ير ...قال لي انتا ياعلوب ( سفير ) دي يعني (طياره ) ....!!! قلتا ليهو ايوا ....!!!!
المهم الود ده ولا اتلفت علي ود الجد ولا قال ليهو انتا ذاتك بتقول في شنو ...!!! وهذه تعتبر سابقة جديدة وخطيرة وتحدث للمرة
الاولي .....تطورت الملاسنة الي نظرات تحدي ....( ود ) السفير
و ( ود ) الجد .... ( أسفل المدينة ...!! مع سنامها ...!! ) حتما هو هو لقاء السحاب ....!!!
وسط متابعة كثيفة من الطلاب بمختلف توجهاتهم ....تسمع توجهاتهم دي تقول الله بوريني
هو توجه واااحد مشترك ياها ( نفلو ) دي ...وبرطيع في حوش المدرسة ..... !!بس ياها دي التوجهات
نرجع لي للازمة وشيكة الحدوث .... فقد وقع المحظور وغضب الجد .....اخفي الجزرة واخرج العصا ....!! ادا ليك الود ده هزا ودفرا كدا لما خلعو ...!! قال ليهو انا لما اتكلم ترد ....
والله يا اخوانا وماطالبني حليفه ...!!! دي كانت اخر عبارات سمعناها....!!! الباقي شفنا عدييييل ...شوف عين ...!!!
الساعة الشافع ده جدع ليك السندويتش ده ورجع ليم خطوتين
لي ورا .....وقال كدا طار ليك (جوز )في (ود الجد ) ده ....!!! (غايتو نحنا بس عايزين نصفق .....) ...!!! جدعو ليك هناك ....واستدار بعدها الفتي استدارة شبه كاملة بزاوية منفرجة ....وجاهو ليك تاني وأداهو (رفستين) مع أسرع (بوكسيين) نشوفم في حياتنا ...(ان شاءالله بس مانكون بنحلم ...!!! ) ...والله ياخوانا كاننا نحنا البندق في جدو ده
غايتو الحمد لله حمدا طيبا مباركا ان حضرنا هذه اللحظة التاريخية ...ود الجد طبعا أتفاجأ وأتبكم ماقادر يقول بغم ...!!! قام يتنفض ومعاها عرجة ...!!! والخشم مليان تراب ...والعين وارمه..!! حالة صعبة شديد ... لما شفقنا عليهو ....!!!غايتو نحنا طيبتنا ذاتا فايتا الحد....!!
اها الود (المشحط ) ده نفض ليك يدينو كأنو ماعمل حاجه ....وطلع ليهو سندويتش تاني وقعد ياكل ( انتو الناس دي بتجيب السندوتشات دي من وين ....) ...!!!!
المهم لسان حال كل المدرسة في ذلك اليوم المهيب هو التهليل والتكبير لهذا الحدث الجلل والاستثنائي ليكتب التاريخ يومها معلنا انتهاء امبراطورية ود الجد ...!! وكثيرون لم يخفو ضحكتهم علي (الضحية ) وانتقلت عدوي الضحك الي الجميع ....!! ضحكنا كلنا ....!!! وكما لم تضحك من قبل ....!! ضحكنا ضحك سنوات خلت كانت مكتومة ..وقدام ود الجد نفسو ....!! ما اجمل الاحساس بالحرية والانعتاق ....!!
قدمنا التهاني للزائر الجديد بهذا الانتصار ...لكن ما أتذكره جيدا انه وعلي الرغم من عقولنا الصغيرة في ذلك التوقيت لم نغدق في التهنئة والثناء .....حتي لانصنع (ود الجد جديد ) وبمواصفات هذه المره ....!! خلاص تعبنا ...!!
