ياواقف عند قبري لا تتعجب
من امري بالأمس كنت مثلك
وغدا تكون مثلي

نسأل الله حسن الخاتمه
والممات على ولاية محمد وال محمد

11/1/2026
مسلم المطيري

استشهاد الامام الكاظم ع

دار الطبيب العين وبگلبه حيره
گال السجين منين من يا عشيره
ضل يخبر على الصار
خل گومه تطلب ثار
* *
اجته على الوعد شيعته المشتاگه
بعد ماضل صبر تتحمل فراگه
وتتباشر الجمعه وياه نتلاگه
مايدرون موته على العهد ساگه
لن ابن سويد بدمعه حراگه
يالنصراني شوفه شصوبه وعاگه
لن الطبيب اندار والتحجي عينه
عن اهله يسأل صار من يا مدينه
ياهو اليصل باخبار
خل گومه تطلب ثار
* *
هونك يا طبيب الميت اعرفته؟
هذا من الهواشم نسل عايلته
هذا جفوف جبرائيل خادمته
وهسه گيود سجنه چفه لاچمته
خبر ياطبيب وسولف الشفته
عن هذا السواد الباين بجثته
نادى الطبيب الناس خليها تعلم
دست بني العباس للكاظم السم
وبگلبه شبت نار
خل گومه تطلب ثار
* *
خبرها الهواشم عن سبب موته
وگلهم خذو روحه ولا سكت صوته
والقائد التحچي افعاله ومروته
ذاك ع الجسر مطروح تابوته
والكاظم الغيظ الناطق سكوته
خارت من حديد اگيودهم قوته
گلهم بعد هيهات يحصل مقابل
الكم جبير المات بين السلاسل
وخل يرتوي الفقار
خل گومه تطلب ثار
* *
عاده الهم الغربه و شوغة اللچمه
ما بين اليبس فوگ الترب دمه
ومابين الترس كاس الغدر سمه
وذاك البالقيود ولا أهل يمه
وحشود الغرب ع المات ملتمه
شي تنشد عليه وشي دنت جسمه
وشي تنشد السجان مافك حديده
متوسد التربان وگيوده بيده
والضل غريب الدار
خل گومه تطلب ثار
* *
نادى ابن سويد وتهمل عيونه
أمام الرافضه والسم خطف لونه
نوحو على السجين السمه هارونه
وگيود السلاسل هدلت متونه
كل حشد الروافض خل يوافونه
وبدموع الحزن والهم يشيعونه
مشهد حزين الساد ضيعة حنينه
وتشيعه كل بغداد طلعت حزينه
تنادي بدمع مدرار
خل گومه تطلب ثار
* *
خل بغداد تطلع تندب بحسره
وتنوح الغريب بلهفه وبعبره
هذا الطيب بساگ العرش ذكره
غلمان السفيه توكلت بامره؟
لو هاشم تشد ع الخيل وتحضره
وچفوف الطهوره توسده بگبره
لو شدت على الخيل ولد الزچيه
وأعلن بيان الويل للناصبيه
ومن يحكم البتار
خل گومه تطلب ثار
* *


خادم الحسين ع
علي العزامي
https://t.me/sheia

بصوت. مسلم المطيري

دار الطبيب العين.. وبگلبه حيرة
گال السجين منين.. من ياعشيرة


كلمات الشاعر
علي العزامي

كاظم الغيض .. اسد بغداد
كاظم الغيض .. باب الامراد
هو ذل حكم الرشيد مارضه بذل العبيد
ــــــــــــــــــــــــــــــــــــــــــــــــــــــ
موسى ابن جعفر هدم عرش السلاطين
كلهه گدام اسمه تحتار العناوين
ثورته هيه امتداد لثورة حسين
ثوره ظلت خالده كل هاي السنين
من الحسين .. ماخذ الزود
من الحسين .. عزمه موجود
جده ثائر ضد يزيد ما رضه بذل العبيد
ــــــــــــــــــــــــــــــــــــــــــــــــــ
كل مطامير السجن ما تطفي نوره
جبل شامخ مايطيح وعالي سوره
حكم هارون انتهى وراحت قصوره
شوفو صرح الكاظميه بأبهى صوره
طاغي بغداد .. موسى ذلاه
طاغي بغداد .. عبره خلاه
الله يفعل مايريد مارضه بذل العبيد
ــــــــــــــــــــــــــــــــــــــــــــــــــــــــ
بصمة السندي على اثار الجريمه
خله دنيه بحالها تعيش بهضيمه
تفجع الگلبه صخر هاي الظليمه
خاتمتهه اعله الجسر قصْته الاليمه
واويلاه .. يا مسموم
واويلاه .. يا مظلوم
موسى ابن جعفر شهيد مارضه بذل العبيد
ــــــــــــــــــــــــــــــــــــــــــــــــــــــــــ

