Sevgi She'rlari

Endi menga qizig'i yo'q borligingiz,
Kimni suyib kimga qanday zorligingiz.
Jondan o'tdi rahm bilmas orligingiz.
Sizni suygan yurakdan-da kechib ketdim.
Qadrim haqqi ishq rishtasin yechib ketdim.

Xayolingiz quvg'in qildim xayolimdan.
Juda ranjib ishqda sizga malolimdan.
Javob izlab har kecha har savolimdan.
Sizni suygan ko'nglimdan-da kechib ketdim.
Zor yig'latib ishq rishtasin yechib ketdim.

Tushlarimda sizga joy yo'q kirolmaysiz.
"Gulim" deya zor yig'latib kulolmaysiz.
Yo'q bo'laman, men qaydaman ? bilolmaysiz.
Sizni suygan ko'zimdan-da kechib ketdim.
Qaytmas bo'lib ishq rishtasin yechib ketdim.

Suymasangiz suymabsiz-da o'lamanmi.
Yoxud esdan og'ib telba bo'lamanmi ?!
Xudo bilar gullaymanmi so'lamanmi ?
Sizni suygan so'zimdan-da kechib ketdim.
Oh demasdan ishq rishtasin yechib ketdim.

Yetar shuncha sizga ermak yashaganim.
Har tun har kun o'z ko'nglimni g'ashlaganim!
Sizsiz yolg'iz kechalarga yig'laganim.
Shu edimi ? shu edimi ! axir sizdan kutganlarim?
Sizni suygan o'zimdan-da kechib ketdim.
Alvido deb ishq rishtasin yechib ketdim...

Telegram.me/Sherlari_Sevgi

5.3K views𝒜𝓁𝒽𝒶𝓂𝒹𝓊𝓁𝒾𝓁𝓁𝒶𝒽, 05:36

Audio

Baxt haqida ta'riflab bermang,
Ko'zim bilan ko'rmagunimcha.
Dardni menga o'rtoq deb bilmang,
G'amgin bo'lib yurmagunimcha.

To'g'ri bitta ojiz bandaman,
Sevgim eta olmadim izhor.
Orzularni qilmay kanda man,
Ko'nglimda yo'q hech qandayin yor.

Kecha seni sevdim degandi,
Bugun tashlab ketti bevafo.
Shunday bo'lishini tangrim bilgandi,
Aytmabdida bir bor aqlingni yig'vo.

Kun bottiyu yana o'sha oy,
Mendek qizga sirdosh tutundi.
Qarang ko'z yoshlarim misoli bir soy,
Shu kunlarda qalbim alam yutundi.

Ishondingda axmoq ayb o'zingda,
Yana kimdirlardan alamlaring bor.
O'ylab ko'r xatolar bordir so'zingda,
Hali chalasan ko'p baxt haqida tor.

Sevgi bormi o'zi dunyoda,
Buncha o'zing qiynamasanga.
Qizlar ishi faqat hayoda,
Koshki o'zing o'ylamasanga.

Qanday go'zal kulib yashamoq,
Hayotning zo'r tuhfalari bor.
Hafa bo'lma eh sen ko'zmunchoq,
Bilasanku o'zi dunyo tor.

Baxt haqida ta'riflab bermang,
Ko'zim bilan ko'rmagunimcha.
Dardni menga o'rtoq deb bilmang,
G'amgin bo'lib yurmagunimcha.

✍+🎤 Marjona Ortiqova

4.9K views•M̷A̷Q̷S̷U̷D̷B̷E̷K̷•, edited 08:49

Sevmaslikka Bahona Topma😔🥀

Kaminadan kutasan neni
Baxt eshigin yuzimga yopma
O'zing aldab yolg'ondan meni
Sevmaslikka bahona topma

Majnun bo'lsam sen bo'lgin layli
Gullayversin ishqimiz sayli
Hayot bergan sinov tufayli
Sevmasllikka bahona topma

Mahkam ushlab tutay qo'lingni
Doim hardam kutay yo'lingni
Telba bo'lgan oshiq qulingni
Sevmasllikka bahona topma

