حمودي ..

ﺻﺎﺡ ﺍﻟﺪﻳﻚ ﻗﺎﻝ ﺷﻨﻮ؟ ..
ﻛﻮﻛﻌﻲ ﻛﻮﻭﻭﻭﻭ ..
ﻟﻲ ﻣﻨﻮ؟ ..
ﺣﻤﻮﺩﻱ ..
ﻗﺎﻝ ﺷﻨﻮﻭ؟ ..
ﺑﺘﻌﺸﻲ ﻣﻦ ﺑﺪﺭﻱ ﻭﺑﻨﻮﻡ ﻣﻦ ﺍﻟﺼﺒﺎﺡ ﺑﺼﺤﻲ ﻭﺑﻘﻮﻡ ﺑﺎﺑﺎ ﺑﺪﻳﻨﻲ
ﺍﻟﻘﺮﻭﺵ ﻭﻣﺎﻣﺎ
ﺑﺘﺠﻴﺐ ﺍﻟﻬﺪﻭﻡ ..
ﺣﻤﻮﻭﻭﻭﻭﺩﻱ ﻗﺎﻝ ﺷﻨﻮ ؟ ..
ﺑﻤﺮﻕ ﻫﺪﻭﻣﻲ ﻭﺑﻠﺒﺴﺎ ﺑﻄﻠﻊ ﻭﺑﻤﺸﻲ ﺍﻟﻤﺪﺭﺳﺔ ﺷﺎﻃﺮ ﻭﺑﺤﻔﻆ ﻟﻠﺪﺭﻭﺱ
ﻭﺑﺎﻟﻲ ﻓﻲ ﻳﻮﻡ ﻣﺎ ﻧﺴﻲ ..
ﺣﻤﻮﻭﻭﻭﻭﺩﻱ ﻗﺎﻝ ﺷﻨﻮﻭﻭ؟ ..
ﺑﻜﺘﺐ ﺩﺭﻭﺳﻲ ﻭ ﺍﺯﺍﻛﺮﺍ ﺍﺳﺘﺎﺫﺗﻲ ﺩﻳﻤﺎ ﺑﻘﺪﺭﺍ ﻟﻮ ﺍﺫﻥ ﺍﻻﺫﻥ ﺑﻘﻮﻡ
ﻭﺍﺭﺣﺎﻣﻲ ﺩﻳﻤﺎ ﺑﻮﺍﺻﻼ ..
ﺣﻤﻮﻭﻭﻭﺩﻱ ﻗﺎﻝ ﺷﻨﻮﻭﻭ؟ ..
ﺷﺎﻃﺮ ﻭﻣﺤﺒﻮﺏ ﻓﻲ ﺍﻟﻔﺮﻳﻖ ﻣﺎﺑﺠﺮﻱ ﻭﺑﻠﻌﺐ ﻓﻲ ﺍﻟﻄﺮﻳﻖ ﻣﺎﺑﻤﺸﻲ
ﺟﻤﺐ ﺍﻟﻜﻬﺮﺑﺎ ﻭﻓﻲ ﺑﻴﺘﻨﺎ ﻣﺎﺑﻌﻤﻞ ﺣﺮﻳﻖ ..
ﺣﻤﻮﻭﻭﻭﺩﻱ ﻗﺎﻝ ﺷﻨﻮﻭﻭ؟ ..
ﻣﻬﺬﺏ ﻭﺑﺤﺘﺮﻡ ﺍﻟﻜﺒﺎﺭ ﺑﻠﻌﺐ ﻣﻊ ﺍﻟﻨﺎﺱ ﺍﻟﺼﻐﺎﺭ ﻫﺎﺩﻱ ﻣﺎﺑﻌﺮﻑ ﺍﺟﻮﻁ ﻟﻮ
ﺿﻴﻔﻨﺎ ﻣﺮﺓ ﻭﻟﻴﻨﺎ ﺯﺍﺭ ..
ﺻﺎﺡ ﺍﻟﺪﻳﻚ ﻗﺎﻝ ﺷﻨﻮ؟ ..
ﻛﻮﻛﻌﻲ ﻛﻮﻭﻭﻭﻭ ..
ﻟﻲ ﻣﻨﻮ؟ ..
ﺣﻤﻮﺩﻱ ..
ﻗﺎﻝ ﺷﻨﻮﻭ؟ ..😂