الود طلع اسمو (هاني ) وفعلا هو ود سفير السودان في اليابان ....!!! (يادوب فهمنا سر الدقا القوية دي ...!!! ) اتاري الشافع مدخلنو ليك دورات في ( التاكوندو ) من عمرو تلاته سنين ....!! دي فاتت عليك ياجدو...االكفوة جاتك من خارج الحدود ...وبالفنية القاضية هذه المره ....!
ذهب بعدها (ود الجد ) الي مزبلة التاريخ ...!! وعااادي اي واحد فينا بقي يلاقيهو بديهو طقا في راسو ...!! ضحكني (الرشيد ) صاحبي ده .....قال لي تتذكر يوم (النتايج ) داااك ...اها ود الجد ده لاقاني قال جيت الكم قلتا ليهو (التالت ) قال لي بتصدق ياعلوب ..كان شايل ليهو بسطونة اداني (تلاته ) شحطات مسخ علي النتيجه ....( كانو يتربصو بالخمسة الأوائل ...!!! والطيش عند الله بعيش ) ...مش حاجه غريبة ....!!
اها ( الرشيد ) قال لي اول حاجه عملتها بعد سقوط (ود الجد ) .....جيت ليك عليهو قلتا ليهو انتا ياود الجد بتدق مالك يوم النتايج ...!!! لما اتخلع ...!!! وقعد يتمتم ...!!! اديتو ليك يا تلاته لبعات لما فهم حاجه ...لكن صدق ياعلوب ضهرو لي هسه قوي ...!!!
عرفت لاحقا وبعد ان وعينا ان من فقد الشرعية ليس له ظهر ....!!
...اما (هاني ) فقد صار بطلا قوميا ...!! غير متوج .....
وتحول ذلك اليوم الي عيد وطني في المدرسة تحت عنوان سقوط امبراطورية اب جيبين ....(ود الجد )
)ياربي الزول ده بكون وين هسا.....بس مايكون لما ليهو في ناس تانين ماعارفنو ....!!! ياربي !!!؟؟؟
كانت لنا ايام ....!!
#اشياءبسيطة ..
المهم الود ده ولا اتلفت علي ود الجد ولا قال ليهو انتا ذاتك بتقول في شنو ...!!! وهذه تعتبر سابقة جديدة وخطيرة وتحدث للمرة
الاولي .....تطورت الملاسنة الي نظرات تحدي ....( ود ) السفير
و ( ود ) الجد .... ( أسفل المدينة ...!! مع سنامها ...!! ) حتما هو هو لقاء السحاب ....!!!
وسط متابعة كثيفة من الطلاب بمختلف توجهاتهم ....تسمع توجهاتهم دي تقول الله بوريني
هو توجه واااحد مشترك ياها ( نفلو ) دي ...وبرطيع في حوش المدرسة ..... !!بس ياها دي التوجهات
نرجع لي للازمة وشيكة الحدوث .... فقد وقع المحظور وغضب الجد .....اخفي الجزرة واخرج العصا ....!! ادا ليك الود ده هزا ودفرا كدا لما خلعو ...!! قال ليهو انا لما اتكلم ترد ....
والله يا اخوانا وماطالبني حليفه ...!!! دي كانت اخر عبارات سمعناها....!!! الباقي شفنا عدييييل ...شوف عين ...!!!
الساعة الشافع ده جدع ليك السندويتش ده ورجع ليم خطوتين
لي ورا .....وقال كدا طار ليك (جوز )في (ود الجد ) ده ....!!! (غايتو نحنا بس عايزين نصفق .....) ...!!! جدعو ليك هناك ....واستدار بعدها الفتي استدارة شبه كاملة بزاوية منفرجة ....وجاهو ليك تاني وأداهو (رفستين) مع أسرع (بوكسيين) نشوفم في حياتنا ...(ان شاءالله بس مانكون بنحلم ...!!! ) ...والله ياخوانا كاننا نحنا البندق في جدو ده
غايتو الحمد لله حمدا طيبا مباركا ان حضرنا هذه اللحظة التاريخية ...ود الجد طبعا أتفاجأ وأتبكم ماقادر يقول بغم ...!!! قام يتنفض ومعاها عرجة ...!!! والخشم مليان تراب ...والعين وارمه..!! حالة صعبة شديد ... لما شفقنا عليهو ....!!!غايتو نحنا طيبتنا ذاتا فايتا الحد....!!