Rashkingizga toqat to'ldi deb
Yurakdagi sevgi o'ldi deb
Keting qaytib kelmang bo'ldi deb
Sevmaslikka bahona topma

Umir o'tar ummondek oqib
Yashash kerak kimgadir yoqib
Ichdan to'qib ko'zimga boqib
Sevmasllikka bahona topma

Shoirga yor bo'lish ham fahir
Qadrim bilmay qilasan haqir
Izlamagin kamim yo'q ahir
Sevmasllikka bahona topma

Yulduzimiz bir birga mos
Bitta so'zim qulog'inga os
O'tinaman sendan iltimos
Sevmaslikka bahona topma

ishonchsizlik boshlar nizoni
Ko'ngling bo'lsa bergin rizoni
Bundan buyon Sarvar Mirzoni
Sevmaslikka bahona topma

Muallif✍Sarvar Mirzo
16.07.2022 13:02

Telegram.me/Sherlari_Sevgi

4.8K views𝒜𝓁𝒽𝒶𝓂𝒹𝓊𝓁𝒾𝓁𝓁𝒶𝒽, 10:27

Itarmangiz ko'ksimdan, ko'ksim ilma-teshikdir !
Men kechganman o'zimdan, qalbim bo'm-bo'sh beshikdir.
Men kim-baxtga zor bo'lgan, chekkan ozor Zaynabman,
Bek uyida xor bo'lgan , qalbi mozor Zaynabman !

Marg'ilonning yo'liga ko'zim tushsa dil yig'lar,
Bo'sh chimildiq to'rida ishqqa mahkum qul yig'lar...
Yig'lama-ey ko'nglim-a , bekning bag'ri tor ekan,
Manglayiga bitilgan sendan o'zga yor ekan !

Men dardimni so'ylasam-toshlar erib ketdilar,
Yor yo'liga ko'z tikib yoshlar qurib ketdilar...
Yig'lamayman ! Yig'lasam -bu Xudoga nolishdir,
Dardimni bilgan Alloh tunda hamroh bolishdir...

Kelmagin-ey jon Kumush, begim so'zim olmaydi,
Men kundoshga chidarman-qalbim chiday olmaydi.
Zaynabni ham bir eslang ! Ishq sharobin ichgan on,
Men bolishni qucharman, bek Kumushni quchgan on.

Men kim-bitta ojiz qul, avval boshda Xudodir ,
Kumushni ham o'ldirgan, menmas -rashki balodir !!!
Begim , sizga yor bo'lib , bir bor bag'rim to'lmagan,
Sizni qanday suyganim -Qodiriy ham bilmagan !

Haydamangiz, ketaman. Marg'ilonga qayting siz.
Meni qarg'aganlarga mendan salom ayting siz !
Zaynab endi telba deng, ishq ko'yida devona ,
Baxt ko'rmagan kulba deng - yurak-bag'ri vayrona...

Itarmangiz ko'ksimdan, ko'ksim ilma-teshikdir !
Men kechganman o'zimdan, qalbim bo'm-bo'sh beshikdir.
Men kim-baxtga zor bo'lgan, chekkan ozor Zaynabman,
Na kelin , na yor bo'lgan , qalbi mozor Zaynabman !

Telegram.me/Sherlari_Sevgi

4.9K views𝒜𝓁𝒽𝒶𝓂𝒹𝓊𝓁𝒾𝓁𝓁𝒶𝒽, edited 11:07

Bizlar ayrilmadik...

Ayriliq atamang bizning sevgini,
Bizning yoʻllarimiz ayrodir faqat.
Bizning qalbimizda uygʻongan sevgi,
Boqiy tuygʻulardan yaralgan xilqat.

Toʻgʻri, bizlar birga boʻlmadik gulim,
Men uchun muhabbat visoling emas,
Bir zamon, bir makon bizlar sevgilim,
Bir shaharda tugʻilmoq ayriliqmas,

Ayriliq emas bu, jonim sen bilan,
Bir osmon ostida yashamoq goʻzal,
Nafas olib birga, bitta havodan,
Sheʼrlarni nomingla boshlamoq goʻzal.

