بصوت. مسلم المطيري

اذا ضاگت عليك وماكوا حل الها
اطرق باب ام عباس وسألها


كلمات الشاعر
علي جبار الكعبي

أنسيني يا نار      مالچ مكـان بهالجسد
مالكني الحسين  وابقى انا خادم للابد

""""""""""""""""""""""""""""""""

يا نار منچ أمنت خادم حبيب الزهره
حاضر مجالس ما خفت واللحد يصبح گمره
عنواني بيبان الصحن عاشگلي رايه وحضره
وياك دنيا وآخره  يا بو العمامه الخضره


يا روحي الحسين    صايرلي دين ومعتقد
انسيني  يا    نار   مالچ مكان بهــــالجسد


*

يا موت منك مـــا خفت متغيرت الواني
بساعة قبض روحي وصحت يحسن لا تنساني
اني ألگيتك بالنبض معقوله مــــا تلگاني
ردتك تغسل جثتي وتوكف على دفانــي

بس انته وياي   واعرف عليك المعتمد
انسيني يا نار   مالچ مكان بهــــالجسد


*

البيه ريحة الحضره وعلي يــا نار متمسينه
ما تنجمع رحمه وغضب ما تنعقل فهمينه !!
الينذر حياته من الزغر لاجل الحسين ودينه
عند الله مغفــــــور الذنب لحضات متعذبينه

اني الاحس بيك  بصوت امي وانه اعله المهد
انسيني يا نــار   مالچ مكان بهــــالجسد


*

ماشيلك حسين افتخر من بيتي حد الجنه
خليني اموت ولو متت يم الضريح اتمنه
وياك اريد بعالمك  واقرب حبيبي اتدنه
يمحلي كل هذا العمر حتى الدمع والونه

يا   نور العيون     يلبيه عشگك ما برد
انسيني يا نــار   مالچ مكان بهــــالجسد


*

مرات اشوفك موطني ومــــــرات احسك عيني
ومرات تصبح والدي وحظن امـــــي المدفيني
وضحلي سرك فهمه الي ؟ وين انته بس دليني
كل رحمه نزلت على الارض اقراها هيه حسيني

يـــا كلبك الله لا كره واحد لا حــــقد
انسيني يا نار مالج مكان بهــــالجسد


لخادم الحسين
  رعــــد الفريــــجي
https://t.me/sheia

بصوت. مسلم المطيري

انسيني يانار مالچ مكان بهالجسد


كلمات الشاعر
رعد الفريجي

وحشه اليل نمشي بدون خوان
وبعده من الخيم يتعاله دخان

مشينه وماعرفنه وين ماشين
وحده تكل للــخره وين تردين
هذاك هناك ظل مطروح الحسين
حدر الخــيل مابين المطاعين

ظل بس النحر مذبوح عطشان

ذاك حسين ظل هناك مطروح
بصدره اثار حافر نحره مذبوح
احنه وين رايح بعــــده ونروح
شتفيد البواجي وكثرت النوح

وكلشي من الظمه هليوم ذبلان

ذبلنه العطش شافتنه هل ناس
لا جربه البــقت ونصيح عباس
جفوفه مگطعه ومسلب الطاس
من كثر المصايب شيب الراس

صار الي گبل علــــــبال ماجان

الصار ويانه ابد مايــنوصف دوم
حسين يموت يمنه مسلب هدوم
نفزعه وماكــــدر ويانه ويكوم
اخلافه نضل يتامه وبس للهموم

ونمشي بس حرم من دون وليان

گبل هلــــــــيوم جنه مدلالاته
راح حــــــسين هل تارك بناته
نمشي ويلــــغرب وادم شماته
راح الجان حامــــــــينه بعباته

وجثته مســلبه وبلكاع عريان

ابو سلام الجابري

https://t.me/sheia

بصوت. مسلم المطيري

وحشه الليل نمشي بدون خوان


كلمات الشاعر
ابو سلام الجابري

ابوذيات حسينيه



اجروحي اشما أجمعهن       ولمهن
كبر بيهن هظم  زايد.          ولمهن
اعضاك اموذره اوبيدي.       المهن
او راسك على الرمح عد ال اميه

$$$$$$$$$$$$$$$$$$$$$$$$$

يسردال الحرب. تنهض.     ولوني
ياخويه غيبو. حالي.           ولوني
خويه ارجاس من بعدك.     ولوني
خذوني بالضعن مچتوفه اديه

