قم فلا وقت للخيبة ، هناك جميل ينتظرك فاسعَ إليه ، قم واكسر كل شعور سيء ، تحدّ الظروف والضغوط و اخلق لنفسك جواً يناسبها ولا تستسلِم ،
فعندما تتعب هنا يبدأ العمل الحقيقي

صباحك مميز يا مميز

💚💙🩵💚💙🩵

#السعادة_قرار
#عافر_عشان_تعيش
#عوكاشيات@Shezlong249

من وجهة نظري مافي أغبى من البني آدم اللى يفرّط فى شخص حنين أو يستهين بالحنية عامة ويشوفها ميزة عادية وسهل يلاقيه فى أي انسان تاني! "الحنيّة رزق" ونعمة كبيرة جدًا اللي ما حيصونه ويحترم أصحابها ويقدرهم هيكون بضيع من نفسه هدية يستحيل يلاقي انسان يقدمه ليو مره تانيه؛ وبالمناسبة أصحاب القلوب الليِّنة أقوياء جدًا ,, ووجودهم جنبك وتمسكهم بيك ده يدل على الحنية والمحبة الماليه قلوبهم مش ضعف منهم إطلاقًا ،، واللى لازم تفهموا أكتر أنّهُم زي ما بيتمسكوا شديد وبيدوا فُرص كتير لما بيستغنوا بيستغنوا نهائيًا.

صباح الحنية لناس البتقدر تحافظ علي مساحه الامان في حياته

🩵🩷💚🩵🩷💚

#السعادة_قرار
#عافر_عشان_تعيش
#عوكاشيات

التوصيل بكم مع الجنيه الواقع دا بتاخد بالدولار؟
#انا_ماعايز_اتكلم_بس
#معاوية_عكاشة

جمعتكم طيبة ومباركة 🤍🌿

أحياناً أكبر تغيير في حياتك ما ببدأ بخطوة كبيرة… ببدأ بقرار صغير: إنك ما تستسلم.

المعلومة المهمة: دماغك بيتأثر بالحاجات البتكررها؛ عشان كدا كلامك مع نفسك مهم.
بدّل «أنا ما بقدر» بـ «أنا حأحاول، وربنا بيسهّل.»

ما لازم تكون قوي كل الوقت… بس ما توقف.
ربنا يفتح ليكم أبواب ما كانت في الحسبان، ويعوّض قلوبكم عن كل تعب. 🤍

جمعة مباركة..
💜🩵💜🩵💜🩵

#السعادة_قرار
#عافر_عشان_تعيش
#عوكاشيات

أعظم استثمار ممكن تعمله هو استثمارك في نفسك
أنت ما زول ساي عشان تعيش ساي
أنت إنسان مكرّم ، وخليفة لله في الأرض !
وسخّر الله لك ما في السماوات والأرض.
فكرماً ما تتبع القطيع في انك تعيش ساي !
ما تصغر نفسك و لا تتعامل معاها بسوء او قلة تقدير
استثمر في عقليتك لان افكارك هي سلاح ذو حدين
ممكن ترفعك سابع سماء وممكن تخسف بيك الأرض
وذات الافكار دي هي ممكن تخليك في مكانك لحدي ما تنتهي رحلتك الارضية !!!
استثمر في جسدك ! حاول بقدر الإمكان تأكل اكل صحي
اتمرن ان شاء الله مشي ايّ كان عمرك ماتخلي اليوم ينقضي
من غير ما تُحسن لجسدك شكر لنعمته !
استثمر في علاقاتك والناس الحواليك واختارهم صاح
زي مابقولوا الصاحب ساحب ولو داير تتقدم في الحياة دي
ما تصاحب ولا ترافق الا الأخيار الناس الحقيقةً ممكن يدفعوك لقدام
نحن ما خُلقنا عبث عشان نعيش عبث
انت هنا عشان تزكي هذه النفس لأقصى درجة ممكنة
فكرماً خلي بالك من نفسك !!