Bizlarning muhabbat ayriliq emas,
Bizda kulib boqqan mehr koʻzlar bor.
Bizda oshiqlarning orzusidagi,
Yurakdan aytilgan shirin soʻzlar bor.

Baxt bu kelishingni kutmoqlik emas,
Shodon kulgularing koʻrmoqligim baxt,
Baxt bu qoʻllaringni tutmoqlik emas,
Mitti yuragingda boʻlmoqligim baxt.

Ayriliq nomlamang bizning sevgini!
Mangu bogʻladilar bizni muhabbat,
Qalbga muhrlangan goʻzal tuygʻuni,
Baxtli xotirlaymiz bizlar toabat.

✍Islombek Murodillayev

Telegram.me/Sherlari_Sevgi

5.3K views•M̷A̷Q̷S̷U̷D̷B̷E̷K̷•, edited 12:03

Uzilma yerdan.

Vaqti kelib kelsa davru-davroning,
Uch-to‘rt so‘m pul topib buzilma birdan.
Eng baland cho‘qqiga yetib narvoning.
Omad quchsa seni uzilma yerdan.

Bir zamonlar esla yiqilib qirdan.
Shu holga kelmading oson, tez, birdan.
Parvoz qilib koʻkga oshig‘ing olchi.
Omad quchsa seni uzilma yerdan.

Unutib barchasin kim eding kecha.
Bugun tiling burro, jim eding kecha.
Soxta do‘stlar topib bugun bir necha.
Omad quchsa seni uzilma yerdan.

Minib olib bugun kibr otiga.
Kechagi do‘stlarni olmas yodiga.
Manmanlik yarashmas inson zotiga.
Omad quchsa seni uzilma yerdan.

Sen chiqding chiqadi, zo‘rlarning zo‘ri.
Zo‘rman deb g‘oz bo‘lib kerilma birdan.
Kimga vafo qildi sahnaning to‘ri.
Omad quchsa seni uzilma yerdan.

Kursingdan yiqilsang bo‘sh qolmas joying.
Do‘stim degan kishing chopadi poying.
To‘proqdan olingan zuvalang, loying.
Omad quchsa seni uzilma yerdan.

Davring keldi bugun baralla kuyla.
O‘zliging unutma o‘ylab so‘ng so‘yla.
Osmonga tez chiqsang qulashing o‘yla.
Omad quchsa seni uzilma yerdan.

Mehr oqsin tomirda qon bilan jo‘shib.
Yuragingdan kuyla kuylarga qo‘shib.
Bugun senga Alloh nazari tushib
Omad quchsa seni uzilma yerdan.

Baxtga yetsin chindan peshona terdan.

Sobitjon Eshtemirov. 17.05.2022.

Telegram.me/Sherlari_Sevgi

5.1K views𝒜𝓁𝒽𝒶𝓂𝒹𝓊𝓁𝒾𝓁𝓁𝒶𝒽, edited 13:25

0:11

AZIZIM

Quvonchga toʻladi, koʻrganda koʻzim,
Bebaho azizim —bu mening yuzim,
Takrora aytaman shu bitta soʻzim,
Oʻlgiday sogʻindim sizni, azizim.

Sevgizga qilmadim zarracha shubha,
Sizning borligingiz men uchun tuhfa,
Doimo aytaman, sevaman-da ha,
Oʻlgiday sogʻindim sizni, azizim.

Shundayin sodda, koʻnglisi oppoq,
Niyatim axir, uning yonida boʻlmoq,
Men sizni oʻylayman oʻzimdan koʻproq,
Oʻlgiday sogʻindim sizni, azizim.

Har bir soʻzlaringiz jonimga shifo,
Yurakka malhamim, boʻlgansiz davo,
Halolim asragin, yorvoray Xudo,
Oʻlgiday sogʻindim sizni, azizim.

Charchasam, bosaman yuzim kaftiga,
Sogʻinch ham hayronda qalbim taftiga,
Sevaman chin dildan, koʻnay bariga,
Oʻlgiday sogʻindim sizni, azizim.

Chin dildan sevaman sizni, azizim.