لم اعد اعرف من انت ومن انا ...
كلانا امتزج بالآخر....
واصبحنا كلنا انت ... وكلانا انا....♤

ﺟﺎﺀ ﻓﻲ ﺍﻻﺛﺮ ﺃﻥ ﺍﻻﻣﺎﻡ ﻣﺎﻟﻚ ﺑﻦ ﺩﻳﻨﺎﺭ ﻛﺎﻥ ﻳﻤﺸﻰ ﻓﻰ ﺃﺣﺪ ﺷﻮﺍﺭﻉ ﺍﻟﺒﺼﺮﺓ ﻓﺮﺃﻯ ﺭﺟﻼ ﻣﺨﻤﻮﺭﺍ ﻣﻠﻘﻰ ﻋﻠﻰ ﺍﻷﺭﺽ ﻭﻗﻄﺮﺍﺕ ﺍﻟﺨﻤﺮ ﺗﺴﻴﻞ ﻣﻦ ﺷﻔﺘﻴﻪ ﻭﻫﻮ ﻳﻘﻮﻝ ﺍﻟﻠﻪ ﺍﻟﻠﻪ ... ﻓﺠﺎﺀ ﺍﻻﻣﺎﻡ ﺑﻤﺎﺀ ﻭ ﻃﻬﺮ ﻓﻢ ﺍﻟﺮﺟﻞ ﺍﻛﺮﺍﻣﺎ ﻻﺳﻢ ﺍﻟﻠﻪ ﻭ ﺫﻫﺐ ﻟﺤﺎﻟﻪ .
ﻓﻲ ﺍﻟﻠﻴﻞ ... ﻭ ﺑﻴﻨﻤﺎ ﺍﻻﻣﺎﻡ ﻧﺎﺋﻤﺎ ... ﺳﻤﻊ ﻫﺎﺗﻔﺎ ﻳﻨﺎﺩﻯ ﻋﻠﻴﻪ ": ﻳﺎﻣﺎﻟﻚ ﻃﻬﺮﺕ ﻓﻤﻪ ﻣﻦ ﺃﺟﻠﻨﺎ ﻓﻄﻬﺮﻧﺎ ﻗﻠﺒﻪ ﻣﻦ ﺃﺟﻠﻚ" .
ﻓﺠﺮ ﺍﻟﻴﻮﻡ ﺍﻟﺘﺎﻟﻲ ... ﺫﻫﺐ ﺍﻻﻣﺎﻡ ﻟﻴﺼﻠﻲ ﺍﻟﻔﺠﺮ ﻓﻰ ﻣﺴﺠﺪ ﺍﻟﺒﺼﺮﺓ ﻓﺴﻤﻊ ﺻﻮﺗﺎ ﻋﻠﻰ ﺑﺎﺏ ﺍﻟﻤﺴﺠﺪ ﻳﺒﻜﻲ ﻭ ﻳﻘﻮﻝ : ﺇﻻﻫﻲ ﺃﻧﺎ ﻭﺍﻗﻒ ﺑﺒﺎﺑﻚ
ﻓﻼ ﺗﺤﺮﻣﻨﻲ ﻣﻦ ﺟﻨﺎﺑﻚ !!
ﻓﺎﻗﺘﺮﺏ ﻣﻨﻪ ﺍﻹﻣﺎﻡ ﻭ ﺑﻌﺪﻣﺎ ﻧﻈﺮ ﺇﻟﻴﻪ ﻋﺮﻓﻪ ﺃﻧﻪ ﺍﻟﺮﺟﻞ ﺍﻟﺬﻯ ﻛﺎﻥ ﻣﺨﻤﻮﺭﺍ ﺛﻢ ﻏﺴﻞ ﺷﻔﺘﻴﻪ ... ﻓﺴﺄﻟﻪ ﻛﻴﻒ ﺣﺎﻟﻚ ﻳﺎﻫﺬﺍ ؟
ﻓﻘﺎﻝ ﻟﻪ ﺍﻟﺮﺟﻞ : ﻳﺎ ﺇﻣﺎﻡ ﺇﻥ ﺍﻟﺬﻯ ﻫﺪﺍﻧﻲ ﻗﺪ ﺃﺧﺒﺮﻙ ﺑﺤﺎﻟﻲ !!!
