بصوت. مسلم المطيري

يارقيه عمه وين رايحه
الليل هذاموش ليل البارحه

كلمات الشاعر
فلاح طالب الماجدي

معلگ الچربة يمهدي متاني يومك
حيل تعبنه العطش ننطر قدومك

حيل اذاني السهم
ردلي جفي والعلم —- ايه يمهدي ————————

وحدي يم المشرعة بجودي واتاني
يمته تظهر سيدي صاحب زماني
بعده سهمي بعيني يلمهدي واعاني
واشد من ذاك السهم سهمك رماني

معلگ الجربة يمهدي وعيني تربي
وسهم هجرك سيدي صوبلي گلبي

بصدري نيران الخيم
ردلي جفي والعلم — آيه يمهدي
—————————-

تارك بكلبي جرح ثار الوديعة
وثار عندي بكربلة حسين ورضيعة
وثار اطلب والله لجفوفي الگطيعة
وثار عندي للعلم يم الشريعة

غصه ابصدري وجمر لاختي السبية
واشد من ذاك السهم شوغة رقية

ركني بسكينه انهدم
ردلي جفي والعلم — آيه يمهدي
—————————-

انه كل جمعة التمر والله اندعيلك
وجودي يم العلقمي يصرخ دخيلك
يمته انه ورايتي بجمعة نجيلك
جفني ما لحظة غفه الله وكيلك

هشموا راسي بعمد والله يمهدي
عيني راحت والاشد كطعولي زندي

كلشي مني ما سلم
ردلي جفي والعلم — آيه يمهدي
—————————-

عايش البرزخ يمهدي وية الظنون
خاف زينب يم علي وتكشفله المتون
خاف تحضر فاطمة وتسمع بالظعون
شلون لو شاهد محمد زرگة العيون

خاف زينب تنسئل وينه كفيلج
او وين رايح عنج بساعة رحيلج

ابرزخي وعايش الم
ردلي جفي والعلم — آيه يمهدي
—————————-

حتى وانه ابرزخي عايش اذية
شلون اكدر انسه ثارات السبية
عيوني تجادح جمر لِّهسه بية
يمته يلمهدي تردلي الغاضرية

الهسه بعيني صور ذيج اليتامة
حسين مجفي اعله الوجه وبلا عمامة

من الطبر راسه انجسم
ردلي جفي والعلم — آيه يمهدي
—————————-

كوم يلمهدي العجل طول عنائي
وحلف الله بغيرتي صبري وبلائي
إذن لعباس يشركني ابندائي
وخله يحمل رايتي ويحمل لوائي

شيل جفي ونادي يا ربي ظهوري
ونّت العباس جرحتلي شعوري

ربي وابهذا القسم
ردلي جفي والعلم — آيه يمهدي

ابو علي
عبد الحسن القريشي

بصوت. مسلم المطيري

معلگ الجربه يمهدي متاني يومك


كلمات الشاعر
عبدالحسن القريشي

 مقدمة الليلة الاولى
.
.
.

مو شهر نبچي دهر .. اويه الأمام المنتظر
             على مگطوع النحر
                    حسين

***

حسين مـو فتـره وجيـــزه وتــنتـهــي أيـامه
حسين قصه ابلا نهــايه تبتـدي امـن اخيامه
قصه بيهـا السوط شيخ وشـايخ اعله ايتامه
وبيها جسم حسين مرمي امكسرات اعظامه
 
خيلــهم مارحـــمته .. روحه رده سحگته
وساوته صدر ابظهر
حسين

***

امحرم اتلاثيـن يـوم ويـگضي عند الوادم
ونبقه نبچي السنه كلهه احنــه ويه القائم
نبچـي ذاك الذي بجسمه مابقى شي سالم
عالرمـل والرمـل حار وعــلى وجــهه نايم
 