✍️ Solihabegim
( Dilafruz Shahirxoniy)

Telegram.me/Sherlari_Sevgi

6.0K views•M̷A̷Q̷S̷U̷D̷B̷E̷K̷•, edited 15:45

0:30

🌙XAYRLI TUN🌙

Gʻimir-gʻimir, tashvishlar tindi,
Boʻy koʻrsatdi osmondagi moh.
Biz bugunni yashadik, endi,
Umr bersin ertaga Alloh!

Uyqu istar horigan koʻzlar,
Charchoq ruhim oromin izlar,
Yetgay yana diydorga yuzlar,
Umr bersa ertaga Alloh!

Turmush deya tugulgan mushtlar,
Ulgurmagan, bitmagan ishlar,
Koʻp bugundan qolgan yumushlar,
Umr bersa ertaga Alloh!

Shukronam bor, har lahza, onda,
Jilva sochar bir umid jonda,
Yangi sheʼrim oʻqiysiz tongda,
Umr bersa ertaga Alloh!

Etsin bizga yangi kun hadya,
Sizga boʻlsin qalbim badiya,
Xabar yozay “Assalom” deya,
Umr bersin, ertaga Alloh!

🌙Tuningiz osuda oʻtsin !
XAYRLI TUN!🌙

Telegram.me/Sherlari_Sevgi

6.1K views•M̷A̷Q̷S̷U̷D̷B̷E̷K̷•, edited 17:07

0:30

🌹Assalomu alaykum va rahmatullohi va barokatuh!

🌸🌼 XAYRLI TONG! 🌼🌸

🤲 Allohim, koʻzlarimizni uyqudan ochkaning kabi, qalblarimizni ham gʻaflatdan uygʻot!
☘️ Dunyo tong nuri ila yoritganing kabi, hayotimizni ham hidoyat nuri ila munavvar qilgin!

🌷Amin ya robbal alamin!

Telegram.me/Sherlari_Sevgi

7.2K viewsGulcha🌸, 23:00

0:12

🎉QADRLI, QADRDONIM BUGUNGI

23 - M A Y 🎉

TAVALLUD AYYOMINGIZ MUBORAK BO‘LSIN! 🎊

T.me/+VnWzfGOmBegK77Yj

5.2K viewsGulcha🌸, 00:30

🥀🥀ALDA MENI🥀🥀

Duch kelganda yolgʻondan bir qarab qoʻygin,
Koʻzlaringni koʻzlarimga qadab qoʻygin,
Koʻnglim uchun har zamonda aldab qoʻygin,
Sevmasang ham sevdim degin, uzoq yashay.

Nigohing-la zabun holib soʻrab turgin,
Qovogʻingni solmagin hech,kulib turgin,
Hech boʻlmasa tushlarimga kirib turgin,
Sevmasang ham sevdim degin, uzoq yashay.

Yuragingni gʻamlar bosib ketsa hamki,
Sogʻinchlaring zanglar bosib ketsa hamki,
Suratlarim changlar bosib ketsa hamki,
Sevmasang ham sevdim degin,uzoq yashay.

Koʻzlarimni yigʻlatib xor qildirmagin,
Tilkalangan qalbim battar tildirmagin,
Muhabbating soxtaligin bildirmagin,
Sevmasang ham sogʻindim de,uzoq yashay.

Maktuba SHAYDO

Telegram.me/Sherlari_Sevgi

5.3K views•M̷A̷Q̷S̷U̷D̷B̷E̷K̷•, 03:00

Sinfdosh

Partaga bosh qoʻyib darslarni tinglab,
Hazillar qilardik sizlarga minglab,
Kechirib qoʻying bir bora imlab,
Sizlarni ranjitgan boʻlsam sinfdosh.

Dunyolarga teng boqaymi endi.
Koʻz yoshlaringizda oqaymi endi.
Siz bergan xatlarni yoqaymi endi.
Sevgimning javobin ayting sinfdosh.

Darslardan qochardik devordan oshib,
Daftarni koʻtarib qaylarga shoshib,
Shu haqda oʻylasam yuragim toshib,
Nega sogʻinaman ayting sinfdosh.