$$$$$$$$$$$$$$$$$$$$$$$$$

المصايب شدت شدت اعليه.   وهدت
ولايوم  ازلفت    عني.          وهدت
ابسگم روحي ولا حنت.       وهادت
صبر ماضل يالكبر خان بيه

$$$$$$$$$$$$$$$$$$$$$$$$$

نيبان  الغدر  بچلاي     لاچن
اوبني سفيان لا ضلمو   ولاچن
اضل انحب علي الي صار   والچان
من يوم الحسن وابنه الحميه

$$$$$$$$$$$$$$$$$$$$$$$$


الشاعر الشيخ عبدالامير الكعبي
https://t.me/sheia

ابوذيات. بصوت. مسلم المطيري

الشاعر المرحوم الشيخ
عبدالأمير الكعبي

علي الهادي يوصيكم بدمع عينه يناديكم
اكصدو الكبر الحسين
*
الهادي جان يوصي وعيونه حزينه
انه مو مثل الغريب الذابحينه
حسين عاري بكربله ومسلبينه
وصدر جدي بالحوافر ساحكينه

الف مره انكطع نفسه الهوه ما يكدر يحبسه
وحيد يدير بالعين اكصدو الكبر الحسين
**
ضلت بكلبه تشب نار الرزيه
اينادي ما يخلص عذاب الغاضريه
اشلون جدي اتخضب بدم المنيه
وطحنت اعظامه الخيول الاعوجيه

عله الشابع ضمه ينادي جبيره حسرة الهادي
اون خلصت السنين اكصدو الكبر الحسين
*








ايوصي جان الجعفري بهاي الزياره
لان يدري الزاير ينول البشاره
ادعيلي يم الحاير والزم ستاره
حسين جنه وخدمته اعظم تجاره

فلا تنعد كراماته شمس تضوي مناراته
اسولف وابتدي امنين اكصدو الكبر الحسين
***
عله افراش الموت جان مجبلينه
ذكره جده المنذبح وشتد ونينه
اتذكر اشلون المخيم حاركينه
وعلي السجاد اعله ناكه امكيدينه

اختنك بهمومه واهاته ونزل دمعه اعله عماته
تشب بالكلب نارين اكصدو الكبر الحسين
***











الهادي تدري اتكطعت بالسهم جبدته
والامام العسكري جهز دفنته
حسين يا غربه صحت تشبه غربته
عالرمح راسه ويدير بعينه لخته

سلام الله عله اجروحه السهام اشكد خذت روحه
واهل بيته مطاعين اكصدو الكبر الحسين
*
تمت
تحسين الخفاجي

https://t.me/sheia

بصوت. مسلم المطيري

علي الهادي يوصيكم
بدمع عينه. يناديكم
اگصدوا الگبر الحسين


كلمات الشاعر
تحسين الخفاجي

#نعي

لشهادة الامام علي الهادي عليه السلام

وين الذي يطوي البعيده
علريح يعبر بيده بيده
ابگلب يلهب يسبج الريح
لهل الكلايف والشديده

يوگف على حدود المدينه
محروگ گلبة وحمره عينه
للساده حيهم حيهم ايصيح
مسموم هاديكم لگينه

وين اهل بيض ال بلحرايب
وين اهل طالب واهل غالب
اتمدد الهادي وغمظ العين
ومن ذاك سمه الچبد ذايب

حيهم اوين اهل المعالي
المن زودهم كل راس عالي
حاسر اجيت الراس هليوم
چي راسه حاسر علي الهادي

اتعنى للساده ابهل امصاب
ناعي المصيبه ابعتبة الباب
الكلفه عدكم ياال عدنان
باچر الهادي اتشييع الاجناب

امصاب وي حسين ينعاش
ميت الهادي وحدرى الافراش
بدم الجروح اتغسل حسين
وتچفنه ماصح وصلة اقماش

الحسن سد للهادي الاعيون
واعيالة فوگه ابراحه يبچون
وحسين فوگ اجروحه علگاع
مفتوحه عينه وبي يسحگون

غير اليموت اهله يجوله
واجهاز ميت يجهزوله
اكرام اليموت ادفنه العزاز
والگبر اهله اليحفروله