جروحه اذا فوك الألف .. اشيبقه بي من النزف
دمـه عالغبره انتـــثر
حسين

***

نبجي عالعطشان دم ونحزن اعله مصابه
ولهـــذا المهدي لســـه دمـعتــــه سچـــابه
والتكتــــلك بالقــضيه شـــغلــة الســـلابه
البِجـسمه الفيــن طبره شيــبقن من ثيابه
 
امسردات امن النبل .. واللــي سلبـــهن نذل
عاري ضل ابهالاثر
حسين

***

لو خمس تالاف عمر اشـعـيب الله انطانه
نبچي وشما نبچي تبـقى اعيونه عطشانه
عالذي امن العطش شفته امفطره وذبلانه
الـطبگ بينـه كل دقــيقه تــشتـــعل نيرانه
 
التنشف اعيونه دمع .. باللــطم يكسر ضلع
للذي صاير وذر
حسين

***

امن السـنه للسنــه عاشـــر مـو فــقط هالعــشره
نطبـــخ ونلطـــم ونبـچـــي ولبـــو اليــــمه نـقره
حسين بالطف خيل عشره طحـن طحنت صدره
ومن كثــر سحـگ الحوافر تــرس جسـمه الـغبره
 
بجسمه صله اشكم سهم .. بجسمه ويلي شگد الم
فاق الحدود وعبر
حسين
***
حيدر تركي الكربلائي
 ✍️..الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

بصوت. مسلم المطيري

مو شهر نبچي دهر
اويه الامام. المنتظر


كلمات الشاعر
حيدر تركي الكربلائي

الحن الثاني بصوت. مسلم المطيري

مو شهر نبچي دهر
اويه الامام المنتظر


كلمات الشاعر
حيدر تركي الكربلائي

مختــصر تعــب السنين
كون بس يرضى الحنين
اللــهم ارزقنــي حــسن العــاقـــبه
 
***
 
لاتــزل أقـدامي يارب بعــــد اذ هديــتني
ليتــني ربي ارجعوني وماتفــيد اللــيتني
 
جبت عمري بخــدمة حسيـن الذبيح
وخاف جدمي يزل واذا زليت اطيح
هوه بــس وحده اليخليــني استقـام
بصاية الله وصاية المــذبوح اصيح
 
حسيـن اذا ماكــض كفاي
خاف اطيح وصـعبه هاي
اللهـــم ارزقـــني حـــسن الــعاقبه
 
***

حسين اللـــهم اشهــد اول واخــر عشـــگ
الغيره اذا يحترك گلبي كون بالنار احترگ

عــمر جبــته ويــاه اثر يتبع اثر
وعيني كل عاشــور تبچـيله نهر
شلون اتخيل حياتي ابلا حسين
بلا حسين العاشگ يكـتـله القهر
 
عايــش بحــــــالة امــير
لو طردني شــراح اصير
اللهــم ارزقـــني حـــسن العــــاقبه
 
***
 
قابل الــحر قبل بيــه وچــنت تابـع للهوه
الخيمته من احتواني صار عندي محتوه
 
بخيــمة الـــخـــدام مـــن خـــلاني
خيـر مــن الله الحـــبيب انطـــاني
منه اطلب كـون بس وكت الممات
اسمــه كــون اخــر اســم بالساني
 
كون وانا ابچي الخيام
تسلـهـم اعـيوني وتـنام
اللـــهم ارزقــني حســن العــاقبه
 
***
 
ادري درب الخـدمة شائك وادري رايدله صبر
وخاف باخــر امتــحان التـــعـب ذاك ينخــسر
 
يا الـــهــي بجــاه كاروك الرضـــيع
التعب كل هذا التعب خوفي يضيع
والشــريته بغالي كــل هاي السنين
خـــاف برخــص ســعر تاليــها ابيع
 
