▫️آه سئودا!...
گؤزلرینده ایشیغا باغلییام.
یوللاریما «دایانما!» دئین،
ایلدیریملاری دوغراییبلار.
گونش مین بیر،
آخشام اوستو ساعات بئش‌دیر.
«ایگناسیو»نون* اؤلومونه، ‌
هؤنکور -هؤنکور آغلاییر.
آه سئودا!...
من دونیانین اونودولموش بوجاغیندایام،
صاباحی منه باغیشلا!

#مرتضی_مرادی

* ایگناسیو سانچز مخیاس (اسپانیالی بؤیوک شاعیر «لورکا»نین یاخین دوستو)
@SheirOcagi

▫️ائی اورمو گؤلو!
یاشیل-یاشیل تومورجوقلاردان،
قان اوره‌یینه قان آخیر.
آغلاییرسان‌می؟
دئمه «یوخ!»
بیلیرم...
گؤزلرینه قوربان!
قوجاغیندا،
«اؤزگورلوک» باغیران بالالارین،
گونشه باخا-باخا،
جان وئریرلر.

پاییزا خبر وئرین،
داها گلمه‌سین!
یارپاقلار چوخدان تؤکولوب...

#مرتضی_مرادی
@SheirOcagi

▫️«یارالاریندان دانیشما!» دئدیلر.
دانیشماماق اؤزو بؤیوک بیر یارا دئییل‌می؟!

#مرتضی_مرادی
@SheirOcagi