وحسين ثلث ايام عاري
مسلوب وبحر الصحاري
بس الجسد والرس برماح
وي الظعن يمشي ويباري


الشاعر علي الحميداوي
https://t.me/sheia

نعي بصوت. مسلم المطيري

وين الذي يطوي البعيده


كلمات الشاعر
علي الحميداوي

بصوت. مسلم المطيري

يلا ياروحي اطلعي ل هالمصيبة


كلمات الشاعر
مصطفى موعد العيداني

يااباعبدالله
يااباعبدالله
،،،،،،،،،،،،،،،،،،،،،،،،،،،،،،،،،،،،،،
وصلت الخيل الخيمنه وحيرة النسوان حيره
والتهضمك كلها غربه وماكو عــد الغرب غيره
حيل صاحــو علئ زينب زينب بلايــه عشيره
والچبيره تريد حيل حسين شيركض الچبيره
،،
حل اريـــــد اليــــوم منك يبن ابوي
انه اخيتك مو غريبـــه وانته اخوي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منين اجيب الزلـــم بالله والزلم مذبوحـه كلها
والمره تريدلها والي اوالي ماضـــل مــن اهلها
صعبه وي الغربه نمشي حسين كونك تصفنلها
اخ ياعگدت فراگــــــــك شيبتني شلون احلها
،،
صعـــبه نمشي حسين صعبه مچتفات
وينه اوين المهازل احنه نسوه مدللات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نمشي وي ذباح اهلنه وهاي كلش ماهي زينه
وعلي ياديره النطبها عيـــون خلگ الله علينه
والتهضمك كلها تنشد وينه چابو سكينه وينه
مو حنينه الناس ثاري عليك تنشد مـو حنينه
،،
مايفيد النشـد منهم خويــه كلش مايفيد
وغير زينيب لاتصدگ واحد يحبك يحيد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مچتفات انام ونفز خويه مــــن يوم الخذونه
واحد بشتمها امنه اواحــــــــــــد يشتم ببونه
تعبونه حسين خويـــــه وعلي كلش تعبونـــه
فوگ مامذبوحــه اهلنه اعله المهازل يسرونه
،،
زين منـــي وعدلـــــــه يالمذبـــوح زين
انــــــــــــــه لازم موتي گبلك يالحنيــن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
https://t.me/sheia

بصوت. مسلم المطيري

يا ابا عبدالله. يا ابا عبدالله



كلمات الشاعر
مصطفى الصالحي

بصوت. مسلم المطيري

#أبوذيـة

ظيم الشام ماخله         ويهلي
ودمعي المابطل ساعه ويهلي
تمنيت اندفن بالطف    ويهلي
ولاهاي الشماته تحيط بيه

فلاح طالب الماجدي

#اللهم_عجل_لوليك_الفرج






مولاتي زينب عليها السلام

فوك اهمومي هم دنياي ..دارت
الناس اتشوفنه والوجه .. دارت
أهل الشام كلها علي ... دارت
ونه الوحدي وحجر يرمون بيه.

علي سعيد

نعي للسيده زينب عليها السلام 😔💔🥺

كاني بلسان حال مولاتي زينب حين دنت منها الوفاة تنادي وتقوووول.....

تگله

يامن يگل لهلي عليه
يشوفوني شصار بيه
بشام وافتني المنيه

بشام وداني زماني
ولاواحد المنهم اجاني
احاه يدهري الدولباني

دولبني دهري وخان بيه
وبالغرب وداني سبيه
ومحد يحن كلبه عليه

غربه ومابيهم محنه
ولاواحد الظل من اهلنه
واعليه بويه نذب حملنه

طحت انه وسط الشام ياناس
لا يمي ابوي ولا العباس
طكني الدهر طكته ع راس

ع راس دهري حيل طكني
ولا يمي اخوي ولا بقى ابني
طف كربله ياخلگ سلني

سلني مصابك يابن امي
من شفت يومك زاد همي
تمنيت بالطف حاضره امي

تمنيت امي تحضر وياي
وتشوف يومك بعد عيناي
تساعدني وتنوح اعلى بلواي

مامش مثل بلواي بلوه
فكدت ولدهه وفكدت اخوه
فراكم يالاهل كوه

كوه الفراك بكربله صار
كلبي عليكم مشتعل نار
سليت من طبيت للدار

للدار يوم الرحت ليها
طبيتها ولانور بيها
خلافكم مامر واجيها

تمت بعون الله تعالى
بقلمي
#ام احمد البصراويه ✍️

https://t.me/sheia

نعي بصوت. مسلم المطيري

يامن يگل لهلي عليه
يشوفوني شصار بيه


كلمات الشاعرة
ام احمد البصراويه

عام سعيد مملوء، بالأمن والأمان اتمناه
لكم أين ماكنتم جميعا وحفظكم الله
من كل سوء، بحق محمد وآل محمد
(مسلم المطيري) الخميس المصادف
1/1/2026/
11/ رجب 1447هجري