الما اكو بگلبه حسين
ينحسب صـفر اليدين
اللــهم ارزقـــني حســن الـــعاقبه
 
***
 
حسين معناته الصراط العافه ياربي هلك
والـخدمته قــوي حــيلي ياالــهي اتـوسلك
 
بلــكي ارد بخـدمتي معـروفه
وكون غيره عيني لا متشوفه
حتى مايطفه مصابه البالدليل
وتبـقى تسعر بيه نـار اطفوفه
 
كون لاما اســـتريح
وابقى الطم عالذبيح
اللهــم ارزقنــي حــسن الــعاقـبه

***

جبت عمري ادعي يارب موتي كون بمجلسه
وكــون اخـــر نــفس بيـــه بالـــعزاء اتنفـــسه
 
ارد الاگي الهــشمة صدره الجياد
صدري من اللطم بي صاير سواد
هيه هاي الانتـــظرها مـن زمــان
هاي حسن الـعاقبه البيــا الـسداد
 
الراضي ابو اليمه عليه
الدنيـا كـلها ترضي بيه
اللهــم ارزقــني حــسن الـــعاقبه
*
حيدر تركي الكربلائي.

بصوت. مسلم المطيري

مختصر تعب السنين
كون بس يرضى الحنين


كلمات الشاعر
حيدر تركي الكربلائي

قريب      وصلت ايام العزاء
قريب      ينسمــع هذا النداء

لبيك يا حسين    *    لبيكِ كربلاء
*----------------------*--------------------*

باقي ايام ونلبي ونلبس احرام الســــــواد
نشكر الله بنعمته والعزاء علينــــه عـــــاد
بمجلس حسين المدامع والگلب يعلن حداد
ربي وفقنه لخدمته الخدمة تحتاج السـداد

دموع      تجري وتحدد مصير
دموع      ســـون الخادم اميــر
بدمعة العيون     *    انجدد الوفاء
*----------------------*---------------------*

نواسي للزهره بلطمنه ونخدم الضامي نريد
انتهه عام ونتانـــي يرجـع محـــرم جديـــد
العمر وسنينه كلهه لذتـــــه بذكـــر الشهـيد
اه يحسن ومصابه موعظه واجمـــــل نشيد

وسام      عالگلب دگ الصدور
وسام      يحملــــة بس الغيور
نواسي للبتول    *     بصرخة الولاء
*--------------------*-------------------*

اليلوم بكيفة خله ما عرف معنى الجنـــــون
اليحبّه الباري يحضر يلطم وتجري العيون
فاطمة تسجل الاسامي بالعزه لمـــــن تجون
يالخدم حياكم الله بـــــــأسم ابنهـــه ترددون

اكيد      هذا محضوظ الينـوح
اكيد      بكلبه للضامي جروح
يا كعبة الخلود    *    يا قبلة الاباء
*---------------------*--------------------*

ننتظر يمتــــه يجينـــــه بالعشك زاد الهيـــام
انوسم الصدور بمحرم ونعمه الِيحصل وسام
يرفع الخادم مقامــه ويرتقي بشهر الحـــرام
بدمعة عيونه اليهلهه تطفى نيـــران الخيـام

جروح     بينه للغالــي الحبيب
جروح     نازفه ما اظن تطيب
يبقى للممات  *   دائم العزاء
*---------------------*------------------*

حيــــره لحسين شنقدم والدمع كلش قليـــل
نحسب ايام وقميصه ينشر بأمر الجليـــــــل
ندعي يرزقنه المناحه ربنا ونزيد العويـــــل
الراحه بالحركه يحسهه الينحب لفگد الخليل

شعار      نرفع باسم الحسيـــن
شعار      يبقى صوت المؤمنين
ثابت اليقين     *    تهتف الدماء
*-----------------------*-------------------*

المنجرح كلبه بحبيبه سلوته الون والدمـــوع
مبين المچوي بحرگته يكسر بصدره الضلـوع
لوعة الثكله وألمهــه العاشك الليلـــــة يلــوع
بذكر الحسين ومصابه ينعرف معنى الخشوع