مين قال انك وحيد ا؟؟؟

عشان شويه ناس طلعو من حياتكم حاتفكروا انكم كعبين لا والله انتو كويسين شدييد وربنا بحبكم مهما قست عليكم الدنيا من كل الجهات ربنا عندو ميه باب تقدر تفتحو وتمشي بيهو بس كلها ترتيبات في وقتها المحدد بس انتو خلو اليقين ماليكم رغم الحزن انو ربنا حايعوضكم. ويرزقكم فرح تستاهلو والله قلوبكم دي مايليق بيها الا تسعد بس

صباح الثقه في الله
صبااااح الاحد المبارك

🔵🟡🔵🟡🔵

#السعادة_قرار
#عافر_عشان_تعيش
#عوكاشيات

حبوبة قالت:
والبونسك بي الناس ..بونس الناس بيك
والحسنة ف الما بسواها مغصه لي السواها
والعود المافيهو شق مابقول طق
وما ضروري تعرفو اي حاجة في الدنيا
لانو مرات الضو الزايد بيعمي
ولو الدنيا كترت عليك صارعها بالرضى
والبريدك بفتش عليك والاباك ريحك

صباح الحب

💚💙💜💚💙💜

#السعادة_قرار
#عافر_عشان_تعيش
#عوكاشيات@Shezlong249

أحياناً المشكلة ما إننا ما عارفين ننظّم حياتنا…
المشكلة إننا دايرين نرتّب كل حاجة مرة واحدة، ونصل لكل حاجة بسرعة.

بنضع خطط مثالية، وجداول مليانة، وبنحمّل نفسنا توقعات أكبر من طاقتنا…
ولما يوم واحد يطلع برا الخطة، بنحس إننا فشلنا، وإنو كل الحاصل ما عندو قيمة.

لكن يمكن الحياة ما محتاجة مننا نصلّح كل حاجة الليلة…

يمكن كفاية إننا نصلّح يومنا بس. 🤎

في الحلقة دي من البودكاست بنتكلم عن الكمالية في التنظيم، وعن إحساس إنو الزمن بجري وإحنا لسه واقفين مكاننا… وعن فكرة بسيطة جداً، لكن ممكن تغيّر نظرتنا للحياة:

ما لازم تصلّح حياتك كلها مرة واحدة…
أبدأ بي يوم واحد.

حلقة لكل زول حاسس إنو بجري طول الوقت، وبيحاول يلحق كل حاجة…
لكن ناسي يعيش.

🎧 اسمعوا الحلقة، ويمكن تكون بداية إنك تتعامل مع حياتك بهدوء أكتر…
خطوة خطوة، ويوم بي يوم. 🤎

#معاوية-عكاشة

في وجع… لو حكيت عنو، ما بالضرورة يطلع منك.
ومرات… الحكي ذاتو ممكن يخليك تكتشف إنو الوجع لسه قاعد جوّاك.

تعرف المشكلة وين؟

نحن اتعودنا نقول للزول المتألم:

"أحكي… فضفض… طلّع الكبت الجواك."

وكأنو النفس زَيّ البالونة…
بس لو فرّغت الهوا منها، خلاص ارتاحت.

لكن النفس البشرية أعقد من كدا بكتير.

مرات بتحكي عن الموقف،
لكن ما بتحكي عن المعنى العملو الموقف جواك.

بتقول:

"أبوي كان قاسي معاي."

لكن يمكن الحكاية الأعمق تكون:

"أنا كبرت وأنا حاسس إني ما بستاهل الحب."

بتقول:

"هو خانني."

لكن جوّاك ممكن تكون الحكاية:

"أنا ما بقيت واثق في أي زول."

بتقول:

"أنا اتظلمت."

لكن جوّاك ممكن تكون:

"أنا لازم أفضل قوي طول الوقت… عشان محدش يقدر يكسرني تاني."

وهنا الفرق الكبير…

التفريغ ممكن يطلع الكلام من جوّاك،
لكن العلاج بيساعدك تفهم الكلام دا عمل فيك شنو.

الفكرة دي قديمة في تاريخ العلاج النفسي.

فرويد وبروير اشتغلوا على فكرة إن بعض التجارب المؤلمة، لما الإنسان ما يقدر يعبّر عنها وقت حدوثها، ممكن تفضل مرتبطة بانفعالات وأعراض تظهر بعدين.

وكانت الفكرة إن استرجاع التجربة والتعبير عن المشاعر المرتبطة بيها ممكن يساعد في تخفيف الأعراض.

والفكرة عندها جذور أقدم، مرتبطة بمفهوم التطهير "Catharsis" عند أرسطو؛ التعبير عن الانفعالات والوصول لحالة من التنقية النفسية.

لكن مع تطور علم النفس، بدأ السؤال يكبر:

هل كل ما تفضفض أكتر… تتعافى أكتر؟

وهنا الموضوع بقى أعمق.

لأن في فرق بين:

إني أحكي الوجع…
وإني أفهم الوجع.

وفرق بين:

إني أبكي على الحصل…
وإني أعرف ليه الحصل لسه مأثر فيني.