شيعته تنصب مواكب للعزيه
تبتدي من البصره حد الكاظميه
بيهه رادود وخطيب وناعي هيه
كلهه تصرخ يا امام الرافضيه
رغم الارهاب .. رغم الاخطار
رغم الارهاب .. جينه زوار
كل قريب وكل بعيد مارضه بذل العبيد
ــــــــــــــــــــــــــــــــــــــــــــــــــــــــــــــــ
للرضا نادينه بدياره الغريبه
عظم الله اجرك بهاي المصيبه
الليله يفگد والده وروحه وحبيبه
الليله كون المهدي يرجع من مغيبه
من الارجاس .. ياخذ الثار
من الارجاس .. گلبه وج نار
يبتدي العهد الجديد مارضه بذل العبيد
ـــــــــــــــــــــــــــــــــــــــــــــــــــــــــ
ياحليف وصاحب السجده الطويله
ياهو غيرك بالحوائج نعتنيله
انت يا باب المراد الكل تجيله
عالمآسي العدنه صارت مو قليله
ابجاهك نريد .. الغايب يعود
ابجاهك نريد .. يوفي الوعود
هو منقذنه الوحيد مارضه بذل العبيد
ــــــــــــــــــــــــــــــــــــــــــــــــــــــــ
احمد العكيلي
https://t.me/sheia

بصوت. مسلم المطيري

كاظم الغيظ. اسد بغداد
كاظم الغيظ...... باب المراد


كلمات الشاعر
احمد العگيلي

بصوت. مسلم المطيري

سافر ظعنهم بالضوا.. راحوا


كلمات الشاعر
علي العابدي النجفي

ماتن سنيني   وغَمُّضت عيني   يالتّواريني
             بطاموره عُمري المنذبح
       گضّيته من جرح الجرح   يالتّواريني
                        ***
  بهــــيده يادفّان نعشــــي من تنزّلنّي الگـــــبر
  وعينك أعلـــــه جــروح گلبي لاتفززها شكثر
  كاظم وصــبر الصّــــبرته عجّز متون الصّــبر
  أربعطَعَـش عام اعله سجني ياعلي يبني عُمر
   بين سجّانه   ظالمه أعوانه    وظيق زنزانه              
                ماشافت عيوني صُبح
      گضّيته من جرح الجرح    يالتّواريني
                        ***
  بين طامورة عـــــذابي وبين سجني الماله حد
  من ايدي لسّــاگ السّـلاسل ياعلي سجّاني شد
  وأظلم اعلـــــيّه نهـاره اعلـــــيّه كل بيبانه سد
  وآنه وي دمعة سجودي يبني باقي اعله العهد
   بگلبي الدّامي   كاظم آلامي   وأحسب أيّامي
                 ياوكت بابك ينفتح
       گضّيته من جرح الجرح   يالتّواريني
                        ***   
   موحشه جدران سجني ومنها مااشوفن ضوه
   حابسـه بانفاس صدري وخانگه بريتي الهوه
   محنتي وشدّة عــــذابي اجتمـــعن اعليّه سوه
   ياعلـــي وثگل السّـــلاسل بيّدت منّي الگـــوه
  تاكل بحيلي    وي سهر ليلي    وهيّه تبچيلي
             ماليله من سجني أسترح
      گضّيته من جرح الجرح   يالتّواريني
                        ***
   كاظم الغــــيظ بصفاتي وبالسّماحه اتمـــيّزت
   وبرضــــى الباري ونبيّه وكل أهل بيته فزت
   كل خصال الطّـيبه عندي وبيهن الأوّل حزت
   وعجّزت قُضبان سجني وابن شاهك عجّزت
سجني يشهدلي   بحلمي وبعدلي   منوجد مثلي
              باحساني وبطبعي السّمح
       گضّيته من جرح الجرح   يالتّواريني
                        ***
   صاحب الدّمعــــه الغزيره هذا أبوك السّجدته
   چم عرش طاغوت طــــاحت بيه يبني وذلّـته
   لو ألف هــــــارون وأكثر بيّه ينوي بسطوته
  الكــاظم أبقه وحُـــــجّة الله بكبريائه وعصمته
  ودّعت عُمري   شامخ بصبري   ماركع قدري
                وبنعشــي آيات الفتح
      گضّيته من جرح الجرح    يالتّواريني
                         ***
  كل سحر أدعـــــي بقنوتي الفرج يارب الفرج
  عجّل بسفرة خلودي اعليك بالتّســــعه الحُجج
  أدري سم هارون قاســي وأعرف يذوّب مُهج
  شوگي الك يارب خــــذاني وبيّه للطافك عرج
  الوجهك الدائم    وفضلك القائم   للسّفر عازم
               جيتك بصدر المنشرح
       گضّيته من جرح الجرح   يالتّواريني
                        *** 