حزين      الخادم لحزن البتــول
حزين      ودمعة للتحت الخيول
بمجلس الغريب     *    يقبل الدعاء
*---------------------*-------------------*


✍بقلم خادم الحسين( ع)
    الشاعر رعد الچريخي

بصوت. مسلم المطيري

قريب. وصلت ايام العزاء


كلمات الشاعر
رعد الچريخي

(شعار الحب)
ولائيه

يـخـيـمـتـنـه الـچــبـــيــره   حسيـن يحسين
يـــجـــامـــع هـالـعـشـيـره   حسيـن يحسين

                                *---------------*---------------*

يـهــالــكـلــمـة الـــوحـيــده     حسين يحسين
الـمـحـب صــارت نـشـيــده     حسين يحسين
فـــقـــط اسـمـك قـصــيـده     حسين يحسين    
شـــعــار انـــحـــب نــعـيـده     حسين يحسين
الـعـــمــــر يــمــك نـــريـــده     حسين يحسين                   

                                  *---------------*---------------*

يَـمـن بـــيـك افـــتـــخــرنـه     حسين يحسين
الـك يــرخـــص عـــمــرنـــه     حسين يحسين
خَـــــدم لـٰـكـن كـــبــــرنــــه     حسين يحسين
مـلـوك الـــدنـــيـــا صــرنـــه     حسين يحسين
يـــبـــو الاكـــبـــر ذخـــرنـــه     حسين يحسين

                                  *---------------*---------------*

يـسـر حـــبــنـــه وهـيـامــه     حسين يحسين
شـــرف هـــاي الـخـــدامــه     حسين يحسين
لـحَــد يــــوم الـقـــيـــامـــه     حسين يحسين
تـــره الــعـــافــك نـــدامـــه     حسين يحسين
ابــــد مـــا يـعـلــه هـــامـــه     حسين يحسين

                                *---------------*---------------*

و حـــگ الـلــه ونـــبـــيــــه     حسين يحسين
تـظـل انــتـــه الـــهـــويــــه     حسين يحسين
أو يــظـل اســمـك قـضـيـه     حسين يحسين
عـــمـــرنــه الـكـم هـــديـــه     حسين يحسين
فـــده لــدمـــعــــة رقـــيـــه     حسين يحسين

                                 *---------------*---------------*

فــخــر بـــس لـلـــغَـــيـــاره     حسين يحسين
يـأجـــمــــل كـــل عـــبـــاره     حسين يحسين
بـــقـــه الـخـــادم شـــعـــاره     حسين يحسين
هـــتـــف لـــيـــلـــه ونـهــاره     حسين يحسين
الـك دمـــعـــــه ايــتــجـــاره     حسين يحسين

                                   *---------------*---------------*

عـلـى الـخـدمـه أنـجـمـعـنـه     حسين يحسين
نــــدگ ويــهــل دمـــعــنــــه     حسين يحسين
ايـخـسـه الــعــنــك مـنـعـنـه     حسين يحسين
عـشـگ هـــذا ابـطــبــعــنــه     حسين يحسين
نـــذكــرك لــــــو ســمــعـنــه     حسين يحسين

                                   *---------------*---------------*

✍خادم الحسين ع
الشاعر رعد الجريخي

بصوت. مسلم المطيري

يخيمتنه الچبيره
حسين يحسين


كلمات الشاعر
رعد الچريخي

ايسمونه خدام حسين وبهل أسم نتباها
           ـ/////////////////ـ

بينه اليلومون اهواي واهل البدع سمونه
گالو خــرافه اتلطمون وبـلا عقل تهمــونه
لكن وحق دم حســــين ما گدرو ايغيرونه
بعين الظلم شوكه انصير وعدانه عجزناها
ايسمونه خدام حسين وبهل أسم نتباها
             ـ//////////////ـ