وفرق بين:

إني ألوم الزول الأذاني…
وإني أكتشف كيف الأذى دا غيّر نظرتي لنفسي وللحياة.

وممكن جدًا تقعد تحكي نفس القصة سنين…

لكن في كل مرة تحكيها، ترجع تعيش نفس الإحساس.

هنا الحكي ما بقى معالجة.

بقى إعادة تشغيل للجرح.

وعشان كدا، العلاج النفسي ما مفروض يكون مجرد مساحة تقول فيها كل الحاصل وخلاص.

الحكي مهم.

والبكاء مهم.

والفضفضة مهمة.

لكن بعد ما تقول:

"أنا اتوجعت…"

لازم يجي السؤال:

"الوجع دا عمل فيني شنو؟"

وبعدو:

"أنا اتعلمت منو شنو عن نفسي؟"

وبعدو السؤال الأصعب:

"هل الحاجة الاتعلمتها زمان لسه محتاج أعيش بيها اليوم؟"

لأن مرات المشكلة ما بتكون في الذكرى ذاتها…

المشكلة في القاعدة النفسية الاتبنت بسبب الذكرى.

طفل اتعرض للرفض ممكن يكبر وهو مقتنع:

"لازم أرضي الناس عشان يحبوني."

زول اتخذل ممكن يعيش طول عمره:

"ما تثق في زول."

زول اتأذى ممكن يقرر:

"ما ح أفتح قلبي تاني."

وهنا العلاج الحقيقي ما بس إنك تفتكر الحادثة…

لكن إنك تبدأ تفكك القواعد البنتها الحادثة جواك.

التفريغ ممكن يكون بداية الطريق…
لكن ما مفروض نخلط بين بداية الطريق والوصول.

اتكلم عن وجعك…

لكن ما تسكن في الحكاية.

ابكي…

لكن ما تخلي دموعك تكون الطريقة الوحيدة البتعبر بيها عن نفسك.

فضفض…

لكن بعد الفضفضة، حاول تفهم.

لأن هدف العلاج النفسي ما إنك تفتكر كل حاجة حصلت ليك…

هدفو إن الحاجات الحصلت ليك ما تفضل هي البتقرر كيف تعيش بقية حياتك.

ودي يمكن واحدة من أهم الحاجات الممكن نعملها مع نفسنا:

نطلع من دور:

"أنا الشخص الحصلت ليهو الحاجة دي."

إلى:

"أنا الشخص الحصلت ليهو الحاجة دي… لكن عندي فرصة أختار كيف أعيش بعدها."

ودي ما معناها إنو الماضي ما مهم.

بالعكس…

الماضي مهم عشان نفهم.

لكن ما مفروض يتحول إلى سجن.

إنت ما مطالب تنسى وجعك…
لكن من حقك تصل لمرحلة ما يبقى فيها وجعك هو البعرّفك.

#التفريغ_الانفعالي
#السعادة_قرار
#علم_النفس
#معاوية_عكاشة
#عوكاشيات

وما ظنكم برب العالميـن !؟
أنا ظني إنو ما ابتلاك إلا لأنه أحبك، وإنو البلـد دي حتفتح وحيبنوها أولادها ويجوها العرب والعجم يطلبوا ودّها، وده العُسر الموعودين بعـده باليُسر، وحنبقى مضرب مثل زي رواند وجنوب أفريقيـا، إنت ظنّك بربنا شنو !؟

الله ما حيسيب عباده.. الله سامع .. الله شايـف .. الله قادر
وكلو ليـلاً ليهو آخر .. والصباح قرب ميعاده

صباح الخير
انا اليله متفائل شديد
في خير كتييير جاي

🇸🇩🇸🇩🇸🇩🇸🇩🇸🇩🇸🇩

#السعادة_قرار
#عافر_عشان_تعيش
#عوكاشيات

يا جماعة الحر براهو مكفّي ومصعّد الضغط 😂
نقوم نزيد عليهو جدل ونقاشات إسفيرية ليه؟!
البلوك ما قصر… البلوك حافظ ليكم أعصابكم ساكت. 😂
#انا_ماعايز_اتكلم
معاوية عكاشة

لطلاب الشهادة السودانية…
اليوم النتيجة، لكن قبل النتيجة في حاجة أهم:

إنتو انتصرتوا على 18 شهر من التعب والانتظار والخوف، وسط ظروف الحرب.

النتيجة مهما كانت… ما بتحدد قيمتك ولا مستقبلك.

لو فرحت بيها، افرح واحتفل ❤️
ولو ما جات زي ما تمنيت، ما تكسر نفسك…
دي نتيجة امتحان، ما نتيجة حياتك.

