Ora è inùtili certa genti nun cància,
s'addìverti, futti e mància.
Còlliri un ti n'ha pigghiàri,
a vita è troppu curta, un t'angustiàri,

Accùssi me nannu mi ricìa,
quannu era nicu e ghièu chiancìa.
Si chiànci pì cosi cchiù 'mpurtànti,
e no pì certa genti ch'è tutta vacànti.

Futtitìnni quannu ti pìgghianu di mira,
tantu a vita è 'na rota chi gira.
Certa genti havi malàta la menti,
e nun farà mai nenti, pì nenti.

I cristiàni boni pì furtùna asìstinu,
t'aiùtanu, t'attèntanu e t'assìstinu.
Da genti tinta e fàvusa ti n'ha fùttiri,
sulu vuccùna amàri ti fannu agghiùttiri.

Crirìtimi, lu beni è cchiù forti di lu mali,
futtitivìnni, si certa genti è pèggiu di l'armàli.
Futtirisìnni è chiddu chi s'havi a fari,
calàri a testa e un ci pinsàri.

di Giuseppe Lodato

🖌 @lodatino

✍🏻@sicilianewseinfo
📌@siciliaterramia
📚#sicil_iaterramia
#futtitinni
#sicilia