Eng aziz davrlar shu ekan bildim,
Shu damlar eng aziz kun ekan bildim,
Xayrlashuv chogʻida yuragim yuldim,
Maktab paytlariga qayting sinfdosh.

Qayting sinfdosh, qayting sinfdosh,
Maktab paytlariga qayting sinfdosh.
Ayting sinfdosh, ayting sinfdosh,
Sevgimning javobin ayting sinfdosh.

✍Islombek Murodillayev

Telegram.me/Sherlari_Sevgi

6.0K views•M̷A̷Q̷S̷U̷D̷B̷E̷K̷•, edited 06:55

. ***

Mening koʻksim qondir, qoʻllarim harom,
Mening koʻksim qondir, koʻzim behayo.
Ming yoshga kirgin deb, soʻrama, odam,
Bunday tilagingga koʻnmaydi Xudo.

Mening koʻksim qondir, aytsam gar senga,
Ammo oʻzligimda yoʻqdir diyonat.
Nega axir ming yosh tilaysan menga?
Besh kunlik umrimda qildim xiyonat.

Tiriklik qisqa deb chekmagin qaygʻu,
Menga uzoq umr tilama zinhor.
Ibodat qilishga yetmay qolgan-u,
Gunohga ortishgan vaqtlarim bor.

Ming yillik yolgʻonni koʻtarmas yilkam,
Shundoq ham xatolar qilganman bisyor.
Menga insof tila ozroq boʻlsa ham,
Menga uzoq umr tilama zinhor.

✍ Lochinbek Normurodov

Telegram.me/Sherlari_Sevgi

4.7K views𝒜𝓁𝒽𝒶𝓂𝒹𝓊𝓁𝒾𝓁𝓁𝒶𝒽, 09:01

CHIROYLIGIM ENG ZOʻRI ONAM

Duo qilib yonimda hardam,
Mehribonim doimo malham,
Koʻzlarimda koʻrsatmaydi nam,
Chiroyligim, munisim onam.

Erkalatar, silaydi boshim,
Dardim olib, artadi yoshim,
Farishtamda jannat quyoshim,
Chiroyligim, eng zoʻri onam.

Oʻziz asrang, horib qolibsiz,
Roʻzgʻor deya, charchab tolibsiz,
Oʻziz kiymay, bizga olibsiz,
Chiroyligim, munisim onam.

Qiynamasin sizni dard-alam,
Qoshlarizga yarashar qalam,
Doim deysiz, bolam-a bolam,
Chiroyligim, eng zoʻri onam.

Siz borsizki, koʻksim keraman,
Eng chiroylik gular teraman,
Jonim tugul, borim beraman,
Chiroyligim, munisim onam.

Oʻziz oʻylab, oling endi dam,
Nima kiysez, yarashar biram,
Koʻrmang endi ikki dunyo gʻam,
Chiroyligim, eng zoʻri onam.

Farishtamsiz, jannatim onam.

✍️ Solihabegim
( Dilafruz Shahirxoniy)

Telegram.me/Sherlari_Sevgi

5.7K views•M̷A̷Q̷S̷U̷D̷B̷E̷K̷•, edited 11:52

Seni kutmoqlikning azobi yomon,
Tunlar tonglar bilan topishdi, yoʻqsan,
Tobora tomirin otyabdi xijron,
Sogʻinchdan sochimga oq tushdi, yoʻqsan...

Mungʻayib boqaman ketgan yoʻlingga,
Bosgan izlaringda undi chechaklar,
Naxot yoʻl topmadim nozik qalbingga,
Naxot armon boʻlsa orzu, istaklar...

Seni sevmoqlik baxt, olloxim bergan,
Seni kutmoqlikdan qaytgum yoʻq sira,
Sen mening chechagim, koʻz ochib koʻrgan,
Sen bilan xar onim, shirin xotira...

Taqdirdir, bejizga uchrashmadik biz,
Nigoxlar uchrashgan onni eslayman,
Kulgichi chiroylik, sochi uzun qiz,
Qayta koʻramanmi seni, bilmayman...