                          
           الشّاعر   
                              أبو سجّاد الجعفري

https://t.me/sheia

بصوت. مسلم المطيري

ماتن سنيني وغمضت عيني


كلمات الشاعر
ابو سجاد الجعفري

غـربـة سجـن ،،

يالعـايش بـغـربـة سجـن .. ليانـايـبـه ليـلك تــون
عالمـات فـت گـلبـه العـطـش ..
عـالگـوطـرن صبح اهـدعـش
……………………………

يالغـربـتك غـربة وطـن  لا ديـره عـنـدك لا اهـل
جوه الارض عشت بسجن ولطلعـتك مات الامل
گـيدك على اچفوفك كبر  گـد ماشرب بيك واكل
وطـامـورتـك شربـت ضـوه لونـك لمـا نورك افـل

مصلايـتك بادت لأن .. اركـبك عليها اتكسرن
وطولك يبـو الطول انكـمـش ..
عـالگـوطـرن صبح اهـدعـش
……………………………

بـيــن العبــاده والـذكــر  تـقـره  مصـايـب كـربـلـه
مجلس تسوي بس دمع تبچي السجن من تقره اله
تـقـره عـلـه ذاك المنـذبــح  وبحـافـر الخـيل انـوله
وابحـظـنـه طـفلـه ينـفـطم  اتـذبحـه نبلـة حرمـله

المذبوح بحضينه طفل .. نشـدت بنـاتـه بالحبل
وجـسمه علـه الغـبره انفرش
عـالگـوطـرن صبح اهـدعـش
……………………………

تنصب عزه بروحك گمت  وتبچي وتون وتنهضم
عـالمـات عـطشـان ابفـلــه مابـطلـت نــوح ولـطم
بخــدك حـفر سچــه الدمـع  عالماسلـم منه عـظم
بحـوافـر الخـيل انسحگ جـسمه يويلي ومنـثـرم

الخـيل لمـن داسـته  .. عالـغـبره جسمه طشته
ابنـينـوى كـل جـسمـه طــش
عـالگـوطـرن صبح اهـدعـش
……………………………

يابو الرضا ياهو الاشد وگلبك على مصابه نفـطر
الخـلاك تبـچـي بالسجـن  وتـنـوح كل هذا الدهر
لـ عبدالله للأكـبر نحــت لجــسام لمـصـاب النـهر
للخـيـمه للنـوگ الـهزل  لخـد العفـاف الي انسطر

ادري المصيبه الهـدتـك  .. چـف السطر خد عمتك
تمـنـت يشــيلــوهـا بـنـعــش
عـالگـوطـرن صبح اهـدعـش
……………………………

عمـتـك عـقـيلـة مُـطَـلـب امـخــدرت آل النبي
من حرگوا الخـيمه الظهر طلعت تطفي بالعبي
المالها طـول انعـرف  ركـضت اگـبال الأجـنـبي
الشمات اجوها بالحبل يصيحون يازينب سبي

الماسامعه احچايت زعل .. يسبون امها والفحل
واحـسـاسـها حـيـل انخـدش
عـالگـوطـرن صبح اهـدعـش
……………………………
المنشـاف ظـل الـها گـبل المـامـر عـبايتـها الـهوى
عالهـزلـه يالكاظم مشـت طرت صحـاري بنـيـنوى
اليرجـف گبل من ظل علي تالي وعلى زينب گوه
يشتمها ويجرها بحبل  وفوگ المتن سوطه التوه

الچانت عزيزه اخت الحسن  .. ذلـت لمن دار الزمن
وغـيض وزعل چفـها ارتعـش
عـالگـوطـرن صبح اهـدعـش


الشاعر عقيل الحسناوي..