اها الود (المشحط ) ده نفض ليك يدينو كأنو ماعمل حاجه ....وطلع ليهو سندويتش تاني وقعد ياكل ( انتو الناس دي بتجيب السندوتشات دي من وين ....) ...!!!!
المهم لسان حال كل المدرسة في ذلك اليوم المهيب هو التهليل والتكبير لهذا الحدث الجلل والاستثنائي ليكتب التاريخ يومها معلنا انتهاء امبراطورية ود الجد ...!! وكثيرون لم يخفو ضحكتهم علي (الضحية ) وانتقلت عدوي الضحك الي الجميع ....!! ضحكنا كلنا ....!!! وكما لم تضحك من قبل ....!! ضحكنا ضحك سنوات خلت كانت مكتومة ..وقدام ود الجد نفسو ....!! ما اجمل الاحساس بالحرية والانعتاق ....!!
قدمنا التهاني للزائر الجديد بهذا الانتصار ...لكن ما أتذكره جيدا انه وعلي الرغم من عقولنا الصغيرة في ذلك التوقيت لم نغدق في التهنئة والثناء .....حتي لانصنع (ود الجد جديد ) وبمواصفات هذه المره ....!! خلاص تعبنا ...!!
الود طلع اسمو (هاني ) وفعلا هو ود سفير السودان في اليابان ....!!! (يادوب فهمنا سر الدقا القوية دي ...!!! ) اتاري الشافع مدخلنو ليك دورات في ( التاكوندو ) من عمرو تلاته سنين ....!! دي فاتت عليك ياجدو...االكفوة جاتك من خارج الحدود ...وبالفنية القاضية هذه المره ....!
ذهب بعدها (ود الجد ) الي مزبلة التاريخ ...!! وعااادي اي واحد فينا بقي يلاقيهو بديهو طقا في راسو ...!! ضحكني (الرشيد ) صاحبي ده .....قال لي تتذكر يوم (النتايج ) داااك ...اها ود الجد ده لاقاني قال جيت الكم قلتا ليهو (التالت ) قال لي بتصدق ياعلوب ..كان شايل ليهو بسطونة اداني (تلاته ) شحطات مسخ علي النتيجه ....( كانو يتربصو بالخمسة الأوائل ...!!! والطيش عند الله بعيش ) ...مش حاجه غريبة ....!!
اها ( الرشيد ) قال لي اول حاجه عملتها بعد سقوط (ود الجد ) .....جيت ليك عليهو قلتا ليهو انتا ياود الجد بتدق مالك يوم النتايج ...!!! لما اتخلع ...!!! وقعد يتمتم ...!!! اديتو ليك يا تلاته لبعات لما فهم حاجه ...لكن صدق ياعلوب ضهرو لي هسه قوي ...!!!
عرفت لاحقا وبعد ان وعينا ان من فقد الشرعية ليس له ظهر ....!!
...اما (هاني ) فقد صار بطلا قوميا ...!! غير متوج .....
وتحول ذلك اليوم الي عيد وطني في المدرسة تحت عنوان سقوط امبراطورية اب جيبين ....(ود الجد )
)ياربي الزول ده بكون وين هسا.....بس مايكون لما ليهو في ناس تانين ماعارفنو ....!!! ياربي !!!؟؟؟
كانت لنا ايام ....!!
#اشياءبسيطة ..
تملك عينان صغيرتان..ضيقتان جداً..ولكني أرى فيهما اتساع الكون❤️..#راني_فرح..♣️
لو كنت تعرفُ انني احتال الاحزانِ
ارجئها لديكَ ، واسكتُ الاشجانَ حينَ تجئ اخنقُ عبرتي بيديّ ما كلفتني هذا العناء..