ابدمــنه العهد وقعنا ما نترك ابن الزهره
موعن طمع حبينا حب خالص وعل فطره
بالشده الحسين ايصير خيمه اعله روس الفقره
لوما وجوده ابهل كون هل نعمه ماشفناها
ايسمونه خدام حسين وبهل أسم نتباها
            ـ/////////////ـ

حسين مو بس محبوب حسين عِبره وعَبره
والرايد العزه ايروح يخـدم اباب الحظره
يتسجل اويه الخدام ياخذ امراده واجره
الخدمه مكروهه اهواي بس خدمته شمحلاها
ايسمونه خدام حسين وبهل أسم نتباها
               ـ/////////////ـ

شيعة علي ومتربين ومنبر حسين انجله
نعرف ابيا درب انسير وحنه العدل نندله
وحسـين علمنه انصيح هيهات من الذله
وبكل مجالس عاشور هل كلمه رددناها
ايسمونه خدام حسين وبهل أسم نتباها
          ـ////////////////ـ

حســـــين قبله وقرآن ومنور المعموره
ننصـبله مأتم كل عام لمن يهل عاشـوره
كلشي عدم عدنه ايصير لوماوجوده ونوره
ضحينه من اجله ارواح والدنيه طلگناها
ايسمونه خدام حسين وبهل أسم نتباها
          ـ//////////////////ـ


    الخادم
كامل السعيدي
      

بصوت. مسلم المطيري

ايسمونه خدام حسين
وبهل الاسم نتباها



كلمات الشاعر
كامل السعيدي

اتحزم ابراية علي وطب عالنهر
وصار يومه اعله اليضدونه شهر
مو بسيفه ماتو امن اخياله
،،،،،،،،،،،،،،،،،،،،،،،
نزل بيهه وطب عليهه
يومه چنه القارعه
عنده غايه وبيده رايه وهوس اعله المشرعه
سيفه بيده ابن الصميده هذا طيب مرضعه
السمع صوته گرب موته والعذر ماينفعه
الركض ميت والوگف ياحاله
مو بسيفه ماتو امن اخياله
،،،،،،،. ،،،،،،،،،،،،،،

زوده بالطف ما توصف والغضب بعيونه
چفي حلهه وآنه الهه يگول وايسمعونه
جيش شارد واكو اللابد وفنهم ايلاگونه
ركضاهه وشد وراهه وصوبه مايدنونه

ميت الي جابه حضه گباله
مو بسيفه ماتو امن اخياله
،،،،،،،،،،،،،،،،،،،،،،،،،،،،،،،،،،،،،
چنه حيدر ليث هزبر والعذاب اجفوفه
سيف باشط من يزامط وصلاهه الكوفه
روس طارت لمن لاگت يمنته المعروفه
الموت عنده من يگصده الگوم كل ملهوفه
صطرته لهل الغدر چتاله
مو بسيفه ماتو امن اخياله
،،،،،،،،،،،،،،،،،،،،،،،،،،،،،،،

لمن يمشي مات كلشي الخيل والمشايه
چنه يقره ومن يفسره سيفه بالطف آيه
بالشريعه حل فجيعه وتعب الرمايه
دخيل صاحت كلهه طاحت طبهه راعي الرايه
وهمه يوصل ماي يروي عياله
مو بسيفه ماتو امن اخياله
،،،،،،،،،،،،،،،،،،،،،،،،،،،،،،

عنهه مارد عبرت الحد للنجف وداهه
الزلم قله وسيفه سله موت بيه راواهه
حرگه عنده ومن يردهه المشرعه چواهه
سهم عينه وچف يمينه لجل اخوه انطاهه
مات بس ضلت لهسه افعاله
مو بسيفه ماتو امن اخياله
،،،،،،،،،،،،،،،،،،
خادم اهل البيت / علي الزركاني