https://t.me/sheia

بصوت. مسلم المطيري

يالعايش بغربة سجن
ليانايبه. ليلك تون


كلمات الشاعر
عقيل الحسناوي

ياگيدي الماخذ كل حيـلي
بالسجاد اشصـار احجيلي
امهشّملي اجفوف وجدميــــن
شمسوي بحال ابن حســــــين
ــــــــــــــــــــ ــــــــــــــــــــ
جرحك بالگلب ياگيـــــد
مو بجدامي وايديّه
الله املينــــــــك الداوود
لاجن مالنت ليّـــــــه
معصوم آنا ابن معصــوم
موسى وتعرف اشبيّه
مهظوم وظلم مسجــون
وكلشي اتحرم اعليّه

من اصحابي ومن اعيالي
محروم وماترحـــم حالي
اجروح امخلّف مو جرحيـــن
شمسوي بحال ابن حســـــين
ــــــــــــــــــــ ــــــــــــــــــــ
ابـــــــن ذاك العليـــــــل آنا
واسمي موسى ابن جعفر
عندي اويــه الحبال اعتاب
لاجن ذنبك انت اكبـــــــر
شمسوي بعلي السجــــــــاد
سولفلي يگيــــــد الشــــر
العظم اجفوفي واصل شوف
ومنك ساگـــــــي امحفّر

صعبه الگعده وصعبه الگومه
يالحارم عيني امن النـــــومه
بجدي مأثر اكثـــــــــر ويـــــــــن
شمسوي بحال ابن حســــــــــين
ــــــــــــــــــــ ــــــــــــــــــــ
ابد ماقـــــارن اهـــــــاتي
بعلي السجاد واهاته
عليّه اشماقِست ياگيــــد
تعيّشنــــــي بمعاناته
بسجن آنا احمل اللوعات
حملها شلون لوعـاته
فوك الجامعه والگيـــــــد
وتنطگ يَمّه عمـــاته

مو عالناگه امربّط جسمي
ولا علويـــه انضربت يمي
منك يشكي ومن البيـــــــــــن
شمسوي بحال ابن حســــــين
ــــــــــــــــــــ ــــــــــــــــــــ
مثل رض ايدي لو اكثــر
امهشم يالحديد ايده
أنه ماكو برگبتي اغـــلال
واگولن عمري ماريده
گطع ذاك الطريج شلــون
وهوّه السلسله بجيده
والروس اهله من ينـــدار
تگص الجامعه اوريده

آنا بهالطامــــــــــــــوره الظلمه
لاجن هضمي اهون من هضمه
ماخلاله المدمع عيـــــــــــــــــــــن
شمسوي بحال ابن حســــــــــــين
ــــــــــــــــــــ ــــــــــــــــــــ
مثل جـــدي علي انســميت
وجسمي بالعباه لفّـــــوه
وبلا تشييع نعشـي انشـــال
وغربه اعله الجسر خلوه
حد الموت وانت اويـــــــاي
مگيّد جسمي من شالوه
سولفلي بعلي السجـــــــــاد
خاف امگيّـــــــد ودفنوه

بيّه وبي ماتخمد نـارك
حد الموت وبينه آثارك
تطلب ياگيد بيا ديـــــــــن
شمسوي بحال ابن حسين
ــــــــــــــــــــ ــــــــــــــــــــ


اللهم عجل لوليك الفرج
ونسألكم الدعاء
علي محسن الزيادي

https://t.me/sheia

بصوت. مسلم المطيري

ياگيد الماخذ كل حيلي
بالسجاد اشصار احچيلي


كلمات الشاعر
علي محسن الزيادي

#ويلي_على_المسموم



.                   ويلي على المسموم
                    ويلي على المسموم

                            *---------------*---------------*

               ويــن الـيــروح ويگطع البيد
               يطـوي الفيافي ودرب البعيد
               يحشم هلـه وگومه الأجاويد
               يگلهم طــريح الكاظم وحيد

                            *---------------*---------------*

               بلچن فــرد فــزعــه يفزعـون
               ويمه الأهل كلهم يـحـضـرون
               هــذا الــعــلــيــه اتهل العيون
               وذاك اليشيله فوگ المــتــون

                            *---------------*---------------*

               اليمه عويل النعش يـنــهــاب
               عازتها عـازه دمــوع الأحباب
               ننصب عزانه بهذا المــصــاب
               لــمــن يــجــي لـلـثــار طلاب