ولربما استحييت لو ادركت كم اكبو على طول الطريق اليك
كم القى من الرهق المُذّل من العياء
ولربما ولربما ولربما. .
🔚
ارجئها لديكَ ، واسكتُ الاشجانَ حينَ تجئ اخنقُ عبرتي بيديّ ما كلفتني هذا العناء..
ولربما استحييت لو ادركت كم اكبو على طول الطريق اليك
كم القى من الرهق المُذّل من العياء
ولربما ولربما ولربما. .
🔚
هل للشوق وزن؟
لا أعلم ....لكن قلبي يصبح بثقل الجبال كلما اشتقت إليك
والآن من ثقله لا أستطيع الحراك..
♣️
لا أعلم ....لكن قلبي يصبح بثقل الجبال كلما اشتقت إليك
والآن من ثقله لا أستطيع الحراك..
♣️
زمانك قبل 24 سنة بالضبط .. دخلت المرحلة الثانوية .. بخطة محددة سلفاً .. تخش الثانوى تتخصص علمى .. تجيب مجموع كويس .. تدخل كلية الطب .. خطة لا يدى لا كراعى .. خطة كده ثوابت غير قابلة للتفكير والنقاش .. على الرغم من انى من رابعة ابتدائى ما حصل غلط فى املاء .. وكنت بجيب اعلى معدلات فى الانشاء .. وبحب التاريخ وبعشق الجغرافيا .. وبكره الرياضيات وكل العلوم المبنية على نظريات تخيلية .
بل انا فى المتوسطة كنت بكتب الجوابات الغرامية بالقروش .. طرادة للجواب .. وخمسين قرش بيكون جوابك حصرى وما بكتب زيو لى زول خصوصا للاتنين اللى بحبو نفس البت .. كنت بدخل منها قرشين كويسين .. لاني كنت انتهيت من كل كتب العقاد ومصطفى محمود ويوسف السباعى وانيس منصور .. وصلاح عبد الصبور وبديت اتلمس فى الادب الروسى واللاتينى .. كان عندى راى فى قبانى .. واحسان عبد القدوس .. لانو بشوف كتاباتهم زي حصص التكاثر والتناسل بتاعت الاحياء ..
كانت حصيلتي اللغوية والتعبيرية كويسة لاني كنت عايش في عالم الكتب والمعرفة ..
فجأة تم انتزاعى من العالم وادخالى لعالم جاف معقد غير متصالح مع نفسو مليان قلق وشكوك وهواجس وعدم استقرار .. ومافى مكان فيهو للغلط والتبرير ..
كنت بدك الحصص وامشى اتصنت على ناس ادبى .. كنت بشوفهم ارقى من ( ناس ما عندهم طموح ودايرين يجيبو مجموع بايسر الطرق ) او ( ناس استيعابهم محدود ) كنت بشوفهم ناس راقيين ونظرتهم للحاجات عميقة ..
كنت بعاين للكربون انو منافق وبيصاحب اى زول .. والبوتاسيوم مفترى وبينزع حبيبات العناصر .. والهيدروجين مسكين .. والاكسجين راجل طيب .. اما اليورانيوم ده كنت بشوف فيهو الطبقة الرأسمالية القال عليها تولستوى ..
كنت بشوف الخطوط المستقيمة غبيانة لانها ما بتتلاقى .. وجيوب تمام الزاوية محاولة عبثية لاثبات انو كلو حاجة تمام .. تمام كيف وجيرانا بنوموا من غير عشا ..
بي ذرة الكربون اللي خلت الماس يتحول لي فحم عرفت انو الفرق بين الفقر والثراء فرق وهمي ..
كنت بشعر بالشفقة تجاه العناصر الغير مستقرة .. لاني قادر افهم احساسها تماما ..