Yuragim sen bilan ketdi, qaytmadi,
Xayolku, sen bilan tunu kun uzra,
Kelsayding, kutinshga sabrim qolmadi,
Ishqdan ado boʻlgan xolimni qara...

Seni kutmoqlikning azobi yomon,
Yomonki, sogʻinchlar aylamoqda qul,
Oʻlsam, bir iltimos, sendan yorijon,
Qabrimga yozib ket : Keldim Ergashqul...

Rahimov Ergashqul

Telegram.me/Sherlari_Sevgi

4.5K views•M̷A̷Q̷S̷U̷D̷B̷E̷K̷•, edited 13:50

Qalbingizda iymon oydek porlasin.

Deyishar o'tmishdan ota bobolar.
Ulug‘beku shoir donish daholar.
Ul so'zda bordirda turfa ma'nolar
Qalbingizda iymon oydek porlasin.

Kuzak boshlab kelar mayin shamolni
Baht iqbol nurli yo'l oydek jamolni.
Topingiz hayotdan ishonch kamolni
Qalbingizda iymon oydek porlasin.

Qarang oy ham nur sochmoqda yog'dudek
Qalbli bu dillarni hushnud etgandek.
Go'yo g‘am qayg'ular tugab bitgandek
Qalbingizda iymon oydek porlasin.

Oyning ham bag'rida Alloh nomi bor
Yog'dusin sochmoqqa oshiqa boshlar
So'ng esa qalbi ham yoshlana boshlar.
Oyning ham qalbida iymon porlagan.

Alloh dilingizga iymon solibdi.
Qu'ronni dillarga shaydo qilibdi.
Oshufta to‘libon orom olibdi,
Qalbingizda iymon oydek porlasin.

Bu nurli qalblar ham abad va abad,
So'nmas umr yo'llar toki to abad.
Qalblarga ulashib ezgu saodat.
Qalbingizda iymon oydek porlasin.

Sabr qilgan inson murodga yetar.
Bizni hali olis kelajak kutar.
Akromjon Ali ne qasida bitar,
Qalbingizda iymon oydek porlasin.

✍Akromjon Aliqulov 2022

Telegram.me/Sherlari_Sevgi

4.6K views𝒜𝓁𝒽𝒶𝓂𝒹𝓊𝓁𝒾𝓁𝓁𝒶𝒽, edited 14:16

Ketavering Katta Ko'cha.

Boplab meni kuydirdizda,
Yosh bolaman misli jo'ja.
Arazlabsiz battar bo'ling,
Ketavering katta ko'cha.

Jonga tegib ko'ngil xushlang,
Ushlang qo'lim oling ushlang.
Jahliz chiqsa burniz tishlang,
Ketavering katta ko'cha.

Ajoyibsiz qoshi yoyda,
Sizdaka yo'q yeru oyda.
Xafa bo'lmoq kimga foyda,
Ketavering katta ko'cha.

Chiroyizga qaydan uchdim,
Achomladim qattiq quchdim.
Sog'inmayman qasam ichdim,
Ketavering katta ko'cha.

To'lib toshsaxamki anxor,
Bizda xam bor g'urur va or.
Qayting endi demam zinxor,
Ketavering katta ko'cha.

Sizdan ko'rdim minglab jafo,
Dardga izlay qaydan davo.
Sulaymondan kutmang vafo,
Ketavering katta ko'cha.

Muallif: Sulaymon Sulton.

Telegram.me/Sherlari_Sevgi

4.9K views•M̷A̷Q̷S̷U̷D̷B̷E̷K̷•, edited 15:08

🌙✨Chinor bo‘lsam uzoq umrimning Sirlarini
senga ochardim.
🌙✨Gar oy bo‘lsam,
porlab kechangda, faqat senga
Nurim sochardim.

🌙✨XAYRLI TUN
NURYUZLILARIM...!!!

🌙✨ Tuningiz osuda va sokinlikda o‘tsin, yaxshi dam oling, shirin tushlar xamroxingiz bo‘lsin Azizlarim.

✨ T.me/Sherlari_Sevgi ✨

4.8K views•M̷A̷Q̷S̷U̷D̷B̷E̷K̷•, 17:10

0:05