‏روّح الليل ماجينا عشان نتخالف
‏ويمضى الوقت كله بين هاته ووده

‏اطرق العود مالك في طوال السوالف
‏عطني يديك واللي تستحي منه بده

‏ودي اتوب ومعزم وصامل وحالف
‏بس قدك لامنه مال ماني بقده .

‏"إي والله إني تايبٍ عنك وخلاص
‏وإني خرجت من الضلالة للهدى

‏وإني جريحٍ منك وجروحي قصاص
‏وغفرت ما أبي منك طيب ولا ردى"

‏قلبي على منت خابر ما برى جرحه
‏وانا على حطتك و اوجاعي ، اوجاعي

‏لا تحسب ان الهوى ما ينهدم صرحه
‏ولا تحسب ان صدتك ما تلوي ذراعي

‏ما عاد به حل لجل اجيك و اقترحه
‏بس اسمع اللي يلي قبل اطوي شراعي

‏لولا وجود الحزن وش قيمة الفرحه ؟
‏و لولا وجودك ، حياتي مالها داعي

‏ما بين الصعب وبين الخوف والتجريب
‏أحاول ما أميل بيوم ولا تتشرد أفكاري

‏أمر بمرحلة صح أو خطأ أو صدق أو تكذيب
‏كأني تايه في شيء ولاني عارف أقداري

‏أنا يا رب ما أدري وش اللي ينكتب بالغيب
‏ولكن رحمتك أكبر من اللي فيه أنا داري

‏"مدري وش أسم الشعور اللي يبكيني
‏بس أدري إنه يجي — من فتره لفتره"

‏- عبدالعزيز العبلان

‏"رجعت أدورك بين الرسايل والصور وأدعيك
‏وأنا مدري وش اللي من يد النسيان رجعني
‏َ
‏معي كلمة عتاب أكبر من أني فاقدك و آبيك
‏ذرفت حروفها أوّل ما عرفت أنك ما تسمعني"

‏ما للنوايا غير الافعال توضيح
‏اما مع الاقوال .. تبقى خفايا .

‏كيف حال اللي من أشياء الشعور قريّب ؟
‏وين بلقى لي جوابٍ صدق دون إحراجه

‏الملامح لو تغيّر والشعر لو شيّب
‏ما تشيب الذكريات ولا تغير حاجه

‏والله إن حالي يطيب أن قالوا أنّه طيّب
‏" لو تمر أيامنا حتى بدون مواجه " !

‏يارب سخرلي من احب يا رب
‏لا ترخص صدوف الليالي مقامه

‏مشكلتي إني كثر ماني سهل،صعب
‏لين أستحت مني عيون الملامه

‏قلبي بدويً يتبع الغيم لا صب
‏لا شحت المزنه طواها خيامه

‏يا كثر ما شرقت لو حاجتي غرب
‏ما أغلى من الحاجات غير الكرامه

‏ألين الأحساس و أسمّح الدرب
‏و أهون الزله رضى و أبتسامه

‏أعطي فرص لين اقتنع و اهجر القرب
‏من بعدها تحرم عليّ الندامه

‏مع كل فرصه ضايعه ينقص الحب
‏لين السلام يصير مع السلامه

‏و أعيف و اليا عفت من خاطر وقلب
‏ما بنتجمع غير يوم القيامه .

‏﴿ وَمَاكَانَ اللَّهُ لِيُعْجِزَهُ مِن شيء ﴾
‏اللهم اشفِ مرضانا ومرضى المسلمين.

‏كل شخص نعامله من طيب وحسـن نيّه
‏لا يحسب إنّا نـدور شي من حضرة جنابه

‏ابتـلشـنا بالضعـوف اللي روابعـهم رديّه
‏كل واحد شايفٍ نفسه وهـو محدٍ درا به

‏" عن عيون الناس تسترني ثيابي
‏وكل حيٍ غير ربي ما رجيته

‏يوم شفت إن الكفن ماله مخابي
‏كل ما يطري على بالي .. شريته

‏إستعنت بطاعة الله في شبابي
‏وماتيسّر من كتاب الله .. قريته
‏
‏جعل رفاع السما يجزل ثوابي
‏ويغفر ذنوبي ليا مني عصيته "

‏مافي أثقل من القلب اذا فاض بالتساؤلات

‏﴿وَمَا كَانَ اللَّهُ لِيُعْجِزَهُ مِنْ شَيْءٍ﴾

‏اللهم إن ضعُفت الأجسام فأنت القوي وإن اشتد المرض فأنت الشافي ، يامن يعيد للمريض صحته ويامن يستجيب دعاء البائس الضعيف ، اللهم أنزل شفائك لمن مسه الضر وأجبر كل من أنهكه الوجع ، ربي اشفي وعافي أنت الشافي لا شفاء إلا شفاؤك

‏علمتنا عزة النفس و الدرب النزيه
‏لا تردت شيمة اللي يقول ولا يطول

‏كل ما حدّك زمانك على الي ما تبيه
‏الله الله فالمواقف على حسّب الأصول

‏لا تسوم الوجه الأبيض .. ولا ترضا عليه
‏ما يقلل قيمته عند ذربين الفعول

‏”الحيــا لا قل فالارض ولا فالوجيه
‏قلّ مافيها من الجاذبيه والقبول“

‏أنا السعيد اللي يجيد الدور
‏و تصنعي للفرح . . يحزني

‏كل من جرحني بالهوى معذور
‏لو جرحهم للحين . . يوجعني

‏الا " أنت " ما أسامحك لو مجبور
‏و شلون توعـدني / وتودّعني ؟

‏و شلون بضحك لك وأنا مقهور
‏في داخلي أشيـاء . . تزعجني

‏كنت بعيوني النور و راح النور
‏” خليتني من قلت لك . . خِـذني ! “

‏اللهم لا تأخذني من هذه الدنيا إلا و أنت راضٍ عني اللهم إني اسألك حسن الخاتمة

‏الحياء يرفع مقام المرء ويبّين علوّه
‏دوّر الأخلاق قبل إنّك تدوّر من ترافق

‏النقي ما بينه وبين الدِني عُصبة أخوّة
‏و الضحى ما بينه وبينه المساء أوجُه توافق

‏السمو سمو الأنفس والفقر فقر المروّة
‏قاتل الله النفاق وقبّح الله المنافق . .

‏" كرامةٍ .. ماهي معزه و تقدير
‏تنعاف واللي من طرفها يعافي

‏يكرم وديع المسك عن نافخ الكير
‏لو صار من بين الأوادم تجافي

‏قولو له انّا غير و سلومنا غير
‏نثقل ليا خفّت عقول الخفافي

‏وان قامت الدنيا عجاج ومعاصير
‏نوقف ولا يصعب علينا الوقافي "