كنت بكره نيوتن وبشوف انو لو اكل التفاحة كان عمل فينا خير ..
كنت بخلق صداقات بين الكهربية الساكنة والكهرومغناطيسية باعتبار انهم اسرة واحدة لكن الظروف فرقتهم فواحد فيهم اغترب وخلى التانى هنا ..
كنت بشوف الدالة والعجلة والسرعة اغبياء بيتسابقو من اجل لاشئ .. بس كنت بحترم الزمن لانو بيمثل لى الموت .. وبتدهشنى المسافة .. وبتحيرنى الكتلة .. وبيرهبنى الفراغ .. وكنت بششوف النيترون جسيم من الذات الالهية ..
كنت بتضرس من استاذ الفيزياء لمن يقول ( الاثنين ) وتكون مرفوعة بالالف واصلا هى ( الاثنان ) .. واستاذ الرياضيات البكتب ( اذن ) بدلا ( اذاً ) واستاذ الاحياء البقول ( التكاسر ) ..
كنت بستغرب من الاساتذة ديل كيف قادرين يعيشوا وراسهم مليان بالكلام القاسى ده .. هل هم بيحبوا زينا وبيخافو .. وبيحنو على اولادهم .. بالذات ابصلعة بتاع الفيزياء داك ؟
كنت مرات كتيرة بشعر بالاختناق ..
والاحباط .. وان الحياة دى قاسية ..
كنت بشعر بألم ما بيتناسب مع عمرى .. الم التقييد والاستعباد ..
بس كنت صابر لانى بفهم العلوم بطريقتى الغريبة دى ..
بالطريقة الغريبة دى قدرت اتصالح مع العلمى ..واقضى ثلاث سنوات المؤبد مع الاشغال دى ..
بس لمن جيت الجامعة لقيت انى ما ح اصمد .. لذلك بدل الطب خشيت مختبرات طبية عشان اتخارج فى اربع سنين واوفر سنتين .. وبذلك اكون كملت الفروض الاسرية بلبس البالطو الابيض .. وبعد داك امشى اقرا فلسفة .. او ادب فرنسى ..
وشاءت الاقدار اتخرج واتوظف ..
وبعد 14 سنة وظيفة وفى عز نجاحى المهنى .. فى يوم صحيت لقيت انى بهدر فى حياتى وانى ضعتا منى .. فوضعت حد للعبث ده .. بالتقاعد المبكر ..
وبديت رحلتى تانى من الاول ..
الرحلة اللى كانت ممكن تبدا صاح قبل 24 سنة ..
ارجو من كل اب او ام قرا كلامى ده ما يرتكب الغلطة دى مع اولادو .. لانو التمن سنوات من عمرهم هم .. مش عمرو ..
Mohamed Mustafa Awad
♣️
بل انا فى المتوسطة كنت بكتب الجوابات الغرامية بالقروش .. طرادة للجواب .. وخمسين قرش بيكون جوابك حصرى وما بكتب زيو لى زول خصوصا للاتنين اللى بحبو نفس البت .. كنت بدخل منها قرشين كويسين .. لاني كنت انتهيت من كل كتب العقاد ومصطفى محمود ويوسف السباعى وانيس منصور .. وصلاح عبد الصبور وبديت اتلمس فى الادب الروسى واللاتينى .. كان عندى راى فى قبانى .. واحسان عبد القدوس .. لانو بشوف كتاباتهم زي حصص التكاثر والتناسل بتاعت الاحياء ..
كانت حصيلتي اللغوية والتعبيرية كويسة لاني كنت عايش في عالم الكتب والمعرفة ..
فجأة تم انتزاعى من العالم وادخالى لعالم جاف معقد غير متصالح مع نفسو مليان قلق وشكوك وهواجس وعدم استقرار .. ومافى مكان فيهو للغلط والتبرير ..