                            *---------------*---------------*

               لــيــش الــجــنــازه محد الها
               بس اربعه تــولــوا حــمــلـهـا
               تــنــظــر عـلـيـهـا الناس كلها
               فـوگ الجـسـر محد وصـلـهـا

                            *---------------*---------------*

               عند الـعــرب والـگــوم عــاده
               توگـف على الــمــيــت أولاده
               وكل الــســلــف يعلن حـداده
               وتــحــضــر هلـه بهمه وأراده

                            *---------------*---------------*

               ضـجـه تصير الــعــربــان لمه
               كبـار الــعــشــيــره تنوح يمه
               وتهتف عمامــه المات بأسمه
               الشيل الـجــنــازه تصير همه

                            *---------------*---------------*
    
✍️خادم الحسين ع
الشاعر رعد الچريخي

https://t.me/sheia

بصوت. مسلم المطيري

ويلي على المسموم


كلمات الشاعر
رعد الچريخي

يا أبو الرضا والينخاك  لا ما تخيب أظنونه
....................................
ياسيدي ويامولاي انت الطبيب الشافي ..
لو يعتنيلك معلول منك يرد متعافي ..
لزيارتك هذا اليوم أمشي بطريقك حافي ..
بهذا الدرب كلمن مات والله الف خيعونه ..
...................................
بهذا الدرب كلمن مات والله يظل يتباهه ..
بالجنه وي الانصار يم حيدر ويم طاهه ..
لاتعتقد يمولاي هاي الزياره انساهه ..
كلبي بمحبتكم ذاب والعقل جن أجنونه ..
.................................
مشاي أجيتك وأنخاك أنطيني بيدي مرادي ..
من الفتن والأحقاد أحفظ شباب بلادي ..
بسدكم يلوذ المحتار يانسل طاهه الهادي ..
بحبكم يقاضي الحاجات روحي تظل مرهونه ..
................................
صرختنه وبعالي الصوت خل تسمع المعموره ..
واليسد عينه وميشوف مغثوث من هالصوره ..
وأهل المواكب  خدام ما قصرّت  مأجوره ..
بهذا الطريق أحنه نذوب بزيارتك يدرونه ..
.................................
نلطم وندمي الصدور بالكاظميه الليله ..
نقره الزياره بالباب عالخد دمعنه نسيله ..
بالصحن عدنه تشييع والنعش كلنه نشيله ..
حبكم لغز كل الكون ما كدرو  يفسرونه ..
..................................
يالكاظم انه أتعنيت أسجد وابوس أعتابك ..
وأشجم بعيد ومظلوم  يتمنه يوصل بابك ..
تطلك العاجر وتجيب لمن تشم ترابك ..
والما يزورك هاليوم تهمل أدموع أعيونه  ..
.................................
حيدر مطر العبادي
https://t.me/sheia

بصوت. مسلم المطيري

يابو الرضا والينخاك لا ماتخيب اظنونه


كلمات الشاعر
حيدر مطر العبادي

يا ليل السجـن يا ليـل ..بدرك ضايعـة اخباره
ولا صـوت المُناجاتــه...وعلـت ونة بوســط داره

•••••••••••••••
يليل البارحة الي چان  .. يناچـي الله بدمع عينه
عَسـه ماشر عليه يا ليل ...گلــي اشماله والــينه
ظلامـك جَنه يخفي اجواب .. أخاف اخباره مو زينـة؟
گبل ساعات ون بهداي .... امنيـن الكاظم اونينه ؟

وبس البي ألـم بالروح .... يون وروحــه محتـارة

•••••••••••••••••
معـدوم البخـت بالنّـاس ... وعله نهر الله صـاروا سد
اشلون ابن الزجيـة ايبات ...بسجون العِــده مگيـــد
يليـل اجروح بينه اهواي.....وجمرة حِـزن ما تبــرد
بگلب الرضا الطف والشّام.. ..ارحم گلب أبو محمد

لا تكسر ظهر مكســـور .....بيش ايلاگـي خِطـاره ؟
•••••••••••••••
صَدگ يا ليـل هَذا الصّار .....غرّب موسى بن جعفر
ميِّـت بالسِّجــن مسمـوم .....وبي شوغات المَحيّـر
اشگـد لاع وشهـگ يا ليل ...المـا عنده أهل تحضــر
شمسويـة السلاســل بــي .... دمه اجفوفه ابعصرهن خَر