ﺇﺗﺬﻛﺮﺕ ﺍﻟﻘﺼﺔ ﺍﻟﻌﺠﻴﺒﺔ ﺩﻱ ﻓﻲ ﻧﺺ ﻭﻧﺴﺔ ﻣﻊ ﺻﺪﻳﻖ ﺃﻣﺲ .. ﺣﻜﻰ ﻟﻲ ﺇﻧﻮ ﻓﻲ ﺯﻭﻝ ﺿﺮﺏ ﺗﻠﻔﻮﻥ ﻟﻮﺍﻟﺪﻭ ﻓﻲ ﺍﻟﺴﻮﺩﺍﻥ ... ﻭ ﺑﺪﻭﻥ
ﻣﻘﺪﻣﺎﺕ ﺷﺒﻜﻮ ﻟﻴﻚ ﻳﺎ ﺣﺴﻦ ﺃﻧﺎ ﻣﻘﻄﻮﻉ ﻗﻄﻌﺔ ﻛﻌﺒﺔ ﺟﺪﺍ ﻭ ﻋﺎﻳﺰﻙ ﺗﺤﻮﻝ ﻟﻲ ﺭﺻﻴﺪ ﺏ 50- ﺃﻟﻒ ﻫﺴﻲ ﺩﻱ ... ﻭ ﻗﺒﻞ ﻣﺎ ﺍﻟﻮﺍﻟﺪ ﻳﺸﺮﺡ ﻟﻠﻤﺘﺼﻞ ﺇﻧﻮ ﺍﻟﻨﻤﺮﺓ ﻏﻠﻂ ﻭ ﺇﻧﻮ ﻣﺎ ﺣﺴﻦ ... ﺍﻟﺮﺍﺟﻞ ﻣﺎ ﺍﺩﺍﻫﻮ ﻓﺮﻗﺔ ...
ﻛﺎﻥ ﺑﻠﺢ ﺇﻟﺤﺎﺡ ﻏﺮﻳﺐ ﺇﻧﻮ ﻫﻮ ﻣﻘﻄﻮﻉ ﻭ ﺣﺎﻟﺘﻮ ﻛﺮﺑﺔ ﺟﺪﺍ ... ﺃﺑﻮ ﺻﺤﺒﻲ ﻗﺎﻝ ﻟﻴﻪ ﺧﻴﺮ ﺑﺮﺳﻠﻬﻢ ﻟﻴﻚ ﻫﺴﻲ ﻭ ﻓﻌﻼ ﺭﺳﻞ ﻭﻟﺪﻭ ﺍﻟﺼﻐﻴﺮ ﺣﻮﻝ ﺍﻟﺮﺻﻴﺪ ﻓﻲ ﺭﻗﻢ ﺍﻟﻤﺘﺼﻞ ...
ﺗﺎﻧﻲ ﻳﻮﻡ ﻧﻔﺲ ﺍﻟﺮﺍﺟﻞ ﻣﻦ ﻧﻔﺲ ﺍﻟﻨﻤﺮﺓ ﺇﺗﺼﻞ ﻭ ﻗﺎﻝ ﻟﻴﻪ ﺃﻧﺎ ﺃﻣﺲ ﻋﺎﺭﻓﻚ ﻣﺎ ﺣﺴﻦ ﻭ ﺃﻧﺎ ﺿﺮﺑﺖ ﺃﺳﺘﻬﺒﻞ ﻋﻠﻴﻚ ﻭ ﻟﻤﻦ ﺭﺳﻠﺖ ﻟﻲ ﺍﻟﻘﺮﻭﺵ
ﺣﺴﻴﺖ ﺑﺎﻟﺬﻧﺐ ﻓﺪﺍﻳﺮﻙ ﺗﻌﻔﻲ ﻟﻲ ... ﺃﺑﻮ ﺻﺤﺒﻲ ﻗﺎﻝ ﻟﻴﻪ ﻳﺎ ﺯﻭﻝ ﺃﻧﺎ ﺍﻟﻘﺮﻭﺵ ﺩﻱ ﻣﺎ ﺭﺳﻠﺘﻬﺎ ﻟﻴﻚ ... ﺭﺳﻠﺘﻬﺎ ﻟﻠﻪ ﻭ ﺍﻟﺮﺳﻮﻝ ﻭ ﻋﺎﻓﻴﻬﻦ ﻟﻴﻚ ﻟﻠﻪ ﻭ ﺍﻟﺮﺳﻮﻝ !!!
ﺍﻟﻴﻮﻡ ﺍﻟﺒﻌﺪﻭ ﺍﻟﺮﺍﺟﻞ ﺇﺗﺼﻞ ﺗﺎﻧﻲ ﻭ ﻗﺎﻝ ﻟﻴﻪ ﻣﻦ ﻛﻼﻣﻚ ﺍﻻﻣﺲ ﺩﺍ ... ﺃﻧﺎ ﺫﺍﺗﻲ ﺗﺒﺖ ﻟﻠﻪ ﻭ ﺍﻟﺮﺳﻮﻝ..