بصوت. مسلم المطيري

تحزم براية علي وطب عالنهر


كلمات الشاعر
علي الزرگاني

يحسين يااجمل عشگ .. عايش وسط دلالي
غالي وزرعتـك بالگلب .. ماعندي غيرك غالي
          يا نور العيون ،،،، بيك آنه مجنون
                   عايش وسط دلالي
////////////
يالعليك اتعوَدت .. غير دربك ماردت
خلاني مهيوب
يالنجاتي ابخدمتك.. روحي تعشگ گبتك
يااغله محبوب
من چهبتك من ضريحك عنبـرك فاح
اوياك مهيوب ابخدمتي وحيل مرتاح
اي وحق راعـي الكفاله العل نهر طاح
من غــدر عذالي املك حبـك اســلاح


صرت آنه خادم منبرك … ونته المْبـارك بيه
والزهره تلطم عالوجه … من ابدي بالطميه
       ماحبك اشلون ،،، بيك آنه مجنون
                 عايش وسط دلالي
©©©©©

اهلال شهر المعظله.. بالسواد استقبله..
اوصينية اشموع
وبسم أهل بيت النبي.. ابدي انصب موكبي..
ومحظر ادموع
احــــترگ مثل الخيـام ابنار فرگاك
وتترس الدنيــه دمعتي لمـن انعاك
ألچــم كل ما اگــولن ما حظـــرناك
يوم عاشـر سيدي كون احنه وياك

ياليتنا ابطف كربله .. گبلك نطب للحومه
واحدنه عابس بالحرب.. لجلك يشگ اهدومه
بالدم يضحون .. بيك آنه مجنون
        عايش وسط دلالي
©©©©©

خاف ماعيش السنه .. اتعود اخدم انه .. لبن الزچيه
بالگبر خاف انحرم .. ماكو زنجيل ولطم.. وشلون بيه

ربي احلفك ابحبيـب ودمـــع عابس
تجــعلنه ابعــــالم البـرزخ مجـــالس
حبنه الك يحسـين صار ابلا منافس
كلشي من دونك يصير ابغير واهس


من مخلصينك سـيدي …. سجلني ورحم حالي
ارزقني حسن العاقبه …. يالقــاري كل اعـمالي
         وبنيتي تدرون … بيك آنه مجنون
                 عايش وسط دلالي

©©©©©
بحتظاري وموتتي … وحتى لحظة دفنتي … تحظرني ادريك
ابثقت حُبنه انكلمك … حاشه تترك خادمك … من يرتبط بيك
ولأن ادري ابمجلسك تحضر الزهـره
كون امــوتن وآني فوگ المنــبر اقره
بلكــي تبچيلــي ولو يحســــين قطره
حتى افوزن والسراط ابلحظه اعبره


وشگبر بخته الينقبل …. ونته التصدق اعماله
بالجنه توگف فاطمه …. وتهـــيء استــــقباله
      كل هذا مضمون … بيك آنه مجنون
                 عايش وسط دلالي
©©©©©

العاش مخلص من صدگ ... ثوبه ابد ما يلثگ ... ويعيش سلطان
يالتحت ضِل خيمتك… ابفخر عاشت شيعتك … صرتلها عنوان
يا اعْذيبـي وكل وكت تستـــورحه الناس
اهـواي بالمجلس نسيــمك طيـب انفاس
اوياك اسولف سيدي ابكل رِقّه وحساس
المنتمــــيلك گَضّــه عمــره رافــع الراس


يا رحمة الله الواسعه ….. يالمكتفين ابخيرك
يالغرگتنه ابنعمتك ….. ماعدنه صاحب غيرك
يالتارس الكون … بيك آنه مجنون
عايش وسط دلالي
©©©©©