طريح أشرف بشـر عالگــاع .... محـد ينحب اكتــاره
••••••••••••••••••••
من ثگل السلاسل بي ..... شالوا نعشــه بالگــوّة
وعله ذاك الجســـر خلــوه .....طريــح وبي عطش خوة
إمام الرافضـة اعله الگــاع ....يصيـح الما إله مروة
تُـمـر بيه الخلگ وتــروح .... وشمّـوا ريحتـه الحلوة

اليسأل هالغريب امنيـن .... تظل ادمومه تجّـاره
••••••••••••••••••••••
من سـد الولـي عينــه .....فزت تبچي معصومـــة
تصيـح ابلوعة يا بويـه .... وگلبـها انترس بهمومه
البنية حنينة اهــواي .......تـحن للما درت يومـــة
منتظــرة يــرد الراح ....... من افراگــه مآلومــة

ما تدري الأبــو مسمـوم ...وبچبـده اعتـلت ناره
••••••••••••••••••
ما تدري الأبـو اعله الگاع ... طريح ومحد ايحضـره
وبگيوده الولـي اموسّـد ..... ظل بعمامتـه الخضـرة
اشعطل هاشم وما جوه ..... وين اهله تجي تحضره
ابيا عين وگلب يا ناس ...... تشوف اوليدها الزهرة

وامس شاغت عله المذبوح ...وعله اوليداته وانصاره


اللّٰهم بغُربة آل محمد عجل لوليكَ الفَرجَ..

قاسم المالكي
https://t.me/sheia

بصوت. مسلم المطيري

ياليل السجن ياليل
بدربك ضايعه اخباره


كلمات الشاعر
قاسم المالكي

حال مولاتنا السيده الزهراء صلوات الله عليها ومولانا الامام الكاظم عليه السلام
👇

آنه الوالده والگلب مالوم
وهد حيلي مصاب المات مسموم
ـــــــــــــــــــــــــ
أوِن ومن وِنينه الگلب ماهاد
وَنه ابگبري واحس بجروح الاولاد
ياخذني الحنين الأرض بغداد
وتضل روحي عله ابني الكاظم اتحوم
ـــــــــــــــــــــــــ
شني الذنب الجِناه وايعذّبونه
ومن كِثر العذاب انخطف لونه
ابسلاسل وبحديد ايگيِدونه
وبطاموره ظلمه اوليدي مهظوم
ـــــــــــــــــــــــــ
غريب وإلمن الناظر يديره
لا يَمَّه صِديج ولا عشيره
تِمَحَّن لاچن المِحنه الچبيره
أهله ابحالته ماعدهم اعلوم
ـــــــــــــــــــــــــ
أجي المجلس عزائه دوم واحظر
واصيحن آه ياموسى ابن جعفر
على امصابك تَرَه گلبي تِفَطَّر
يامَن مِنِ اعيالك مِتِت محروم
ـــــــــــــــــــــــــ
يبني ابسَجنِتَك شفت المُعانات
لاچن قصِّتَك مابيهه خيمات
ولا بيهه حَرَم راحن سِبِيّات
يوم حسين مثله مايجي يوم
ـــــــــــــــــــــــــ
الجسر مو مثل طف الغاضريه
جَدَّك مِنذِبح فوگ الوِطيَّه
وعگب چَتله مِشت زينب سِبِيَّه
آه ياكربله وياعَملَة الگوم
ـــــــــــــــــــــــــ
✍️ سيد علي الموسوي

بصوت. مسلم المطيري

انه الوالده وبگلب مالوم


كلمات الشاعر
سيد علي الموسوي

بصوت. مسلم المطيري



حال مولاتنا السيده الزهراء صلوات الله عليها بشهادة مولانا الامام موسى بن جعفر عليه السلام

شفيعه الكم ابمحياكم واجَلكم
أحبكم يالتواسوني واجِلكم
أعوفن گبري واتعنّه واجي الكم
او نبدِّل راية الكاظم سويه

أنه اولادي مثل آيه وره آيه
فله ايهمكم حچي العاذل ورايه
ابعيني لو شفت بيرغ ورايه
أون وانحب على اهل الغاضريه


أجي الموسى ابن جعفر واون يَمَّاه
واصيح ابصوت يالمسموم يُمَّاه
على امصابك ابگلبي آه يم آه
وانوح الغربتك صبح ومسيه


الوكت هم ومحن واجروح حَملاك
ومثل زينب يموسى اثجيل حِملاك
وسافه الغرب يتولّون حَملاك
غريبه ياغريب الكاظميه


سيد علي الموسوي