كنت بدك الحصص وامشى اتصنت على ناس ادبى .. كنت بشوفهم ارقى من ( ناس ما عندهم طموح ودايرين يجيبو مجموع بايسر الطرق ) او ( ناس استيعابهم محدود ) كنت بشوفهم ناس راقيين ونظرتهم للحاجات عميقة ..
كنت بعاين للكربون انو منافق وبيصاحب اى زول .. والبوتاسيوم مفترى وبينزع حبيبات العناصر .. والهيدروجين مسكين .. والاكسجين راجل طيب .. اما اليورانيوم ده كنت بشوف فيهو الطبقة الرأسمالية القال عليها تولستوى ..
كنت بشوف الخطوط المستقيمة غبيانة لانها ما بتتلاقى .. وجيوب تمام الزاوية محاولة عبثية لاثبات انو كلو حاجة تمام .. تمام كيف وجيرانا بنوموا من غير عشا ..
بي ذرة الكربون اللي خلت الماس يتحول لي فحم عرفت انو الفرق بين الفقر والثراء فرق وهمي ..
كنت بشعر بالشفقة تجاه العناصر الغير مستقرة .. لاني قادر افهم احساسها تماما ..
كنت بكره نيوتن وبشوف انو لو اكل التفاحة كان عمل فينا خير ..
كنت بخلق صداقات بين الكهربية الساكنة والكهرومغناطيسية باعتبار انهم اسرة واحدة لكن الظروف فرقتهم فواحد فيهم اغترب وخلى التانى هنا ..
كنت بشوف الدالة والعجلة والسرعة اغبياء بيتسابقو من اجل لاشئ .. بس كنت بحترم الزمن لانو بيمثل لى الموت .. وبتدهشنى المسافة .. وبتحيرنى الكتلة .. وبيرهبنى الفراغ .. وكنت بششوف النيترون جسيم من الذات الالهية ..
كنت بتضرس من استاذ الفيزياء لمن يقول ( الاثنين ) وتكون مرفوعة بالالف واصلا هى ( الاثنان ) .. واستاذ الرياضيات البكتب ( اذن ) بدلا ( اذاً ) واستاذ الاحياء البقول ( التكاسر ) ..
كنت بستغرب من الاساتذة ديل كيف قادرين يعيشوا وراسهم مليان بالكلام القاسى ده .. هل هم بيحبوا زينا وبيخافو .. وبيحنو على اولادهم .. بالذات ابصلعة بتاع الفيزياء داك ؟
كنت مرات كتيرة بشعر بالاختناق ..
والاحباط .. وان الحياة دى قاسية ..
كنت بشعر بألم ما بيتناسب مع عمرى .. الم التقييد والاستعباد ..
بس كنت صابر لانى بفهم العلوم بطريقتى الغريبة دى ..
بالطريقة الغريبة دى قدرت اتصالح مع العلمى ..واقضى ثلاث سنوات المؤبد مع الاشغال دى ..
بس لمن جيت الجامعة لقيت انى ما ح اصمد .. لذلك بدل الطب خشيت مختبرات طبية عشان اتخارج فى اربع سنين واوفر سنتين .. وبذلك اكون كملت الفروض الاسرية بلبس البالطو الابيض .. وبعد داك امشى اقرا فلسفة .. او ادب فرنسى ..
وشاءت الاقدار اتخرج واتوظف ..
وبعد 14 سنة وظيفة وفى عز نجاحى المهنى .. فى يوم صحيت لقيت انى بهدر فى حياتى وانى ضعتا منى .. فوضعت حد للعبث ده .. بالتقاعد المبكر ..
وبديت رحلتى تانى من الاول ..
الرحلة اللى كانت ممكن تبدا صاح قبل 24 سنة ..
ارجو من كل اب او ام قرا كلامى ده ما يرتكب الغلطة دى مع اولادو .. لانو التمن سنوات من عمرهم هم .. مش عمرو ..
Mohamed Mustafa Awad
♣️