وللأهل:
احتووا أولادكم اليوم، ما تقارنوهم ولا تختصروا تعبهم في رقم.

إنتو تستاهلوا الفخر… لأنكم واصلتوا. 🤍🇸🇩


💚💚💚💚💚💚
#السعادة_قرار
#عافر_عشان_تعيش
#عوكاشيات
#معاوية_عكاشة

دوائر الأمان في العلاقات 🤍

العلاقة الآمنة هي المكان البتقدر تكون فيهو على طبيعتك…
تتكلم بدون خوف، تختلف بدون تهديد، وتضعف بدون ما تتكسّر صورتك.

الأمان ما كلام… الأمان إحساس بتصنعو المعاملة.

🩵💜🩵💜🩵💜

#السعادة_قرار
#عافر_عشان_تعيش
#عوكاشيات
#معاوية_عكاشة

بيحب السكون… وعشان كدا أحياناً أول مقاومة ليه هي إنك تتحرّك."

الاكتئاب ما بيأثر على أفكارك ومشاعرك بس، لكنه ممكن يأثر على جسمك كمان.

الخمول، قلة الطاقة، النوم لساعات طويلة، فقدان الرغبة في الخروج أو مقابلة الناس، وقضاء وقت طويل في السرير أو على الكنبة… كلها ممكن تكون جزء من دائرة الاكتئاب.

وهنا بتبدأ المشكلة:

قلة الحركة بتزيد الخمول، والخمول بيخلي المزاج أسوأ، والمزاج السيئ بيخلينا نتحرك أقل.

وتستمر الدائرة.

عشان كدا، الحركة تعتبر واحدة من الأدوات المهمة في علاج الاكتئاب وإعادة التأهيل النفسي.

والمقصود بالحركة ما شرط يكون جيم، ولا جري، ولا تمرين شاق.

ممكن تبدأ بمشي 10 دقائق.

ممكن ترتب أو تنظف البيت.

ممكن تعمل تمارين تمدد بسيطة.

ممكن تطلع السلم بدل المصعد.

ممكن تشغل أغنية وتحرك جسمك معاها.

وممكن حتى تبدأ بالمشي داخل البيت.

المهم إنك تبدأ.

وأهم حاجة: ما تنتظر الحماس عشان تتحرك.

في الاكتئاب ممكن تقول لنفسك:

"لما أحس إني أحسن حأتحرك."

لكن أحياناً العكس هو الببدأ التغيير:

"أتحرك أولاً… وبعدها ممكن أبدأ أحس بتحسن."

الحركة ما بتحل كل مشاكل الاكتئاب، وما بتغني عن العلاج النفسي أو الدوائي لما يكون مطلوباً، لكنها ممكن تكون جزءاً مهماً من رحلة التعافي.

لأن الإنسان ما عقل ومشاعر فقط.

الجسم جزء من النفس.

لذلك، لو اليوم ما قادر تعمل رياضة، ما مشكلة.

ابدأ بخمس دقائق.

ولو ما قدرت خمس دقائق، ابدأ بدقيقتين.

ولو ما قدرت تخرج من البيت، اتحرك داخل البيت.

ولو ما قدرت تعمل تمرين كامل، اعمل جزء بسيط.

ما تقلل من قيمة الخطوة الصغيرة.

لأن الشخص المكتئب أحياناً لا يحتاج أن يركض في بداية الطريق…

يحتاج فقط أن يقوم من مكانه ويأخذ أول خطوة.

اتحرّك…

مش لأنك لازم تكون قوياً.

اتحرّك لأن جسمك ممكن يكون واحداً من الأبواب التي تساعدك ترجع للحياة من جديد.

#السعادة_قرار
#عافر_عشان_تعيش
#عوكاشيات
#معاوية_عكاشة

httpبرجع وبقول ليكم ربنا ختاكم في الإمتحان ده وعارف مقدراتكم وحتنجحو فيه بإذن الواحد الأحد
وكونكم لسه فيكم روح وتمسك بي مستقبلكم ده في حد نفسه نجاح وشجاعه كبيره منكم في وسط الحاصل ده

ربنا يوفقكم ويهون قواسيكم ويعدل خطواتكم ويحميكم ويسخر ليكم ملائكته تباركم وتضاريكم

دعواتي الصباحية لكل الناس العندهم وجع والم وخوف من مجهول

🔵🟡🔵🟡
#السعادة_قرار
#عافر_عشان_تعيش
#عوكاشيات