    الخادم
كامل السعيدي

بصوت. مسلم المطيري

يحسين يا اجمل عشگ


كلمات الشاعر
كامل السعيدي

لا تگلولي وداع اخذوني ویاکم
لا تعوفوني اذوب ابهم بلیّاکم

طفله ما اَحمل قهر
ویني و وین السهر

لا تگلولي وداع اخذوني ویّاکم2
           
                                         *
طفله و بعیني الأمل یبعث سلامي
وینتظرکم گلبي یبقی و هْوَ ضامي
شلون ترضون ابقي وحدي ابلا محامي
لا تعوفوني یجف دهري ابتسامي

تطفه بسمة روحي والله لو تعوفوني
شمعه آني و النواصب راح ایطفّوني

راح ایذوّبني الدهر
ویني و وین السهر

لا تگلولي وداع اخذوني ویاکم 2

                                        *
بویه شو عبدالله نحره ایشع شهاده
و شو رقیه اتبث سبي عدهه الگلاده
اشمحله من تفرش الک بویه السیاده
اْوْیاک تعرج للسمه ابحین العباده

بویه شو حتی بچفوفک صرت اشم  یُتمي
حین تمسح راسي چانت تبچي دم امّي

خایفه ایطول السّفر
ویني و وین السهر

لا تگلولي وداع اخذوني ویاکم 2

                                      *
بویه ضمني الصدرک الینضح حمیه
من عطر صدرک اشم عطر الزچیه
بویه خذني ویاک لرض الغاضریه
راح اشتاق العطر شیلة رقیه


عیني متروسه غلق و بگلبي ساعوره
خایفه اتگلي ابوچ ایلاگي عاشوره

خایفه ایغیب الگمر
ویني و وین السهر

لا تگلولي وداع اخذوني ویاکم 2

                                      *

چنت اذا چف الحزن یبضع جروحي
جربة العباس اشمها و تروه روحي
واعلی شیلة عمتي زینب انسی نوحي
و هیه تمسح دمعتي و بذاني توحي

عمه دمعة ناظرچ یصعب علَيْ قطره
لن تذکرني ابدمع خد امّيِ الزهره

وبضلعها الّي انکسر
ویني و وین السهر

لا تگلولي وداع اخذوني ویاکم 2

                                        *

بویه عصره ابگلبي تشبه عصرة الباب
راح یشب باب الگلب من نار الغیاب
لا تعوفوني وحیده ابّین الذیاب
راح یذبل گلبي والله ابجمر العتاب

بویه راح ابقی بهجرکم اعلگ اشموعي
دمعة اشموعي تون من ونة ادموعي

اسکب ادموم النظر
ویني و وین السهر

لا تگلولي وداع اخذوني ویاکم2
          
                                        *
خادم خدمةالحسین ع
ناصرآلبوعبید.

بصوت. مسلم المطيري

لا تگلولي وداع اخذوني وياكم


كلمات الشاعر
ناصر البو عبيد

اجن بليل وبنيات الحســــــــين
يدورن والدمع مافارك العيــــن

اجن بلــــــــــيل ويدورن وليهن
وحبالي الــــــسبي تاكل بديهن
يدرن راح مايرجع علــــــــــيهن

وباجر بــــــــسبي يطبن دواوين

اجــــن ودموعهن تاكل بلجفون
يشــــكن عد ابوهن من العيون
بنظرات الشمــاته الكل يصدون

سكته ونوحهن وبطــرك الونين

اجن سكته بونين وكعدن حذاه
وكلله يبويه المــــــــــــاي جبناه
بس راسك سليــــــب وين نلكاه

تدري نظل بعد عينــك مساكين

اجن وجدامهن بيهــن جمر حار
وكالن هل وصلنه وجبنه الخبار
لا ظلت خــــــــــيم لامن بعد دار

وحنه اليوم حرنه بهــــل ميداين

حرنه خلاف عيــــنك بين الجناب
ومدلل بناته توســــــــــــــد تراب
من بعــــدك يويه وهل عمر غاب

ونگظــــــيهن دمع ياباقي السنين


ابو سلام