#ﺻﻨﺎﺋﻊ_ﺍﻟﻤﻌﺮﻭﻑ
#امين_محمد
#اشياءبسيطة ..

ﻭﺗﺘﻼﻋﺐ ﻣﻊ ﺍﻟﺮﻭﺡ ﺍﻟﺘﻮﺍﻧﺲ ﻓﻲ ﺻﺨﺐ ﺭﻭﺣﻚ
ﻭﺍﺣﺎﺳﻴﺴﺎ ﻛﺘﻴﺮﺓ ﻣﻌﺎﻙ ﻻ ﺑﺘﺘﻌﺪ ﻻ ﺑﺘﻨﻘﺎﻝ .........
ﻭﻛﻴﻒ ﺑﺘﺸﻴﻞ ﻣﻼﻣﺤﻚ ﻣﻦ ﻫﺪﻳﺮ ﺃﺑﺒﺎﻱ ﺳﻤﺎﺭ ﺍﻟﻨﻴﻞ ❤️ ♤

ﻭﻏﺪﺍً ﻧﺰﻫﻮ ﻓﻼ ﻧﻌﺮﻑ ﻟﻠﻐﻴﺐ ﻣﺤﻼ
ﻭﻏﺪﺍً ﻟﻠﺤﺎﺿﺮ ﺍﻟﺰﺍﻫﺮ ﻧﺤﻴﺎ ﻟﻴﺲ ﺇﻻ
ﻗﺪ ﻳﻜﻮﻥ ﺍﻟﻐﻴﺐ ﺣﻠﻮﺍً ﺇﻧﻤﺎ ﺍﻟﺤﺎﺿﺮ ﺃﺣﻠﻰ
ﺃﻏﺪﺍً ﺃﻟﻘﺎﻙ.. ™

أنا لا أعتقد بوجود نفوس عادية. وأعتقد بأن كل نفس موهوبة ... وإنما هى تصبح عادية حينما يغفل صاحبها عن اكتشاف هباتها ، ويضل الطريق إليها..♤

أنا لا أعتقد بوجود نفوس عادية. وأعتقد بأن كل نفس موهوبة ... وإنما هى تصبح عادية حينما يغفل صاحبها عن اكتشاف هباتها ، ويضل الطريق إليها... ولا يكلف نفسه مشقة البحث وعناء الاختبار !

..

__ كتاب / يوميــــات نص الليل.
د. مصطفى محمود.